#MSone Release - 2900

The Postcard Killings (2020)
ദി പോസ്റ്റുകാർഡ് കില്ലിങ്സ് (2020)

ഭാഷ : ഡച്ച്, ഇംഗ്ലീഷ്
സംവിധാനം : Danis Tanovic
പരിഭാഷ : മഹ്ഫൂൽ കോരംകുളം
പോസ്റ്റർ : രോഹിത്ത് ജി. എസ്
ജോണർ : ക്രൈം, ഡ്രാമ, ത്രില്ലർ

IMDb ⭐️ 5.8/10

30 വർഷം പോലീസ് ഓഫീസർ ആയിരുന്ന ജേക്കബ് കാനന്റെ, മകളും ഭർത്താവും ഹണിമൂണിനിടെ യൂറോപ്പിൽ വെച്ച് പൈശാചികമായ രീതിയിൽ കൊല്ലപ്പെടുന്നു, ഉത്തരം കിട്ടാത്ത ചോദ്യങ്ങളുമായി പിതാവ് ജേക്കബ് കാനൻ (ജെഫ്രേ ഡീൻ മോർഗൻ) യൂറോപ്പിലെത്തുന്നു.

യൂറോപ്പിലെത്തുന്ന യുവ ദമ്പതികൾ വ്യത്യസ്‌തങ്ങളായ രീതിയിൽ വിവിധ നഗരങ്ങളിൽ വെച്ച് കൊല ചെയ്യപ്പെടുകയും, അതിന് മുന്നോടിയായി ഒരു പോസ്റ്റ്കാർഡ് ലഭിക്കുകയും ചെയ്യുന്നുണ്ട്.

പതിഞ്ഞ താളത്തിൽ ആരംഭിക്കുന്ന കഥയിൽ, കൊലയാളിയെ പ്രേക്ഷകർ തിരിച്ചറിയുന്നത് മുതൽ അവസാന നിമിഷം വരെയുള്ള ഒന്നിന് പുറകെ ഒന്നായുള്ള പ്രതീക്ഷിക്കാത്ത ട്വിസ്റ്റുകളും, ഇംഗ്ലണ്ട്, സ്വീഡൻ, ബെൽജിയം, റഷ്യ തുടങ്ങിയ സ്ഥലങ്ങളിലെ മനോഹരമായ സീനുകളും പിടിച്ചിരുത്തുന്നതാണ്.

അഭിപ്രായങ്ങൾ പങ്കുവെക്കാൻ

Categories : #Crime #Drama #Dutch #English #Thriller

#MSone Release - 2901

Hellbound - Season 01 (2021)
ഹെൽബൗണ്ട് - സീസൺ 01 (2021)

ഭാഷ : കൊറിയൻ
സംവിധാനം : Sang-ho Yeon
പരിഭാഷ : പ്രശോഭ് പി.സി.
പോസ്റ്റർ : അഷ്‌കർ ഹൈദർ
ജോണർ : ക്രൈം, ഡ്രാമ, ഫാന്റസി

IMDb ⭐️ 6.7/10

വിഖ്യാത കൊറിയൻ ചിത്രമായ “ട്രെയിൻ റ്റു ബുസാനി”ന്റെ സംവിധായകൻ യോൻ സാങ്-ഹോയുടെ സംവിധാനത്തിൽ ഇറങ്ങിയ കൊറിയൻ ഡാർക്ക് ഫാൻ്റസി ത്രില്ലർ സീരീസാണ് ഹെൽബൗണ്ട്. പാപികൾക്ക് ലഭിക്കുമെന്ന് പറയപ്പെടുന്ന നരകശിക്ഷ കൺമുന്നിൽ കാണേണ്ടി വന്നാൽ ഈ ലോകം അതിനോട് എങ്ങനെ പ്രതികരിക്കുമെന്നതാണ് ചിത്രം പറയുന്നത്. മനുഷ്യൻ ഭയന്ന് നല്ലരായി ജീവിക്കുമോ, അതോ ആ ഭയം മുതലെടുക്കാനും ആളുകളുണ്ടാകുമോ? സസ്പെൻസും ഭീതിയും നിറഞ്ഞ മികച്ച സ്ക്രിപ്റ്റിലൂടെ ഏറെ ശ്രദ്ധ നേടിയ ഹെൽബൗണ്ട് നെറ്റ്ഫ്ലിക്സിലെ വ്യൂവർഷിപ്പിൽ റെക്കോഡുമിട്ടു.

