#MSone Release - 2906

Qismat 2 (2021)
കിസ്മത് 2 (2021)

ഭാഷ : പഞ്ചാബി
സംവിധാനം : Jagdeep Sidhu
പരിഭാഷ : റാഫി സലീം
പോസ്റ്റർ : ഉണ്ണി ജയേഷ്
ജോണർ: ഹൊറർ, ത്രില്ലർ

IMDb ⭐️7.1/10

2018 ൽ ഇറങ്ങിയ കിസ്മത്തിന്റെ രണ്ടാം ഭാഗം ആണെങ്കിലും ഇത് തികച്ചും വ്യത്യസ്ഥ കഥയാണ്.

കോളേജിലെ കായിക അധ്യാപകനായ ശിവ്ജിത്തുമായി അവിടെ പഠിക്കുന്ന ഒരു പെൺകുട്ടി പ്രണയത്തിലാകുന്നു. ശിവ്ജിത്തിന് അതിൽ താല്പര്യമില്ലെന്ന് അവളെ മനസ്സിലാക്കാൻ ശ്രമിച്ചിട്ടും അവൾ പിന്മാറിയിരുന്നില്ല. നേരത്തേ ആരെയെങ്കിലും പ്രണയിച്ചിട്ടുണ്ടോ എന്ന് അവൾ ഒരിക്കൽ ചോദിക്കുമ്പോൾ ശിവ്‌ജിത്ത് തനിക്ക് പണ്ട് കോളേജിൽ പഠിക്കുമ്പോൾ ഉണ്ടായ ഒരു പ്രണയത്തെ പറ്റി ഓർക്കുകയാണ്.

അന്ന് ബാനി എന്ന പെൺകുട്ടിയുമായുള്ള പ്രണയം ശിവ്ജിത്തിന്റെ ജീവിതത്തെ ഒരുപാട് ബാധിച്ചിരുന്നു. വർഷങ്ങൾക്ക് ശേഷം അത് ഓർമ്മ വന്നപ്പോൾ അവളെ വീണ്ടും കാണാൻ തീരുമാനിക്കുകയാണ് ശിവ്ജിത്ത്. പിന്നീട് നടക്കുന്ന സംഭവവികാസങ്ങളിലൂടെ കഥ മുന്നോട്ട് പോകുന്നു. ആദ്യ ഭാഗത്തിനെ പോലെ തന്നെ ഈ സിനിമയും ബോക്സോഫീസിൽ സൂപ്പർഹിറ്റായി.
പ്രണയസിനിമകൾ ഇഷ്ടമുള്ളവർ തീർച്ചയായും കണ്ടിരിക്കണം.

അഭിപ്രായങ്ങൾ പങ്കുവെക്കാൻ

Categories : #Drama #Punjabi #Romance

ഏതാണ്? 😊

#MSone Release - 2907

Skater Girl (2021)
സ്‌കേറ്റർ ഗേൾ (2021)

ഭാഷ : ഹിന്ദി, ഇംഗ്ലീഷ്
സംവിധാനം : Manjari Makijany
പരിഭാഷ : പ്രണവ് രാഘവൻ
പോസ്റ്റർ : ഉണ്ണി ജയേഷ്
ജോണർ: ഡ്രാമ, ഫാമിലി, സ്‌പോർട്

IMDb ⭐️6.7/10

നമ്മളെല്ലാം സ്വപ്നം കാണുന്നവരാണ്, നമുക്കെല്ലാം ഒരു ലക്ഷ്യമുണ്ട്. എന്നാൽ സ്വപ്നം കാണാൻപോലും പറ്റാത്ത തനിക്ക് ജീവിതത്തിൽ ആരാകണം എന്നുപോലും തീരുമാനിക്കാൻ പറ്റാത്ത രാജസ്ഥാനിലെ ഖേംപൂർ എന്ന ഗ്രാമത്തിലെ പ്രേരണ എന്ന പെൺകുട്ടിയുടെ കഥയാണ് സ്‌കേറ്റർ ഗേൾ എന്ന സിനിമയിൽ പറയുന്നത്.

