#MSone Release - 2940

#ValentinesDayFest - 06

Like Water for Chocolate (1992)
ലൈക്ക് വാട്ടർ ഫോർ ചോക്ലേറ്റ് (1992)

ഭാഷ : സ്പാനിഷ്
സംവിധാനം : Alfonso Arau
പരിഭാഷ : ഡോ. ആശ കൃഷ്ണകുമാർ
പോസ്റ്റർ : ഉണ്ണി ജയേഷ്
ജോണർ : ഡ്രാമ, റൊമാൻസ്

IMDb ⭐️ 7.1/10

കുടുംബത്തിലെ ആചാരം നിമിത്തം കല്യാണം കഴിച്ച് കുടുംബജീവിതം നയിക്കാൻ കഴിയാത്ത റ്റിറ്റ, തന്റെ പ്രണയിനിയുടെ സാമിപ്യത്തിനായി അവളുടെ സഹോദരിയെ കല്യാണം കഴിക്കേണ്ടി വന്ന പെഡ്രോ. ഇവരുടെ പ്രണയത്തിന്റെ കഥയാണ് ലൈക്‌ വാട്ടർ ഫോർ ചോക്ലേറ്റ്. റ്റിറ്റയുടെ വികാരങ്ങൾ അവളുടെ പാചകത്തിൽ പ്രതിഫലിക്കാൻ തുടങ്ങുന്നു. ഇരുപതാം നൂറ്റാണ്ടിന്റെ ആരംഭത്തിൽ മെക്സിക്കോയിലാണ് കഥ നടക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #Romance #Spanish #Valentine_s_Day_Fest_2022

#MSone Release - 2941

Arcane: League of Legends Season 01 (2021)
ആർകെയ്ൻ: ലീഗ് ഓഫ് ലെജൻഡ്സ് സീസൺ – 01 (2021)

ഭാഷ : ഇംഗ്ലീഷ്
സംവിധാനം : Pascal Charrue & Arnaud Delord
പരിഭാഷ : വിഷ്ണു പ്രസാദ് എസ്. യു
പോസ്റ്റർ : രോഹിത് ജി. എസ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.1/10

Riot Games ന്റെ വീഡിയോ ഗയിമായ League of Legends നെ അടിസ്ഥാനമാക്കി Pascal Charrue
Arnaud Delord എന്നിവർ സംവിധാനം ചെയ്ത് നെറ്റ്ഫ്ലിക്സിലൂടെ റിലീസായ ആനിമേഷൻ സീരീസാണ് “ആർകെയ്ൻ: ലീഗ് ഓഫ് ലെജൻഡ്സ്“. ബാക്ക്സ്റ്റോറി ഗെയിമിനെ അടിസ്ഥാനമാക്കിയാണെങ്കിലും ഈ സീരീസിൽ പിൽറ്റോവർ, സോൺ എന്നീ നഗരങ്ങളും അവിടുത്തെ ജനങ്ങളുമാണ് പ്രധാന കഥാപാത്രങ്ങൾ. സാങ്കേതികമായും സാമ്പത്തികമായും വാണിജ്യപരമായും പുരോഗതി കൈവരിച്ച സമ്പന്നർ താമസിക്കുന്ന പിൽ റ്റോവറും ഫാക്ടറികളും ഖനികളും മറ്റുമുള്ള തരതമ്യേന സാമ്പത്തികമായി പിന്നോക്കം നിൽക്കുന്നവർ താമസിക്കുന്ന, അണ്ടർസിറ്റി, ഡൗൺടൗൺ, ഫിഷേഴ്സ് എന്നൊക്കെ അറിയപ്പെടുന്ന ചേരികൾക്ക് സമാനമായ സോണും തമ്മിലുള്ള രാഷ്ട്രീയ പൊരുത്തക്കേടുകളാണ് ഈ സീരീസിന്റെ കാതൽ.

