#MSone Release - 366

Planet Earth II (2016)
പ്ലാനറ്റ് എര്‍ത്ത് II (2016)

Episode 06: Cities
എപ്പിസോഡ് 06: സിറ്റീസ്‌

ഭാഷ : ഇംഗ്ലീഷ്
നിർമാണം : BBC Natural History Unit
പരിഭാഷ : ഡോ. ആശ കൃഷ്ണകുമാർ
പോസ്റ്റർ : പ്രവീൺ അടൂർ
ജോണർ : ഡോക്യുമെന്ററി

IMDb ⭐️9.5/10


ബിബിസിയുടെ പ്ലാനറ്റ് എർത്ത് 2-വിലെ ആറാമത്തെ എപ്പിസോഡാണ് സിറ്റീസ്‌.

നഗരവൽക്കരണം ഏറെ ബാധിക്കുന്നത് നമ്മുടെ ജൈവവൈവിദ്ധ്യത്തെയാണ്. പല ജീവിവർഗങ്ങളും ഈ മാറ്റത്തെ ഉൾകൊള്ളാനാവാതെ വംശനാശഭീഷണി നേരിടുകയാണ്. എന്നാൽ മാറ്റങ്ങൾക്കൊപ്പം മനുഷ്യനൊപ്പം അതിജീവിച്ച ചില ജീവികളെക്കുറിച്ചാണ് ഈ എപ്പിസോഡിൽ പറയുന്നത്. ജോധ്പൂരിലെ കുരങ്ങുകൾ, മുംബൈയിലെ പുള്ളിപ്പുലികൾ, ആസ്‌ത്രേലിയയിലെ ബോവർ പക്ഷികൾ മുതലായവ... മനുഷ്യർക്കൊപ്പം നഗരങ്ങൾക്കൊപ്പം ജൈവവൈവിദ്ധ്യത്തെ നിലനിർത്തേണ്ട ആവശ്യഗതയും മാർഗങ്ങളും കൂടി ഈ എപ്പിസോഡിലൂടെ നമ്മളെ ഓർമിപ്പിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Documentary #English

#MSone Release - 408

The Matrix Reloaded (2003)
ദി മേട്രിക്സ് റീലോഡഡ് (2003)

ഭാഷ : ഇംഗ്ലീഷ്
സംവിധാനം : Lana Wachowski & Lilly Wachowski
പരിഭാഷ : പ്രശോഭ് പി. സി.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, സയൻസ് ഫിക്ഷൻ

IMDb ⭐️ 7.2/10


സയൻസ് ഫിക്ഷൻ സിനിമകളിലെ നാഴികക്കല്ലായ മേട്രിക്സ് ട്രിലജിയിലെ രണ്ടാമത്തെ ചിത്രമാണ് ദി മേട്രിക്സ് റീലോഡഡ്.

ആക്ഷനിലും സാങ്കേതികതയിലും വിസ്മയങ്ങൾ തീർത്ത്, 150 മില്യൻ ഡോളർ ചെലവിൽ നിർമിച്ച ചിത്രം വാരിയത് 739 മില്യൻ ഡോളറാണ്. അക്കാലത്തെ പല റെക്കോഡുകളും ചിത്രം തകർത്തു. ഒന്നാം ഭാഗത്തിലെ ഫിലോസഫിക്കൊപ്പം അത്യുഗ്രൻ ഫൈറ്റിങ്ങും കാർ ചേസുമെല്ലാം ചേർന്ന് രണ്ടു മണിക്കൂർ സമ്പൂർണ എൻ്റർടെയ്നറാണ് ചിത്രം.