ചില വ്യക്തികളുടെ മുമ്പിൽ ഒരു രൂപം പ്രത്യക്ഷപ്പെട്ട് അവരുടെ മരണദിവസം പ്രഖ്യാപിക്കുകയും അവർ നരകത്തിൽ പോകുമെന്ന് അറിയിക്കുകയും ചെയ്തിട്ട് മറയുന്നു. ആ ദിവസം വരെ ഭീതിയോടെയുള്ള കാത്തിരിപ്പാണ് അവർക്ക്. ആ കാത്തിരിപ്പ് ചിലപ്പോൾ സെക്കന്റുകൾ മാത്രമാകാം, വർഷങ്ങളുമാകാം. നിരവധി പേർ പരസ്യമായി മരണശിക്ഷ ഏറ്റുവാങ്ങുന്നു. ഇത് ദൈവത്തിൻ്റെ പ്രവർത്തിയോ, പിശാചിൻ്റെ പ്രവർത്തിയോ? സ്വപ്നമോ യാഥാർത്ഥ്യമോ? അതോ ആരെങ്കിലും നടത്തുന്ന നാടകമോ? ഇതടക്കം എല്ലാ ചോദ്യത്തിനും ഉത്തരവുമായി രംഗത്ത് വരികയാണ് ന്യൂ ട്രൂത്ത് എന്ന സംഘടന.

അഭിപ്രായങ്ങൾ പങ്കുവെക്കാൻ

Categories : #Drama #Fantasy #Korean #Web_Series

#MSone Release - 2902

Yesterday's Past (2021)
യസ്റ്റർഡേയ്സ് പാസ്റ്റ് (2021)

ഭാഷ : ഒഡിയ
സംവിധാനം : Nila Madhab Panda
പരിഭാഷ : രോഹിത് ഹരികുമാര്‍
പോസ്റ്റർ : ഉണ്ണി ജയേഷ്
ജോണർ : ഡ്രാമ

IMDb ⭐️ 8.8/10

ഇന്ത്യന്‍ സിനിമയില്‍ അധികം കേള്‍ക്കാത്ത അല്ലെങ്കില്‍ നമ്മള്‍ കാണാത്ത, പരിചിതമല്ലാത്ത, വളരെ ചെറിയ ഒരു ഇന്‍ഡസ്ട്രിയാണ് ഒഡിയ ഫിലിം ഇന്‍ഡസ്ട്രി. അവിടെ നിന്നുമുള്ള ഒരു കൊച്ചു ചിത്രമാണ് നില മാധബ് പാണ്ടെ 2019-ല്‍ സംവിധാനം ചെയ്ത കളിരാ അടിടാ യസ്റ്റർഡേയ്സ് പാസ്റ്റ്.

ഇന്നിനെയും ഇന്നലെയെയും വളരെ ഭംഗിയായി ഇഴുകിചേര്‍ത്ത ഒരു ചിത്രം.

ഗുണു എന്ന വ്യക്തിയിലൂടെയാണ് ചിത്രം മുന്നോട്ട് പോകുന്നത്. മരണത്തിലേക്ക് നീങ്ങിക്കൊണ്ടിരിക്കുന്ന
ഒരു വ്യക്തി. ഇല്ലാതായ കുടുംബത്തെ തേടി അവരോടൊപ്പം ജീവിക്കാന്‍ വേണ്ടി ആഗ്രഹിക്കുന്നു. അതിന് വേണ്ടി കടലെടുത്ത
ഗ്രാമത്തിലേക്ക് പോകുന്നു. ആ വ്യക്തിയുടെ ഇന്നലെകളിലെ ഓര്‍മ്മകളും കുടുംബത്തോടൊപ്പം ജീവിക്കാനുമുള്ള പ്രത്യാശയും
പ്രകൃതിയുമായുള്ള പോരാട്ടവുമാണ് ഈ 82 മിനിറ്റ് ചിത്രം കാണിക്കുന്നത്. കടലെടുക്കുന്ന തീരങ്ങളില്‍ നിന്നും പലായനം ചെയ്യപ്പെടുന്നവരുടെ ജീവിതങ്ങളെ അടയാളപ്പെടുത്തുകയാണ് ഈ ചിത്രം. കാലാവസ്ഥ വ്യതിയാനത്തെക്കുറിച്ചും പറയുന്നുണ്ട്.

