#MSone Release - 2952

#ValentinesDayFest - 10

April Story (1998)
ഏപ്രിൽ സ്റ്റോറി (1998)

ഭാഷ : ജാപ്പനീസ്
സംവിധാനം : Shunji Iwai
പരിഭാഷ : മനീഷ് ആനന്ദ്
പോസ്റ്റർ : വൈശാഖ് രാജൻ
ജോണർ : ഡ്രാമ, റൊമാൻസ്

IMDb ⭐️ 7.1/10

ടോക്യോയ്ക്ക് സമീപമുള്ള ഒരു സർവ്വകലാശാലയിൽ ചേരാൻ തീരുമാനിച്ച നിരേനോ ഉസുക്കി, ഹൊക്കൈദോയിലെ തന്റെ കുടുംബത്തോട് വിടപറയുകയും, ചെറി പൂക്കളുടെ ഇതളുകൾ നൃത്തം ചെയ്യുന്ന ഏപ്രിൽ മാസത്തിൽ ടോക്യോ നഗരത്തിൽ നിന്നും അൽപ്പം അകലെയുള്ള മുസാഷിനോ എന്ന ശാന്തമായ പട്ടണത്തിൽ തനിച്ചു താമസിച്ചു കൊണ്ട് അവൾ കോളേജ് ജീവിതം ആരംഭിക്കുകയും ചെയ്യുന്നു. കോളേജ് ജീവിതം അവൾ പ്രതീക്ഷിച്ചതിലും ചെറുതും വലുതുമായ നിരവധി സാഹസികതകളും അനുഭവങ്ങളും സമ്മാനിക്കുന്നതോടൊപ്പം പരീക്ഷണങ്ങളിലേക്കും പ്രയാസങ്ങളിലേക്കും നയിക്കുന്നുമുണ്ട്. ഒരു മീൻപിടിത്ത ക്ലബ്ബിൽ പ്രവേശിച്ച് അയൽപക്കത്തെ പെൺകുട്ടിയുമായി വിചിത്രമായ കണ്ടുമുട്ടലുകൾ നടത്തി അപരിചിതമായ ജീവിതവുമായി പൊരുത്തപ്പെടാൻ ഉസുകി ശ്രമിക്കുന്നു. എന്നിരുന്നാലും, അവൾ ഈ സർവ്വകലാശാല തിരഞ്ഞെടുത്തതിൽ പറഞ്ഞറിയിക്കാനാവാത്ത ഒരു “ഉദ്ദേശ്യം” ഉണ്ടായിരുന്നു…

തകാകോ മത്സുവിനെ കേന്ദ്രകഥാപാത്രമാക്കി, ടോക്യോയിൽ എത്തിയ ഒരു വിദ്യാർത്ഥിനിയുടെ ദൈനംദിന ജീവിതം സൗമ്യതയും പുതുമയുമോടെ സംവിധായകൻ ഷുൻജി ഇവായ് ചിത്രീകരിച്ച് 1998-ൽ പുറത്തിറങ്ങിയ ചിത്രമാണ് “ഏപ്രിൽ സ്റ്റോറി.” പിരിമുറുക്കത്തിന് ഒരു ഒറ്റമൂലി എന്ന പോലെ, സാവധാനം കഥ പറഞ്ഞു കൊണ്ട്, പ്രേക്ഷകനിൽ ഒരു പുഞ്ചിരി സമ്മാനിച്ച് കഥയവസാനിപ്പിക്കുന്ന വളരെ ശാന്തവും ലളിതവും സുന്ദരവുമായ ഒരു ജാപ്പനീസ് റൊമാന്റിക്ക്-ഫീൽഗുഡ് ചിത്രമെന്ന് ഇതിനെ വിശേഷിപ്പിക്കാം.

അഭിപ്രായങ്ങൾ പങ്കുവെക്കാൻ

Categories : #Drama #Japanese #Romance #Valentine_s_Day_Fest_2022

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 02
എപ്പിസോഡ്‌സ്: 02

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

ഏതാണ്?