മേട്രിക്സ് എന്ന കമ്പ്യൂട്ടർ നിർമിത ലോകത്ത് നിന്ന് പുറത്തു കടന്നവർ ഇപ്പോൾ വലിയൊരു സംഘമായിരിക്കുന്നു. സയോൺ എന്ന അവരുടെ സിറ്റിയെ തകർക്കാൻ മേട്രിക്സ് യന്ത്രങ്ങളെ അയച്ചിരിക്കുകയാണ്. ഭൂമിക്കടിയിലുള്ള സയോണിലേക്ക് എത്തുന്ന അവയെ ചെറുക്കാൻ സയോൺ ഒരുങ്ങുകയാണ്. നിയോ എന്ന ‘ദ വണ്ണി’ലാണ് മോർഫിയസിന് വിശ്വാസം. പക്ഷേ സയോണിലെ മറ്റു നേതാക്കൾ മോർഫിയസിൻ്റെ ഈ വിശ്വാസത്തെ ചോദ്യം ചെയ്യുന്നു. സയോണിനെ രക്ഷിക്കാൻ പുതിയ ഉത്തരവാദിത്തങ്ങളുമായി നിയോ ഇറങ്ങുകയാണ്.

ചിത്രത്തിലെ ഫ്രീവേ കാർ ചേസ് സീൻ സിനിമാ ചരിത്രത്തിലെ തന്നെ മികച്ച കാർ ചേസ് രംഗങ്ങളിലൊന്നായി കരുതപ്പെടുന്നു. കീയാനു റീവ്സ്, ലോറൻസ് ഫിഷ്ബേൺ, ക്യാരി ആൻ മോസ് എന്നിവരുടെ തകർപ്പൻ പ്രകടനം ഏറെ ശ്രദ്ധ നേടി.

അഭിപ്രായങ്ങൾ പങ്കുവെക്കാൻ

Categories : #Action #English #Sci_Fi

#MSone Release - 2869

Agatha Christie’s Poirot: Season 8 (2001-02)
അഗത ക്രിസ്റ്റീസ് പ്വാറോ: സീസൺ 8 (2001-02)

Episode 0 2: Murder in Mesopotamia
എപ്പിസോഡ് 02: മർഡർ ഇൻ മെസപ്പൊട്ടാമിയ

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗത ക്രിസ്റ്റീസ് പ്വാറോ (1989 – 2013)

അഗത ക്രിസ്റ്റീസ് പ്വാറോ: സീസൺ 1 (1989)
അഗത ക്രിസ്റ്റീസ് പ്വാറോ: സീസൺ 2 (1990)
അഗത ക്രിസ്റ്റീസ് പ്വാറോ: സീസൺ 3 (1990 – 1991)
അഗത ക്രിസ്റ്റീസ് പ്വാറോ: സീസൺ 4 (1992)
അഗത ക്രിസ്റ്റീസ് പ്വാറോ: സീസൺ 5 (1993)
അഗത ക്രിസ്റ്റീസ് പ്വാറോ: സീസൺ 6 (1994)
അഗത ക്രിസ്റ്റീസ് പ്വാറോ: സീസൺ 7 (2000)

പ്വാറോയുടെ പഴയൊരു കാമുകി, വേറ റോസക്കോഫ് പ്വാറോയ്ക്ക് എഴുതി, താൻ ഇപ്പോൾ
ബാഗ്ദാദിൽ ഉണ്ടെന്നും ചെറിയൊരു പ്രശ്‌നത്തിലാണ് സഹായിക്കണമെന്നും. കേട്ടപാതി കേൾക്കാത്ത പാതി, പ്വാറോ നേരെ ബാഗ്ദാദിലേക്ക് പുറപ്പെട്ടു. അവിടെ അവർ പ്വാറോയ്ക്കായി മുറിയൊക്കെ ബുക്ക് ചെയ്തിരുന്നു. പ്വാറോയുടെ ഭാഗ്യത്തിന് ആ സമയത്ത് ഹേസ്റ്റിംഗ്സിന്റെ ചില ബന്ധുക്കളെ കാണാനായി അതേ സമയം ഹേസ്റ്റിംഗ്സും അവിടെയുണ്ട്, പുള്ളി താമസിച്ചിരുന്നത് പുരാവസ്തു ഗവേഷണത്തിന് വന്ന തന്റെ ബന്ധുക്കളോടൊപ്പമായിരുന്നു. ബാഗ്ദാദിൽ എത്തിയ പ്വാറോയ്‌ക്ക് വേറ റോസക്കോഫിനെ കാണാൻ കഴിഞ്ഞില്ല. അവരെക്കുറിച്ച് ഒന്നും അറിയാനും കഴിഞ്ഞില്ല. പ്വാറോ അവിടെ അടുത്ത് തന്നെ താമസിക്കുന്ന ഹേസ്റ്റിംഗ്സിനെ കാണാനായി എത്തുന്നു. അവിടെ വെച്ച് ഒരു സ്ത്രീ കൊല്ലപ്പെടുന്നു. പക്ഷേ ആ മുറിയിലേക്ക് കയറാനുള്ള ഏക വഴി മുറ്റത്ത് കൂടെയാണ്, അങ്ങോട്ടുള്ള വഴിയാകട്ടെ ഒരു ആർച്ച് വഴിയും ആർച്ച് വഴിക്ക് അപ്പുറം 5 ആളുകൾ നിന്ന് പണിയെടുത്തിരുന്നു. അവരെല്ലാവരും പറയുന്നത് ഒരേ കഥയാണ്. അപരിചിതരായ ആരും ആർച്ച് കടന്ന് വന്നിട്ടില്ല. പിന്നെ എങ്ങനെ കൊലപാതകി ആരും കാണാതെ ആ മുറിയിൽ കയറി അവരെ കൊന്നു?

