#MSone Release - 2893

Christmas Story (2007)
ക്രിസ്‌മസ്‌ സ്റ്റോറി (2007)

ഭാഷ : ഫിന്നിഷ്
സംവിധാനം : Juha Wuolijoki
പരിഭാഷ & പോസ്റ്റർ : ഷൈജു എസ്
ജോണർ : ഡ്രാമ, ഫാമിലി, ഫാന്റസി

IMDb ⭐️7.1/10

ക്രിസ്‍മസിന്റെ തലേന്ന് രാത്രിയിൽ ആരുടെയും കണ്ണിൽ പെടാതെ വീടുകളിൽ വന്ന് സമ്മാനങ്ങൾ വെച്ചിട്ട് പോവുന്ന സാന്താക്ലോസിനെപ്പറ്റി നിരവധി കഥകൾ നമ്മൾ കേട്ടിട്ടുണ്ട്. അതിനെ അടിസ്ഥാനമാക്കി ഫിന്നിഷ് ഭാഷയിൽ ഇറങ്ങിയ ചിത്രമാണ് Joulutarina / ക്രിസ്മസ് സ്റ്റോറി.

ക്രിസ്‌മസ്‌ തലേന്ന് തന്റെ അച്ഛനെയും അമ്മയെയും കുഞ്ഞനിയത്തിയെയും നഷ്ടപ്പെട്ട് അനാഥനായ നിക്കോളാസ്, കുട്ടികളുടെ പ്രിയപ്പെട്ട സമ്മാന-വാഹകൾ സാന്താക്ലോസായി മാറിയതെങ്ങനെ എന്നതാണ് ഈ ചിത്രത്തിന്റെ ഇതിവൃത്തം.

അഭിപ്രായങ്ങൾ പങ്കുവെക്കാൻ

Categories : #Drama #Family #Fantasy #Finnish

#MSone Release - 2894

A Boy Called Christmas (2021)
എ ബോയ് കോൾഡ് ക്രിസ്മസ് (2021)

ഭാഷ : ഇംഗ്ലീഷ്
സംവിധാനം : Gil Kenan
പരിഭാഷ : അരുൺ ബി. എസ്
പോസ്റ്റർ : അക്ഷയ് രാജ്. യൂ. ആർ
ജോണർ: അഡ്വഞ്ചർ, ഡ്രാമ, ഫാമിലി

IMDb ⭐️6.710

ക്രിസ്മസ് എന്നുകേട്ടാൽ പലര്‍ക്കും ഓർമ്മവരുന്നത് സാന്താക്ലോസ് എന്ന ക്രിസ്മസ് അപ്പൂപ്പനെയാണ്. ഫിൻലാൻഡിലെ ഒരു കാട്ടിൽ ജീവിച്ചിരുന്ന നിക്കോളാസ് എന്ന സാദാ ബാലകൻ തന്റെ സാഹസങ്ങളിലൂടെയും പുണ്യപ്രവൃത്തികളിലൂടെയും എങ്ങനെ ലോകമെമ്പാടും പ്രിയങ്കരനായ ക്രിസ്മസ് പപ്പയായി മാറിയെന്നുള്ള കഥയാണ് 2021 നവംബറിൽ പുറത്തിറങ്ങിയ എ ബോയ് കോൾഡ് ക്രിസ്മസ് (A Boy Called Christmas) എന്ന ബ്രിട്ടീഷ് സിനിമയിൽ അവതരിപ്പിക്കുന്നത്.

തന്റെ അപ്പനെത്തേടി ആർട്ടിക്കിലേക്ക് സാഹസിക യാത്രയ്ക്ക് പുറപ്പെട്ട നിക്കോളാസ് എന്ന പാവം പയ്യൻ, എൽഫേം എന്ന മാന്ത്രിക ഗ്രാമത്തിൽ എത്തിപ്പെടുന്നതും തുടർന്നുള്ള അത്ഭുത സംഭവങ്ങളുമാണ് ചിത്രത്തിൽ അവതരിപ്പിക്കുന്നത്. ഇന്ന് കാണുന്ന ക്രിസ്മസ് ആഘോഷങ്ങൾ എങ്ങനെയാണ് തുടങ്ങിയതെന്ന് മനോഹരമായി ഈ ചിത്രത്തിൽ കാണിക്കുന്നുണ്ട്.

