#MSone Release - 2871

For Your Eyes Only (1981)
ഫോർ യുവർ ഐസ് ഒൺലി (1981)

ഭാഷ : ഇംഗ്ലീഷ്
സംവിധാനം : John Glen
പരിഭാഷ : പ്രശോഭ് പി.സി.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 6.7/10

ജയിംസ് ബോണ്ട് പരമ്പരയിലെ പന്ത്രണ്ടാമത് സിനിമയാണ് ഫോർ യുവർ ഐസ് ഒൺലി. റോജർ മൂർ ബോണ്ട് ആയി എത്തിയ അഞ്ചാമത് ചിത്രം. ഗ്രീസ്, ഇറ്റലി, ഇംഗ്ലണ്ട്, ബഹാമസ് എന്നിവിടങ്ങളിൽ ഷൂട്ട് ചെയ്ത ചിത്രം, മികച്ച ആക്ഷൻ രംഗങ്ങളാൽ സമ്പന്നമാണ്. കാർ ചേസിങ്ങും സാഹസികതയുമെല്ലാം ഉൾക്കൊള്ളിച്ച് പതിവ് ബോണ്ട് ചേരുവകളെല്ലാം ചിത്രത്തിലുണ്ട്.
അന്തർവാഹിനികളിലെ മിസൈലുകളെ നിയന്ത്രിക്കുന്ന ATAC എന്ന ഉപകരണവുമായി ഒരു കപ്പൽ കാണാതാകുന്നു. സംഭവത്തിനു പിന്നിൽ അട്ടിമറി സംശയിക്കുന്ന ബ്രിട്ടീഷ് ഗവൺമെൻ്റ് അന്വേഷണത്തിന് ജയിംസ് ബോണ്ടിനെ നിയോഗിക്കുന്നു. കപ്പൽ കാണാതായതുമായി ബന്ധമുണ്ടെന്ന് MI 6 സംശയിക്കുന്ന ക്യൂബൻ ക്രിമിനൽ ഹെക്ടർ ഗോൺസാലസ് മാത്രമാണ് ബോണ്ടിനു മുമ്പിലുള്ള ഏക തുമ്പ്. ഇയാളെ പിന്തുടർന്ന് അന്വേഷണമാരംഭിക്കുന്ന ബോണ്ട് കണ്ടെത്തുന്നത് അന്താരാഷ്ട്ര ബന്ധങ്ങളുള്ള ഗൂഢാലോചനയാണ്.

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ജയിംസ് ബോണ്ട് മൂവി ഫെസ്റ്റ്

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

#MSone Release - 2872

Hear Me (2009)
ഹിയർ മീ (2009)

ഭാഷ : മാൻഡറിൻ
സംവിധാനം : Fen-fen Cheng
പരിഭാഷ : സജിത്ത് ടി. എസ്
പോസ്റ്റർ : നിഖിൽ ഇ കൈതേരി
ജോണർ : ഡ്രാമ, റൊമാൻസ്

IMDb ⭐️ 7.5/10

Eddie Peng, Ivy Chen, Michelle Chen എന്നിവരെ കേന്ദ്ര കഥാപാത്രങ്ങളാക്കി 2009 ൽ Cheng Fen-Fen ന്റെ സംവിധാനത്തിൽ പുറത്തിറങ്ങിയ ഒരു Romantic-Comedy ചിത്രമാണ് ഹിയർ മീ.

Taiwanese ചരിത്രത്തിലെ തന്നെ ഏറ്റവും മികച്ച Romance movie കളിൽ ഒന്നായി കണക്കാക്കുന്ന ചിത്രം കൂടിയാണിത്.

സഹോദരിമാരായ Xiao Peng ഉം Yang Yang ഉം ചെറുപ്പക്കാരികളും സുന്ദരികളുമാണ്.
എന്നാൽ ഇരുവർക്കും സംസാരിക്കാനോ കേൾക്കാനോ കഴിയില്ല.
Deaflympics ൽ Swimming ന് പങ്കെടുക്കാനുള്ള തീവ്ര പരിശീലനത്തിലാണ് ചേച്ചി Xiao Peng.
അനിയത്തി Yang Yang Street Performance ചെയ്ത് രണ്ട് പേർക്കും ജീവിക്കാനുള്ള പണം സമ്പാദിക്കുന്നു.
Restaurant ഉടമസ്ഥന്റെ മകനായ Tian Kuo ഫുഡ് ഡെലിവറിയ്ക്ക് പോകുമ്പോഴാണ് രണ്ടുപേരെയും യാദൃശ്ചികമായി കാണുന്നത്.
കണ്ട മാത്രയിൽ തന്നെ Tian Kuo വിന് Yang Yang നെ ഇഷ്ടമായി.

