#MSone Release - 3068

House of the Dragon Season 01 (2022)
ഹൗസ് ഓഫ് ദ ഡ്രാഗൺ സീസൺ 01 (2022)

Episode - 04
എപ്പിസോഡ് - 04

ഭാഷ : ഇംഗ്ലീഷ്
നിർമ്മാണം : GRRM; Bastard Sword; 1:26 Pictures Inc
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ആക്ഷന്‍, അഡ്വഞ്ചർ, ഡ്രാമ

IMDb ⭐️ 8.6/10

ലോകമെമ്പാടും ആരാധകരെ സൃഷ്ടിച്ച ജനപ്രിയ സീരിസ് ഗെയിം ഓഫ് ത്രോണ്‍സിന്റെ പ്രീക്വല്‍ സീരിസ് ആണ് ഹൗസ് ഓഫ് ദ ഡ്രാഗൺ.

റ്റാര്‍ഗേറിയന്‍ കുടുംബത്തിന്റെയും വിസേരിസ് ഒന്നാമന്റേയും കഥയാണ് സീരീസിന്റെ ഇതിവൃത്തം. ഗെയിം ഓഫ് ത്രോണ്‍സില്‍ നടന്ന സംഭവങ്ങള്‍ക്കും 200 വര്‍ഷം മുമ്പുള്ള കഥയാണ് പുതിയ സീരിസില്‍ പറയുന്നത്.

കഥ ആരംഭിക്കുന്നത് ഭ്രാന്തൻ രാജാവ് ആയ ഈറിയസിന്റെ മരണത്തിനും അദ്ദേഹത്തിന്റെ പുത്രി രാജകുമാരി ഡനേറിയസ് റ്റാർഗേറിയന്റെ ജനനത്തിനും 172 വർഷം മുമ്പാണ്.

വിസേരിസ് ഒന്നാമന് റനീറ എന്നൊരു മകൾ മാത്രമാണ് അവകാശിയായിട്ടുള്ളത്. അവകാശിയായി ഒരു ആൺകുഞ്ഞിനെയും പ്രതീക്ഷിച്ച് വർഷങ്ങളായി ഇരിക്കുകയാണ് വിസേരിയ്‌സ്. റ്റാർഗേറിയൻസിന്റെ കീഴ്‌വഴക്കം അനുസരിച്ച് ഒരിക്കലും ഒരു റാണിയും അന്നുവരെ അയൺ ത്രോണിൽ ഇരുന്നിട്ടില്ല. ആരും ഇരിക്കാൻ സമ്മതിച്ചിട്ടുമില്ല. വിസേരിസിന് ഒരു മകൻ ജനിച്ചില്ലെങ്കിൽ സാധാരണ നിയമങ്ങളും കീഴ്‌വഴക്കവും അനുസരിച്ച് അധികാരം ചെന്ന് ചേരേണ്ടത് വിസേരിസിന്റെ അനിയനും ക്രൂരനും ധൂര്‍ത്തനും സ്വേച്ഛാധിപതിയുമായ ഡേമൻ റ്റാർഗേറിയന്റെ കൈകളിലാണ്.

ഈയൊരു അവസരത്തിൽ രാജ്യത്തിന്റെ സ്ഥിരതയ്ക്കും നന്മയ്ക്കും വേണ്ടി നിയമങ്ങൾക്കും കീഴ്‌വഴക്കത്തിനും എതിരായി തന്റെ മകൾ റനീറയെ അയൺ ത്രോണിൽ ഇരുത്താൻ സഭയും വിസേരിസും തീരുമാനിക്കുമ്പോൾ അവർ അറിഞ്ഞിരുന്നില്ല റ്റാർഗേറിയൻമാരുടെ വംശത്തെയും അവരുടെ ഡ്രാഗണുകളെയും തന്നെ ഏതാണ്ട് പൂർണ്ണമായും ഇല്ലാതാക്കാൻ പോകുന്ന ആഭ്യന്തരയുദ്ധത്തിനാണ് അവർ തുടക്കം കുറിക്കുന്നതെന്ന്.