നിക്കോളാസായി Henry Lawful വേഷമിട്ട ഈ ചിത്രത്തിൽ ഹാരി പോട്ടർ പരമ്പരയിലൂടെ പ്രേക്ഷക മനസ്സിൽ ഇടം നേടിയ Maggie Smith ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്.

പ്രേഷകർക്കിടയിൽ മികച്ച പ്രതികരണം നേടിയ ചിത്രത്തിൽ കുട്ടികൾക്ക് ഇഷ്ടപ്പെടുന്ന നിരവധി ഫാന്റസി എലമെന്റുകൾ മാത്രമല്ല, മുതിർന്നവർക്കുള്ള ചില ഗുണപാഠങ്ങളുമുണ്ട്. എല്ലാവരും ഒരിക്കലെങ്കിലും കണ്ടിരിക്കേണ്ട നല്ലൊരു സിനിമയാണിത്.

അഭിപ്രായങ്ങൾ പങ്കുവെക്കാൻ

Categories : #Adventure #Drama #English #Family

#MSone Release - 2895

The Key (1987)
ദ കീ (1987)

ഭാഷ : പേർഷ്യൻ
സംവിധാനം : Ebrahim Forouzesh
പരിഭാഷ : ഷിഹാസ് പരുത്തിവിള
പോസ്റ്റർ : ഉണ്ണി ജയേഷ്
ജോണർ: ഡ്രാമ

IMDb ⭐️6.8/10

അബ്ബാസ് കിയറോസ്താമിയുടെ രചനയില്‍ ഇബ്രാഹിം ഫൊറൂസേഷ് സംവിധാനം ചെയ്ത് 1987ല്‍ പുറത്തിറങ്ങിയ ചിത്രമാണ് “ദ കീ”. പേര് സൂചിപ്പിക്കും പോലെ തന്നെ ഒരു താക്കോലാണ് ഈ ചിത്രത്തിലെ കേന്ദ്ര കഥാപാത്രം. കഥാപശ്ചാത്തലത്തിലേക്ക് വന്നാല്‍, തന്റെ കുഞ്ഞിനെ അഞ്ച് വയസ്സുകാരനായ മകനെ ഏല്പിച്ച് സാധനങ്ങള്‍ വാങ്ങുവാനായി പുറത്തേക്ക് പോയതാണ് അവരുടെ ഉമ്മ. കുഞ്ഞ് ഉണരുമ്പോള്‍ പാല്‍ കൊടുക്കണമെന്ന് അമീര്‍ മുഹമ്മദ് എന്ന മൂത്തകുട്ടിയോട് പറഞ്ഞേല്പിച്ചിട്ടായിരുന്നു അവര്‍ പോയത്. പക്ഷേ അവന്‍ അതിന്റെ പകുതി കുടിച്ചു, കുറച്ച് പൂച്ചയ്ക്കും കൊടുത്തു, പിന്നെ കുഞ്ഞിന് കൊടുക്കാനായി മാറ്റിവച്ചത് അവന്റെ കൈ തട്ടി താഴെ വീണ് നാശമാവുകയും ചെയ്തു! കുഞ്ഞ് കരച്ചിലും തുടങ്ങി! നിര്‍ത്താതെയുള്ള കരച്ചിൽ!

