#MSone Release - 101

Dr. No (1962)
ഡോ. നോ (1962)

ഭാഷ : ഇംഗ്ലീഷ്
സംവിധാനം : Terence Young
പരിഭാഷ : പ്രവീൺ അടൂർ
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, അഡ്വെഞ്ചർ, ത്രില്ലർ

IMDb ⭐️ 7.2/10

ലോകത്താകമാനമുള്ള ആക്ഷൻ ത്രില്ലർ പ്രേമികളുടെ ഇഷ്ട സിനിമാ സീരീസ് ആയ ജെയിംസ്ബോണ്ടിന്റെ ആദ്യത്തെ സിനിമയാണ് ഡോ. നോ. 1962 ൽ ഇറങ്ങിയ ചിത്രം സവിധാനം ചെയ്തത് ടെരൻസ് യംഗ് ആണ്. ഇയാൻ ഫ്ലെമിങ്ങിന്റെ നോവലാണ് സിനിമക്ക് ആധാരം. ഷോൺ കോണറിയാണ് ആദ്യമായി ബോണ്ട് വേഷത്തിലെത്തുന്ന നടൻ. എഡിൻബറയിൽ പാൽ വിൽപനക്കാരനായി ജോലി നോക്കിയിരുന്ന ഷോൺ കോണറിക്ക് ജെയിംസ് ബോണ്ടായി അഭിനയിക്കാൻ ആദ്യം വലിയ താൽപര്യമില്ലായിരുന്നു. സിനിമ വിജയിച്ചാൽ തന്റെ തലവര മാറും എന്ന വിശ്വസത്തിലാണ് 32 ആം വയസിൽ ഡോ. നോയിൽ അഭിനയിക്കുന്നത്. തുടർന്ന് ആറ് ബോണ്ട് സിനിമകളിലും അദ്ദേഹം നായകനായി.

അമേരിക്കയുടെ ബഹിരാകാശ ദൗത്യങ്ങൾ അട്ടിമറിക്കപ്പെടുന്നതും അതിന്റെ രഹസ്യം കണ്ടെത്താൻ പോകുന്ന ബ്രിട്ടീഷ് ഏജന്റിന്റെ തിരോധാനവുമാണ് ബോണ്ടിന് കിട്ടുന്ന ആദ്യത്തെ ജോലി. തുടർന്ന് ജമൈക്കയിലെത്തുന്ന അദ്ദേഹത്തിന്റെ സാഹസങ്ങളും കൗശലങ്ങളുമൊക്കെയാണ് ചിത്രത്തിന്റെ ഇതിവൃത്തം. സ്പെക്ടർ എന്ന സംഘടനയെ ആദ്യമായി ഇയാൻ ഫ്ലെമിംഗ് അവതരിപ്പിക്കുന്നതും ഈ ചിത്രത്തിലാണ്.
1.1 മില്യൺ ഡോളറായിരുന്നു ചിത്രത്തിന്റെ നിർമ്മാണച്ചിലവ്. ബോണ്ടിന്റെ അൻപത് വർഷങ്ങൾ കഴിഞ്ഞുപോകുന്ന ഈ വേളയിൽ ഡോ. നോ തുടങ്ങിവെച്ചത് ചരിത്രമായിരുന്നെന്ന് ആരോർത്തു?

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ജയിംസ് ബോണ്ട് മൂവി ഫെസ്റ്റ്

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 03
പാർട്ട് 02 - എപ്പിസോഡ് 03

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 27

MSONE GOLD RELEASE

Pather Panchali (1955)
പഥേര്‍ പാഞ്ചലി (1955)

ഭാഷ : ബംഗാളി
സംവിധാനം : Satyajit Ray
പരിഭാഷ : രോഹിത് ഹരികുമാര്‍
പോസ്റ്റർ : ഉണ്ണി ജയേഷ്
ജോണർ : ഡ്രാമ