റ്റാർഗേറിയൻമാർക്കിടയിൽ നടന്ന ഈ ആഭ്യന്തരയുദ്ധം ഡാൻസ് ഓഫ് ദ ഡ്രാഗൺസ് എന്നാണ് അറിയപ്പെടുന്നത്. അതേ പേരിലുള്ള എഴുതി പൂർത്തിയായിട്ടുള്ള പുസതകത്തെ അടിസ്ഥാനമാക്കിയാണ് ഈ സീരീസ് ഒരുക്കിയിട്ടുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 3082

#MsoneGoldRelease

Jason and the Argonauts (1963)
ജെയ്സൺ ആൻഡ് ദി ആർഗൊനോട്ട്സ് (1963)

ഭാഷ : ഇംഗ്ലീഷ്
സംവിധാനം : Don Chaffey
പരിഭാഷ : ജ്യോതിഷ് കുമാർ എസ്. എസ്.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ഫാമിലി

IMDb ⭐️ 7.3/10

1963 ൽ പുറത്തിറങ്ങിയ ഗ്രീക്ക് ഇതിഹാസവുമായി ബന്ധപ്പെട്ട് റിലീസ് ആയ ഒരു ഹോളിവുഡ് ചലച്ചിത്രമാണിത്. തെസാലി സാമ്രാജ്യത്തിലെ അവകാശിയായ ജെയ്‌സൺ എന്ന ഗ്രീക്ക് യോദ്ധാവ് തന്റെ രാജഭരണാവകാശം തിരിച്ചു പിടിക്കുന്നതിനായി ഒരു അദ്‌ഭുത വസ്തുവിനെ അന്വേഷിച്ച് ഒരു കൂട്ടം നാവികരുമായി കോൾക്കിസ് എന്ന ദ്വീപിലേയ്ക്ക് പലവിധ അപകടങ്ങളും തരണം ചെയ്ത് സഞ്ചരിക്കുന്ന രസകരമായ കഥയാണിത്. 1963 കാലഘട്ടത്തിലെ സാങ്കേതിക വിദ്യകൾ ഉപയോഗിച്ച് എടുത്ത ഈ ചിത്രം പ്രായ വ്യത്യാസമില്ലാതെ തന്നെ എല്ലാപേർക്കും ആസ്വദിക്കുവാൻ പറ്റുന്നതാണ് Stop Motion Animation-ന് വളരെയധികം പ്രാധാന്യം നൽകുന്ന ഈ ചിത്രം കണ്ട് ആസ്വദിയ്ക്കുക തന്നെ വേണം.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Family #MsoneGold

#MSone Release - 3083

Alienoid (2022)
ഏലിയനോയ്ഡ് (2022)

ഭാഷ : കൊറിയൻ
സംവിധാനം : Dong-hoon Choi
പരിഭാഷ : വിഷ് ആസാദ്
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ഫാന്റസി

IMDb ⭐️ 6.4/10

റ്യൂ ജുന്‍-യോള്‍, കിം തെ-രി, കിം വൂ-ബിന്‍ എന്നിവര്‍ പ്രധാന വേഷങ്ങളിലെത്തി, പ്രശസ്ത സംവിധായകന്‍ ഡോങ്-ഹൂന്‍ ചോ സംവിധാനം ചെയ്ത് 2022ല്‍ പുറത്തിറങ്ങിയ കൊറിയന്‍ സിനിമയാണ് ഏലിയനോയ്ഡ്: പാര്‍ട്ട്‌ 1.

വമ്പന്‍ ഹിറ്റുകളായ “ദി തീവ്സ്‘ ,’ അസ്സാസിനേഷന്‍’ എന്നിവയ്ക്ക് ശേഷം ഡോങ്-ഹൂന്‍ ചോ ഒരുക്കിയ ഈ ചിത്രം ആക്ഷന്‍, ഹിസ്റ്റോറിക്കല്‍ ഫാന്റസി, സയൻസ് ഫിക്ഷൻ, കോമഡി തുടങ്ങി പലതരം ജോണറുകളുടെ സങ്കലനമാണ്.

പേര് സൂചിപ്പിക്കുംപോലെ ഏലിയനും മനുഷ്യരുമാണ് ഈ സിനിമയുടെ ഇതിവൃത്തം. മ്യൂട്ടേഷന്‍ സംഭവിച്ച് അപകടകാരികളായി മാറുന്ന പാരോ എന്ന അന്യഗ്രഹജീവികളെ മനുഷ്യ ശരീരത്തില്‍ തടവിലാക്കുന്നു. സ്ഥല-കാല വ്യത്യാസമില്ലാതെ നടക്കുന്ന ഈ പ്രക്രിയയ്ക്ക് ചുക്കാന്‍ പിടിക്കുന്നതും തടവുകാരുടെ നിയന്ത്രണവും ഏതോ ഗ്രഹത്തില്‍ നിന്നു വന്ന റോബോട്ടുകളായ ഗാര്‍ഡിനും തണ്ടറിനുമായിരുന്നു. ഇവര്‍ പതിനാലാം നൂറ്റാണ്ടില്‍ നിന്ന് ഒരു പെണ്‍കുഞ്ഞിനെ ഈ കാലഘട്ടത്തിലേക്ക് കൊണ്ടുവരുന്നതും തുടര്‍ന്നുണ്ടാകുന്ന സംഭവങ്ങളും പലതരം ജോണറുകളുടെ സഹായത്തോടെ മനോഹരമായി അവതരിപ്പിച്ചിരിക്കുന്നു.