കരച്ചില്‍ കേട്ട് തൊട്ടടുത്ത് താമസിക്കുന്ന ഒരു സ്ത്രീയും ശേഷം അമീറിന്റെ ഉമ്മൂമ്മയും വരുന്നു. അവര്‍ക്ക് വീട്ടിനകത്തേക്ക് കയറാന്‍ പറ്റുന്നില്ല! കാരണം വീടും പൂട്ടി താക്കോലും കൊണ്ടാണ് അവരുടെ ഉമ്മ പോയിരിക്കുന്നത്! അമീര്‍ ഉമ്മ പുറത്തേക്ക് പോയിരിക്കുകയാണെന്ന് അവരോട് പറഞ്ഞു. അവര്‍ അവന്റെ ഉമ്മ ഇത്ര വൈകുന്നതെന്തെന്ന് ആശ്ചര്യപ്പെടുന്നു. അതും ഒരു പിഞ്ചുബാലനെയും കൈക്കുഞ്ഞിനെയും തനിച്ചാക്കിയിട്ടാണ് അവരുടെ ഉമ്മ പുറത്ത് പോയിരിക്കുന്നത്! ഭീതിയുടെയും ആശ്ചര്യത്തിന്റെയും നടുവില്‍ നില്‍ക്കുമ്പോൾ അവരുടെ മൂക്കുകളെ തഴുകി കൊണ്ട് കരിഞ്ഞ ഗന്ധം കടന്നുപോയി! വൈകിയാണെങ്കിലും അവര്‍ ആ സത്യം മനസ്സിലാക്കി… ഗ്യാസ് അടുപ്പില്‍ എന്തോ ആഹാരം ഇരിക്കുന്നുണ്ട്! അതില്‍ തീയുമുണ്ട്!! കുട്ടികള്‍ അകത്ത് ഒറ്റയ്ക്കാണ്!! കതകും പൂട്ടിയിരിക്കുന്നു!! അത് തുറക്കാനായി പകരം താക്കോലുമില്ല!! അവരുടെ ഉമ്മയെയാണേല്‍ എങ്ങും കാണാനുമില്ല!!!

ശേഷം സ്ക്രീനില്‍…!

അഭിപ്രായങ്ങൾ പങ്കുവെക്കാൻ

Categories : #Drama #Persian

#MSone Release - 2896

Don't Move (2004)
ഡോണ്ട് മൂവ് (2004)

ഭാഷ : സ്പാനിഷ്
സംവിധാനം : Sergio Castellitto
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ഡ്രാമ, റൊമാൻസ്

IMDb ⭐️7.1/10

നഗരത്തിലെ തിരക്കുള്ള ഒരു ഡോക്ടറാണ് തിമൊത്തോ. ഒരു ദിവസം അയാളുടെ മകൾ ആഞ്ചല ഒരു അപകടത്തിൽപ്പെട്ട് ഗുരുതരവസ്ഥയിൽ തന്റെ ഹോസ്പിറ്റലിൽ അഡ്മിറ്റാകുന്നു, ആ മനോവിഷമത്തിൽ ജനലരികിൽ നിൽക്കവേ ഹോസ്പിറ്റലിന് പുറത്ത് അയാൾ ഒരു സ്ത്രീ ഇരിക്കുന്നത് കാണുന്നു. ആ ഒരു നിമിഷം തിമൊത്തോയുടെ മനസ്സ് ഒരുപാട് വർഷങ്ങൾ പിന്നിലേക്ക് പോയി.

സുന്ദരിയായ ഭാര്യ, നല്ലൊരു കുടുംബം, മികച്ച ജോലി, ജീവിതത്തിൽ എല്ലാ സുഖ സൗകര്യങ്ങളുമുള്ള അയാൾ തെരുവിൽ വെച്ചുകണ്ട ഇറ്റാലിയ എന്ന സ്ത്രീയിലേക്ക് നിമിഷനേരംകൊണ്ട് ആകൃഷ്ടനായി. അവിചാരിതമായി പരിചയപ്പെട്ട അവളെ അയാൾ മദ്യലഹരിയിൽ ബലാത്സംഗം ചെയ്തിട്ടും ഇറ്റാലിയക്ക് അയാളോട് യാതൊരു വിധ പരാതിയും ഇല്ലായിരുന്നു. എന്നാൽ വൈകാതെ തന്നെ അവർക്കിടയിൽ അതിരറ്റ ഒരു പ്രണയം ഉടലെടുക്കുന്നതോടെ കഥ മുന്നോട്ട് പോകുന്നു.