തുടർന്ന് അവർ തമ്മിൽ സൗഹൃദത്തിലാവുകയും അവരുടെ ഇണക്കങ്ങളും പിണക്കങ്ങളും തമാശകളും പറഞ്ഞു പോകുന്ന ഒരു സിനിമയാണ് ഹിയർ മീ.

സിനിമയുടെ ഭൂരിഭാഗവും Sign language ആണ് ഉപയോഗിച്ചിരിക്കുന്നത്. കേൾവി കുറവുള്ളവരുടെ ജീവിതത്തിന്റെ ഒരു നേർ കാഴ്ച കൂടിയാണ് ഈ സിനിമ.

ഈ സിനിമയിലെ പ്രകടനത്തിലൂടെ 12-ാമത് Taipei Film Awrads ലെ മികച്ച നായികയ്ക്കുള്ള Award, Ivy Chen നേടി.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #Romance

#MSone Release - 2873

Spirit: The Beginning of Fear (2020)
സ്പിരിറ്റ്: ദ ബിഗിനിങ് ഓഫ് ഫിയർ (2020)

ഭാഷ: കൊറിയൻ
സംവിധാനം : Seong-ho Yoon
പരിഭാഷ: അനൂപ് അനു
പോസ്റ്റർ : പ്രവീൺ അടൂർ
ജോണർ : ഹൊറർ

IMDb ⭐️4.0/10

2020 ൽ പുറത്തിറങ്ങിയ കൊറിയൻ ഹൊറർ, മിസ്റ്ററി ചിത്രമാണ് “സ്പിരിറ്റ്: ദ ബിഗിനിങ് ഓഫ് ഫിയർ.”

ഒരു ആളൊഴിഞ്ഞ വീട്ടിൽ നടക്കുന്ന അനിഷ്ട സംഭവങ്ങളും ആത്മാക്കളേയും പതിവായി സ്വപ്നം കാണാറുണ്ട് ചിത്രത്തിലെ നായിക. ആ വീട്ടിൽ ഇതുവരെ ആറ് കൊലപാതകങ്ങൾ നടന്നതായി അവൾ സ്വപ്നം കണ്ടിട്ടുണ്ട്. ഒരു ദിവസം അവളുടെ ഭർത്താവ് അവൾ സ്വപ്നത്തിൽ കണ്ട വീടിനെ കുറിച്ച് പറയുകയും ആ വീട് താൻ വാങ്ങാൻ പോകുകയാണെന്നും പറയുന്നു. പിന്നീട് ആ വീട് വാങ്ങാൻ പോയ ഭർത്താവ് മടങ്ങി വരാതാവുന്നതോടെ അവൾ പേടിക്കാൻ തുടങ്ങുന്നു. തുടർന്നുള്ള സംഭവ വികാസങ്ങളാണ് ചിത്രത്തിലുള്ളത്.

വളരെ പതിയെ നീങ്ങുന്ന സിനിമയാണെങ്കിലും ഹൊറർ സിനിമകളിൽ പുതുമ ഇഷ്ടപ്പെടുന്നവർക്ക് കാണാൻ പറ്റിയ സിനിമയാണ് “സ്പിരിറ്റ്: ദ ബിഗിനിങ് ഓഫ് ഫിയർ.”

അഭിപ്രായങ്ങൾ പങ്കുവെക്കാൻ

Categories : #Horror #Korean

#MSone Release - 2874

Sanak (2021)
സനക് (2021)

ഭാഷ : ഹിന്ദി
സംവിധാനം : Kanishk Varma
പരിഭാഷ : അരവിന്ദ് വി ചെറുവല്ലൂർ
പോസ്റ്റർ : നിഖിൽ ഇ കൈതേരി
ജോണർ : ആക്ഷൻ, ത്രില്ലർ

IMDb ⭐️ 7.0/10

കനിഷ്ക് വർമ്മയുടെ സംവിധാനത്തിൽ വിദ്യുത് ജംവല്‍ നായകനാക്കി 2021-ൽ ഹിന്ദിയിൽ പുറത്തിറങ്ങിയ മുഴുനീള ആക്ഷൻ ത്രില്ലെർ ആണ് “സനക്“.