നല്ല ആക്ഷന്‍ സീക്വന്‍സുകളും ഗംഭീര വി.എഫ്‌.എക്സും അഭിനേതാക്കളുടെ പ്രകടനങ്ങളും ചിത്രത്തിന് മാറ്റ് കൂട്ടുന്നു. സിനിമയിലെ ത്രില്ലിംഗ് മൂഡ്‌ തമാശയുടെയും ആക്ഷന്റേയും സഹായത്തോടെയും ജോണറുകളെ നന്നായി ബന്ധിപ്പിക്കുന്നതിലൂടെയും അവതരിപ്പിക്കുന്നതില്‍ സംവിധായകന്‍ വിജയിച്ചിരിക്കുന്നു. സിനിമ ബാക്കിയാക്കുന്ന സംശയങ്ങളും അടുത്ത ഭാഗത്തിന് വഴിമരുന്നിടുന്ന ത്രില്ലിംഗ് ക്ലൈമാക്സും രണ്ടാം ഭാഗത്തിനായി കാത്തിരിക്കാന്‍ പ്രേക്ഷകനെ നിര്‍ബന്ധിതനാക്കുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Fantasy #Korean

#MSone Release - 3084

Top Gun: Maverick (2022)
ടോപ്പ് ഗൺ: മാവെറിക് (2022)

ഭാഷ : ഇംഗ്ലീഷ്
സംവിധാനം : Joseph Kosinski
പരിഭാഷ : രാഹുൽ രാജ് & പ്രശോഭ് പി. സി.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, ഡ്രാമ

IMDb ⭐️ 8.4/10

ഫൈറ്റർ വിമാനങ്ങളുടെ ത്രസിപ്പിക്കുന്ന ആകാശപ്പോരാട്ട രംഗങ്ങളിലൂടെ ആക്ഷൻ പ്രേമികൾക്ക് ആവേശമായ സിനിമയാണ് ‘ടോപ്പ് ഗൺ: മാവെറിക്‘. 1986ൽ ഇറങ്ങിയ ‘ടോപ്പ് ഗൺ‘ എന്ന സിനിമയുടെ സീക്വലായി 2022ൽ ഇറങ്ങിയ ചിത്രത്തിൽ പീറ്റ് മാവെറിക് മിച്ചൽ ആയി ടോം ക്രൂസ് വീണ്ടുമെത്തുന്നു.

നേവി പൈലറ്റുമാർക്കുള്ള പ്രത്യേക പരിശീലനകേന്ദ്രമായ ‘ടോപ്പ് ഗണ്ണി’ൽ നിന്ന് മാവെറിക് ഗ്രാജ്വേഷൻ നേടിയിട്ട് 30 വർഷം പിന്നിട്ടിരിക്കുന്നു. അയാൾ ഇന്നൊരു ടെസ്റ്റ് പൈലറ്റാണ്. അപ്രതീക്ഷിതമായി മാവെറിക്കിനെ വീണ്ടും ടോപ്പ് ഗണ്ണിലേക്ക് തിരിച്ചുവിളിക്കുന്നു. നേവി ഒരു പ്രത്യേക ദൗത്യത്തിനുള്ള ഒരുക്കത്തിലാണ്. ജി.പി.എസ് ജാമറുകളും ഫൈറ്റർ വിമാനങ്ങളും കാവലുള്ള ഒരു അനധികൃത യുറേനിയം എൻറിച്ച്മെന്റ് പ്ലാന്റ് തകർക്കുക എന്നതാണ് ദൗത്യം. അങ്ങേയറ്റം അപകടംപിടിച്ച ദൗത്യമാണിതെന്ന് മാവെറിക് മനസ്സിലാക്കുന്നു. പക്ഷേ മാവെറിക്കിന് ഏറ്റവും അത്ഭുതമായത്, തന്നെ ടോപ്പ് ഗണ്ണിലേക്ക് വിളിപ്പിച്ചതിന്റെ യഥാർത്ഥ കാരണം അറിഞ്ഞപ്പോഴാണ്.