#MSone Release - 2953

#ValentinesDayFest - 11

The Harmonium in My Memory (1999)
ദ ഹാർമൊണിയം ഇൻ മൈ മെമ്മറി (1999)

ഭാഷ : കൊറിയൻ
സംവിധാനം : Young-jae Lee
പരിഭാഷ : സാമുവൽ ബൈജു
പോസ്റ്റർ : പ്രവീൺ അടൂർ
ജോണർ : ഡ്രാമ, റൊമാൻസ്

IMDb ⭐️ 7.2/10

കൊറിയൻ ആക്ഷൻ ചിത്രങ്ങളിലെ നിറസാന്നിദ്ധ്യമായ Lee Byung-Hun നെയും Jeon Do-yeon, Lee Mi-Yeon എന്നിവരേയും കേന്ദ്രകഥാപാത്രങ്ങളാക്കി Lee Young-jae സംവിധാനത്തിൽ 1999ൽ പുറത്തിറങ്ങിയ ഒരു ഫീൽഗുഡ് ചിത്രമാണ് ദ ഹാർമൊണിയം ഇൻ മൈ മെമ്മറി.

കഥ നടക്കുന്നത് 1962 ലാണ്. 21 വയസ്സുള്ള Kang Soo-Ha എന്ന യുവാവ് ആദ്യമായി അധ്യാപക ജോലിയിൽ പ്രവേശിക്കുകയാണ്. ഒരു ചെറിയ ഗ്രാമത്തിലെ പ്രൈമറി സ്കൂളിൽ ആണ് പോസ്റ്റിങ്ങ് കിട്ടിയിരിക്കുന്നത്. അങ്ങനെ അദ്ദേഹം അവിടെ ജോയിൻ ചെയ്യുന്നു. അതേ ദിവസം തന്നെ Yang Eun-Hee എന്ന യുവതിയും ഇതേ സ്കൂളിൽ ജോയിൻ ചെയ്യുന്നു. എന്നാൽ ആദ്യ ദിവസം തന്നെ ആ സ്കൂളിലെ തലതെറിച്ച പിള്ളേർ ഇരുവർക്കുമിട്ട് പല രീതിയിൽ പാര വെക്കുന്നു. പതിയെ പതിയെ ആ സ്കൂളും ഗ്രാമവുമായി Kang Soo-Ha പൊരുത്തപ്പെട്ട് വരുന്നു. ഇതിനിടക്ക് സ്കൂളിലെ Yun Hong-Yeon എന്ന നിഷ്കളങ്കയായ വിദ്യാർത്ഥിനിക്ക് Kang Soo-Ha യോട് പ്രണയം തോന്നി തുടങ്ങിയിരുന്നു. എന്നാൽ Soo-Ha ക്കാണെങ്കിൽ തന്റെ സഹപ്രവർത്തകയായ Yang Eun-Hee യോടാണ് ഇഷ്ടം തോന്നുന്നത്. തുടർന്ന് അവർക്കിടയിൽ നടക്കുന്ന പ്രണയവും ഇണക്കവും പിണക്കവുമെല്ലാം അല്പം നർമ്മത്തിന്റെ അകമ്പടിയിൽ രസകരമായി ചിത്രീകരിച്ചിരിക്കുന്നു.

പൂർണ്ണമായും ഒരു സ്കൂൾ-ഗ്രാമീണ പശ്ചാത്തലത്തിലാണ് ചിത്രം മുന്നോട്ട് പോകുന്നത്. ഗ്രാമീണത തുളുമ്പുന്ന അഭിനേതാക്കളുടെ മികച്ച പ്രകടനവും മനോഹരമായ പശ്ചാത്തലസംഗീതവും സിനിമയെ വേറിട്ടതാക്കുന്നു. ഒരു നൊസ്റ്റാൾജിയ ഫീലൊക്കെ ഈ സിനിമയിൽ നിന്നും കിട്ടുമെന്നത് തീർച്ച. ഫീൽ ഗുഡ് റൊമാന്റിക് സിനിമകൾ ഇഷ്ടമുള്ളവർക്ക് ഒരു വിരുന്ന് തന്നെയാണ് ഈ ചിത്രം.