അതോ പരിചയമുള്ള ആരെങ്കിലും തന്നെയാണോ കൊലപാതകി?

മെസപ്പൊട്ടോമിയയുടെ പശ്ചാത്തലത്തിൽ മറ്റൊരു കൊലപാതകത്തിന്റെ ചുരുൾ അഴിക്കുകയാണ് പ്വാറോ. ഇതിന് മുമ്പുള്ള "ഡബിൾ ക്ലൂ" എന്ന കഥയിലെ പ്രധാന കഥാപാത്രമായ വേറ റോസക്കോഫ് എന്ന സ്ത്രീയെ കുറിച്ച് പരാമർശിക്കുന്നുണ്ട് എന്നതൊഴിച്ചാൽ ഒരു സിനിമ പോലെ കാണാവുന്ന മറ്റൊരു കഥ തന്നെയാണ് എട്ടാം സീസണിലെ രണ്ടാമത്തെ എപ്പിസോഡ് ആയ "മർഡർ ഇൻ മെസപ്പൊട്ടാമിയ".

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery #Web_Series

ഓരോ സിനിമയും ഓരോ അനുഭവമാക്കി മാറ്റിയ മഹാപ്രതിഭ. ആക്ഷനും ത്രില്ലറും ഫാൻ്റസിയും ഹിസ്റ്റോറിക്കൽ ഡ്രാമയും ഇമോഷണൽ ഡ്രാമയും സയൻസ് ഫിക്ഷനും എന്നു വേണ്ട, സിനിമയിലെ എല്ലാമെല്ലാം ഈ കൈകളിൽ ഭദ്രം. പകരം വെയ്ക്കാനില്ലാത്ത വൈഭവത്തിൻ്റെ ഉടമയായ സംവിധായകൻ സ്റ്റീവൻ സ്പിൽബർഗിന് ജന്മദിനാശംസകൾ