ലണ്ടനിൽ നിന്ന് തന്റെ അച്ഛന്റെ നാട്ടിലേക്ക് വരുന്ന വിദേശ വനിതയായ ജസിക ഖേംപൂർ എന്ന ഗ്രാമത്തിൽ കൊണ്ടുവരുന്ന മാറ്റങ്ങളും പ്രേരണയുടെ ജീവിതത്തിൽ ഉണ്ടാകുന്ന മാറ്റങ്ങളെപ്പറ്റിയെല്ലാം സിനിമയിൽ പറയുന്നു. ജെസിക വഴി പ്രേരണ സ്കേറ്റിങ്ങിനെപ്പറ്റി അറിയുകയും അത് അവളിൽ പുതുപ്രതീക്ഷ നൽകുകയും ചെയ്യുന്നു. തന്റെ ജീവിതത്തിൽ ഇതുവരെ ഭാവിയെപ്പറ്റി സ്വപ്നം കാണാതിരുന്ന പ്രേരണ സ്കേറ്റിങ് ചെയ്ത് തുടങ്ങുമ്പോൾ സ്വപ്നം കാണുവാൻ തുടങ്ങുന്നു. രാജസ്ഥാനിലെ ദാരിദ്ര്യരുടെ ഗ്രാമത്തിലെ ജീവിതവും, ജാതി വ്യവസ്ഥയും, ജനങ്ങളുടെ മനോഭാവവുമെല്ലാം സിനിമയിൽ വ്യക്തമായി കാണിച്ചുതരുന്നു.

അഭിപ്രായങ്ങൾ പങ്കുവെക്കാൻ

Categories : #Drama #English #Family #Hindi #Sport

#MSone Release - 2908

Dokgo Rewind (2018)
ഡോക്ഗോ റിവൈൻഡ് (2018)

ഭാഷ : കൊറിയൻ
സംവിധാനം : hoi Eun-jong
പരിഭാഷ : സജിത്ത് ടി. എസ്
പോസ്റ്റർ : ഉണ്ണി ജയേഷ്
ജോണർ: ആക്ഷൻ

IMDb ⭐️ 8.7/10

Kang Hyuk, Choi Jae Wook, Koo Bon Hwan. മൂവരും ഉറ്റസുഹൃത്തുക്കളാണ്. പഠനം പാതി വഴിയിൽ ഉപേക്ഷിച്ച്, ചുറ്റിയടിക്കറങ്ങലാണ് മൂന്ന് പേരുടെയും പ്രധാന പരിപാടി. മൂന്ന് പേരും മോശമല്ലാത്ത രീതിയിൽ fight ചെയ്യുമെങ്കിലും, Hyuk ആണ് fighting ൽ മികച്ചവൻ. ഒരു ദിവസം മൂവരും ഒത്തു കൂടുന്ന സ്ഥലത്തേക്ക് വരുമ്പോഴാണ് ഒരുത്തനെ (Kyu Soon) രണ്ടുപേർ കൂടി ഉപദ്രവിക്കുന്നത് കാണുന്നത്. അവരിൽ നിന്നും അവനെ രക്ഷിച്ചു കഴിയുമ്പോൾ, അനിയത്തി ഉപദ്രവിക്കപ്പെട്ട് Hospital ലാണെന്നും, അതിനുണ്ടായ കാരണവും അവരോട് പറഞ്ഞ്, അവൻ സഹായം ചോദിക്കുന്നു. അവരെ സഹായിക്കാമെന്ന് Hyuk വാക്ക് കൊടുക്കുന്നു.