സെർജിയോ കാസ്റ്റെലിറ്റോ പെനെലൊപ്പി ക്രൂസ് എന്നിവർ മികച്ച അഭിനയം കാഴ്ച വെച്ച ഈ സിനിമ നായകനായ സെർജിയോ കാസ്റ്റെലിറ്റോ തന്നെയാണ് സംവിധാനവും ചെയ്തിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #Romance #Spanish

#MSone Release - 2863

The Wheel of Time – Season 01 (2021)
ദ വീൽ ഓഫ് ടൈം – സീസൺ 01 (2021)

Episodes – 08
എപ്പിസോഡ്സ് – 08

ഭാഷ : ഇംഗ്ലീഷ്
നിർമാണം : Sony Pictures Television
പരിഭാഷ : ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.4/10

റോബർട്ട് ജോർദന്റെ “ദ വീൽ ഓഫ് ടൈം” എന്ന നോവൽ സീരിസിനെ ആധാരമാക്കി അതേ പേരിൽ തന്നെ ആമസോണിലൂടെ പുറത്ത് വന്ന സീരീസാണ് “ദ വീൽ ഓഫ് ടൈം” എപ്പിക് ഫാന്റസി സീരീസ് നോവലുകളുടെ ചരിത്രത്തിലെ നാഴിക കല്ലെന്ന് വിശേഷിപ്പിക്കുന്ന ഒരു നോവൽ ചലച്ചിത്ര രൂപേണ പുറത്ത് വരുമ്പോൾ വേണ്ട എല്ലാ മികവും ആദ്യ എപ്പിസോഡുകളിൽ തന്നെ ഈ സീരീസ് പ്രേക്ഷകർക്ക് സമ്മാനിക്കുന്നുണ്ട്.

ഐസ് സെഡായ് എന്ന സംഘടനയിൽ നിന്നും റോസമുണ്ട് പൈക്ക് അവതരിപ്പിക്കുന്ന കഥാപാത്രമായ മൊയ്റെയ്ൻ, തിന്മയെ നേരിടാൻ പുനഃജന്മം നേടിയ ഡ്രാഗണിനെ തിരഞ്ഞു പോകുന്നതിലൂടെയാണ് കഥ ആരംഭിക്കുന്നത്.

ടു റിവേഴ്സ് എന്ന സ്ഥലത്ത് 4 ആളുകളാണ് സാധ്യത എന്ന് മനസ്സിലാക്കിയ മൊയ്റെയ്ൻ അവരെ തേടി വരുന്ന അതേ സമയം തിന്മയുടെ പ്രതീകമായ ഡാർക്ക്‌ വണ്ണും സൈന്യവും ഇതേ ആളുകളെ തേടി ടു റിവേഴ്‌സിലേക്ക് എത്തുകയും ചെയ്യുന്നു.

ഡ്രാഗൺ ആരാണ്, മൊയ്റെയ്ന് ഡ്രാഗണെ കണ്ടെത്താനാകുമോ, മൊയ്റെയ്ന് ഡാർക്ക്‌ വണ്ണിനേയും സൈന്യത്തെയും മറികടക്കാനാകുമോ എന്നതൊക്കെയാണ് ആദ്യ സീസണിൽ പ്രേക്ഷകർക്ക് കാണാനാകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2897

Satya (1998)
സത്യ (1998)

ഭാഷ : ഹിന്ദി
സംവിധാനം : Ram Gopal Varma
പരിഭാഷ : രോഹിത് ഹരികുമാർ
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, ഡ്രാമ

IMDb ⭐️8.3/10

അനുരാഗ് കശ്യപും സൗരഭ് ശുക്ലയും തിരക്കഥയെഴുതി രാം ഗോപാല്‍ വര്‍മ സംവിധാനം ചെയ്ത് 1998-ല്‍ പുറത്തിറങ്ങിയ ചിത്രമാണ് സത്യ.