അഭിപ്രായങ്ങൾ പങ്കുവെക്കാൻ

Categories : #Action #Drama #English

#MSone Release - 3075

The Lord of the Rings: The Rings of Power Season 01 (2022)
ദ ലോർഡ് ഓഫ് ദ റിങ്സ്: ദ റിങ്സ് ഓഫ് പവർ സീസൺ 01 (2022)

Episodes 04
എപ്പിസോഡ്സ് 04

ഭാഷ : ഇംഗ്ലീഷ്
നിർമാണം : Amazon Studios
പരിഭാഷ : വിഷ്ണു പ്രസാദ് & ഗിരി പി. എസ്.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ഡ്രാമ, ഫാന്റസി

IMDb ⭐️ 6.9/10

ലോകമെമ്പാടും വലിയ ആരാധക പിന്തുണയുള്ള സിനിമകളായ “ദ ലോർഡ് ഓഫ് ദ റിങ്‌സ്” ഫ്രാഞ്ചൈസിൽ നിന്നും 2022-ൽ ആമസോൺ പ്രൈം നിർമ്മിച്ച് പുറത്തു വന്നിരിക്കുന്ന സീരീസാണ് “ദ ലോർഡ് ഓഫ് ദ റിങ്സ്: ദ റിങ്സ് ഓഫ് പവർ” സിനിമയുടെ പ്രീക്വൽ എന്ന രീതിയിലാണ് സീരീസ് അണിയിച്ചൊരുക്കിയിരിക്കുന്നത്.

ദ ലോർഡ് ഓഫ് ദ റിങ്‌സ്, ദ ഹോബിറ്റ് ചിത്രങ്ങളിലെ കഥകൾക്ക് ആയിരം വർഷം മുൻപ് നടക്കുന്ന കഥയാണ് സീരീസ് കൈകാര്യം ചെയ്യുന്നത്. ഈ ഫ്രാഞ്ചൈസിലൂടെ എഴുത്തുകാരനായ ജെ.ആർ.ആർ. റ്റോൾകീൻ പ്രേക്ഷകർക്ക് മുൻപിലേക്ക് പുസ്തക രൂപത്തിൽ ആദ്യമൊരു ലോകം തുറന്നിടുകയുണ്ടായി, ശേഷമാണ് സിനിമ സംഭവിച്ചത്. ആർഡ എന്നായിരുന്നു ഈ ലോകത്തിന് അദ്ദേഹം നൽകിയ പേര്, ആർഡയുടെ കഥയെ നാല് യുഗങ്ങളായാണ് അദ്ദേഹം തിരിച്ചത്. “ഇയർസ് ഓഫ് ലാമ്പ്” എന്നു പറയപ്പെടുന്ന യുഗത്തിലാണ് ആർഡയിൽ ആദ്യമായി വെളിച്ചം വരുന്നത്. ശേഷം സർവ്വേശ്വരൻ തന്റെ ദാസരെ അവിടേക്ക് അയച്ചു, ശേഷമാണ് ആർഡയിലേക്ക് മോർഗോത്ത് എന്ന ദുഷ്ട ശക്തി വരുന്നത്. സിനിമകളിൽ നമ്മൾ കണ്ട സൗറോൺ എന്ന വില്ലൻ ഈ മോർഗോത്ത് അഥവാ മെൽക്കോറിന്റെ സൈന്യാധിപനാണ്. ഇവരുടെ ഇടപെടലിനെ തുടർന്ന ആർഡയ്ക്ക് വെളിച്ചം നൽകിയ ലാമ്പുകൾ തകരുകയും മിഡിൽ-എർത്തിൽ ഇരുട്ട് പടരുകയും ചെയ്യുന്നു.

ഇതിൽ ദ ലോർഡ് ഓഫ് ദ റിങ്‌സ്, ദ ഹോബിറ്റ് കഥകൾ നടക്കുന്നത് മൂന്നാമത്തെ യുഗത്തിലാണ്. പക്ഷേ ദ റിങ്‌സ് ഓഫ് പവർ സീരിസിൽ വിഷയമായി വരുന്നത് രണ്ടാമത്തെ യുഗമാണ്. യുഗങ്ങളുടെ വ്യത്യാസം ഉണ്ടെങ്കിൽ പോലും സിനിമയിലെ ചില പ്രധാനപ്പെട്ട കഥാപാത്രങ്ങൾ സീരീസിലും പ്രത്യക്ഷപ്പെടുന്നുണ്ട്. രണ്ടാമത്തെ യുഗത്തിലെ കഥ നടക്കുന്നത് ഏകദേശം 3000 വർഷങ്ങൾ എടുത്താണ്, ഈ മൂവായിരം വർഷങ്ങളിലേ സംഭവങ്ങൾ സീരീസാക്കുക എന്നത് അസാധ്യമായ ഒന്നായത് കൊണ്ട് പുസ്തകത്തിൽ നിന്ന് വ്യത്യസ്തമായി ടൈം ജമ്പ് നടത്തുന്ന രീതിയിലാണ് സീരിസിൽ കഥയെ അവതരിപ്പിച്ചിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Fantasy #Web_Series