IMDb ⭐️ 8.4/10

വിഖ്യാത സംവിധായകന്‍ സത്യജിത് റായുടെ ആദ്യ ചിത്രമാണ് പഥേര്‍ പാഞ്ചലി.
അദ്ദേഹത്തിന്‍റെ മികച്ച ചിത്രങ്ങളില്‍ ഒന്ന് തന്നെയാണ് ഇതെന്ന് നിസംശയം പറയാം. രാജ്യാന്തര പ്രേക്ഷകരെ ഇന്ത്യന്‍ സിനിമയിലേക്ക് കൂടുതല്‍ അടുപ്പിച്ച ആദ്യ ചിത്രം തന്നെയാണ് പഥേര്‍ പാഞ്ചലി. ബിഭൂതിഭൂഷന്‍ ബന്ദോപാധ്യായുടെ നോവലിനെ ആസ്പദമാക്കിയാണ് ചിത്രീകരിച്ചത്. അപു ത്രയത്തിലെ ആദ്യ ചിത്രം. ബംഗാളി ഗ്രാമജീവിതത്തെ ഇറ്റാലിയന്‍ നിയോ-റിയലിസ്റ്റിക് ശൈലിയിലൂടെ പ്രേക്ഷകരുടെ മുന്നില്‍ തുറന്നുകാട്ടുകയാണ് സംവിധായകന്‍.

ദാരിദ്ര്യത്തെ എത്ര മനോഹരമായാണ് സത്യജിത് റായ് വരച്ചുകാട്ടുന്നതെന്ന് ചിത്രം കണ്ടാല്‍ മനസിലാകും. 1925 കളിലെ വനമേഖലയോടു ചേര്‍ന്നുള്ള ഒരു ബംഗാള്‍ ഗ്രാമത്തെ പശ്ചാത്തലമാക്കിയാണ് കഥയൊരുക്കിയിരിക്കുന്നത്. എഴുത്തുകാരനും നാടകകൃത്തുമായ ഒരു ദരിദ്ര ബ്രാഹ്മണന്റെ കുടുംബജീവിതം. വൃദ്ധമാതാവും പത്നിയും രണ്ടു കുട്ടികളുമടങ്ങുന്ന ആ വീടിന്റെ നിത്യവൃത്തിക്കായുള്ള അധ്വാനം മുഖ്യ പ്രമേയമാകുമ്പോഴും ഒരേസമയം കുട്ടികളുടെ കൗതുകലോകത്തേയും അവഗണിക്കപ്പെടുന്ന വാര്‍ധക്യത്തേയും മനോഹരമായി സംവിധായകന്‍ ദൃശ്യവത്ക്കരിച്ചിരിക്കുന്നു.

താരതമ്യേന പുതുമുഖങ്ങളായ ടെക്നിഷ്യന്മാരെയും അമച്വര്‍ നടീനടന്മാരെയും അണിനിരത്തിയാണ് സിനിമ ചിത്രീകരിച്ചതെങ്കിലും റായ് എന്ന പ്രതിഭയുടെ കരസ്പർശത്താൽ അതൊന്നും ചിത്രത്തിന്റെ പൂർണ്ണതയെ ബാധിച്ചില്ല. വെളിച്ചവും ചലനവും ക്രമീകരിക്കാനുള്ള സാങ്കേതിക വിദ്യ ആ കാലഘട്ടത്തില്‍ ലഭ്യമല്ലായിരുന്നിട്ടും ഇന്നും ഒട്ടും മടുപ്പുളവാകാതെ കണ്ടിരിക്കാന്‍ പറ്റുന്ന സീനുകള്‍.

ചിത്രത്തിലെ രവി ശങ്കറിന്റെ സംഗീതം, സുബ്രത മിത്രയുടെ ഛായാഗ്രഹണം എടുത്തുപറയേണ്ടതാണ്. ഒരു നോവലിനെ സിനിമയാക്കുമ്പോൾ സംഭവിക്കുക സീനുകളുടെ ബാഹുല്യവും ചോര്ന്നു പോകുന്ന അന്തസത്തയുമാണ്. എന്നാൽ പഥേർ പാഞ്ചാലിയിൽ അനാവശ്യമെന്നു തോന്നുന്ന ഒരു ഷോട്ടുപോലും നമുക്ക് കണ്ടെടുക്കാനില്ല. പ്രകൃതിയും മനുഷ്യനുമായുള്ള ലയം. ഗ്രാമീണത. കഥപറച്ചിലിലെ രസം ചോർന്നുപോകാതെ ഒരു ചിത്രകാരന്റെ കലാചാരുതയോടെ പ്രകൃതിയെ മനോഹരമായി സന്നിവേശിപ്പിച്ചിരിക്കുന്ന ചില ഷോട്ടുകൾ. മഴ, ആമ്പല്‍ക്കുളം, ജലജീവികള്‍.
കാന്‍സ്‌ ചലച്ചിത്ര മേളയില്‍ പാം ഡി ഓറിന് മത്സരിക്കുകയും മികച്ച ഹ്യൂമന്‍ ഡോക്യുമെന്റിനുള്ള പുരസ്കാരം കരസ്ഥമാക്കി ഈ ചിത്രം.