നാഗരാജ് ദിവാകറുടെ ഛായാഗ്രഹണം, പിതോഭാഷ് ത്രിപാഠിയുടെ പ്രകടനം എന്നിവ എടുത്ത് പറയേണ്ടതാണ്.
ഒഡീഷയുടെ തീരപ്രദേശത്തെ പ്രേക്ഷകന്റെ മനസ്സില്‍ സംഘര്‍ഷാവസ്ഥ ഉണ്ടാക്കുന്ന രീതിയില്‍, മനോഹരമായി, ഛായാഗ്രാഹകന്‍ ഒപ്പിയെടുത്തിട്ടുണ്ടെന്ന് പറയാതെ വയ്യ.

93-ാമത് അക്കാഡമി പുരസ്കാരത്തിന് ജനറല്‍ വിഭാഗത്തില്‍ അയച്ച ഈ ചിത്രം മറ്റ് 360 ചിത്രങ്ങളോടൊപ്പം തിരഞ്ഞെടുക്കപ്പെടുകയും മത്സരിക്കുകയും ചെയ്തു.

അഭിപ്രായങ്ങൾ പങ്കുവെക്കാൻ

Categories : #Drama #Odia

#MSone Release - 2903

Banshee – Season 03 (2015)
ബാൻഷീ – സീസൺ 03 (2015)

ഭാഷ : ഇംഗ്ലീഷ്
നിർമാണം : Your Face Goes Here Entertainment
പരിഭാഷ : സാമിർ
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, ഡ്രാമ

IMDb ⭐️8.4/10

പൊതുവേ ആക്ഷൻ സീരീസുകൾ വളരെ കുറവാണ്. അതിൽ തന്നെ മികച്ചത് എന്നു പറയാൻ സാധിക്കുന്നവ തീരെ കുറവാണ്. എന്നാൽ ആക്ഷൻ ത്രില്ലർ എന്ന ജോണറിനോട് 100% നീതിപുലർത്തിയ ഒരു സീരീസാണ് ബാൻഷീ.

15 വർഷത്തെ ജയിലിൽ ശിക്ഷ കഴിഞ്ഞ് പുറത്തിറങ്ങുന്ന നായകൻ തന്റെ കാമുകിയെ തേടി ബാൻഷി എന്ന ടൗണിലെത്തുകയാണ്. എന്നാൽ അദ്ദേഹത്തിന്റെ കാമുകി ഇപ്പോൾ ആ ടൗണിലെ ഡിസ്ട്രിക്ട് അറ്റോർണിയുടെ ഭാര്യയും, 2 കുട്ടികളുടെ അമ്മയുമായി പുതിയൊരു ജീവിതം ആരംഭിച്ചിരിക്കുന്നു. ഇനിയെന്ത്? എന്ന ചോദ്യവുമായി തിരിച്ചുപോകാനൊരുങ്ങുന്ന നായകൻ അവിടെയുള്ളൊരു ബാറിൽ കയറുന്നു. അവിടെ വെച്ച് ബാൻഷീ പോലീസ് സ്റ്റേഷനിൽ പുതുതായി ചാർജ്ജെടുക്കാനെത്തുന്ന ലൂക്കസ് ഹുഡ് എന്ന പോലീസുദ്യോഗസ്ഥനെ പരിചയപ്പെടുന്നു. അപ്പോൾ അവിടേക്ക് വന്ന ഒരു അക്രമ സംഘവുമായി നടക്കുന്ന വെടിവെപ്പിൽ ആ പോലീസുദ്യോഗസ്ഥനും, ആക്രമികളും കൊല്ലപ്പെടുന്നു. പുതിയൊരു ജീവിതം തുടങ്ങാൻ പ്ലാനിട്ടിരുന്ന നായകൻ, എന്നാലത് ഇവിടെത്തന്നെയാവട്ടെ എന്ന തീരുമാനവുമെടുത്ത്, ആ മരണം മറച്ചു വെച്ച് ലൂക്കസ് ഹുഡ് എന്ന അപരനാമത്തിൽ ബാൻഷി പോലീസ് സ്റ്റേഷനിൽ ചാർജ്ജെടുക്കുന്നു. എന്നാൽ, പിന്നീടുള്ള ലൂക്കസിന്റെ ജീവിതം അത്ര എളുപ്പമല്ല. ഒരു ക്രിമിനൽ, പോലീസായി എത്രനാൾ ഇങ്ങനെ ആൾമാറാട്ടം നടത്തി മുന്നോട്ടു പോകും? അതും കൂടെ ജോലി ചെയ്യുന്ന പോലീസുകാർക്ക് സംശയം തോന്നാതെ.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English