1975ൽ ഇറങ്ങിയ Jaws എന്ന സിനിമയാണ് സ്പീൽബർഗിനെ പ്രശസ്തിയിലേക്ക് ഉയർത്തിയത്. പിന്നീട് നമ്മളെ വിസ്മയിപ്പിച്ച, ആവേശം കൊള്ളിച്ച, കണ്ണീരണിയിച്ച, ത്രില്ലടിപ്പിച്ച എത്രയെത്ര സിനിമകൾ. അന്യഗ്രഹ ജീവികളെ വില്ലൻമാരാക്കി മാത്രം അതരിപ്പിച്ച കാലഘട്ടത്തിൽ 1982ലെ E.T. എന്ന ചിത്രത്തിൽ സ്പീൽബർഗ് അതിനെ കുട്ടികളുടെ കളിക്കൂട്ടുകാരനാക്കി. ജുറാസിക് പാർക്ക് എന്ന അത്ഭുത ചിത്രം സിനിമാ ലോകത്തെ തന്നെ പുതിയ വഴിത്തിരിവായി. ഹോളോകോസ്റ്റിൽ നിന്ന് തനിക്ക് രക്ഷിക്കാൻ കഴിയാതെ പോയ ജൂതരെയോർത്ത് വിലപിക്കുന്ന ഓസ്കർ ഷിൻഡ്ലറുടെ നൊമ്പരം നമ്മുടെയെല്ലാം നൊമ്പരമായി. ചരിത്രത്തിലെ രഹസ്യങ്ങൾ തേടി സസ്പെൻസ് നിറഞ്ഞ മനസ്സുമായി ഇന്ത്യാനാ ജോൺസിനൊപ്പം നമ്മൾ സഞ്ചരിച്ചു. കുതിരയുടെ പോലും മുഖത്ത് ഭാവങ്ങൾ വിരിയിച്ച വാർ ഹോഴ്സ് നമ്മളെ വിസ്മയിപ്പിച്ചു, സേവിങ് പ്രൈവറ്റ് റയാനിലെ പട്ടാളക്കാരുടെ സാഹസവും ദുരിതങ്ങളും നമ്മളിൽ ഉൾക്കിടിലമായി.
നിറത്തിൻ്റെയും വർഗത്തിൻ്റെയും പേരിൽ അടിച്ചമർത്തപ്പെട്ട വിഭാഗങ്ങളുടെ ജീവിതം ഇത്ര ഹൃദയസ്പർശിയായി അവതരിപ്പിച്ച സംവിധായകൻ വേറെയില്ല. ദ കളർ പർപ്പിൾ, അമിസ്റ്റാഡ് തുടങ്ങിയവ അത്തരത്തിലുള്ളതായിരുന്നു.
സയൻസ് ഫിക്ഷനിൽ Artificial Intelligence, Minority Report, War of the Worlds, ഫാൻ്റസിയിൽ The Adventures of Tintin, ഹിസ്റ്റോറിക്കൽ ഡ്രാമയിൽ Lincoln, The post അങ്ങനെ സിനിമാ പ്രേമികൾ നെഞ്ചേറ്റുന്ന സ്പീൽബർഗ് ചിത്രങ്ങൾ പലതും അതുവരെയുള്ള കളക്ഷൻ റെക്കോഡുകൾ തിരുത്തിക്കുറിച്ചവയായിരുന്നു. രണ്ടു പ്രാവശ്യം മികച്ച സംവിധായകനുള്ള ഓസ്കാർ അവാർഡ് നേടി.
1971ൽ Duel എന്ന ടെലിവിഷൻ മൂവിയിൽ തുടങ്ങി, സിനിമാ രംഗത്ത് അര നൂറ്റാണ്ട് പിന്നിട്ട സ്പീൽബർഗ് എഴുപത്തിയഞ്ചാം വയസ്സിലും സംവിധാന രംഗത്ത് സജീവമായി തുടരുന്നു.

നമ്മുടെ എംസോണിൽ steven spielberg മൂവികൾ മലയാളം പരിഭാഷയിൽ ആസ്വദിക്കാം...

https://malayalamsubtitles.org/?s=steven+spielberg

#MSone Release - 501

The Matrix Revolutions (2003)
ദി മേട്രിക്സ് റെവല്യൂഷൻസ് (2003)

ഭാഷ : ഇംഗ്ലീഷ്
സംവിധാനം : Lana Wachowski & Lilly Wachowski
പരിഭാഷ : മാജിത് നാസർ
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, സയൻസ് ഫിക്ഷൻ

IMDb ⭐️ 6.8/10

മേട്രിക്സ് പരമ്പരയിലെ രണ്ടാം ഭാഗമായ ദി മേട്രിക്സ് റീലോഡഡ് എവിടെ അവസാനിച്ചുവോ, അതിന്റെ തുടർച്ചയാണ് ദി മേട്രിക്സ് റെവല്യൂഷൻസ് മുന്നോട്ട് പോകുന്നത്.

യന്ത്രങ്ങളും, സയോണും തമ്മിലുള്ള യുദ്ധം കൊടുമ്പിരി കൊള്ളുമ്പോൾ തന്റേതായ മാർഗത്തിലൂടെ അതിനൊരു അന്ത്യം കാണാൻ നിയോ ഇറങ്ങിത്തിരിക്കുകയാണ്. എന്നാൽ തന്റെ യഥാർത്ഥ ശത്രുവിനെ നിയോ തിരിച്ചറിയുന്നിടത്ത് യുദ്ധത്തിന്റെ ഗതി തന്നെ മാറുന്നു.