അവർ Dang Young സ്കൂളിലെ students ആയതുകൊണ്ട് അവരോട് എതിരിടുക എന്നത് എളുപ്പമല്ല എന്നവർ മനസ്സിലാക്കുന്നു. Dang Yeong ഉം Gi Cheon ഉം നഗരത്തിലെ മികച്ച സ്കൂളുകളിൽ ഒന്നാണ്. പൊതുവെ കണ്ടാൽ കീരിയും പാമ്പും പോലെ ആയിരുന്ന Dang Yeong – Gi Cheon school കളിലെ students, ഒരു ഉടമ്പടി പ്രകാരം സഖ്യങ്ങളായി മാറി. അതിനാൽ ഒരു സ്കൂളിനൊരു പ്രശ്നം ഉണ്ടെങ്കിൽ സഖ്യമെന്ന നിലക്ക് മറ്റേ school അവരെ സഹായിക്കണം. Kyu soon നെ പിടിച്ചു കൊണ്ട് വരാൻ Dang Yeong, Gi Cheon സ്കൂളിന്റെ സഹായം തേടുന്നു. എന്നാൽ Hyuk ഉം കൂട്ടുകാരും അവരെ ഇടിച്ചു ഓടിക്കുന്നു. പ്രശ്നങ്ങൾ വഷളായത്തോടെ രണ്ട് സ്കൂളുകളും Kyu Soon നെ പിടിച്ചു കൊണ്ട് പോകാൻ ശ്രമിക്കുകയും, Hyuk ഉം കൂട്ടുകാരും രണ്ട് സ്കൂളുകൾ തമ്മിലുള്ള സഖ്യം തകർക്കാനും ശ്രമിക്കുകയാണ്.

Action ന് പ്രധാന്യം നൽകി 2018 ൽ ഇറങ്ങിയ ഈ mini series ൽ K-Pop Band Exo യുടെ member ആയ Oh Se Hun ആണ് പ്രധാന കഥാപാത്രമായ Kang Hyuk നെ അവതരിപ്പിച്ചിരിക്കുന്നത്. കൂടാതെ K-pop band I.O.I താരമായ Kang Mina യും Jo Byung Gyu വും An Bo Hyun നും പ്രധാന കഥാപാത്രങ്ങളായി ഇതിലെത്തുന്നു.

10 മിനുട്ട് വീതമുള്ള 20 എപ്പിസോഡുകൾ ആയി ഇറങ്ങിയ സീരീസ് ആണെങ്കിലും, അതിലെ 5 എപ്പിസോഡ് വീതം സംയോജിപ്പിച്ച് 45-48 മിനുട്ട് വീതമുള്ള 4 എപിയായിട്ടാണ് സബ് തയ്യാറാക്കിയിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Korean #Web_Series

#MSone Release - 2909

Back to the 90s (2015)
ബാക്ക് ടു ദി 90s (2015)

ഭാഷ : തായ്
സംവിധാനം : Yanyong Kuruaungkoul
പരിഭാഷ : സാരംഗ് ആർ. എൻ, സജിത്ത് ടി. എസ്
പോസ്റ്റർ : അഷ്‌കർ ഹൈദർ
ജോണർ: കോമഡി, ഡ്രാമ, മ്യൂസിക്കല്‍

IMDb ⭐️ 6.5/10

Yanyong Kuruaungkoul ന്റെ സംവിധാനത്തിൽ 2015 ൽ പുറത്തിറങ്ങിയ ഒരു കോമഡി, ഫാന്റസി, മ്യൂസിക്കൽ Thai movie യാണ് ‘Back To The 90s‘.

അച്ഛന്റെയും അമ്മയുടെ വിവാഹ വാർഷികത്തിന്റെ അന്ന് വീട്ടിലെത്തുമ്പോഴാണ് കേട്ടു പരിചയമില്ലാത്ത ഒരു ശബ്ദം Kong കേൾക്കുന്നത്. അങ്ങനെ ആ ശബ്ദം ഉണ്ടായ സ്ഥലത്തേക്ക് പോയി നോക്കുമ്പോ അവനൊരു Pager ഉം, ഒരു പത്രവും, ഫോട്ടോയും കിട്ടുന്നു.