നാഷണല്‍ ബോര്‍ഡ് ഓഫ് റിവ്യൂടെ മികച്ച അന്താരാഷ്ട്ര ചിത്രത്തിനുള്ള പുരസ്കാരവും നേടി. രണ്ട് ദേശീയ പുരസ്കാരം (മികച്ച ചിത്രം, മികച്ച ബംഗാളി ചിത്രം) കരസ്ഥമാക്കുകയും ചെയ്തു. കൂടാതെ മറ്റ് പല അന്മേതാരാഷ്ട്ര മേളകളില്‍ പ്രദര്‍ശിപ്പിക്കുകയും പല പുരസ്കാരങ്ങളും നേടി.

1992-ലെ സൈറ്റ് ആന്‍ഡ്‌ സൗണ്ട് പോളില്‍ മറ്റ് പല വിദേശ സിനിമകളുടെ കൂടെ ഈ ചിത്രം ആറാം സ്ഥാനത്ത് എത്തി. എക്കാലത്തെയും മികച്ച സിനിമ തന്നെയാണ് “പഥേര്‍ പാഞ്ചലി” എന്ന് ഉറപ്പിച്ച് പറയാന്‍ സാധിക്കും. ഭൂരിഭാഗം പേരും ഈ ചിത്രം കണ്ടിട്ടുണ്ടാകും. കണ്ടിട്ടില്ലാത്തവര്‍ ഈ ചിത്രം തീര്‍ച്ചയായും കാണുക. കണ്ടിട്ടുള്ളവര്‍ ഈ ചിത്രത്തിലേക്ക് ഒരിക്കല്‍ കൂടി തിരനോട്ടം നടത്തുന്നതിനും കുഴപ്പമില്ല.

അഭിപ്രായങ്ങൾ പങ്കുവെക്കാൻ

Categories : #Bengali #Drama #MsoneGold

#MSone Release - 2913

12 Feet Deep (2017)
12 ഫീറ്റ് ഡീപ് (2017)

ഭാഷ : ഇംഗ്ലീഷ്
സംവിധാനം : Matt Eskandari
പരിഭാഷ : ഹബീബ് ഏന്തയാർ
പോസ്റ്റർ : അഷ്‌കർ ഹൈദർ
ജോണർ: ഹൊറർ, ത്രില്ലർ

IMDb ⭐️ 5.4/10

ഒരു സിനിമ മുഴുവൻ പെട്ടിക്കുള്ളിൽ കണ്ടവരാണ് നിങ്ങൾ (ബറീഡ് (2010)) ഇതാ അതുപോലെ ത്രില്ലടിപ്പിക്കാൻ മറ്റൊന്ന്. എന്നാൽ ഈ സിനിമ മുഴുവൻ വെള്ളത്തിനടിയിലാണ്. 2017 ൽ Matt Eskandari യുടെ സംവിധാനത്തിൽ ഇറങ്ങിയ ഹൊറർ മൂഡിലുള്ള ത്രില്ലറാണ് 12 ഫീറ്റ് ഡീപ്. സഹോദരിമാർ പബ്ലിക്ക് പൂളിൽ കുളിക്കാൻ വരുന്നതോടെയാണ് കഥയുടെ തുടക്കം. പൂൾ അടയ്ക്കാൻ പോകുന്ന സമയം.