#MSone Release - 3085

Special Delivery (2022)
സ്പെഷ്യൽ ഡെലിവറി (2022)

ഭാഷ : കൊറിയൻ
സംവിധാനം : Dae-min Park
പരിഭാഷ : വിഷ്ണു ഷാജി
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ക്രൈം, ത്രില്ലർ

IMDb ⭐️ 6.3/10

2022-ലെ വിജയ ചിത്രങ്ങളിൽ ഒന്ന്. ആർക്കും എത്തിച്ചു കൊടുക്കാൻ കഴിയാത്ത സാധനങ്ങൾ (അതിപ്പോ മനുഷ്യനായാലും ശരി) പറഞ്ഞുറപ്പിച്ച തുകയ്ക്ക് കൃത്യ സ്ഥലത്ത് കൃത്യ സമത്ത് എത്തിച്ചു കൊടുക്കുന്ന ജങ് ഉൻ-ഹായാണ് ഇതിലെ നായിക. ചിത്രത്തിന്റെ പേര് പോലെ ഒരു “സ്പെഷ്യൽ ഡെലിവറി” തന്നെയാണ് ജങ് ചെയ്യുന്നത്. കാറുകൾ ഓടിക്കുന്നതിലെ അസാമാന്യകഴിവ് തന്നെയാണ് അവളുടെ ബോസ്സ് അവളെ ഈ ജോലിക്ക് തിരഞ്ഞെടുക്കാൻ കാരണം. പതിവുപോലെ ഒരു “സ്പെഷ്യൽ ഡെലിവറി” ഏറ്റെടുക്കുന്ന ജങിനു അറിയില്ലായിരുന്നു ഇനിയങ്ങോട്ട് കിം സൊ-വോൻ എന്ന കുട്ടിയുടെ ഉത്തരവാദിത്തം കൂടി ഏറ്റെടുക്കേണ്ടി വരുമെന്ന്. പുറകെ ഒരു ലോഡ് ഗുണ്ടകളും പോലീസും. സ്വന്തം ജീവൻ പോലും വകവെയ്ക്കാതെ കുട്ടിയെ രക്ഷിക്കാൻ ജങ് കച്ചകെട്ടി ഇറങ്ങുന്നത്തോടെ ആക്ഷൻ ത്രില്ലർ ട്രാക്കിലേക്ക് സിനിമ മാറുന്നു.

ഒരു ആവറേജ് സ്ക്രിപ്റ്റിനെ എങ്ങനെ പക്കാ ആക്ഷൻ ത്രില്ലർ ആക്കിമാറ്റാം എന്നതിന് ഏറ്റവും മികച്ച ഉദാഹരണമാണ് “സ്പെഷ്യൽ ഡെലിവറി”. സിനിമയോട് നൂറ് ശതമാനം നീതി പുലർത്തിയ കാർ ചെയ്സിങ്ങുകളും, ആക്ഷൻ സീക്വൻസുകളും, BGMഉം തന്നെയാണ് അതിനു കാരണം. കൊറിയൻ ആക്ഷൻ ത്രില്ലർ പ്രേമികൾ നിർബന്ധമായും കണ്ടിരിക്കേണ്ട സിനിമ.

അഭിപ്രായങ്ങൾ പങ്കുവെക്കാൻ

Categories : #Action #Crime #Korean #Thriller

#MSone Release - 3068

House of the Dragon Season 01 (2022)
ഹൗസ് ഓഫ് ദ ഡ്രാഗൺ സീസൺ 01 (2022)

Episode - 05
എപ്പിസോഡ് - 05

ഭാഷ : ഇംഗ്ലീഷ്
നിർമ്മാണം : GRRM; Bastard Sword; 1:26 Pictures Inc
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ആക്ഷന്‍, അഡ്വഞ്ചർ, ഡ്രാമ

IMDb ⭐️ 8.6/10

ലോകമെമ്പാടും ആരാധകരെ സൃഷ്ടിച്ച ജനപ്രിയ സീരിസ് ഗെയിം ഓഫ് ത്രോണ്‍സിന്റെ പ്രീക്വല്‍ സീരിസ് ആണ് ഹൗസ് ഓഫ് ദ ഡ്രാഗൺ.