മേട്രിക്സ് പരമ്പരയിലെ നാലാമത്തെ ചിത്രമായ ദി മേട്രിക്സ് റെസറക്ഷൻസ് 2021ൽ പുറത്തിറങ്ങും.

അഭിപ്രായങ്ങൾ പങ്കുവെക്കാൻ

Categories : #Action #English #Sci_Fi

#MSone Release - 2833

Jirisan (2021)
ജിരിസാൻ (2021)

Episodes: 15-16 / എപ്പിസോഡ്‌സ്: 15-16

ഭാഷ : കൊറിയൻ
സംവിധാനം : Eung-bok Lee
പരിഭാഷ : ജീ ചാങ് വൂക്ക് & തൗഫീക്ക് എ
പോസ്റ്റർ : ഉണ്ണി ജയേഷ്
ജോണർ : ഡ്രാമ, മിസ്റ്ററി, ത്രില്ലർ

IMDb ⭐️ 7.9/10

ഏറെ വർഷത്തെ കാത്തിരിപ്പിനൊടുവിൽ സിഗ്നൽ, കിംഗ്ഡം എന്നീ പ്രശസ്ത കൊറിയൻ സീരീസുകളുടെ തിരക്കഥാകൃത്തായ “കിം യൂൻ ഹീ”യുടെ തിരക്കഥയിൽ 2021ൽ tvn 15-ാം വാർഷികവുമായി ബന്ധപ്പെട്ട്, ജിരിസാൻ നാഷണൽ പാർക്കിലെ റേഞ്ചർമാരുടെ ജീവിതകഥയെ അടിസ്ഥാനമാക്കി എടുത്ത ആക്ഷൻ, മിസ്റ്ററി ത്രില്ലർ സീരീസാണ് ജിരിസാൻ. ഒരു നീണ്ട ഇടവേളക്ക് ശേഷം കൊറിയൻ താരസുന്ദരി ജുൻ ജീ ഹ്യൂൻ മടങ്ങിയെത്തുന്ന സീരീസ്, മികച്ച വിഷ്വലുകൾ കൊണ്ടും, നിഗൂഢത നിറഞ്ഞ സംഭവങ്ങളും അതിനോടിണങ്ങി ചേർന്ന പശ്ചാത്തല സംഗീതം കൊണ്ടും ഇതിനോടകം കാഴ്ചക്കാരുടെ എണ്ണത്തിൽ റെക്കോർഡ് സ്ഥാപിച്ചു കഴിഞ്ഞു.