ഒപ്പം Pager ൽ ഒരു മെസ്സേജും, ഫോട്ടോയുടെ പിന്നിൽ തന്റെ അച്ഛന് Som എന്ന പെണ്ണ് എഴുതിയ ഒരു ഓട്ടോഗ്രാഫും കാണുന്നു.
രാത്രി അച്ഛന്റെയും അമ്മയുടെയും വഴക്ക് കേട്ട് ചെല്ലുമ്പോഴാണ് അവന് മനസ്സിലാകുന്നത്, അവർ തർക്കിക്കുന്നത് ഫോട്ടോയുടെ പിന്നിൽ ഓട്ടോഗ്രാഫ് എഴുതിയ Som ന്റെ പേരും പറഞ്ഞാണെന്ന്. തുടർന്ന് അവൻ അച്ഛനുമായി വഴക്കിട്ട് വീട്ടിൽ നിന്നിറങ്ങി പോകുന്നു. കൂട്ടുകാരനെ വിളിച്ച് വീട്ടിലേക്ക് വരാൻ പറയുമ്പോഴാണ് മഴ പെയ്യുന്നത്. ഓടി കയറിയത് ഒരു ഫോൺ ബൂത്തിലേക്ക്. Pager ൽ കണ്ട നമ്പറിലേക്ക് വിളിക്കാൻ തുടങ്ങുന്നതും അവന്റെ ബോധം പോകുന്നു. പിന്നീട് എഴുന്നേൽക്കുമ്പോൾ സ്ഥലമാകെ മാറിപ്പോയിരുന്നു.

Road ലൂടെ നടന്ന് പോകുന്നതിനിടയിൽ അച്ഛന്റെയും അമ്മയുടെയും പേരിൽ വഴക്കിടുന്ന രണ്ട് പേരുടെ ശബ്ദം കേട്ട് അവനൊരു വീട്ടിലേക്ക് ചെല്ലുന്നു. അവിടെ നിന്ന് വഴക്ക് കൂടുന്നത് തന്റെ അച്ഛനും അമ്മയുമാണെന്നും താൻ 90 കളിലേക്ക് time travel ചെയ്‌തെന്നും അവൻ തിരിച്ചറിയുന്നു. തുടർന്ന് പോകാൻ ഒരിടമില്ലാത്ത അവൻ അവിടെ താമസിച്ച് തന്റെ അച്ഛനും അമ്മയും വഴക്ക് കൂടുന്നതിന് കാരണക്കാരിയായ Som ഉം അച്ഛനും തമ്മിലുള്ള ബന്ധം അറിയുവാൻ ശ്രമിക്കുന്നു. Comedy ക്ക് പ്രാധാന്യം കൊടുത്ത ഈ ചിത്രത്തിൽ Thailand ലെ മികച്ച നായികമാരിൽ ഒരാളായ Pimchanok Leuwisetpaiboon (Baifern) ആണ് ഒരു പ്രധാന കഥാപാത്രത്തെ അവതരിപ്പിച്ചിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Musical #Thai

#MSone Release - 2910

The Harder They Fall (2021)
ദ ഹാർഡർ ദേ ഫാൾ (2021)

ഭാഷ : ഇംഗ്ലീഷ്
സംവിധാനം : Jeymes Samuel
പരിഭാഷ : പ്രജുൽ പി
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, ടഡ്രാമ, വെസ്റ്റേൺ