കേന്ദ്ര കഥാപാത്രമായ സത്യയെ അവതരിപ്പിക്കുന്നത് ജെ.ഡി. ചക്രവര്‍ത്തിയാണ്. മനോജ്‌ ബാജ്പേയ്, ഉർമിള മാതോന്ദ്കർ, പരേഷ് റാവല്‍, സൗരബ് ശുക്ല, ആദിത്യ സ്രിവാസ്തവ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സത്യ ഒരു തൊഴില്‍ തേടി മുംബൈയില്‍ വരുന്നതും, ഭിക്കു മാത്രെ എന്ന ഗാങ്ങ്സ്റ്ററെ കണ്ടുമുട്ടുന്നതും മുംബൈ അധോലോകത്തില്‍ എത്തുന്നതും ആണ് ചിത്രത്തിന്റെ കഥാതന്തു.

പ്രധാന കഥാപാത്രങ്ങളെ അവതരിപ്പിച്ച അഭിനേതാക്കളുടെ പ്രകടനവും. പശ്ചാത്തലസംഗീതം, ചായാഗ്രഹണം, എന്നിവയിലെ മികവ് കൊണ്ടും വളരെ മികച്ച നിരൂപകപ്രശംസ നേടിയെടുക്കാൻ സിനിമയ്ക്കായി. മനോജ്‌ ബാജ്പേയ്ക്ക് മികച്ച സഹനടനുള്ള ദേശീയ ചലച്ചിത്ര പുരസ്കാരവും ചിത്രം നേടിക്കൊടുത്തു.

IFFI (ഇന്ത്യന്‍ അന്താരാഷ്ട്ര ചലച്ചിത്രോത്സവം) ഇന്ത്യന്‍ പനോരമ വിഭാഗത്തില്‍ പ്രദര്‍ശിപ്പിച്ച ഈ ചിത്രം, എക്കാലത്തെയും മികച്ച ഹിന്ദി സിനിമകളിൽ ഒന്ന് തന്നെയാണ്.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Hindi

#MSone Release - 455

Hope (2013)
ഹോപ്പ് (2013)

ഭാഷ : കൊറിയൻ
സംവിധാനം : Joon-ik Lee
പരിഭാഷ : വിഷ്ണു പ്രസാദ്
പോസ്റ്റർ : രോഹിത്ത് ജി. എസ്
ജോണർ : ഡ്രാമ

IMDb ⭐️ 8.3/10

കൊറിയയിൽ നടന്ന യഥാർത്ഥ സംഭവത്തെ ആസ്പദമാക്കി 2013-ൽ നിർമിച്ച സിനിമയാണ് ഹോപ്പ്.

സോ-വോൻ എന്ന 8 വയസുകാരിയായ മകളെ ശ്രദ്ധിക്കാനും അവളുടെ കാര്യങ്ങൾ ഉത്തരവാദിത്വത്തോടെ നോക്കാനും അച്ചനും അമ്മയ്ക്കും കഴിയുന്നില്ല. ജോലി തിരക്ക് കാരണം അവർക്ക് ഒന്നിനും സമയവും കിട്ടുന്നില്ല. സ്കൂളിൽ പോലും ഒറ്റയ്ക്കാണ് പോയി വരുന്നത്. കൂടെ വരാനോ, സുഹൃത്തുക്കൾ എന്നുപറയാനോ ആരും തന്നെയില്ലത്ത ഒരു പെൺകുട്ടി.

ഒരു ദിവസം സോ-വോൻ സ്കൂളിൽ പോകുന്ന വഴി അതി ക്രൂരമായി പീഡിപ്പിക്കപ്പെടുന്നു. മരണത്തിൽ നിന്നും എങ്ങനെയോ രക്ഷപ്പെട്ടുവെങ്കിലും മനസ്സിനും ശരീരത്തിനും ഏറ്റ മുറിവ് അവളെ വളരെയധികം തളർത്തി.
സ്വന്തം അച്ഛൻ പോലും അടുത്ത് വരുന്നത് അവൾക്ക് ഇപ്പൊ പേടിയാണ്. പോലീസ് പ്രതിയെ കണ്ടെത്തിയെങ്കിലും ആയാൾ കുറ്റം സമ്മതിക്കാൻ തയ്യാറായിരുന്നില്ല. അയാൾക്ക് പറയാനും ഒരുപാട് ന്യായികരണങ്ങളുണ്ടായിരുന്നു.