സോണിൽ നിന്നും വൈലറ്റ്, പൗഡർ എന്നീ സഹോദരിമാരും കൂട്ടരും പിൽറ്റോവറിൽ നടത്തുന്നൊരു മോഷണ ശ്രമവും അതിനെ തുടർന്ന് ഉണ്ടാകുന്ന പ്രശ്നങ്ങളുമാണ് ഇതിന്റെ ഇതിവൃത്തം. മാജിക്കിനേയും സാങ്കേതിക വിദ്യയേയും കൂട്ടിയോജിപ്പിച്ച് ഹെക്സ് ടെക് എന്നൊരു പുത്തൻ ആശയം പിൽറ്റോവറിലെ ശാസ്ത്രജ്ഞരായ വിക്ടർ, ജെയ്സ് എന്നിവർ വികസിപ്പിക്കുന്നതിലൂടെ ഈ രണ്ടു നഗരങ്ങൾ തമ്മിലുള്ള അന്തരം വീണ്ടും വർദ്ധിക്കുന്നു. അവകാശങ്ങൾ നേടിയെടുക്കാൻ സോണിലെ സിൽക്കോയും തടയിടാൻ പിൽറ്റോവറിലെ ഭരണകൂടവും തയ്യാറെടുക്കുന്നു. ബാക്കി കണ്ടറിയേണ്ടതാണ്.

മികച്ച ആനിമേഷനും ഫൈറ്റ് സീക്വൻസുകളും ബന്ധങ്ങളിലെ വൈകാരികതയും ഈ സീരിസിനെ മസ്റ്റ് വാച്ച് ഗണത്തിൽ ഉൾപ്പെടുത്തുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #English #Web_Series

#MSone Release - 2942

#ValentinesDayFest - 07

A Swedish Love Story (1970)
എ സ്വീഡിഷ് ലൗ സ്റ്റോറി (1970)

ഭാഷ : സ്വീഡിഷ്
സംവിധാനം : Roy Andersson
പരിഭാഷ & പോസ്റ്റർ : രാഹുൽ രാജ്
ജോണർ :ഡ്രാമ, റൊമാൻസ്

IMDb ⭐️7.4/10

മാസ്റ്റർ സംവിധായകൻ റോയ് ആൻഡേഴ്‌സന്റെ ആദ്യത്തെ ഫീച്ചർ ചലച്ചിത്രമാണ് ‘എ സ്വീഡിഷ് ലൗ സ്റ്റോറി‘. ഒരു അവധിക്കാലത്ത് വ്യത്യസ്തമായ കുടുംബപശ്ചാത്തലങ്ങളിൽ നിന്നുള്ള രണ്ട് കൗമാരക്കാർ തമ്മിൽ ഉടലെടുക്കുന്ന പ്രണയവും അവരുടെ സാഹസികതകളുമാണ് ചിത്രത്തിന്റെ ഇതിവൃത്തം. ആൻഡേഴ്‌സന്റെ സ്വതസിദ്ധമായ ശൈലിയിൽ അണിയിച്ചൊരുക്കിയ ഈ ചിത്രം ഒരു വ്യത്യസ്തമായ കാഴ്ചാനുഭവമാണ്.