റ്റാര്‍ഗേറിയന്‍ കുടുംബത്തിന്റെയും വിസേരിസ് ഒന്നാമന്റേയും കഥയാണ് സീരീസിന്റെ ഇതിവൃത്തം. ഗെയിം ഓഫ് ത്രോണ്‍സില്‍ നടന്ന സംഭവങ്ങള്‍ക്കും 200 വര്‍ഷം മുമ്പുള്ള കഥയാണ് പുതിയ സീരിസില്‍ പറയുന്നത്.

കഥ ആരംഭിക്കുന്നത് ഭ്രാന്തൻ രാജാവ് ആയ ഈറിയസിന്റെ മരണത്തിനും അദ്ദേഹത്തിന്റെ പുത്രി രാജകുമാരി ഡനേറിയസ് റ്റാർഗേറിയന്റെ ജനനത്തിനും 172 വർഷം മുമ്പാണ്.

വിസേരിസ് ഒന്നാമന് റനീറ എന്നൊരു മകൾ മാത്രമാണ് അവകാശിയായിട്ടുള്ളത്. അവകാശിയായി ഒരു ആൺകുഞ്ഞിനെയും പ്രതീക്ഷിച്ച് വർഷങ്ങളായി ഇരിക്കുകയാണ് വിസേരിയ്‌സ്. റ്റാർഗേറിയൻസിന്റെ കീഴ്‌വഴക്കം അനുസരിച്ച് ഒരിക്കലും ഒരു റാണിയും അന്നുവരെ അയൺ ത്രോണിൽ ഇരുന്നിട്ടില്ല. ആരും ഇരിക്കാൻ സമ്മതിച്ചിട്ടുമില്ല. വിസേരിസിന് ഒരു മകൻ ജനിച്ചില്ലെങ്കിൽ സാധാരണ നിയമങ്ങളും കീഴ്‌വഴക്കവും അനുസരിച്ച് അധികാരം ചെന്ന് ചേരേണ്ടത് വിസേരിസിന്റെ അനിയനും ക്രൂരനും ധൂര്‍ത്തനും സ്വേച്ഛാധിപതിയുമായ ഡേമൻ റ്റാർഗേറിയന്റെ കൈകളിലാണ്.

ഈയൊരു അവസരത്തിൽ രാജ്യത്തിന്റെ സ്ഥിരതയ്ക്കും നന്മയ്ക്കും വേണ്ടി നിയമങ്ങൾക്കും കീഴ്‌വഴക്കത്തിനും എതിരായി തന്റെ മകൾ റനീറയെ അയൺ ത്രോണിൽ ഇരുത്താൻ സഭയും വിസേരിസും തീരുമാനിക്കുമ്പോൾ അവർ അറിഞ്ഞിരുന്നില്ല റ്റാർഗേറിയൻമാരുടെ വംശത്തെയും അവരുടെ ഡ്രാഗണുകളെയും തന്നെ ഏതാണ്ട് പൂർണ്ണമായും ഇല്ലാതാക്കാൻ പോകുന്ന ആഭ്യന്തരയുദ്ധത്തിനാണ് അവർ തുടക്കം കുറിക്കുന്നതെന്ന്.

റ്റാർഗേറിയൻമാർക്കിടയിൽ നടന്ന ഈ ആഭ്യന്തരയുദ്ധം ഡാൻസ് ഓഫ് ദ ഡ്രാഗൺസ് എന്നാണ് അറിയപ്പെടുന്നത്. അതേ പേരിലുള്ള എഴുതി പൂർത്തിയായിട്ടുള്ള പുസതകത്തെ അടിസ്ഥാനമാക്കിയാണ് ഈ സീരീസ് ഒരുക്കിയിട്ടുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 3086

Monstrous K-Drama (2022)
മോൺസ്ട്രസ് കെ-ഡ്രാമ (2022)

ഭാഷ : കൊറിയൻ
സംവിധാനം : Kun-jae Jang
പരിഭാഷ : സജിത്ത് ടി. എസ്
പോസ്റ്റർ : ഉണ്ണി ജയേഷ്
ജോണർ: ആക്ഷൻ, ആനിമേഷന്‍, ഡ്രാമ

IMDb ⭐️ 5.7/10

2022 ൽ കൊറിയൻ പ്ലാറ്റഫോമായ Tving ലൂടെ പുറത്തിറങ്ങിയ ഒരു സൂപ്പർനാച്ചുറൽ ത്രില്ലർ, മിസ്റ്ററി, സീരീസാണ് മോൺസ്ട്രസ്.