IMDb ⭐️ 6.6/10

ജെയിംസ്‌ സാമുവലിന്റെ സംവിധാനത്തിൽ 2021-ൽ റിലീസ് ചെയ്ത റിവിഷനിസ്റ്റ് വെസ്റ്റേൺ സിനിമയാണ് ‘ദ ഹാർഡർ ദേ ഫാൾ‘. സാങ്കൽപ്പിക കഥയാണെങ്കിലും പത്തൊമ്പതാം നൂറ്റാണ്ടിലെ വെസ്റ്റ് അമേരിക്കയിലെ കൗബോയികളുടേയും, നിയമപാലകരുടേയും, കുറ്റവാളികളുടേയും ജീവിതത്തെ ആസ്പദമാക്കിയാണ് ഈ ചിത്രം നിർമിച്ചിരിക്കുന്നത്. ആഫ്രിക്കൻ-അമേരിക്കൻ വംശജർ പ്രധാന കഥാപാത്രങ്ങളായി വരുന്ന അപൂർവ്വം വെസ്റ്റേൺ സിനിമകളിലൊന്നാണിത്.

തന്റെ അച്ഛനമ്മമാരെ കൊന്ന റൂഫസ് ബക്ക് എന്ന കുറ്റവാളിയെ തേടിയിറങ്ങുന്ന നാറ്റ് ലവ് എന്ന മോഷ്ടാവിൻ്റെ കഥയാണ് ഈ ചിത്രം പറയുന്നത്. ജോണതൻ മേജഴ്സാണ് നാറ്റ് ലവായി അഭിനയിച്ചിരിക്കുന്നത്. അതോടൊപ്പം എഡ്രിസ് അൽബ, സാസി ബീറ്റ്സ്, റെജിന കിങ്ങ് തുടങ്ങി ഹോളിവുഡിലെ മികച്ച താരനിരയും ഈ ചിത്രത്തിൽ അണിനിരക്കുന്നു. മികച്ച സംഗീതത്താൽ സമ്പന്നമായ ഈ ചിത്രത്തിൽ പത്തൊമ്പതാം നൂറ്റാണ്ടിലെ വെസ്റ്റ് അമേരിക്ക അതി മനോഹരമായി പുനഃസൃഷ്ടിച്ചിരിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Action #Drama #English #Western

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 02
പാർട്ട് 02 - എപ്പിസോഡ് 02

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

Riders of Justice / റൈഡേഴ്‌സ് ഓഫ് ജസ്റ്റിസ് (2020)
പരിഭാഷ : ഷൈജു എസ്
Cut: ഷൈജു എസ്

കാത്തിരിക്കുക.

നമ്മുടെ എംസോണിൽ മലയാളം പരിഭാഷയിൽ ആസ്വദിക്കാം....

14 years of BREAKING BAD🦋

ഇനിയും കാണാത്തവർ നമ്മുടെ എംസോണിൽ നിന്നും മലയാളം പരിഭാഷയിൽ ആസ്വദിക്കുക.

സീസൺ 1- 1421
സീസൺ 2- 1531
സീസൺ 3- 1701
സീസൺ 4- 1945
സീസൺ 5- 2048

പരിഭാഷ: Shihab A Hassan, Fahad Abdul Majeed, Gayathri Madambi.

Signal
എം-സോണ്‍ റിലീസ് – 1045

പരിഭാഷ: ഫഹദ് അബ്ദുൽ മജീദ്

06 yeras of SIGNAL🦋

ഇനിയും കാണാത്തവർ നമ്മുടെ എംസോണിൽ നിന്നും മലയാളം പരിഭാഷയിൽ ആസ്വദിക്കുക.