അഭിപ്രായങ്ങൾ പങ്കുവെക്കാൻ

Categories : #Drama #Romance #Swedish #Valentine_s_Day_Fest_2022

ലോക മാതൃഭാഷാ ദിനം

മാതൃഭാഷ പെറ്റമ്മക്ക് തുല്യമെന്ന് പറഞ്ഞും കേട്ടും ശീലിച്ചവരാണ് മലയാളികൾ. മറ്റേതൊക്കെ ഭാഷയിൽ, എത്രയൊക്കെ അവഗാഹം നേടിയാലും നമ്മുടെ ചിന്തകളും, വികാരങ്ങൾ പോലും മാതൃഭാഷയിൽ തന്നെയായിരിക്കും. കാരണം മാതൃഭാഷ നമ്മൾ തന്നെയാണ്.
ലോകത്തെ എണ്ണമറ്റ ഭാഷാ വൈവിധ്യത്തെ സംരക്ഷിക്കുക എന്ന ലക്ഷ്യത്തിലാണ് എല്ലാ വർഷവും ഫെബ്രുവരി 21ന് ലോക മാതൃഭാഷാ ദിനം ആചരിക്കുന്നത്. ഓരോ ഭാഷയും ഓരോ സംസ്കാരത്തിൻ്റെ പ്രതീകം കൂടിയാണ്. എണ്ണമറ്റ ഭാഷകൾ, അത്ര തന്നെ സംസ്കാരങ്ങളുമായി ഇഴചേർന്ന് കിടക്കുമ്പോൾ അവയെ പരസ്പരം അറിയാനും അനുഭവിക്കാനും സഹായകമാകുന്നത് പരിഭാഷകളാണ്. ഒരു ഭാഷയെ പരിഭാഷപ്പെടുത്തുമ്പോൾ അവരുടെ സംസ്കാരം കൂടിയാണ് പരിഭാഷ ചെയ്യപ്പെടുന്നത്.
സാധാരണക്കാർ ലോകം കാണുന്നത് ലോക സിനിമകളിലൂടെയാണ്. അവിടെ ഭാഷ തടസ്സമാകുന്ന കാലം കഴിഞ്ഞിരിക്കുന്നു. നമ്മുടെ മാതൃഭാഷയായ മലയാളത്തിൽ ഇപ്പോൾ നമ്മൾ വിദേശ സിനിമകൾ ആസ്വദിക്കുന്നു. ഇംഗ്ലീഷ് വായിച്ചറിയാൻ കഴിയുന്നവർ പോലും മലയാളം സബ്ടൈറ്റിൽ ഉപയോഗിക്കുന്നത്, മാതൃഭാഷയിൽ കാണുമ്പോൾ അത് കൂടുതൽ അനുഭവവേദ്യമാകുന്നതു കൊണ്ടാണ്. ആ അനുഭവം പകർന്നുകൊടുക്കേണ്ട ചുമതല പരിഭാഷകനാണ്. അതിന് നല്ല മലയാളം അറിഞ്ഞിരിക്കേണ്ടതും ആവശ്യമാണ്.
ഒരു രംഗത്തിലുള്ള സംഭാഷണത്തെ യാന്ത്രികമായി തർജ്ജമ ചെയ്യാതെ, ആ രംഗത്തിൻ്റെ വികാരം ഉൾക്കൊണ്ട് പരിഭാഷപ്പെടുത്തുമ്പോഴാണ് നല്ല സബ്ടൈറ്റിലുണ്ടാകുന്നത്. അതിന് ഭാഷാജ്ഞാനം ആവശ്യമാണ്. വായനയിലൂടെയും മറ്റും ആർജ്ജിച്ച പദസമ്പത്തും ആവശ്യമാണ്. ഇത്തരം പ്രതിഭാധനരായ നിരവധി പരിഭാകരുണ്ടെന്നത് എംസോണിന് എന്നും അഭിമാനം തന്നെ.
ഓരോ വരി പരിഭാഷപ്പെടുത്തുമ്പോഴും പ്രേക്ഷകൻ അത് ആസ്വദിക്കുന്നത് തൻ്റെ എഴുത്തിലൂടെയാണെന്ന ബോധം പരിഭാഷകനുണ്ടാകണം കാരണം, പരിഭാഷകനിൽമാത്രം വിശ്വാസമർപ്പിച്ച് സിനിമ/സീരീസ് ആസ്വദിക്കുന്നവർ തെറ്റായ ഭാഷാജ്ഞാനവും തെറ്റായ അർത്ഥവിന്യാസവും കൊണ്ട് വഞ്ചിതരാകാൻ പാടില്ല. ചുരുക്കിപ്പറഞ്ഞാൽ ഊഹിച്ച് എഴുതരുത്. നല്ലമലയാളം ശീലിക്കുക. നല്ല പരിഭാഷകരാകുക.

എല്ലാവർക്കും മാതൃഭാഷാ ദിനാശംസകൾ.