എല്ലാവരോടും നീന്തൽ നിർത്തി പൂളിൽ നിന്നും ഇറങ്ങാൻ പറയുന്നു. പക്ഷേ തന്റെ വിവാഹ നിശ്ചയ മോതിരം പൂളിൽ വീണ് പോയ കാര്യം മനസ്സിലാക്കിയ ഒരുവൾ വീണ്ടും 12 അടി ആഴമുള്ള പൂളിലേക്കിറങ്ങുന്നു. കൂടെ സഹോദരിയും. അപ്പോഴേക്കും വെള്ളത്തിന്റെ മുകളിൽ ഫൈബർ ലോക്ക് ഇട്ട ശേഷം മാനേജർ പൂട്ടി പോകുന്നു. അവിടം തൊട്ട് കഥയുടെ ഗതി മാറുന്നു. ശേഷം 1 മണിക്കൂർ 25 മിനിറ്റ് നടക്കുന്നത് നല്ല ഒന്നാന്തരം ത്രില്ലിംഗ് സീനുകളാണ്. അപകടത്തിൽ രക്ഷിക്കാൻ വരുന്നവർ നല്ല എട്ടിന്റെ മുട്ടൻ പണി തന്നാലോ! അതുപോലൊരു പണിയാണ് പൂളിൽ അവർക്ക് നേരിടേണ്ടിവരുന്നത്. അവർ രക്ഷപ്പെടുമോ?

വെറും 3 കഥാപാത്രങ്ങളേ ഈ ചിത്രത്തിൽ ഉള്ളു. അനാവശ്യ വലിച്ച് നീട്ടലോ കഥാപശ്ചാത്തലമോ ഇല്ലാത്ത ഈ ചിത്രത്തിൽ അണ്ടർവാട്ടർ സീനുകളും പ്രധാന കഥാപാത്രങ്ങളുടെ റിയലിസ്റ്റിക് പ്രകടനവും മികച്ച് നിൽക്കുന്നു.

അഭിപ്രായങ്ങൾ പങ്കുവെക്കാൻ

Categories : #English #Horror #Thriller

#MSone Release - 2914

MSONE GOLD RELEASE

Petite Maman (2021)
പെറ്റിറ്റ് മമൊ (2021)

ഭാഷ : ഫ്രഞ്ച്
സംവിധാനം : Céline Sciamma
പരിഭാഷ : രോഹിത് ഹരികുമാര്‍
പോസ്റ്റർ : പ്രവീൺ അടൂർ
ജോണർ : ഡ്രാമ, ഫാന്റസി

IMDb ⭐️ 7.4/10

സെലിന്‍ സിയാമയുടെ സംവിധാനത്തില്‍ 2021-ല്‍ പുറത്തിറങ്ങിയ ചിത്രമാണ് “പെറ്റിറ്റ് മമൊ.” പെറ്റിറ്റ് മമൊ എന്നാല്‍ “ലിറ്റില്‍ മം” അഥവാ “ചെറിയ അമ്മ” എന്നാണ് അര്‍ത്ഥം.

എട്ട് വയസ്സുകാരി നെല്ലിയുടെ പ്രിയപ്പെട്ട അമ്മൂമ്മ മരിച്ചുപോയി. ശേഷം, വീട്ടുസാധനങ്ങൾ ഒഴിപ്പിക്കാന്‍ വേണ്ടി അമ്മവീട്ടില്‍ പോകുകയും അവിടെ വച്ച് ഒരു ‘സുഹൃത്തി’നെ കണ്ടുമുട്ടുന്നതാണ് ചിത്രത്തിന്റെ ഇതിവൃത്തം.

2021-ലെ മികച്ച സിനിമകളില്‍ ഒന്ന് തന്നെയാണ് പെറ്റിറ്റ് മമൊ. പല അന്താരാഷ്‌ട്ര ചലച്ചിത്ര മേളകളില്‍ പ്രദര്‍ശിപ്പിച്ച ഈ ചിത്രം മികച്ച നിരൂപക പ്രശംസ നേടിയെടുത്തു. 2021-ലെ മികച്ച ചിത്രങ്ങളിൽ ഒന്നുതന്നെയാണ് പെറ്റിറ്റ് മമൊ.