അഭിപ്രായങ്ങൾ പങ്കുവെക്കാൻ

Categories : #Drama #Korean #Romance #Valentine_s_Day_Fest_2022

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 08
പാർട്ട് 02 - എപ്പിസോഡ് 08

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

വൈക്കിങ്സ് സ്പിൻ ഓഫ്.... 🔥

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

Nosedive
നോസ്ഡൈവ്

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : കൃഷ്ണപ്രസാദ്‌ പി. ഡി.
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

സമൂഹത്തിൽ നല്ല നിലയും, വിലയും കിട്ടാന്‍ വെമ്പൽ കൊള്ളുന്ന ഒരു മനസ്സാണ് മനുഷ്യന്റേത്. അതിനായി നിങ്ങൾ നിരന്തരം പരിശ്രമിക്കണം. നിങ്ങളുടെ പല ഇഷ്ടങ്ങളും ഉള്ളിലൊതുക്കേണ്ടി വരാം. സ്വന്തം Identity മറന്ന്, വേറൊരാളായി പെരുമാറേണ്ടി വരാം. നിങ്ങളുടെ പ്രവൃത്തികളും, സംസാരരീതിയും ആളുകളെ തൃപ്തിപ്പെടുത്തിയാൽ, അവർ നിങ്ങൾക്ക് പരിഗണന തരും. അത്തരം പരിഗണനകൾ നിങ്ങളുടെ വില ഉയർത്തും. ആ വിലയ്ക്കൊത്ത നില നിങ്ങൾക്ക് സമൂഹത്തിൽ കിട്ടും.

എല്ലാവർക്കും പരസ്പരം ആൾക്കാരുടെ പെരുമാറ്റം അനുസരിച്ച് rating കൊടുക്കാൻ കഴിഞ്ഞാൽ, ചില സ്ഥലങ്ങളിൽ ജോലി കിട്ടാൻ, അല്ലെങ്കിൽ ഒരു വീട് കിട്ടാൻ മിനിമം ഇത്ര റേറ്റിംഗ് വേണമെന്ന സ്ഥിതി വന്നാൽ എന്ത് സംഭവിക്കും?

ഈ റിയാലിറ്റിയെ ഒരു Technological Viewpoint ൽ കാണിക്കുകയാണ് 'നോസ്ഡൈവ്' എന്ന ബ്ലാക്ക് മിറർ എപ്പിസോഡ്. ഭാവിയിൽ നിങ്ങളുടെ ജീവിത നിലവാരവും, സാമൂഹിക ബന്ധങ്ങളും നിശ്ചയിക്കുന്നത് ഒരു Social Score ആണെങ്കിലോ? 'പോപ്പുലാരിറ്റി' എന്നത് ഒരു മാനസിക സുഖത്തിനപ്പുറം, ഒരു ആവശ്യകതയായി മാറിയാൽ എന്ത് സംഭവിക്കും?

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

#MSone Release - 2955

The Plagues of Breslau (2018)
ദ പ്ലേഗ്സ് ഓഫ് ബ്രെസ്ലോ (2018)

ഭാഷ : പോളിഷ്, ഇംഗ്ലീഷ്
സംവിധാനം : Patryk Vega
പരിഭാഷ : പ്രശോഭ് പി.സി.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, ക്രൈം, മിസ്റ്ററി

IMDb ⭐️ 5.9/10

നഗരത്തിൽ നടന്ന അസാധാരണമായ ഒരു കൊലപാതകം അന്വേഷിക്കുകയാണ് ഡിറ്റക്ടീവ് ഹെലേന റൂസ്. കൊല്ലപ്പെട്ടയാളുടെ ദേഹത്ത്, അയാൾ ചെയ്ത തെറ്റ് കമ്പി പഴുപ്പിച്ച് എഴുതിയ ശേഷമാണ് കൊന്നിരിക്കുന്നത്. സംഭവത്തിന് പല വിചിത്ര സ്വഭാവങ്ങളുമുണ്ടെന്ന് ഹെലേനക്ക് ബോധ്യമാകുന്നു.