#MSone Release - 2943

The Amazing Spider-Man 2 (2014)
ദി അമേസിങ് സ്പൈഡർ-മാൻ 2 (2014)

ഭാഷ : ഇംഗ്ലീഷ്
സംവിധാനം : Marc Webb
പരിഭാഷ : ഗിരി പി. എസ്
പോസ്റ്റർ : രോഹിത് ജി. എസ്
ജോണർ : അഡ്വഞ്ചർ, ആക്ഷൻ, സയൻസ് ഫിക്ഷൻ

IMDb ⭐️ 6.6/10

മാർക്ക്‌ വെബ്ബിന്റെ സംവിധാനത്തിൽ മാർവെലും കൊളംബിയ പിക്ചേഴ്സും മാർവെൽ എന്റർടെയ്ൻമെന്റും ചേർന്ന് നിർമിച്ച് 2014 യിൽ പുറത്ത് വന്ന ചിത്രമാണ് ദി അമേസിങ് സ്പൈഡർ-മാൻ 2. ആദ്യ ഭാഗത്തിൽ കോളേജ് വിദ്യാർത്ഥിയായിരുന്ന പീറ്റർ പാർക്കർ കോളേജിന് ശേഷം നേരിടുന്ന ചില പ്രതിസന്ധികളാണ് ചിത്രം കൈകാര്യം ചെയ്യുന്നത്.

ഒന്നാം ഭാഗത്തെ അപേക്ഷിച്ചു രണ്ടാം ഭാഗത്തിൽ കൂടുതലായും സിനിമ സംസാരിക്കുന്നത് പീറ്ററിന്റെ വ്യക്തിപരമായ കാര്യങ്ങൾ ആണ്. പീറ്ററിന്റെ ചെറുപ്പത്തിൽ അച്ഛനും അമ്മയും അവനെ ഉപേക്ഷിച്ചു പോകുന്നത് ആദ്യ ഭാഗത്തിൽ കാണിച്ചിരുന്നു എങ്കിലും രണ്ടാം ഭാഗത്തിൽ അതിന്റെ കാരണവും അത് പ്രധാന കഥയുമായി എങ്ങനെ ബന്ധപ്പെട്ട് കിടക്കുന്നു എന്നുമെല്ലാം കൃത്യമായി വിവരിക്കുന്നു. പീറ്ററിന്റെ സുഹൃത്തായ ഹാരിയുടെ ഓസ്‌കോർപ്പിലേക്കുള്ള തിരിച്ചു വരവും, അതിനെ തുടർന്ന് ഉണ്ടാകുന്ന സംഭവ വികാസങ്ങളും അതിനുപുറമേ സ്പൈഡർ-മാൻ ഫ്രാഞ്ചസിയിലെ ഏറ്റവും മികച്ച പ്രണയമെന്ന് പറയപ്പെടുന്ന പീറ്ററിന്റേയും ഗ്വെനിന്റേയും പ്രണയവും തുടർന്ന് ഉണ്ടാകുന്ന വൈകാരിക നിമിഷങ്ങളും സിനിമയുടെ മേന്മകളാണ്. Hans Zimmer ന്റെ മികച്ച പശ്ചാത്തല സംഗീതവും മികച്ച ക്യാമറ വർക്കും ഫ്രാഞ്ചസിയിലെ തന്നെ മികച്ച VFX രംഗങ്ങളും ചിത്രത്തെ കാണാൻ പ്രേരിപ്പിക്കുന്ന ഘടകങ്ങളാണ്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Sci_Fi

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 01
എപ്പിസോഡ്‌സ്: 01

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

#MSone Release - 2945

#ValentinesDayFest - 08

Ayat-Ayat Cinta (2008)
അയാത് അയാത് ചിന്ത (2008)

ഭാഷ : ഇന്തോനേഷ്യൻ & അറബിക്
സംവിധാനം : Hanung Bramantyo
പരിഭാഷ : ഷിഹാസ് പരുത്തിവിള
പോസ്റ്റർ : ഉണ്ണി ജയേഷ്
ജോണർ : ഡ്രാമ, റൊമാൻസ്

IMDb ⭐️ 7.0/10

ഇതൊരു പ്രണയകഥയാണ്. എന്നാല്‍ സാധാരണ കാണാറുള്ള പ്രണയകഥയല്ല. ആ‍ത്മീയതയില്‍ അണിയിച്ചൊരുക്കിയ മനോഹരമായൊരു സൃഷ്ടിയാണിത്. ഇസ്ലാമിക തത്വസംഹിതകളിലൂടെ ജീവിതത്തിന്റെ ഉയര്‍ച്ച-താഴ്ച്ചകളെ എങ്ങനെ നേരിടാമെന്ന് പ്രതിപാദിക്കുന്ന പ്രണയകഥയാണിത്.