അഭിപ്രായങ്ങൾ പങ്കുവെക്കാൻ

Categories : #Drama #Fantasy #French #MsoneGold

#MSone Release - 2915

True Detective – Season 01 (2014)
ട്രൂ ഡിറ്റക്ടീവ് – സീസൺ 01 (2014)

ഭാഷ : ഇംഗ്ലീഷ്
നിർമാണം : Anonymous Content
പരിഭാഷ : സുബിൻ ടി
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️ 8.9/10

2014ല്‍ പുറത്തിറങ്ങിയ ക്രൈം ഡ്രാമ സീരീസാണ് ട്രൂ ഡിറ്റക്ടീവ്.

3 സീസണുകളിലായി 24എപ്പിസോഡുകളാണ് ഉള്ളത്. 3 സീസണുകളും വേറെ വേറെ കഥകളാണ് പറയുന്നത്. അതില്‍ ഏറ്റവും കൂടുതല്‍ ആരാധകരുള്ളത് സീസണ്‍ 1നും അതിലെ 8 എപ്പിസോഡുകള്‍ക്കും ആണ്.

1995ല്‍ ഇറാത്തിലെ കരിമ്പുതോട്ടത്തില്‍വെച്ച് ഒരു സ്ത്രീയുടെ മൃതദേഹം കിട്ടുന്നു. ഇത് കൊലപാതകമാണെന്ന് മനസ്സിലാക്കുന്ന ഷെറിഫ്, കൊലപാതക ഡിറ്റക്ടീവ്സ് ആയ റസ്റ്റിന്‍ കോഹ്ലിനെയും, മാര്‍ട്ടിന്‍ ഹാര്‍ട്ടിനേയും വിളിക്കുന്നു. പിന്നീട് ഇവര്‍ രണ്ട്പേരും കേസ് അന്വേഷിക്കുന്നതിലൂടെയാണ് കഥ കടന്നുപോകുന്നത്. വളരെ വിചിത്രമായ ഈ കൊലപാതകത്തിന്റെ ചുരുളഴിക്കാന്‍ അവര്‍ ശ്രമിക്കുന്നു. ആ കേസ് അവരുടെ ജീവിതത്തില്‍ വരുത്ന്നതുന്ന മാറ്റങ്ങളിലൂടെയും സീരീസ് കടന്നുപോകുന്നു. രണ്ട് കാലഘട്ടത്തിലൂടെയുള്ള കഥപറച്ചില്‍‍ പ്രേക്ഷകനെ കൂടുതല്‍ താല്പര്യം കൊള്ളിക്കുന്നു. സീരീസിന്‍റെ നട്ടെല്ലെന്ന് പറയാവുന്നത് മാത്യൂ മകനഹേയുടെയും വുഡി ഹാരെല്‍സന്റെയും പ്രകടനം ആണ്.

തീർച്ചയായും കണ്ടിരിക്കേണ്ട ഈ സീരീസ്, എന്നാല്‍ എല്ലാ പ്രായത്തിലുള്ള പ്രേക്ഷകര്‍ക്കും യോജിച്ചതല്ല. ഒരുപാട് വയലന്‍സ്, നഗ്നരംഗങ്ങളും സ്ത്രീവിരുദ്ധ, വംശീയവിരുദ്ധ സംഭാഷണങ്ങളും ഉള്ളതിനാല്‍, പ്രായത്തിനു യോജിച്ചവര്‍ മാത്രം കാണുക.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery #Web_Series