അജയ് പാൽ സിംഗ് എന്ന ആയുധ കച്ചവടക്കാരനെ ഹോസ്പിറ്റലിൽ നിന്ന് രക്ഷിക്കാനായി ഒരു കൂട്ടം ഗുണ്ടാസംഘങ്ങൾ ഹോസ്പിറ്റൽ പിടിച്ചെടുക്കുന്നു. അവിടുന്ന് വിവാൻ (വിദ്യുത് ജംവല്‍) അവരുടെ പിടിയിലകപ്പെടാതെ രക്ഷപെടുകയും, പിന്നീട് അവർക്കെതിരെ ഒറ്റയാൾ പോരാട്ടം നടത്തുന്നതുമാണ് നമുക്ക് കാണാൻ കഴിയുന്നത്.

ചിത്രത്തിൽ കണ്ണഞ്ചിപ്പിക്കുന്ന ആക്ഷൻ സീക്വൻസാണ് ഏറ്റവും കാഴ്ച്ചവെച്ചിട്ടുള്ളത്. ചിത്രത്തിന്റെ മേക്കിങും ആക്ഷൻ കൊറിയോഗ്രഫിയും എടുത്തു പറയേണ്ടതാണ്. വിദ്യുത് ജംവല്‍ ആക്ഷൻ മികച്ച ആക്ഷൻ രംഗങ്ങളാണ് കാഴ്ചവെച്ചിരിക്കുന്നത്. കൂടാതെ വില്ലനായി വേഷമിട്ടയാളും ഭംഗിയായി ചെയ്തു വെച്ചിരിക്കുന്നു. ആക്ഷൻ ചിത്രങ്ങൾ കാണാൻ ഇഷ്ടപ്പെടുന്നവർക്ക് തീർച്ചയായും കാണാവുന്ന ചിത്രമാണ് “സനക്“.

അഭിപ്രായങ്ങൾ പങ്കുവെക്കാൻ

Categories : #Action #Hindi #Thriller

#MSone Release - 2875

My Romantic Some Recipe (2016)
മൈ റൊമാന്റിക് സം റെസിപ്പി (2016)

ഭാഷ: കൊറിയൻ
നിർമാണം : Naver TV Cast
പരിഭാഷ: സജിത്ത് ടി. എസ്
പോസ്റ്റർ : പ്രവീൺ അടൂർ
ജോണർ : കോമഡി, റൊമാൻസ്

IMDb ⭐️7.9/10

പ്രമുഖ K-Pop band, Astro യുടെ താരവും കൊറിയയിൽ ഒരുപാട് ഫാൻസുമുള്ള Cha Eun. Woo വിനെ കേന്ദ്ര കഥാപാത്രമാക്കിക്കൊണ്ട് 2016 ൽ പുറത്തിറങ്ങിയ ഒരു Romantic-Comedy-Fantasy Mini Series ആണ് മൈ റൊമാന്റിക് സം റെസിപ്പി

ജീവിതത്തിൽ ഇന്നേവരെ പ്രണയിച്ചിട്ടില്ലാത്ത An Mi Nyeo എന്ന പെൺകുട്ടിക്ക് താൻ part time ആയി ജോലി ചെയ്യുന്ന കടയിൽ സ്ഥിരം customer ആയ ഒരുത്തനെ ഇഷ്ടമാണ്.

എല്ലാ ദിവസത്തേയും പോലെ അന്നും അവനെ വീഴ്ത്താനുള്ള അവളുടെ പദ്ധതി പാളി പോയി.
രാത്രി വെള്ളമടിച്ച് വീട്ടിലേക്ക് പോകുന്ന വഴി കടയുടെ മുമ്പിലുള്ള Cha Eun Woo വിന്റെ Cut out ഉം എടുത്തുകൊണ്ട് പോകുകയാണ്.

രാവിലെ എണീക്കുമ്പോൾ അവളുടെ വീട്ടിൽ Cha Eun Woo!

Cha Eun Woo എങ്ങനെ അവളുടെ വീട്ടിൽ?