വളരെ സുന്ദരമാർന്നതും സാധാരണക്കാർ വസിക്കുന്നതുമായ പ്രദേശമാണ് ജിൻയാങ്-ഗുൻ. ഏവരും സന്തോഷത്തോടെയും സമാധാനത്തോടെയും താമസിക്കുന്ന നാട്. അതിനടുത്തുള്ള മലയിൽ നിന്ന് അനേകം വർഷം പഴക്കമുള്ള ഒരു ബുദ്ധപ്രതിമയെ കണ്ടെത്തുന്നു. പ്രാചീന വസ്തുവായത് കൊണ്ടും, ബുദ്ധപ്രതിമയായത് കൊണ്ടും, വിദേശ ടൂറിസ്റ്റുകളെ ആകർഷിച്ച് അവിടം ഒരു Tourist Destination ആക്കുവാനായി, ജിൻയാങ്-ഗുൻ ഗവർണർ അതിനെ കുഴിച്ചെടുത്ത് പഞ്ചായത്ത്‌ ഓഫീസിൽ പ്രദർശനത്തിന് വെക്കാൻ തീരുമാനിച്ചു. അത് പുറത്തെടുക്കരുതെന്നും പറഞ്ഞ്, ചില സന്യാസികൾ നിവേദനം കൊടുത്തെങ്കിലും, ആരുമത് മുഖവിലക്കെടുത്തില്ല. ആ ബുദ്ധപ്രതിമയിൽ ഒരു ദുരാത്മാവ് കൂടിയിട്ടുണ്ടായിരുന്നു. ആ പ്രതിമയെ ജിൻയാങ്-ഗുനിലേക്ക് മാറ്റിയ ദിവസം മുതൽ ഓരോ അനിഷ്ട സംഭവങ്ങൾ സംഭവിക്കാൻ തുടങ്ങി. കറുത്ത മഴ പെയ്ത് കൃഷിയിടങ്ങളെല്ലാം നശിക്കുകയും, പലരും ഭ്രാന്ത് പിടിച്ച പോലെ പെരുമാറുകയും പരസ്പരം കൊല്ലുകയും ചെയ്യുന്നു. പിന്നീട് അവിടെ ഉണ്ടാകുന്ന സംഭവങ്ങളിലൂടെയാണ് സീരീസ് കടന്നു പോകുന്നത്.

അഭിപ്രായങ്ങൾ പങ്കുവെക്കാൻ

Categories : #Fantasy #Horror #Korean #Mystery #Web_Series

#MSone Release - 3087

Seoul Vibe (2022)
സോൾ വൈബ് (2022)

ഭാഷ : കൊറിയൻ
സംവിധാനം : Hyun-Sung Moon
പരിഭാഷ : അഖിൽ ജോബി & വിഷ് ആസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, കോമഡി, ക്രൈം

IMDb ⭐️ 5.5/10

നെറ്റ്ഫ്ലിക്സിന്റെ നിര്‍മ്മാണത്തില്‍ Moon Hyun Sung സംവിധാനം ചെയ്ത് 2022ല്‍ പുറത്തിറങ്ങിയ കൊറിയന്‍ ആക്ഷന്‍ കോമഡി ചിത്രമാണ് “സോള്‍ വൈബ്“.

1988ലെ സോള്‍ ഒളിമ്പിക്സിന്റെ പശ്ചാത്തലത്തില്‍ കഥ പറയുന്ന ചിത്രത്തില്‍ Yoo Ah-in, Go Kyung-pyo, Lee Kyu-hyung, Park Joo-hyun, Ong Seong-wu, Kim Seong-gyun, Jung Woong-in, Moon So-ri എന്നിവരാണ് പ്രധാന വേഷങ്ങളില്‍ എത്തുന്നത്. 1988ലെ സോള്‍ ഒളിമ്പിക്സിന്റെ ഭാഗമായി നടക്കുന്ന വമ്പന്‍ പ്രോജക്ടുകളുടെ മറവില്‍ ഉയര്‍ന്ന റാങ്കിലുള്ള ഉദ്യോഗസ്ഥര്‍ വമ്പന്‍ അഴിമതിയും പണമിടപാടുകളും നടത്തുന്നതായി പോലീസിന്റെ ശ്രദ്ധയില്‍പ്പെടുന്നു. ഇതിന്റെ ചുരുളഴിക്കാനും ആവശ്യമായ തെളിവുകള്‍ ശേഖരിക്കാനും പോലീസ്‌ ഡ്രൈവിങ്ങിൽ അസാമാന്യ കഴിവുള്ള നായകനേയും സുഹൃത്തുക്കളെയും സമീപിക്കുന്നു. ലോസ് ആഞ്ചലസില്‍ പോയി ജീവിതം സുരക്ഷിതമാക്കാന്‍ സ്വപ്നം കണ്ടു നടക്കുന്ന നായകനും സംഘവും അതേറ്റെടുക്കുന്നതും തുടര്‍ന്ന് നടക്കുന്ന സംഭവങ്ങളുമാണ് “സോള്‍ വൈബ്” പറയുന്നത്.