"ഒരു പരിഭാഷ ഞാനും ചെയ്ത് നോക്കിയാലോ?" എന്ന് എപ്പോഴെങ്കിലും തോന്നിയിട്ടുണ്ടോ നിങ്ങൾക്ക്? എങ്കിൽ ഇതാ ഒരു സുവർണാവസരം. എംസോൺ ഫ്രഷേഴ്സ് ഫെസ്റ്റ്. മലയാളം പരിഭാഷ ചെയ്യാൻ ആഗ്രഹവും ആത്മവിശ്വാസവും സമയവും ഇംഗ്ലീഷിൽ പ്രാവീണ്യവുമുള്ളവർക്ക് പങ്കെടുക്കാം. പങ്കെടുക്കാൻ ആഗ്രഹിക്കുന്നവർ @shihasskbm എന്ന ടെലഗ്രാം ഐഡിയിൽ ബന്ധപ്പെട്ട് നിങ്ങളുടെ പേരും ഒപ്പം, വിദ്യാഭ്യസം/ജോലി തുടങ്ങിയ വിവരങ്ങളും നൽകുക. ആദ്യം നിങ്ങൾക്ക് പരിഭാഷ ചെയ്യാനുള്ള പ്രാവീണ്യമുണ്ടോ എന്ന് അറിയാനുള്ള ഒരു ടെസ്റ്റും വിജയിക്കുന്നവർക്ക് പരിശീലന ക്ലാസും ഉണ്ടായിരിക്കും. അതിനു ശേഷം ചെയ്യാനുള്ള സിനിമ തെരഞ്ഞെടുക്കാം. രണ്ടുപേർക്ക് ചേർന്നും ഒരു സിനിമ പരിഭാഷപ്പെടുത്താവുന്നതാണ്. വെരിഫൈ ചെയ്യപ്പെട്ട് സെലക്ടാകുന്ന പരിഭാഷകൾ മാർച്ച് ഒന്നു മുതൽ ആരംഭിക്കുന്ന ഫ്രഷേസ് ഫെസ്റ്റിൽ റിലീസ് ചെയ്യും. അപ്പൊ എങ്ങനാ, ഒരുകൈ നോക്കുകയല്ലേ?

All of Us Are Dead
2022 ‧ Korean drama

ഉടൻ വരുന്നു....

നമ്മുടെ എംസോണിൽ മലയാളം പരിഭാഷയിൽ ആസ്വദിക്കാം...

Cut: ഷൈജു എസ്
പരിഭാഷ : Thoufeek A

#MSone Release - 2916

Riders of Justice (2020)
റൈഡേഴ്സ് ഓഫ് ജസ്റ്റിസ് (2020)

ഭാഷ : ഡാനിഷ്
സംവിധാനം : Anders Thomas Jensen
പരിഭാഷ & പോസ്റ്റർ : ഷൈജു എസ്
ജോണർ : ആക്ഷൻ, കോമഡി, ഡ്രാമ

IMDb ⭐️7.6/10

ഒരു ട്രെയിനപകടത്തിൽ ഭാര്യയെ നഷ്ടപ്പെട്ട പട്ടാളക്കാരനായ മാർക്കുസ്, ഏക മകളോടൊപ്പം ദുഃഖത്തിൽ കഴിയുമ്പോഴാണ് ഒരു രാത്രിയിൽ ഓട്ടോയും അവന്റെ കൂട്ടുകാരൻ ലെനാർട്ടും വീട്ടിലെത്തുന്നത്. ഓട്ടോയും അതേ ട്രെയിനിലുണ്ടായിരുന്നെന്നും അന്ന് സംഭവിച്ചത് അപകടമായിരുന്നില്ലെന്നും മാർക്കുസിനോട് പറയുന്നു. അതിന് കാരണക്കാരെ കണ്ടെത്തി പ്രതികാരം ചെയ്യാനിറങ്ങുന്ന മാർക്കുസിനെ സഹായിക്കാൻ ഓട്ടോയും കൂട്ടുകാരും ഒപ്പം ചേരുന്നു. തുടർന്ന് അവർക്ക് നേരിടേണ്ടി വരുന്ന വെല്ലുവിളികളും പ്രശ്നങ്ങളുമാണ് ചിത്രത്തിന്റെ ഇതിവൃത്തം.

Anders Thomas Jensen സംവിധാനം ചെയ്ത് 2020ൽ ഡാനിഷ് ഭാഷയിൽ പുറത്തിറങ്ങിയ ‘റൈഡേഴ്‌സ് ഓഫ് ജസ്റ്റിസ്’ എന്ന ഈ ആക്ഷൻ, കോമഡി ചിത്രത്തിൽ പ്രധാന കഥാപാത്രങ്ങളായി എത്തുന്നത് Mads Mikkelsen, Nikolaj Lie Kaas, Andrea Heick Gadeberg തുടങ്ങിയവരാണ്.