#MSone Release - 2911

#OscarFest2022 - 01

Dune (2021)
ഡ്യൂൺ (2021)

ഭാഷ : ഇംഗ്ലീഷ്
സംവിധാനം : Denis Villeneuve
പരിഭാഷ : അരുൺ ബി. എസ്. കൊല്ലം & ഫയാസ് മുഹമ്മദ്‌
പോസ്റ്റർ : പ്രവീൺ അടൂർ
ജോണർ: ആക്ഷൻ, അഡ്വഞ്ചർ, ഡ്രാമ

IMDb ⭐️ 8.1/10

1965-ൽ ഫ്രാങ്ക് ഹെർബർട്ട് എഴുതിയ ഇതേ പേരിലുള്ള നോവലിനെ ആസ്‌പദമാക്കി 2021-ൽ പുറത്തിറങ്ങിയ സൈ-ഫൈ, ആക്ഷൻ, അഡ്വഞ്ചർ ചിത്രമാണ് ഡ്യൂൺ (Dune). അരാക്കിസ് എന്ന മരുഭൂമി ഗ്രഹവും, ആ ഗ്രഹത്തെ ചുറ്റിപ്പറ്റി നടക്കുന്ന രാഷ്ട്രീയവുമാണ് ചിത്രം പറഞ്ഞ് പോകുന്നത്. ആക്ഷൻ രംഗങ്ങൾ കൊണ്ടും, ചായഗ്രഹണം കൊണ്ടും കഥാപരമായ മികവുകൾ കൊണ്ടും നിരൂപക പ്രശംസ പിടിച്ചു പറ്റിയ ചിത്രത്തിന് ഇതിനോടകം തന്നെ ഒരു രണ്ടാം ഭാഗത്തിന്റെ വരവും അണിയറ പ്രവർത്തകർ അറിയിച്ചു കഴിഞ്ഞു. 2021-ലെ ഏറ്റവും നല്ല ചിത്രങ്ങളിൽ ഇടം പിടിച്ച സിനിമ കൂടിയാണ് “ഡ്യൂൺ“

മികച്ച ഛായാഗ്രഹണം, ശബ്ദലേഖനം, ഒര്‍ജിനല്‍ സ്‌കോര്‍, എഡിറ്റിങ്, പ്രൊഡക്ഷന്‍ ഡിസൈന്‍, വിഷ്വല്‍ ഇഫക്ട്സ് എന്നിങ്ങനെ ആറ് പുരസ്‌കാരങ്ങൾ നേടിക്കൊണ്ട് 2021-ലെ ചലച്ചിത്രങ്ങളിൽ ഏറ്റവും കൂടുതല്‍ ഓസ്കാർ പുരസ്കാരങ്ങൾ നേടിയ ചിത്രമെന്ന ബഹുമതി സ്വന്തമാക്കി.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English

#MSone Release - 2912

Daredevil: Season 3 (2018)
ഡെയർഡെവിൾ: സീസൺ 3 (2018)

ഭാഷ : ഇംഗ്ലീഷ്
സംവിധാനം : Kati Johnston
പരിഭാഷ : ആര്യ നക്ഷത്രക്
പോസ്റ്റർ : പ്രവീൺ അടൂർ
ജോണർ: ആക്ഷൻ, ക്രൈം, ഡ്രാമ

IMDb ⭐️ 8.6/10

രണ്ടാം സീസണിനു ശേഷം വന്ന ഡിഫെൻഡേഴ്സ് എന്ന മിനി സീരീസിന്റെ തുടർച്ചയായാണ് ഡെയർഡെവിൾ മൂന്നാം സീസൺ തുടങ്ങുന്നത്. ഡിഫെൻഡേഴ്സിൽ അവസാനം ഒരു കെട്ടിടം തകർന്നു വീഴുന്നതിന്റെ ഉള്ളിൽ പെട്ടുപോവുന്ന മാറ്റ് മർഡോക്കിനെ പറ്റി അതിനുശേഷം യാതൊരു വിവരവും ലഭിക്കാഞ്ഞതുകൊണ്ട് അതോടെ അവൻ മരണപ്പെട്ടു എന്നാണ് ഇപ്പോൾ അവന്റെ സുഹൃത്തുക്കൾ വിശ്വസിക്കുന്നത്. എന്നാൽ ആ അപകടത്തിൽ സാരമായി പരിക്കേറ്റ മാറ്റിനെ കണ്ടെത്തിയ ആൾ അവനെ അവൻ വളർന്ന അനാഥാലയത്തിൽ എത്തിച്ചിരുന്നു. ആ അപകടത്തോടെ മാറ്റിന് അവന്റെ ഇന്ദ്രിയങ്ങൾക്കുണ്ടായിരുന്ന അപാരമായ ശക്തിയും നഷ്ടമായിരുന്നു.