ഈജിപ്റ്റിലെ അല്‍-അസ്‌ഹര്‍ സര്‍വ്വകലാശാലയില്‍ നിന്നും ബിരുദാനന്തരബിരുദം നേടാനായി ശ്രമിക്കുന്ന ഇന്തോനേഷ്യക്കാരനായ ഫാഹ്‌റി ബിന്‍ അബ്ദുള്ളയാണ് ഈ കഥയിലെ നായകന്‍. ഈജിപ്റ്റിലെ തീപാറുന്ന പൊടിക്കാറ്റിലും തളരാതെ ജീവിതത്തില്‍ വലിയ വെല്ലുവിളികളും സധൈര്യം നേരിടാനുള്ള മനക്കരുത്ത് ആര്‍ജ്ജിച്ചെടുത്ത ഫാഹ്‌റിക്ക് പക്ഷേ ഒരുകാര്യം മാത്രം മനസ്സിനെ അസ്വസ്ഥമാക്കിക്കൊണ്ടിരുന്നു: വിവാഹം ചെയ്യുവാന്‍.

സ്ത്രീകളോട് അങ്ങേയറ്റം മാന്യതയോടെ പെരുമാറുന്ന, ബന്ധുക്കളല്ലാത്ത ഒരു സ്ത്രീയെയും ഇന്നേവരെ സ്പര്‍ശിച്ചിട്ടില്ലാത്ത മതം മുറുകെപ്പിടിച്ച് ജീവിക്കുന്ന ഫാഹ്‌റിയുടെ ജീവിതത്തിലെ അവിസ്മരണീയമായ നിമിഷങ്ങള്‍ അരങ്ങേറിയ ഈജിപ്റ്റിലെ പിരമിഡുകളുറങ്ങുന്ന മണ്ണിലായിരുന്നു, അവന്‍ അവിടെ വച്ച് ഖു‌ര്‍‌ആനെ ആദരവോടെ നോക്കിക്കാണുന്ന അതിലുപരി ഫാഹ്‌റിയെ ആദരവോടെ നോക്കിക്കാണുന്ന മരിയ എന്ന ഈജിപ്ഷ്യന്‍ ക്രൈസ്തവ സുന്ദരിയെ കണ്ടുമുട്ടി. ആ ആദരവ് പിന്നീട് പ്രണയത്തിന്റെ പവിഴം പൊഴിച്ചുവോ?

മതപണ്ഡിതന്റെ മകളായ നൂറുലിനും അവനോട് സ്നേഹമായിരുന്നു. എന്നാല്‍ വെറുമൊരു കര്‍ഷകന്റെ മകനെന്ന അപകര്‍ഷതാബോധം അവനെ പിന്നോട്ട് വലിച്ചു, എങ്കിലും നൂറുല്‍ അവളുടെ പ്രണയശ്രമങ്ങള്‍ തുടര്‍ന്നുകൊണ്ടേയിരുന്നു. നിത്യവും ഉപ്പയുടെ ശകാരങ്ങളും ഉപദ്രവങ്ങളും നിറഞ്ഞ ദുരിതക്കയത്തില്‍ നിന്നും തെല്ലൊരു തേങ്ങിക്കരച്ചിലോടെ എല്ലാം മറക്കുന്ന നൂറയെന്ന അയല്‍ക്കാരിയോട് അവന് സഹാതാപം മാത്രമായിരുന്നോ? ആ സഹതാപത്തെ നൂറ എങ്ങനെയായിരിക്കും നോക്കിക്കാണുക?

മെട്രോ ട്രെയിനിലെ തിരക്കിലും അവനെ അന്വേഷിച്ച് ആ മനോഹരനേത്രങ്ങള്‍ എങ്ങോട്ടെന്നില്ലാതെ പാഞ്ഞു, വിദേശികളെ വെറുപ്പോടെ കാണുന്ന സ്വന്തം സമുദായത്തിലെ വിഷവിത്തുകളെ കണക്കറ്റം പരിഹസിച്ച ഇടനെഞ്ചില്‍ തീയും പേറി നടക്കുന്നവനെ അവള്‍ അന്നേ നോട്ടമിട്ടിരുന്നു, ഐഷ എന്നായിരുന്നു അവളുടെ പേര്. ഫാഹ്‌റിക്ക് തന്റെ മനസ്സിനെ കടിഞ്ഞാണിടാന്‍ കഴിഞ്ഞോ?