അഭിപ്രായങ്ങൾ പങ്കുവെക്കാൻ

Categories : #Action #Comedy #Danish #Drama

#MSone Release - 2917

MSONE GOLD RELEASE

The Orphan of Anyang (2001)
ദി ഓർഫൻ ഓഫ് അന്യാങ് (2001)

ഭാഷ : മാൻഡറിൻ
സംവിധാനം : Chao Wang
പരിഭാഷ : ബോയെറ്റ് വി ഏശാവ്
പോസ്റ്റർ : അഷ്‌കർ ഹൈദർ
ജോണർ : ഡ്രാമ

IMDb ⭐️ 6.8/10

ആറാം തലമുറ സംവിധായകനായ (Sixth Generation Director) വാങ് ചാവോ (Wang Chao) തന്റെ തന്നെ നോവലിനെ ആസ്പദമാക്കി സംവിധാനം ചെയ്ത് 2001 പുറത്തിറങ്ങിയ ചൈനീസ് ചിത്രമാണ് ദി ഓര്‍ഫന്‍ ഓഫ് അന്യാങ്.
ഫാക്ടറി ജോലി നഷ്ടപെട്ട ദഗാങ്, സ്വന്തം കുഞ്ഞിനെ ഉപേക്ഷിച്ച വേശ്യയായ യാൻലി, ഗുണ്ടയായ സിഡെ – ഈ മൂന്ന് പേരിലൂടെ സോഷ്യലിസത്തിന്റെ പതനത്തിന് ശേഷമുള്ള ചൈനയെ അവതരിപ്പിക്കുകയാണ് സംവിധായകൻ. 2002ലെ ഐ. എഫ്.എഫ്.കെ യിൽ മികച്ച ചിത്രത്തിനുള്ള സുവർണ ചകോരം ഈ ചിത്രത്തിന് ലഭിച്ചു.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #MsoneGold

#MSone Release - 2918

Black Mirror – Season 01 (2011)
ബ്ലാക്ക് മിറർ – സീസൺ 01 (2011)

Episode - 01 The National Anthem
എപ്പിസോഡ് - 01 ദ നാഷണൽ ആന്തം

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : വിവേക് സത്യൻ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

ബ്രിട്ടീഷ് റോയല്‍ ഫാമിലിയിലെ ഇളയ അംഗമായ പ്രിൻസസ് സൂസന്നയെ ആരോ കിഡ്നാപ്പ് ചെയ്യുന്നു. അവളെ വിട്ടു കിട്ടണേല്‍, ബ്രിട്ടീഷ് പ്രധാനമന്ത്രിയായ മൈക്കിള്‍ കാലോ കേട്ടാല്‍ അറച്ചു പോവുന്ന ഒരു കാര്യം ചെയ്യണമെന്ന് കിഡ്നാപ്പർ ഡിമാന്റ് വയ്ക്കുന്നു. അതും ലൈവ് ടെലിവിഷനില്‍ അന്ന് വൈകിട്ട് 4 മണിക്ക്! യൂട്യൂബ് വഴി പോസ്റ്റ് ചെയ്ത ഈ ഡിമാന്റ് ആയിരക്കണക്കിന് ആളുകള്‍ കാണുന്നു. ഒട്ടും വൈകാതെ ഈ വിഷയം എല്ലായിടത്തും ട്രെൻഡിംഗ് ആവുന്നു. സമയം തീരെ കുറവാണ്. ആ കിഡ്നാപ്പറെ കണ്ടുപിടിക്കാനുള്ള ശ്രമം വിജയിക്കുമോ എന്നുറപ്പില്ല. അയാളുടെ ഉദ്ദേശം എന്താന്ന് പോലും ആർക്കും അറിയില്ല. റോയല്‍ ഫാമിലിയിലെ ഒരു മെമ്പര്‍ കൊല്ലപ്പെട്ടാൽ അത് വൻ വിവാദമാവും. വളരെ Unpredictable ആയി മുന്നോട്ട് പോവുന്ന ഇതിന്റെ കഥ ഒരു Unexpected Point ലാണ് ഒടുവില്‍ ചെന്നെത്തുന്നത്. ടെക്‌നോളജിയുടെ ഇരുണ്ട വശവും, ആളുകളുടെ കണ്ണില്‍ചോരയില്ലാത്ത മനോഭാവവും ഈ കഥയില്‍ പ്രകടമാവുന്നു.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series