പിറ്റേന്ന് സമാനമായ രീതിയിൽ മറ്റൊരു കൊല കൂടി. വരും ദിവസങ്ങളിൽ ഇനിയും ആളുകൾ കൊല്ലപ്പെടുമെന്ന സൂചന മുറുകിയതോടെ അന്വേഷണം ശക്തമാക്കുന്നു. പക്ഷേ കൊലപാതകിയെക്കുറിച്ച് ഒരു സൂചനയും ലഭിക്കുന്നില്ല. ഇതിനിടെ പോലീസ് ആസ്ഥാനത്ത് നിന്ന് ഒരു കുറ്റാന്വേഷണ വിദഗ്ധയെ അന്വേഷണത്തിനായി അയക്കുന്നു. ഹെലേനക്ക് ഇതത്ര ഇഷ്ടപ്പെട്ടില്ലെങ്കിലും അവർക്കൊപ്പം അന്വേഷണവുമായി സഹകരിക്കുന്നു. തുടർന്ന് പ്രതീക്ഷിക്കാത്ത തലങ്ങളിലേക്കാണ് അന്വേഷണം ചെന്നെത്തുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Crime #English #Mystery #Polish

#MSone Release - 2904

Agatha Christie’s Poirot: Season 9 (2003–04)
അഗത ക്രിസ്റ്റീസ് പ്വാറോ: സീസൺ 9 (2003–04)

Episode 03: ഡെത്ത് ഓൺ ദി നൈൽ
എപ്പിസോഡ് 03: Death on the Nile

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗത ക്രിസ്റ്റീസ് പ്വാറോ (1989 – 2013)

അഗത ക്രിസ്റ്റീസ് പ്വാറോ: സീസൺ 1 (1989)
അഗത ക്രിസ്റ്റീസ് പ്വാറോ: സീസൺ 2 (1990)
അഗത ക്രിസ്റ്റീസ് പ്വാറോ: സീസൺ 3 (1990 – 1991)
അഗത ക്രിസ്റ്റീസ് പ്വാറോ: സീസൺ 4 (1992)
അഗത ക്രിസ്റ്റീസ് പ്വാറോ: സീസൺ 5 (1993)
അഗത ക്രിസ്റ്റീസ് പ്വാറോ: സീസൺ 6 (1994)
അഗത ക്രിസ്റ്റീസ് പ്വാറോ: സീസൺ 7 (2000)
അഗത ക്രിസ്റ്റീസ് പ്വാറോ: സീസൺ 8 (2001-02)

തന്റെ നടത്തം കൊണ്ടും, പെരുമാറ്റം കൊണ്ടും, നിരീക്ഷണപാഠവം കൊണ്ടും, എത്രവലിയ രഹസ്യങ്ങൾ നിറഞ്ഞ കേസുകളുടെയും ചുരുൾ
അഴിച്ചെടുക്കാനുള്ള അസാമാന്യ കഴിവ് കൊണ്ട് ലോകം അറിഞ്ഞ അപസർപ്പകനാണ് അഗതാ ക്രിസ്റ്റിയുടെ ഹെർക്യൂൾ പ്വാറോ എന്ന കഥാപാത്രം.

അഗത ക്രിസ്റ്റിയുടെ കഥകളിലെ ഏറ്റവും പ്രശസ്തമായ, 3 തവണ സിനിമയാക്കപ്പെട്ടിട്ടുള്ള ഒരു കഥയാണ് "ഡെത്ത് ഓൺ ദി നൈൽ"

സൈമൺ ഡോയലും മിസ് ഡെ ബെൽഫോർട്ടും പ്രണയത്തിലായിരുന്നു. എന്നാൽ അവർക്കിടയിലേക്ക് ലിന്നെറ്റ് റിഡ്ജ്വേ കടന്ന് വന്നതോടെ ആ ബന്ധം തകരുന്നു. പതിയെ പ്രണയത്തിലാവുകയും പിന്നീട് വിവാഹം ചെയ്യുകയും ചെയ്ത ഡോയലും ലിന്നെറ്റും ഈജിപ്തിലേക്ക് യാത്ര പോകാൻ തീരുമാനിക്കുന്നു. നൈൽ നദിയുടെ ഓളങ്ങളിലൂടെ പരസ്പരം പ്രണയിച്ച് യാത്ര ചെയ്യാൻ തീരുമാനിച്ച ഇരുവരുടെയും ഇടയിലേക്ക് മിസ് ഡെ ബെൽഫോർട്ട് കടന്നുവരുന്നു. തന്റെ കാമുകനെ തട്ടിയെടുത്തവളോടുള്ള തീരാത്ത പകയുമായി അവൾ നിരന്തരം ഇരുവരെയും പിന്തുടർന്നു കൊണ്ടേയിരുന്നു.