#MSone Release - 2904

Agatha Christie’s Poirot: Season 9 (2003–04)
അഗത ക്രിസ്റ്റീസ് പ്വാറോ: സീസൺ 9 (2003–04)

Episode 01: Five Little Pigs
എപ്പിസോഡ് 01: ഫൈവ് ലിറ്റിൽ പിഗ്‌സ്

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗത ക്രിസ്റ്റീസ് പ്വാറോ (1989 – 2013)

അഗത ക്രിസ്റ്റീസ് പ്വാറോ: സീസൺ 1 (1989)
അഗത ക്രിസ്റ്റീസ് പ്വാറോ: സീസൺ 2 (1990)
അഗത ക്രിസ്റ്റീസ് പ്വാറോ: സീസൺ 3 (1990 – 1991)
അഗത ക്രിസ്റ്റീസ് പ്വാറോ: സീസൺ 4 (1992)
അഗത ക്രിസ്റ്റീസ് പ്വാറോ: സീസൺ 5 (1993)
അഗത ക്രിസ്റ്റീസ് പ്വാറോ: സീസൺ 6 (1994)
അഗത ക്രിസ്റ്റീസ് പ്വാറോ: സീസൺ 7 (2000)
അഗത ക്രിസ്റ്റീസ് പ്വാറോ: സീസൺ 8 (2001-02)

ഏഴര വയസ്സുള്ളപ്പോൾ അച്ഛനും അമ്മയും മരിച്ചുപോയതുകൊണ്ട് ലെ മാർച്ചന്റ് എന്ന പെൺകുട്ടി 21 വയസ്സ് വരെ താമസിച്ചിരുന്നത് കാനഡയിലുള്ള അവളുടെ ബന്ധുക്കളുടെ ഓപ്പമായിരുന്നു. 21 വയസ്സ് തികയുന്നതോടെയാണ് അവളുടെ അച്ഛനെയും അമ്മയെയും കുറിച്ചുള്ള സത്യങ്ങൾ ബന്ധുക്കൾ പറഞ്ഞ് അറിയുന്നത്.

അവളുടെ യഥാർത്ഥ പേര് ലൂസി ക്രേൽ എന്നാണെന്നും അംയാസ് ക്രേൽ എന്ന ചിത്രകാരനായ അച്ഛനെ കൊന്ന കുറ്റത്തിന് തൂക്കിലേറ്റിയതാണ് അവളുടെ അമ്മയായ കരോലിൻ ക്രേലിനെയെന്നും. ഇത് അറിയുന്നതോടെ അവളാകെ തകർന്ന് പോകുന്നു. അവളുടെ അച്ഛന്റെ ഒരുപാട് സ്വത്തും അമ്മയെ തൂക്കിലേറ്റുന്നതിന് മുമ്പ് അമ്മ എഴുതിയ ഒരു കത്തും ബന്ധുക്കൾ അവൾക്ക് കൊടുത്തു. അതിൽ അമ്മ തന്റെ മകളോട് സത്യം ചെയ്ത് പറയുന്നു അച്ഛനെ കൊന്നത് അമ്മയല്ലെന്ന്.

സംഭവങ്ങളെല്ലാം കഴിഞ്ഞിട്ട് ഇപ്പോൾ 14 വർഷങ്ങൾ കഴിഞ്ഞിരിക്കുന്നു. അന്വേഷിക്കാനും കണ്ടെത്താനും തെളിവുകൾ ഒന്നും അവശേഷിക്കുന്നില്ല.
തന്റെ അമ്മയുടെ നിരപരാധിത്വം തെളിയിക്കാൻ പ്വാറോയെ ജോലി ഏൽപിക്കുന്നതോടെയാണ് കഥ തുടങ്ങുന്നത്.

ഒരേ സംഭവം 14 വർഷങ്ങൾക്കിപ്പുറം 5 പേരിലൂടെ പറയുമ്പോൾ ഉണ്ടാകുന്ന രഷോമോണ്‍ എഫക്റ്റിൽ നിന്നും സത്യം കണ്ടെത്തുക എന്നതാണ് ഈ തവണ പ്വാറോയെ കാത്തിരിക്കുന്ന വെല്ലുവിളി.