ഭക്ഷണത്തിന്റെയും പ്രണയത്തിന്റെയും കഥ പറഞ്ഞു പോകുന്ന 6 Episode മാത്രമുള്ള ഒരു കുഞ്ഞു Series ആണ് മൈ റൊമാന്റിക് സം റെസിപ്പി

അഭിപ്രായങ്ങൾ പങ്കുവെക്കാൻ

Categories : #Comedy #Korean #Romance #Web_Series

#MSone Release - 2876

Romance (1999)
റൊമാൻസ് (1999)

ഭാഷ : ഫ്രഞ്ച്
സംവിധാനം : Catherine Breillat
പരിഭാഷ & പോസ്റ്റർ : അഷ്‌കർ ഹൈദർ
ജോണർ : ഡ്രാമ, റൊമാൻസ്

IMDb ⭐️5.3/10

കാതറിൻ ബ്രില്ലറ്റ് എഴുതി, സംവിധാനം ചെയ്ത എറോട്ടിക് ഡ്രാമ വിഭാഗത്തിൽ വരുന്ന ഫ്രഞ്ച് സിനിമയാണ് റൊമാൻസ്.

അമിതമായ ലൈംഗിക ആസക്തിയുള്ള യുവതി, അവളുമായി ലൈംഗിക ബന്ധത്തിൽ ഏർപ്പെടാൻ താൽപ്പര്യമില്ലാത്ത കാമുകന്റെ അവഗണനയിൽ മനംനൊന്ത് ലൈംഗികതയുടെ പല തലങ്ങൾ തേടിപോകുന്നതാണ് സിനിമയുടെ ഇതിവൃത്തം.

മുഖ്യ കഥാപാത്രവും നായികയുമായ മേരിയിലൂടെയാണ് സിനിമയുടെ കഥ പറയുന്നത്. മേരി ഒരു സ്കൂൾ ടീച്ചറാണ്.
അവളുടെ കാമുകനായ പോൾ ഒരു മോഡലാണ്. പോളിനെ അഗാധമായി പ്രണയിക്കുന്ന മേരി, പ്രണയവും ലൈംഗികതയും അവനിൽ നിന്നും കൂടുതലായി ആഗ്രഹിച്ചിരുന്നു. പൊതുവെ അന്തർമുഖനായ പോളിൽ നിന്നും അവൾക്കത് ലഭിക്കാതെ വരുകയും അതിനായുള്ള ശ്രമങ്ങളെല്ലാം വിഫലമാകുകയും ചെയ്തതോടെ മേരി മാനസികമായി തകരുന്നു. അതിൽനിന്നും മുക്തി നേടാൻ, ഒരിക്കൽ ബാറിൽ വച്ച് പരിചയപ്പെട്ട പൗലോയുമായി അവൾ ബന്ധം സ്ഥാപിക്കുന്നു. പോളിനോടുള്ള പ്രണയം ആത്മാർത്ഥമായത് കൊണ്ടാകാം, അവളെ ലൈംഗികപരമായി തൃപ്തിപ്പെടുത്തിയിട്ടും പൌലോയുമായുള്ള ബന്ധം തുടരാൻ അവൾക്ക് കഴിയുന്നില്ല. പിന്നീടൊരിക്കൽ ആകസ്മികമായി അവളുടെ കൂടെ ജോലി നോക്കുന്ന റോബർട്ടിന്റെ കൂടെ അദ്ദേഹത്തിന്റെ വീട്ടിൽ വരുകയും. മധ്യവയസ്കനും സർവ്വോപരി ഒരു കാസനോവയും ആയ റോബർട്ടിനെ പറ്റി കൂടുതൽ മനസ്സിലാക്കുന്ന മേരി അയാളുമായി അടുക്കുന്നു. പിന്നീട് അവളുടെ ജീവിതത്തിൽ എന്തൊക്കെ നടക്കും? ശേഷം സ്‌ക്രീനിൽ…..