ജിരിസാൻ പർവ്വതം! ചിലർക്കത് പ്രതീക്ഷയുടെ പ്രകാശമാണെങ്കിൽ മറ്റു ചിലർക്കത് മരണമുനമ്പാണ്. കണക്കുകൾ പ്രകാരം വർഷം 3 ലക്ഷം പേരാണ് ജിരിസാൻ സന്ദർശിക്കുന്നത്. ആ പർവ്വതത്തിന്റെ കാവൽക്കാരാണ് ജിരിസാൻ നാഷണൽ പാർക്കിലെ റേഞ്ചർമാർ. അങ്ങനെയിരിക്കെ പുതുതായി സ്ഥലം മാറ്റം കിട്ടി വന്ന റേഞ്ചർ നായകൻ കാങ് ഹ്യുൻ ജോ(ജു ജി ഹൂൺ)ക്ക് കയറിയ ഉടനെ ഒരു മിസ്സിംഗ് കേസ് അന്വേഷിക്കേണ്ടി വരുന്നു. രാക്ഷസി എന്ന് ഇരട്ടപ്പേരുള്ള നായിക സോ യി ഗാങിനൊപ്പം (ജുൻ ജി ഹ്യുൺ) സെർച്ചിംഗ് പങ്കാളിയായി ചേർന്ന്, കാണാതായ ആ ഹൈക്കറെ അവർ കണ്ടെത്തുന്നു. പക്ഷേ നായകന്റെ പെരുമാറ്റത്തിലും വർത്തമാനത്തിലും പന്തികേട് തോന്നിയ നായിക, എങ്ങനെയാണ് കാണാതായ ഹൈക്കർ ഇരിക്കുന്ന സ്ഥലം കൃത്യമായി മനസ്സിലായത് എന്നും മറ്റും ചോദിക്കുന്നു. ഇത് ആദ്യമായിട്ടല്ല എന്നും, മുൻപ് പലതവണയായി കാണാതായ ഹൈക്കർമാർ പർവ്വതത്തിൽ എവിടെയുണ്ടെന്ന് തനിക്ക് ഒരു ദീർഘ ദൃഷ്ടിയിലൂടെ കാണാൻ സാധിക്കുമെന്നും പറയുന്നു. ആദ്യമൊന്നും ആരുമത് വിശ്വസിച്ചില്ല. പക്ഷേ പിന്നീട് പല നിഗൂഢമായ സംഭവങ്ങളും ജിരിസാൻ പർവ്വതത്തെ ചുറ്റിപ്പറ്റി നടക്കുന്നു. പർവ്വതത്തിലേക്ക് ഹൈക്കിങ്ങിന് വന്ന് സഹായം ലഭിക്കാതെ വഴിതെറ്റുന്ന ഹൈക്കർമാർ സ്വാഭാവികമായി മരിക്കുന്നതല്ലെന്നും, ആരോ കൊലപ്പെടുത്തുന്നതാണെന്നും റേഞ്ചർമാർ മനസ്സിലാക്കുന്നു. സംഭവത്തിന്റെ ചുരുളഴിക്കാൻ ഇറങ്ങിയ നായകനും നായികയ്ക്കും പ്രതീക്ഷിക്കാത്ത ചില സംഭവങ്ങളായിരുന്നു നേരിടേണ്ടിവന്നത്.
ആരാണത്? എന്താണ് ജിരിസാൻ പർവ്വതത്തിലെ ആ നിഗൂഢത?

അഭിപ്രായങ്ങൾ പങ്കുവെക്കാൻ

Categories : #Drama #Korean #Mystery #Thriller #Web_Series

#MSone Release - 1051

Tomorrow Never Dies (1997)
ടുമോറോ നെവർ ഡൈസ് (1997)

ഭാഷ : ഇംഗ്ലീഷ്
സംവിധാനം : Roger Spottiswoode
പരിഭാഷ : രാഗേഷ് രാജൻ എം
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 6.5/10

ജയിംസ് ബോണ്ട് പരമ്പരയിലെ പതിനെട്ടാമത്തേതാണ് 1997-ൽ റോജർ സ്പോട്ടിസ് വൂഡിന്റെ സംവിധാനത്തിൽ പുറത്തിറങ്ങിയ ഈ ചിത്രം. പിയേഴ്സ് ബ്രോസ്നാൻ രണ്ടാമതും ബോണ്ടിന്റെ വേഷമണിയുന്ന ചിത്രത്തിൽ ജോനാഥൻ പ്രൈസ്, മൈക്കൽ യോ എന്നിവരും മികച്ച പ്രകടനം കാഴ്ച്ച വച്ചിരിക്കുന്നു.

മാധ്യമ ചക്രവർത്തിയായ എലിയട്ട് കാർവർ തന്റെ സാമ്രാജ്യം ലോകമാകെ വ്യാപിപ്പിക്കുന്നതിനായി ഒരു മൂന്നാം ലോകമഹായുദ്ധത്തിനു കോപ്പുകൂട്ടുകയാണ്. H M S ഡെവൺഷയർ എന്ന ബ്രിട്ടീഷ് കപ്പൽ ചൈനീസ് അധീനതയിലുള്ള കടലിൽ വച്ച് കാർവറിന്റെ സംഘം തകർക്കുന്നു. അതിൽ നിന്ന് മോഷ്ടിച്ച മിസൈൽ ചൈനയിലേക്ക് വിക്ഷേപിച്ച് ബ്രിട്ടീഷ്, ചൈനീസ് ഗവൺമെന്റുകളെ തെറ്റിദ്ധരിപ്പിച്ച് യുദ്ധത്തിന് തുടക്കമിടാനുള്ള കാർവറിന്റെ പദ്ധതി തകർക്കാൻ MI6 ഏജന്റായ ബോണ്ടും ചൈനീസ് രഹസ്യാന്വേഷക വെയ് ലിന്നും ഒരുമിക്കുന്നു.