ഗെയിം ഓഫ് ത്രോൺസിലൂടെ ലിറ്റിൽ ഫിംഗർ അഥവാ പീറ്റർ ബേയ്ലിഷ് എന്ന കഥാപാത്രത്തെ അനശ്വരനാക്കിയ ഐഡൻ ഗില്ലനാണ് അംയാസ് ക്രേൽ എന്ന കഥാപാത്രത്തെ അവതരിപ്പിച്ചിരിക്കുന്നത്.

ഒരു സിനിമ പോലെ കാണാവുന്ന മറ്റൊരു കഥ തന്നെയാണ് ഒൻപതാം സീസണിലെ ഒന്നാമത്തെ എപ്പിസോഡ് ആയ "ഫൈവ് ലിറ്റിൽ പിഗ്‌സ്".


അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery #Web_Series

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 01
പാർട്ട് 02 - എപ്പിസോഡ് 01

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2905

Curve (2015)
കർവ് (2015)

ഭാഷ : ഇംഗ്ലീഷ്
സംവിധാനം : Iain Softley
പരിഭാഷ : അരുൺ ബി. എസ്
പോസ്റ്റർ : ഉണ്ണി ജയേഷ്
ജോണർ: ഹൊറർ, ത്രില്ലർ

IMDb ⭐️5.5/10

വഴിയരികിൽ കണ്ടുമുട്ടുന്ന അപരിചിതരെ സഹായിക്കുന്നർ തീർച്ചയായും കണ്ടിരിക്കേണ്ട ഒരു ചിത്രമാണ് 2015-ൽ പുറത്തിറങ്ങിയ അമേരിക്കൻ സർവൈവൽ ത്രില്ലർ ചലച്ചിത്രമായ ‘കർവ്‘ (Curve). ഒരു യാത്രയ്ക്കിടയിൽ വിജനമായ സ്ഥലത്തുവച്ച് മാലറി എന്ന പെൺകുട്ടിയുടെ കാർ കേടാവുകയും ഒരു അപരിചിതൻ വന്ന് ആ കാർ ശരിയാക്കുകയും ചെയ്യുന്നു. വളരെ മാന്യനും സൽസ്വഭാവിയുമായിരുന്ന ആ ചെറുപ്പക്കാരനെ മാലറി കൂടെക്കൂട്ടുന്നു. പിന്നീടങ്ങോട്ട് തികച്ചും അപ്രതീക്ഷിതമായ സംഭവവികാസങ്ങളാണ് നടക്കുന്നത്.

ജൂലിയൻ ഹഫ്, ടെഡി സിയേഴ്സ് തുടങ്ങിയവർ പ്രധാന വേഷങ്ങളിൽ അഭിനയിച്ചിരിക്കുന്ന ഈ ചിത്രത്തിൽ അശ്ലീല സംഭാഷണങ്ങളും അക്രമരംഗങ്ങളുമുള്ളതിനാൽ അനുയോജ്യരായവർ മാത്രം ഈ ചിത്രം കാണേണ്ടതാണ്.

അഭിപ്രായങ്ങൾ പങ്കുവെക്കാൻ

Categories : #English #Horror #Thriller

#MSone Release - 2906

Qismat 2 (2021)
കിസ്മത് 2 (2021)

ഭാഷ : പഞ്ചാബി
സംവിധാനം : Jagdeep Sidhu
പരിഭാഷ : റാഫി സലീം
പോസ്റ്റർ : ഉണ്ണി ജയേഷ്
ജോണർ: ഹൊറർ, ത്രില്ലർ

IMDb ⭐️7.1/10

2018 ൽ ഇറങ്ങിയ കിസ്മത്തിന്റെ രണ്ടാം ഭാഗം ആണെങ്കിലും ഇത് തികച്ചും വ്യത്യസ്ഥ കഥയാണ്.

കോളേജിലെ കായിക അധ്യാപകനായ ശിവ്ജിത്തുമായി അവിടെ പഠിക്കുന്ന ഒരു പെൺകുട്ടി പ്രണയത്തിലാകുന്നു. ശിവ്ജിത്തിന് അതിൽ താല്പര്യമില്ലെന്ന് അവളെ മനസ്സിലാക്കാൻ ശ്രമിച്ചിട്ടും അവൾ പിന്മാറിയിരുന്നില്ല. നേരത്തേ ആരെയെങ്കിലും പ്രണയിച്ചിട്ടുണ്ടോ എന്ന് അവൾ ഒരിക്കൽ ചോദിക്കുമ്പോൾ ശിവ്‌ജിത്ത് തനിക്ക് പണ്ട് കോളേജിൽ പഠിക്കുമ്പോൾ ഉണ്ടായ ഒരു പ്രണയത്തെ പറ്റി ഓർക്കുകയാണ്.