റൊമാൻസ് X സും പതിവ് കാതറിൻ ബ്രില്ലറ്റ് സിനിമകളിൽ നിന്നും വിഭിന്നമല്ല. ഇവിടെയും പ്രതിപാദിക്കുന്നത് സ്ത്രീയുടെ
വിചാര വികാരങ്ങളൊക്കെ പറ്റിയാണ്. പതിഞ്ഞ താളത്തിലുള്ള കഥ പറച്ചിലും
ലൈംഗികതയും ട്രേഡ് മാർക്ക് ആയിട്ടുള്ള കാതീറിൻ ബ്രില്ലറ്റ് സിനിമകൾ എന്നും ഫെസ്റ്റിവലുകളിൽ ശ്രദ്ധിക്കപ്പെടാറുണ്ട്.
ഈയൊരു ഗണത്തിൽപ്പെടുന്ന റൊമാൻസ് X ൽ, എടുത്തിട്ടുള്ള സെക്സ് രംഗങ്ങളെല്ലാം റിയലായത് കൊണ്ട് ധാരാളം വിവാദങ്ങളിൽ അകപ്പെട്ടിട്ടുണ്ട്. ആയതിനാൽ കുട്ടികളും പ്രായപൂർത്തി ആകാത്തവരും കാണാതിരിക്കുക.

അഭിപ്രായങ്ങൾ പങ്കുവെക്കാൻ

Categories : #Drama #French #Romance

#MSone Release - 2877

Quantum of Solace (2008)
ക്വാണ്ടം ഓഫ് സൊളാസ് (2008)

ഭാഷ : ഇംഗ്ലീഷ്
സംവിധാനം : Marc Forster
പരിഭാഷ : മാജിത് നാസർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 6.6/10

ജെയിംസ് ബോണ്ട്‌ പരമ്പരയിലെ ഇരുപത്തിരണ്ടാമത്തെയും, ഡാനിയേൽ ക്രേഗ് ബോണ്ട്‌ സീരീസിലെ രണ്ടാമത്തെ ചിത്രവുമാണ് ജെയിംസ് ബോണ്ട്‌: ക്വാണ്ടം ഓഫ് സൊളാസ്.

മുൻ ബോണ്ട്‌ ചിത്രമായ കസീനോ റൊയാലിന്റെ തുടർച്ചയായാണ് ഈ ചിത്രം ഒരുക്കിയിരിക്കുന്നത്.

കാമുകിയായ വെസ്പറിന്റെ മരണത്തിന് പ്രതികാരം ചെയ്യാനായി പുറപ്പെടുന്ന ബോണ്ടിന്റേയും, തന്റെ മാതാപിതാക്കളെ കൊല ചെയ്തവനോടുള്ള പ്രതികാരം മാത്രം ലക്ഷ്യമാക്കി ഇറങ്ങിത്തിരിച്ച കാമിയെന്ന ചാരസുന്ദരിയുടേയും വഴികൾ ചെന്നവസാനിക്കുന്നത് ഡൊമിനിക് ഗ്രീൻ എന്ന കോടീശ്വരനിലാണ്. എന്നാൽ അതൊരു അന്ത്യമല്ല, തുടക്കം മാത്രമായിരുന്നെന്ന് തിരിച്ചറിയുന്ന ബോണ്ട്‌, ഗ്രീനിന്റെ ഗൂഢലക്ഷ്യങ്ങൾക്കെതിരെ പോരാടുകയാണ്. ആ പോരാട്ടത്തിന്റെ കഥയാണ് ക്വാണ്ടം ഓഫ് സൊളാസ് പറയുന്നത്.

ഡാനിയേൽ ക്രേഗ് ബോണ്ട്‌ സീരീസിലെ മൂന്നാമത്തെ ചിത്രമായ സ്കൈഫാൾ 2012ൽ പുറത്തിറങ്ങുകയുണ്ടായി.

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ജയിംസ് ബോണ്ട് മൂവി ഫെസ്റ്റ്

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

Money Heist: Season 5
Volume 2

കാത്തിരിക്കുക. 💥

നമ്മുടെ എംസോണിൽ മലയാളത്തിൽ ആസ്വദിക്കാം...

#MSone Release – 2780

Barbaroslar: Akdeniz’in Kilici: Season 01 (2021) ബാർബറോസ്ലർ: അക്ദെനിസിൻ കിലിജി: സീസൺ 01 (2021)

സീസൺ 01 - ബോലും 10

ഭാഷ : ടർക്കിഷ്
നിർമാണം : ES Film
പരിഭാഷ : ഷിഹാസ് പരുത്തിവിള, ഐക്കെ വാസിൽ & റിയാസ് പുളിക്കൽ
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, ഡ്രാമ, വാർ