ഇവരില്‍ ആരുടേതാകും യഥാര്‍ത്ഥ പ്രണയം? ഫാഹ്‌റി ജീവിതസഖിയായി ഒപ്പം കൂട്ടുക ആരെയാകും?

അഭിപ്രായങ്ങൾ പങ്കുവെക്കാൻ

Categories : #Arabic #Drama #Indonesian #Romance #Valentine_s_Day_Fest_2022

⭐️Mard Ko Dard Nahin Hota (2018)

⭐️എംസോൺ റിലീസ് – 2922

⭐️ജോണർ: ആക്ഷൻ, കോമഡി

⭐️പരിഭാഷ: Riyas Pulikkal

⭐️Cut: Benhar Sabu Xavier

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം...

Gullak - season 2

കഥകളല്ല, ഇത് കിസ്സകളുടെ കുടുക്കയാണ്.

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം....

ഉടൻ വരുന്നു...

Cut: Girish Kumar N P

#MSone Release - 2946

Gullak: Season 2 (2021)
ഗുല്ലക്: സീസൺ 2 (2021)

ഭാഷ : ഹിന്ദി
സംവിധാനം : Amrit Raj Gupta
പരിഭാഷ : സജിൻ.എം.എസ്
പോസ്റ്റർ : അഷ്‌കർ ഹൈദർ
ജോണർ : കോമഡി, ഡ്രാമ, ഫാമിലി

IMDb ⭐️ 9.0/10

ഉത്തരേന്ത്യയിലെ ഒരു ഇടത്തരം കുടുംബത്തിന്റെ കഥ പറയുന്ന, സോണി ലിവിലൂടെ പുറത്തിറങ്ങിയ മിനി സീരീസാണ് ‘ഗുല്ലക്’.

വൈദ്യുതി വിഭാഗത്തിൽ ക്ലർക്കായ സന്തോഷ് മിശ്രയും ഭാര്യയും രണ്ടു ആൺമക്കളുമടങ്ങുന്ന കുടുംബത്തിൽ ഉണ്ടാകുന്ന കൊച്ചു കൊച്ചു പിണക്കങ്ങളും ഇണക്കങ്ങളും, അവരും അയൽക്കാരും തമ്മിലുള്ള അസൂയകൊണ്ടുള്ള നിർദ്ദോഷമായ മത്സരങ്ങളും നർമ്മത്തിന്റെ മേമ്പൊടിയോടെ അവതരിപ്പിച്ചിരിക്കുന്നു.
ഉത്തരേന്ത്യയിലെ പ്രസിദ്ധമായ കിസ്സകളിലൂടെ (വാമൊഴിയായി പറയുന്ന കഥകൾ) വികസിക്കുന്ന ഈ സീരീസ് നർമ്മം നിറച്ച ഒരു കുടുക്ക(ഗുല്ലക്) പോലെ ആസ്വാദ്യകരമായിരിക്കും.

ഒന്നാം സീസണിൽ നിന്നും രണ്ടാം സീസണിലേക്ക് എത്തുമ്പോൾ എപ്പിസോഡുകളുടെ ദൈർഘ്യം കൂടി എന്നല്ലാതെ മിശ്ര കുടുംബത്തിൽ കാര്യമായി മാറ്റങ്ങളൊന്നും സംഭവിച്ചിട്ടില്ല. പിന്നെ ഒന്നുണ്ട്, കുറച്ച് കിസ്സകൾ. ഓർമ്മിയിരിക്കട്ടെ കഥകളല്ല, കിസ്സകൾ!

അഭിപ്രായങ്ങൾ പങ്കുവെക്കാൻ

Categories : #Comedy #Drama #Family #Hindi #Web_Series

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 07
പാർട്ട് 02 - എപ്പിസോഡ് 07

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series