കോമഡികളാലും കാര്‍ ചേസിംഗ് രംഗങ്ങളാലും സമ്പന്നമായ ചിത്രം 1988ലെ സൗത്ത്‌ കൊറിയന്‍ ജീവിതവും വരച്ചിടുന്നു. ഹ്യുണ്ടായ് കമ്പനി 90കളില്‍ പുറത്തിറക്കിയ പോണി പിക്ക്അപ്പ്, ഫസ്റ്റ് ജെനെറേഷന്‍ ഗ്രാന്‍ഡ്യൂര്‍, പോര്‍ട്ടര്‍ ലൈറ്റ് ട്രക്ക്, പഴയ സെഡാന്‍, സെക്കന്‍ഡ്‌ ജെനെറേഷന്‍ സോനാറ്റ, സ്റ്റെല്ലര്‍, കോര്‍ട്ടിന തുടങ്ങിയ റെട്രോ കാറുകളുടെ ഒരു നിര തന്നെ സോള്‍ വൈബില്‍ പ്രത്യക്ഷപ്പെടുന്നുണ്ട്. തുടക്കം മുതൽ അവസാനം വരെ ഒട്ടും ബോറടിക്കാതെ കണ്ടിരിക്കാനാവുന്ന ഒരു അടിപൊളി കളർഫുൾ റെട്രോ ത്രില്ലർ വൈബ് സിനിമയാണ് സോള്‍ വൈബ്.

അഭിപ്രായങ്ങൾ പങ്കുവെക്കാൻ

Categories : #Action #Comedy #Crime #Korean

#MSone Release - 82

Man of Steel (2013)
മാൻ ഓഫ് സ്റ്റീൽ (2013)

ഭാഷ : ഇംഗ്ലീഷ്
സംവിധാനം : Zack Snyder
പരിഭാഷ : ഗിരി പി. എസ്.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 7.1/10

ഡിസി എക്സ്റ്റെൻഡഡ് യൂണിവേഴ്‌സിൽ (DCEU) നിന്ന് പുറത്ത് വരുന്ന ആദ്യ സിനിമയെന്ന ഖ്യാതിയോടെ 2013 യിൽ സാക്ക് സ്‌നൈഡറിന്റെ സംവിധാനത്തിൽ തീയേറ്ററുകളിൽ എത്തിയ ചിത്രമാണ് “മാൻ ഓഫ് സ്റ്റീൽ“.

സൂപ്പർ-മാൻ ഫിലിം സീരീസിന്റെ റീബൂട്ടും സൂപ്പർ-മാന്റെ ഒറിജിൻ കഥയും ആയിരുന്നു മാൻ ഓഫ് സ്റ്റീലിലൂടെ ചിത്രത്തിന്റെ കഥാകൃത്തുക്കളായ ക്രിസ്റ്റഫർ നോളനും ഡേവിഡ് എസ് ഗോയറും പ്രേക്ഷകരോട് പറയാൻ ശ്രമിച്ചത്. മികച്ചൊരു ഒറിജിൻ സ്റ്റോറി തന്നെ അവർക്ക് സൂപ്പർ-മാനിനായി ഒരുക്കാൻ കഴിഞ്ഞു.

തകർച്ചയുടെ വക്കിലെത്തിയ ക്രിപ്റ്റോൺ എന്ന ഗ്രഹത്തിൽ നിന്ന് ഭൂമിയിലേക്ക് എത്തുന്ന കൈകുഞ്ഞായ ക്യാൽ-എലിനെ ഒരു മനുഷ്യ ദമ്പതികൾ എടുത്ത് വളർത്തുന്നു. തുടർന്ന് അവനൊരു അമാനുഷികനാണെന്ന് ആ കുഞ്ഞ് തിരിച്ചറിയുകയും ശേഷം അവൻ നേരിടുന്ന പ്രതിസന്ധികളുമാണ് ചിത്രം കൈകാര്യം ചെയ്യുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Sci_Fi

Looking for Alaska

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം....

ഉടൻ വരുന്നു...🌼

Cut : Girish Kumar N P