പിന്നീട് S.S കർനാക് എന്ന ഒരു കപ്പലിൽ എല്ലാവരും യാത്ര തിരിക്കുന്നു. ആ കപ്പലിൽ അവധി ആഘോഷിക്കാൻ വേണ്ടി വന്ന പ്വാറോയും ഉണ്ടായിരുന്നു. കപ്പലിൽ
ഒരു കൊലപാതകം നടക്കുന്നതും അതിനെ തുടർന്നുള്ള അന്വേഷണത്തിനിടയിൽ കൂടുതൽ കൊലപാതകങ്ങൾ നടക്കുന്നതും തുടർന്നുള്ള സംഭവങ്ങളുമാണ് കഥ.

ലിന്നെറ്റ് റിഡ്ജ്വേ എന്ന ഒരു പ്രധാന കഥാപാത്രത്തെ അവതരിപ്പിച്ചിരിക്കുന്നത് എമിലി ബ്ലെൻഡാണ്.

ഈ കഥയിൽ ആരാണ് കൊലപാതകി എന്ന് പ്രേക്ഷകന് ഊഹിക്കാൻ കഴിഞ്ഞാൽ പോലും എങ്ങനെ ചെയ്തു എന്നത് അവസാനം പ്വാറോ വിവരിക്കുന്നത് വരെയും പ്രേക്ഷകനെ കുഴയ്ക്കും എന്ന് നിസ്സംശയം പറയാം. സീരീസ് മുഴുവനായി കാണാത്തവർക്കും ഒരു സിനിമ എന്നോണം കാണാൻ സാധിക്കുന്നതാണ് “അഗത ക്രിസ്റ്റിയുടെ പ്വാറോ” സീരീസിലെ ഒമ്പതാം സീസണിലെ മൂന്നാമത്തെ എപ്പിസോഡായ “ഡെത്ത് ഓൺ ദി നൈൽ”.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery #Web_Series

#MSone Release - 2956

Countdown (2019)
കൗണ്ട്ഡൗൺ (2019)

ഭാഷ : ഇംഗ്ലീഷ്
സംവിധാനം : Justin Dec
പരിഭാഷ : എബിൻ മർക്കോസ്
പോസ്റ്റർ : വൈശാഖ് രാജൻ
ജോണർ : ഹൊറർ, ത്രില്ലർ

IMDb ⭐️ 5.4/10

നാം എപ്പോ മരിക്കുമെന്ന് പ്രവചിക്കാൻ ഒരു മൊബൈൽ ആപ്പിന് സാധിച്ചാലോ? 2019 ൽ പുറത്തിറങ്ങിയ കൗണ്ട്ഡൗൺ ഇത്തരമൊരു വ്യത്യസ്തമായ കഥ പറഞ്ഞ ഹൊറർ ചിത്രമാണ്.

കൗണ്ട്ഡൗൺ എന്ന ആപ്പ് ഡൗൺലോഡ് ചെയ്ത് മരണപ്പെട്ട രണ്ട് പേരെപ്പറ്റി അറിഞ്ഞ ക്വിൻ ഹാരിസ് എന്ന നഴ്സ് ഒരു കൗതുകത്തിന്റെ പുറത്ത് അത് തന്റെ ഫോണിൽ ഇൻസ്റ്റാൾ ചെയ്യുന്നു. പക്ഷേ തനിക്കിനി രണ്ട് ദിവസം കൂടിയേ ആയുസ്സുള്ളൂ എന്നറിഞ്ഞ് നടുങ്ങി വിധി മാറ്റാൻ ശ്രമിച്ച ക്വിന്നിന് നേരിടേണ്ടിയിരുന്നത് തീർത്തും അസാധാരണമായ ഒന്നിനെ ആയിരുന്നു. എന്താണ് കൗണ്ട്ഡൗൺ ആപ്പ്? മരണസമയമറിഞ്ഞ് വിധി മാറ്റാൻ ശ്രമിച്ചാൽ എന്താവും ഫലം?
ജസ്റ്റിൻ ഡെക്കിന്റെ ആദ്യ സംവിധാന സംരംഭമായ കൗണ്ട്ഡൗൺ പതിവ് ഹൊറർ ട്രാക്കിൽ നിന്ന് വേറിട്ട് നിൽക്കുകയും ഹൊറർ പ്രേമികൾക്ക് നല്ലൊരു അനുഭവം സമ്മാനിക്കുകയും ചെയ്യുന്നു.