മരണവക്കിൽ നിന്നും ജീവൻ തിരിച്ചു കിട്ടിയ തന്റെ മകളെ വീണ്ടും ജീവിതത്തിലേക്ക് കൈ പിടിച്ച് കൊണ്ടു വരുന്നതും, പെൺകുട്ടിയും കുടുംബവും അനുഭവിക്കുന്ന മാനസിക പിരിമുറുക്കങ്ങളും, കുറ്റവാളിക്ക് കടുത്ത ശിക്ഷ വാങ്ങി കൊടുക്കാൻ കുടുംബവും പൊലീസും ഒന്നിച്ചു ശ്രമിക്കുന്നതുമാണ് പിന്നീടുള്ള കഥ.

അഭിപ്രായങ്ങൾ പങ്കുവെക്കാൻ

Categories : #Drama #Korean

പറയാമോ?

പുതുവത്സരാശംസകൾ....🥰🥳💥🐲🔥🎁🎈🎊🎉

#MSone Release - 2898

These Are the Rules (2014)
ദീസ് ആർ ദ റൂൾസ് (2014)

ഭാഷ : ക്രോയേഷ്യൻ
സംവിധാനം : Ognjen Svilicic
പരിഭാഷ : അരുൺ അശോകൻ
പോസ്റ്റർ : രോഹിത്ത് ജി. എസ്
ജോണർ : ഡ്രാമ

IMDb ⭐️ 6.5/10

2014ൽ ഇറങ്ങിയ ക്രോയേഷ്യൻ ചിത്രമാണ് താക്വാ സു പ്രാവിളാ അഥവാ ഇങ്ങനെയാണ് നിയമങ്ങൾ. (ദീസ് ആർ ദ റൂൾസ്)

ബസ് ഡ്രൈവറായ ഇവോ, ഭാര്യ മായ പിന്നെ അവരുടെ ഒരേയൊരു മകൻ 17 വയസ്സുകാരൻ തോമിച്ച എന്നിവരുടേത് ക്രോയേഷ്യൻ തലസ്ഥാനമായ സാഗ്രെബിൽ ജീവിക്കുന്ന ഒരു സാധാരണ കൊച്ചു കുടുംബമാണ്.

കാശിന് ബുദ്ധിമുട്ടുമ്പോഴും മധ്യവർഗ കുടുംബമാണ്/ചുറ്റുപാടാണ് എന്ന ഒരു സുരക്ഷിതത്വം അവർക്കുണ്ട്. അങ്ങനെ ഇരിക്കുമ്പോഴാണ് തോമിച്ചയെ അവന്റെ സ്കൂളിൽ പഠിക്കുന്ന കുറച്ച് കുട്ടികൾ ചേർന്ന് ക്രൂരമായി മർദിക്കുന്നത്. വീട്ടിൽ വരുമ്പോൾ കുഴപ്പമൊന്നുമില്ലാത്തതുകൊണ്ടും xray പരിശോദിച്ച് പേടിക്കാനില്ലെന്ന് ആശുപത്രിയിൽ വെച്ച് ഡോക്ടർ പറഞ്ഞതിന്റെ അടിസ്ഥാനത്തിലും വീട്ടിലേക്ക് തിരിച്ചുകൊണ്ടവന്ന് മണിക്കൂറുകൾക്കകം തോമിച്ച മയങ്ങി വീഴുകയും അത്യാസന്ന നിലയില ആയി induced comaയിൽ ആക്കേണ്ടി വരുന്നു. ആശുപത്രിയിലെയും പോലീസ് സ്റ്റേഷനിലെയും ഒക്കെ ഒഴുക്കൻ രീതിയിലുള്ള പ്രതികരണം കാണുന്നതോടെ അവരുടെ അന്നുവരെ ഉണ്ടായിരുന്ന മധ്യവർഗകുടുംബങ്ങളിൽ സാധാരണയായി കാണാറുള്ള മിഥ്യാ സുരക്ഷിതത്വബോധം തകർന്ന് വീഴുകയാണ്.