ഇതേ സമയം ഒന്നാം സീസണിൽ മാറ്റ് മർഡോക്ക് ജയിലിൽ അടച്ച വിൽ‌സൺ ഫിസ്ക് ഹെൽസ് കിച്ചണിലുള്ള അധോലോക സംഘങ്ങളെപ്പറ്റി വിവരങ്ങൾ കൊടുത്ത് അവരെ ജയിലിൽ അടക്കാൻ സഹായിക്കാം എന്ന് FBIയുമായി ഉണ്ടാക്കിയ ഉടമ്പടിയിൽ ജയിലിൽ നിന്ന് പുറത്തിറങ്ങുന്നു. ഹെൽസ് കിച്ചണിലെ വലിയൊരു ആഡംബര ഹോട്ടലിൽ വീട്ടുതടങ്കലിൽ കിടന്നുകൊണ്ട് ഫിസ്ക് വീണ്ടും ഹെൽസ് കിച്ചൺ തന്റെ കാൽക്കീഴിലാക്കാനുള്ള ശ്രമം തുടങ്ങുന്നു. അതോടൊപ്പം തന്നെ മുൻപ് തന്നെ ജയിലിൽ അടച്ചവരോടുള്ള പ്രതികാരനടപടികളും ഫിസ്ക് തുടങ്ങുന്നു. വീട്ടുതടങ്കലിൽ തനിക്ക് കാവൽ നിൽക്കുന്ന ബെൻ പോയിൻഡെക്സ്റ്റർ എന്ന FBI ഏജന്റിനെ അവന്റെ മാനസികമായ പ്രശ്നങ്ങളെ മുതലെടുത്തുകൊണ്ട് വരുതിയിലാക്കുന്ന ഫിസ്ക് അവനെ അയാളുടെ ശത്രുക്കളെ ഇല്ലാതാക്കാനുള്ള ആയുധമാക്കി മാറ്റി തന്റെ ശത്രുക്കൾക്കെതിരെ അഴിച്ചു വിടുന്നു. അതോടെ മുൻപ് ഫിസ്കിനെ ജയിലിൽ അടക്കാൻ മുൻപിൽ നിന്ന മാറ്റിന്റെ സുഹൃത്തുക്കളായ കാറൻ പേജിന്റെയും ഫോഗിയുടെയും ജീവൻ അപകടത്തിലാവുന്നു. കയ്യിൽ കിട്ടുന്നതെന്തും ആയുധമായി ഉപയോഗിക്കാൻ കഴിവുള്ള ഒരിക്കലും ഉന്നം പിഴക്കാത്ത ബെൻ പോയിൻഡെക്സ്റ്ററിൽ നിന്നും എപ്പോഴും എതിരാളിയേക്കാൾ മൂന്ന് പടി മുന്നിൽ ചിന്തിക്കുന്ന ഫിസ്കിന്റെ കുടില തന്ത്രങ്ങളിൽ നിന്നും രക്ഷപ്പെടാനും, അവരെ ജയിലിൽ അടക്കാനുമുള്ള മാറ്റിന്റെയും സുഹൃത്തുക്കളുടെയും ശ്രമമാണ് ഡെയർഡെവിൾ മൂന്നാം സീസണിൽ പറയുന്നത്. പിന്നെ മുൻ സീസണുകളിൽ ഉള്ളതുപോലെ തന്നെ ഇത്തവണയും ആക്ഷൻ രംഗങ്ങൾക്ക് ഒട്ടും കുറവില്ല.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English #Web_Series