IMDb ⭐️ 9.2/10

പതിനാറാം നൂറ്റാണ്ടിന്റെ മധ്യത്തിൽ മെഡിറ്ററേനിയൻ ഉൾക്കടലിനെ കിടുകിടാ വിറപ്പിച്ച, “മെഡിറ്ററേനിയന്റെ വാൾ” എന്നറിയപ്പെട്ട “ബാർബറോസാ” സഹോദരന്മാരുടെ ഐതിഹാസിക ചരിത്രം പറയുന്ന ടർക്കിഷ് സീരീസാണ് “ബാർബറോസ്ലാർ: അക്ദെനിസിൻ കിലിജി” അഥവാ ബാർബറോസമാർ : മെഡിറ്ററേനിയന്റെ വാൾ. സിംഹങ്ങൾ കഥ പറഞ്ഞു തുടങ്ങുന്നത് വരെയേ വേട്ടക്കാർ നായകന്മാരായിരിക്കുകയുള്ളൂ. ഇവിടെ യൂറോപ്പിലെ അധിനിവേശ സാമ്രാജ്യങ്ങൾ ഒന്നടങ്കം മെഡിറ്ററേനിയനിലെ കടൽ കൊള്ളക്കാരൻ എന്ന് വിളിച്ചു ആക്ഷേപിച്ച ഹൈറെദ്ദിൻ ഖിസിർ ബാർബറോസ, സ്‌പെയിൻ അധിനിവേശ സാമ്രാജ്യത്തിന്റെ അതിശക്തമായ നാവിക സേനയ്ക്കെതിരെ ഒറ്റയ്ക്ക് പോരാടി അൾജീരിയയെ സ്പെയ്നിൽ നിന്നും മോചിപ്പിച്ചു അൾജീരിയയുടെ സുൽത്താനായി മാറിയ ഒറുച് ബാർബറോസ എന്നീ സിംഹങ്ങൾ അവരുടെ കഥ പറഞ്ഞു തുടങ്ങുകയാണ്. നായകന്മാർ എന്ന് അഹങ്കരിച്ച പലരും ഇനി വില്ലന്മാരായി മാറും. ഓട്ടോമൻ സുൽത്താൻ സുലൈമാൻ ദി മാഗ്നിഫിഷ്യന്റിന് എന്തിനായിരുന്നു പല സാമ്രാജ്യങ്ങളും കടൽക്കൊള്ളക്കാരൻ എന്ന് ആക്ഷേപിച്ച ഖിസിർ ബാർബറോസയെ തന്റെ സാമ്രാജ്യത്തിന്റെ നാവികസേനാ തലവനാക്കി ഹൈറെദ്ദിൻ എന്ന സ്ഥാനപ്പേര് നൽകി ആദരിച്ചത് എന്നുള്ളതിന്റെയൊക്കെ ഉത്തരം ഈ വീരോചിതമായ ഇതിഹാസ കാവ്യം പറയും. എർതൂറുൽ ഗാസിയായി ലോകമെമ്പാടും ആരാധകരെ സൃഷ്ടിച്ച എങ്കിൻ അൽത്താൻ ദുസിയത്താൻ, ഒറൂച്ച് റയീസ് ബാർബറോസയായി തിരിച്ചു വരുമ്പോൾ ദിറിലിഷ് എർതൂറുൽ എന്ന സൂപ്പർഹിറ്റ് സീരീസിന്റെ ലോകമെമ്പാടുമുള്ള ആരാധകർക്ക് കൂടി ഇത്‌ വിരുന്നാണ്. പ്രതീക്ഷിക്കാതെ വന്നു ബ്രഹ്‌മാണ്ഡമായി മാറിയ ദിറിലിഷിന്റെ ന്യൂനതകളിൽ ചിലതായിരുന്ന വിഷ്വൽ എഫക്ട്സും സംഘട്ടന രംഗങ്ങളും ബാർബറോസയിലേക്ക് വരുമ്പോൾ ന്യൂനതകൾ എല്ലാം പരിഹരിച്ചുള്ളതാവുകയാണ്. എങ്കിന്റെ കൂടെ ഹിളിർ ഹൈറെദ്ദിൻ പാഷാ ബാർബറോസയായി ഉലാഷ് തുനാ ആസ്ത്തെപ്പേ കൂടി വരുമ്പോൾ ലോകം ഒരു പുത്തൻ താരോദയത്തിനു കൂടി സാക്ഷ്യം വഹിക്കാൻ പോവുകയാണ്. ഹൈറെദ്ദിൻ ബാർബറോസയുടെയും ഒറുച് റെഇസിന്റെ വീരോചിത ചരിത്രത്തിന് നമുക്കും സാക്ഷ്യം വഹിക്കാം.. Hayde.. Hayde..!