അന്ന് ബാനി എന്ന പെൺകുട്ടിയുമായുള്ള പ്രണയം ശിവ്ജിത്തിന്റെ ജീവിതത്തെ ഒരുപാട് ബാധിച്ചിരുന്നു. വർഷങ്ങൾക്ക് ശേഷം അത് ഓർമ്മ വന്നപ്പോൾ അവളെ വീണ്ടും കാണാൻ തീരുമാനിക്കുകയാണ് ശിവ്ജിത്ത്. പിന്നീട് നടക്കുന്ന സംഭവവികാസങ്ങളിലൂടെ കഥ മുന്നോട്ട് പോകുന്നു. ആദ്യ ഭാഗത്തിനെ പോലെ തന്നെ ഈ സിനിമയും ബോക്സോഫീസിൽ സൂപ്പർഹിറ്റായി.
പ്രണയസിനിമകൾ ഇഷ്ടമുള്ളവർ തീർച്ചയായും കണ്ടിരിക്കണം.

അഭിപ്രായങ്ങൾ പങ്കുവെക്കാൻ

Categories : #Drama #Punjabi #Romance

ഏതാണ്? 😊

#MSone Release - 2907

Skater Girl (2021)
സ്‌കേറ്റർ ഗേൾ (2021)

ഭാഷ : ഹിന്ദി, ഇംഗ്ലീഷ്
സംവിധാനം : Manjari Makijany
പരിഭാഷ : പ്രണവ് രാഘവൻ
പോസ്റ്റർ : ഉണ്ണി ജയേഷ്
ജോണർ: ഡ്രാമ, ഫാമിലി, സ്‌പോർട്

IMDb ⭐️6.7/10

നമ്മളെല്ലാം സ്വപ്നം കാണുന്നവരാണ്, നമുക്കെല്ലാം ഒരു ലക്ഷ്യമുണ്ട്. എന്നാൽ സ്വപ്നം കാണാൻപോലും പറ്റാത്ത തനിക്ക് ജീവിതത്തിൽ ആരാകണം എന്നുപോലും തീരുമാനിക്കാൻ പറ്റാത്ത രാജസ്ഥാനിലെ ഖേംപൂർ എന്ന ഗ്രാമത്തിലെ പ്രേരണ എന്ന പെൺകുട്ടിയുടെ കഥയാണ് സ്‌കേറ്റർ ഗേൾ എന്ന സിനിമയിൽ പറയുന്നത്.

ലണ്ടനിൽ നിന്ന് തന്റെ അച്ഛന്റെ നാട്ടിലേക്ക് വരുന്ന വിദേശ വനിതയായ ജസിക ഖേംപൂർ എന്ന ഗ്രാമത്തിൽ കൊണ്ടുവരുന്ന മാറ്റങ്ങളും പ്രേരണയുടെ ജീവിതത്തിൽ ഉണ്ടാകുന്ന മാറ്റങ്ങളെപ്പറ്റിയെല്ലാം സിനിമയിൽ പറയുന്നു. ജെസിക വഴി പ്രേരണ സ്കേറ്റിങ്ങിനെപ്പറ്റി അറിയുകയും അത് അവളിൽ പുതുപ്രതീക്ഷ നൽകുകയും ചെയ്യുന്നു. തന്റെ ജീവിതത്തിൽ ഇതുവരെ ഭാവിയെപ്പറ്റി സ്വപ്നം കാണാതിരുന്ന പ്രേരണ സ്കേറ്റിങ് ചെയ്ത് തുടങ്ങുമ്പോൾ സ്വപ്നം കാണുവാൻ തുടങ്ങുന്നു. രാജസ്ഥാനിലെ ദാരിദ്ര്യരുടെ ഗ്രാമത്തിലെ ജീവിതവും, ജാതി വ്യവസ്ഥയും, ജനങ്ങളുടെ മനോഭാവവുമെല്ലാം സിനിമയിൽ വ്യക്തമായി കാണിച്ചുതരുന്നു.

അഭിപ്രായങ്ങൾ പങ്കുവെക്കാൻ

Categories : #Drama #English #Family #Hindi #Sport