അൾട്രാ-റിയലിസ്റ്റിക് ആയി എടുത്ത ചിത്രം 77 മിനിറ്റ് കൊണ്ട് 48 മണിക്കൂറിനുള്ളിൽ ഒരു കുടുംബത്തിന്റെ ജീവിതം തകിടം മറിയുന്ന കാഴ്ചകൾ മെലോഡ്രാമയില്ലാതെ സ്ഥിരം സിനിമാറ്റിക് രീതിയായ നെഞ്ചത്തടിച്ച് കരച്ചിലും ബഹളവും അതിഭാവുകത്വവും ഒന്നും ഇല്ലാതെയാണ് കാണിച്ചിരിക്കുന്നത്.

ഇങ്ങനുള്ള സന്ദർഭങ്ങളിൽ സാധാരണക്കാർ നേരിടേണ്ടി വരുന്ന ബ്യൂറോക്രസിയും അധികൃതരുടെ ഭാഗത്ത് നിന്ന് ഉണ്ടാവാറുള്ള പൊതുവെയുള്ള നിർവികാരമായ പ്രതികരണവുമെല്ലാം കൊണ്ടാവാം സിനിമ കണ്ടിരിക്കാൻ കുറച്ച് ബുദ്ധിമുട്ടാണ്. സിനിമ എസ്‌കേപ്പിസമായി കണ്ടുശീലിച്ച നമുക്ക് ജീവിതത്തിലേതു പോലെത്തന്നെ മുന്നോട്ട് പോകുന്ന ഒരു കഥ വേണ്ട closure തന്നില്ലെന്ന് വരാം എന്നതാകും ഈ ചിത്രത്തിന് IMDb റേറ്റിംഗ് കുറയാൻ കാരണമായത്.
കുറച്ച് ഡിപ്രെസ്സിങ് ആയ കൺസെപ്റ്റ് പ്രശ്നമല്ലാത്തവർക്ക് തീർച്ചയായും ട്രൈ ചെയ്യാവുന്നതാണ്.

അഭിപ്രായങ്ങൾ പങ്കുവെക്കാൻ

Categories : #Drama #Serbo_Croatian

#MSone Release - 2899

A Scene at the Sea (1991)
എ സീൻ അറ്റ് ദ സീ (1991)

ഭാഷ : ജാപ്പനീസ്
സംവിധാനം : Takeshi Kitano
പരിഭാഷ : പ്രശാന്ത് പി ആർ
പോസ്റ്റർ : രോഹിത്ത് ജി. എസ്
ജോണർ : കോമഡി, ഡ്രാമ, റൊമാൻസ്

IMDb ⭐️ 7.5/10

ശുചീകരണ തൊഴിലാളിയായ ഷിഗെരു എന്ന ബധിരനായ യുവാവിന് തന്റെ ജോലിക്കിടയിൽ കേടുവന്ന ഒരു സർഫ് ബോർഡ് കിട്ടുന്നു. സർഫിങ്ങിൽ ആകൃഷ്ടനായ അവൻ അത് നേരാക്കി അതിൽ സർഫിങ് പഠിക്കാൻ തുടങ്ങുന്നു. എല്ലാവരും അവനെ കളിയാക്കുമ്പോൾ പ്രോത്സാഹിപ്പിക്കാൻ ആകെയുള്ളത് അവന്റെ കാമുകി മാത്രമാണ്. ജീവിത സാഹചര്യങ്ങളും കടൽ തിരകളും അവനെ പരാജയപ്പെടുത്താൻ ശ്രമിക്കുന്നുണ്ടെങ്കിലും വിട്ടുകൊടുക്കാൻ അവൻ തയ്യാറല്ലായിരുന്നു. അകിര കുറസോവയുടെ പിൻഗാമി എന്നു വിശേഷിപ്പിക്കപ്പെടുന്ന ജാപ്പനീസ് സംവിധായനായ റ്റക്കേഷി കാറ്റാനോ ഒരുക്കിയ ജീവിതത്തിന്റെ നന്മകളെ വാഴ്ത്തുന്ന ഒരു കൊച്ചു ചലച്ചിത്രം.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Japanese #Romance