അത്യാധുനിക സംവിധാനങ്ങളുള്ള കാർ, ബൈക്ക് ചെയ്സ് രംഗങ്ങൾ, മികച്ച ആക്ഷൻ രംഗങ്ങൾ എന്നിങ്ങനെ ബോണ്ട് ചിത്രങ്ങളുടെ ആരാധകർക്ക് വേണ്ടതെല്ലാമുള്ള ഈ ചിത്രം ബോക്സ് ഓഫീസിലും മികച്ച പ്രകടനമാണ് നടത്തിയത്.

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ജയിംസ് ബോണ്ട് മൂവി ഫെസ്റ്റ്

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

#MSone Release - 2856

Short Films Special Release – 10
ഷോര്‍ട്ട് ഫിലിംസ് സ്പെഷ്യല്‍ റിലീസ് – 10

ഷോർട് ഫിലിം – 02

The Immigrant (1917)
ദി ഇമിഗ്രന്റ് (1917)

ഭാഷ : നിശ്ശബ്ദ ചിത്രം (ഇംഗ്ലീഷ്)
സംവിധാനം : Charles Chaplin
പരിഭാഷ : അശ്വിൻ കൃഷ്ണ ബി. ആർ
പോസ്റ്റർ : ഉണ്ണി ജയേഷ്
ജോണർ : അഡ്വഞ്ചർ, ഡ്രാമ, ഷോർട്

IMDb ⭐️ 7.6/10

1917 ൽ പുറത്തിറങ്ങിയ അമേരിക്കൻ റൊമാന്റിക് കോമഡി ഹ്രസ്വചിത്രമാണ് ദി ഇമിഗ്രന്റ്. അറ്റ്ലാന്റിക് സമുദ്രത്തിലൂടെയുള്ള യാത്രയിൽ മോഷണക്കുറ്റം ചുമത്തുകയും വഴിയിൽ ഒരു സുന്ദരിയായ യുവതിയുമായി പ്രണയത്തിലാകുകയും ചെയ്യുന്ന അമേരിക്കയിലേക്ക് വരുന്ന ഒരു കുടിയേറ്റക്കാരനായി ചാർളി ചാപ്ലിന്റെ ട്രാംപ് കഥാപാത്രം ചിത്രത്തിൽ അഭിനയിക്കുന്നു. എഡ്ന പർവിയൻസ്, എറിക് കാംപ്ബെൽ എന്നിവരും അഭിനയിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Adventure #Comedy #Drama #English #Short

#MSone Release - 2863

The Wheel of Time – Season 01 (2021)
ദ വീൽ ഓഫ് ടൈം – സീസൺ 01 (2021)

Episodes – 07 / എപ്പിസോഡ്സ് – 07

ഭാഷ : ഇംഗ്ലീഷ്
നിർമാണം : Sony Pictures Television
പരിഭാഷ : സാമിർ
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.4/10

റോബർട്ട് ജോർദന്റെ “ദ വീൽ ഓഫ് ടൈം” എന്ന നോവൽ സീരിസിനെ ആധാരമാക്കി അതേ പേരിൽ തന്നെ ആമസോണിലൂടെ പുറത്ത് വന്ന സീരീസാണ് “ദ വീൽ ഓഫ് ടൈം” എപ്പിക് ഫാന്റസി സീരീസ് നോവലുകളുടെ ചരിത്രത്തിലെ നാഴിക കല്ലെന്ന് വിശേഷിപ്പിക്കുന്ന ഒരു നോവൽ ചലച്ചിത്ര രൂപേണ പുറത്ത് വരുമ്പോൾ വേണ്ട എല്ലാ മികവും ആദ്യ എപ്പിസോഡുകളിൽ തന്നെ ഈ സീരീസ് പ്രേക്ഷകർക്ക് സമ്മാനിക്കുന്നുണ്ട്.