അഭിപ്രായങ്ങൾ പങ്കുവെക്കാൻ

Categories : #Action #Drama #Turkish #War #Web_Series

#MSone Release - 2878

Girl in the Basement (2021)
ഗേൾ ഇൻ ദ ബേസ്‌മെന്റ് (2021)

ഭാഷ : ഇംഗ്ലീഷ്
സംവിധാനം : Elisabeth Röhm
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ക്രൈം, ത്രില്ലർ

IMDb ⭐️6.4/10

ഓസ്ട്രിയയിൽ നടന്ന മനഃസാക്ഷിയെ മരവിപ്പിക്കുന്ന ഒരു യഥാർത്ഥ സംഭവത്തെ ആസ്പദമാക്കി എലിസബത്ത് റോം സംവിധാനം ചെയ്ത ചിത്രമാണ് ഗേൾ ഇൻ ദ ബേസ്‌മെന്റ്.

സാറ 18 വയസ്സ് തികയാൻ പോകുന്ന ഒരു പെൺകുട്ടിയാണ്. അമ്മയും സഹോദരിയും അച്ഛനുമൊപ്പമാണ് അവൾ കഴിയുന്നത്. തന്റെ സ്വാതന്ത്ര്യത്തിന് മേൽ അനാവശ്യമായി നിയന്ത്രണങ്ങൾ വെക്കുന്ന അച്ഛനെ സാറയ്ക്ക് തീരെ ഇഷ്ടവുമല്ലായിരുന്നു.

ഒരു ദിവസം രാത്രി തന്റെ കാമുകനോടൊപ്പം പാർട്ടിയ്ക്ക് പോകാനിറങ്ങുമ്പോൾ അച്ഛൻ ഡോൺ സാറയെ തടഞ്ഞ് എങ്ങും പോകേണ്ട എന്നുപറഞ്ഞ് ശകാരിക്കുന്നു. എന്നാൽ അതൊന്നും വകവെക്കാതെ സാറ ആരുമറിയാതെ രാത്രി പാർട്ടിയ്ക്ക് പോയി. 18 വയസ്സ് തികയുമ്പോൾ, താൻ വീടുവിട്ട് ലോകം ചുറ്റി കാണാൻ പോകുമെന്ന് അമ്മയോടും സഹോദരിയോടും സാറ പറയുന്നത് ഒളിഞ്ഞു നിന്ന്‌ കേട്ട ഡോൺ അന്നുതൊട്ട് മനസ്സിൽ പലതും കണക്കുക്കൂട്ടാൻ തുടങ്ങി.

ഒരു ദിവസം വീട്ടിലാരുമില്ലാത്ത തക്കം നോക്കി ഡോൺ സാറയെ വീടിന്റെ ബേസ്മെന്റിലേക്ക് കൊണ്ടുപോയി അവിടെയുള്ള രഹസ്യമുറിയിൽ അവളെ ബന്ദിയാക്കി വെക്കുന്നു. തുടർന്ന് അയാൾ അവളെ ലൈംഗികമായി പീഡിപ്പിക്കുകയും, ഉപദ്രവിക്കുകയും ചെയ്യുന്നു.

ഈ ക്രൂരത എത്രനാൾ നീണ്ടു നിൽക്കും? അവൾ ആ ബേസ്മെന്റിൽ നിന്നും പുറത്തു വരുമോ? ഈ ചോദ്യങ്ങൾക്കുള്ള ഉത്തരമാണ് ബാക്കി സിനിമ.

ലോകത്തെ ഞെട്ടിച്ച ഈ സംഭവത്തിന്റെ മികച്ചൊരു ദൃശ്യവിഷ്കാരമാണ് “ഗേൾ ഇൻ ദ ബേസ്‌മെന്റ്” എന്ന ഈ ചിത്രം.

അഭിപ്രായങ്ങൾ പങ്കുവെക്കാൻ

Categories : #Crime #English #Thriller

MSone logo is now a trademark. എം സോണിന്റെ ലോഗോ ഇപ്പോൾ ഒരു ട്രേഡ്മാർക് ആണ്. 😇😇🤩🤩

Thanks Shyju S for moving the paper works.

Thanks Bisanth KB, the logo designer 😍😍