അഭിപ്രായങ്ങൾ പങ്കുവെക്കാൻ

Categories : #English #Horror #Thriller

#MSone Release - 2957

Operation Red Sea (2018)
ഓപ്പറേഷൻ റെഡ് സീ (2018)

ഭാഷ : മാൻഡറിൻ
സംവിധാനം : Dante Lam
പരിഭാഷ : വിഷ്ണു പ്രസാദ്
പോസ്റ്റർ : പ്രവീൺ അടൂർ
ജോണർ : ആക്ഷൻ, ത്രില്ലർ, വാർ

IMDb ⭐️ 6.6/10

2015 മാർച്ചിൽ യെമൻ ആഭ്യന്തരയുദ്ധകാലത്ത് യെമനിലെ തെക്കൻ തുറമുഖമായ ഏഡനിൽ നിന്നും വിദേശികളുൾപ്പടെ 600 ഓളം വരുന്ന ചൈനക്കാരെയും തിരികെ നാട്ടിലെത്തിക്കുന്ന ദൗത്യത്തെ അടിസ്ഥാനമാക്കി 2018-ൽ പുറത്തിറങ്ങിയ ഒരു ആക്ഷൻ വാർ സിനിമയാണ് ഓപ്പറേഷൻ റെഡ് സീ.

ചൈനീസ് റെഡ് സീയിൽ കടന്നുകേറി ഒരു കപ്പലിലെ ചൈനീസ് ജീവനക്കാരെ ബന്ദികളാക്കാൻ ശ്രമിച്ച സൊമാലിയൻ പൈറേറ്റ്സിനെ നിമിഷങ്ങൾക്കുള്ളിൽ കൊന്നുകളഞ്ഞ ചൈനീസ് നേവി പുതിയ മിഷനുമായി ചെല്ലുന്നത് യുവേറാ എന്ന രാജ്യത്തേക്കാണ്.

അവിടെ സാക്ക എന്ന തീവ്രവാദി സംഘത്തിന്റെ ആക്രമണത്തിലും ആഭ്യന്തരയുദ്ധത്തിലും കുടുങ്ങിയപ്പോയ 130 ഓളം ചൈനക്കാരെയും മറ്റു വിദേശികളേയും നാട്ടിൽ എത്തിക്കുക എന്നതാണ് അവരുടെ മിഷൻ. ചൈനീസ് നേവിയും അതോടൊപ്പം ആ രാജ്യത്തെ പട്ടാളവും ചേർന്നാണ് വിപ്ലവകാരികൾക്കെതിരെ യുദ്ധം ചെയ്യുന്നത്. അങ്ങനെ ചൈനക്കാരെ രക്ഷിക്കാൻ എത്തുന്ന നേവി, അവിടെ നടക്കുന്ന മറ്റു കാര്യങ്ങളെ കുറിച്ചറിയുന്നതും തുടർന്നുള്ള സംഭവങ്ങളുമാണ് സിനിമയുടെ ഇതിവൃത്തം.

ചിത്രത്തിന്റെ മുക്കാൽ ഭാഗവും യുദ്ധരംഗങ്ങൾ കൊണ്ട് സമ്പന്നമാണ്, അതോടൊപ്പം ത്രില്ലിങ് ആയ ഒരു കഥയും, കടലിലും കരയിലും ഒരുപോലെ മികവുറ്റ രീതിയിലുള്ള യുദ്ധരംഗങ്ങൾ ചിത്രീകരിച്ച സിനിമയിൽ ഇമോഷണൽ രംഗങ്ങളും കൂടെയായപ്പോൾ ഒട്ടും മടുപ്പില്ലാതെ ആദ്യം മുതൽ അവസാനം വരെ കാണാൻ പറ്റുന്ന ആക്ഷൻ വാർ ചിത്രമാണ് ഓപ്പറേഷൻ റെഡ് സീ.

2018-ൽ ചൈനയിൽ നിന്നും ഏറ്റവും കൂടുതൽ പണം വാരിയ സിനിമ കൂടിയാണിത്.

അഭിപ്രായങ്ങൾ പങ്കുവെക്കാൻ

Categories : #Action #Mandarin #Thriller #War