ഐസ് സെഡായി എന്ന സംഘടനയിൽ നിന്നും റോസമുണ്ട് പൈക്ക് അവതരിപ്പിക്കുന്ന കഥാപാത്രമായ മൊയ്റെയിൻ, തിന്മയെ നേരിടാൻ പുനഃർജന്മം നേടിയ ഡ്രാഗണിനെ തിരഞ്ഞു പോകുന്നതിലൂടെയാണ് കഥ ആരംഭിക്കുന്നത്.

ടു റിവേഴ്സ് എന്ന സ്ഥലത്ത് 4 ആളുകളാണ് സാധ്യത എന്ന് മനസ്സിലാക്കിയ മൊയ്റെയിൻ അവരെ തേടി വരുന്ന അതേ സമയം തിന്മയുടെ പ്രതീകമായ ഡാർക്ക്‌ വണ്ണും സൈന്യവും ഇതേ ആളുകളെ തേടി ടു റിവേഴ്‌സിലേക്ക് എത്തുകയും ചെയ്യുന്നു.
ഡ്രാഗൺ ആരാണ്, മൊയ്റെയിന് ഡ്രാഗണെ കണ്ടെത്താനാകുമോ, മൊയ്റെയിന് ഡാർക്ക്‌ വണ്ണിനേയും സൈന്യത്തെയും മറികടക്കാനാകുമോ എന്നതൊക്കെയാണ് ആദ്യ സീസണിൽ പ്രേക്ഷകർക്ക് കാണാനാകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2892

Ghanchakkar (2013)
ഘൻചക്കർ (2013)

ഭാഷ : ഹിന്ദി
സംവിധാനം : Raj Kumar Gupta
പരിഭാഷ : പ്രവീൺ വിജയകുമാർ
പോസ്റ്റർ : പ്രവീൺ അടൂർ
ജോണർ : കോമഡി, ക്രൈം, ത്രില്ലർ

IMDb ⭐️ 5.8/10

സഞ്ജുവും പണ്ഡിറ്റും ഇദ്രിസും ചേർന്ന് ഒരു ബാങ്ക് കൊള്ളയടിക്കുന്നു. മൂന്ന് മാസങ്ങൾക്ക് ശേഷം കൊള്ളമുതൽ വീതിക്കാം എന്ന തീരുമാനത്തിൽ മുഴുവൻ കാശും സഞ്ജുവിനെ ഏൽപ്പിച്ച് ഇരുവരും മടങ്ങുന്നു. മൂന്ന് മാസങ്ങൾക്ക് ശേഷം തിരിച്ചു വരുന്ന പണ്ഡിറ്റും ഇദ്രിസും കാണുന്നത്, ഒരു അപകടത്തിൽപ്പെട്ട് ഓർമ നഷ്ടപ്പെട്ട സഞ്ജുവിനെയാണ്. സഞ്ജു, പണ്ഡിറ്റിനേയും ഇദ്രിസിനേയും മാത്രമല്ല, കൊള്ളയടിച്ച കാശ് എവിടെയാണ് സൂക്ഷിച്ചിരിക്കുന്നത് എന്നും ഓർക്കുന്നില്ല. സത്യത്തിൽ സഞ്ജുവിന്റെ ഓർമ നഷ്ടപ്പെട്ടോ? അതോ അയാൾ എല്ലാവരേയും കബളിപ്പിക്കുന്നതാണോ? പണ്ഡിറ്റിനും ഇദ്രിസിനും തങ്ങളുടെ കാശ് ലഭിക്കുമോ? ഇതിനെല്ലാമുള്ള ഉത്തരങ്ങൾ ചിത്രം കണ്ടു തന്നെ അറിയുക.

രാജ് കുമാർ ഗുപ്‌ത സംവിധാനം ചെയ്ത് 2013ൽ പുറത്തിറങ്ങിയ കോമഡി ത്രില്ലർ ചിത്രമാണ് ഘൻചക്കർ. ഇമ്രാൻ ഹാഷ്മി, വിദ്യാ ബാലൻ, രാജേഷ് ശർമ്മ, നമിത് ദാസ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Crime #Hindi #Thriller