#MSone Release - 195

The Return (2003)
ദി റിട്ടേൺ (2003)

ഭാഷ : റഷ്യൻ
സംവിധാനം : Andrey Zvyagintsev
പരിഭാഷ : അവർ കരോലിൻ
പോസ്റ്റർ : ഷിഹാബ് എ ഹസ്സന്‍
ജോണർ: ഡ്രാമ

IMDb ⭐️ 8.0/10

Andrey Zvyaginstev ക്യാമറയിൽ സൃഷ്ടിച്ചെടുത്ത സുന്ദരകാവ്യമാണ് അദ്ദേഹം സംവിധാനം ചെയ്ത ‘The Return’ എന്ന സിനിമ. ഞായർ മുതൽ ശനി വരെയുളള 7 ദിവസങ്ങളിലൂടെ സിനിമ സഞ്ചരിക്കുന്നത് കുടുംബം, യാത്ര, പ്രകൃതി എന്നീ സങ്കേതങ്ങളിലൂടെയാണ് സംവിധായകൻ മനോഹരമായി മനുഷ്യാവസ്ഥകളുടെ ഉൾനെയ്ത്ത് നടത്തുന്നത്. അസാമാന്യവും അതിശയകരവുമായ രീതിയിൽ മനുഷ്യരുടെ ആന്തരികാവസ്ഥയിലേക്ക് തുറന്നുവെച്ച കണ്ണുകളായി പ്രകൃതിയെ ക്യാമറയിൽ പകർത്താൻ ചലച്ചിത്രകാരന് സാധിക്കുന്നു. സ്നേഹം, ഏകാന്തത, വെറുപ്പ്, പാപം, ഓർമ്മ… എന്നിങ്ങനെ അനേകം മനുഷ്യാവസ്ഥയിലൂടെ കടന്നുപോകുന്ന സിനിമക്ക് ധാരാളം അവാര്‍ഡുകളും ലഭിക്കുകയുണ്ടായി.

അഭിപ്രായങ്ങൾ പങ്കുവെക്കാൻ

Categories : #Drama #Russian

#MSone Release - 156

Wild Strawberries (1957)
വൈൽഡ് സ്ട്രോബെറീസ് (1957)

ഭാഷ : സ്വീഡിഷ്
സംവിധാനം : Ingmar Bergman
പരിഭാഷ : ഉമ്മർ ടി.കെ
പോസ്റ്റർ : മനു എ ഷാജി
ജോണർ: ഡ്രാമ, റൊമാൻസ്

IMDb ⭐️ 8.2/10

ജീവിതത്തിൽ ഏതൊരു വ്യക്തി ആയാലും ശെരി സംഭവിക്കും എന്ന് നൂറ് ശതമാനം ഉറപ്പുള്ള ഒരു വസ്തുതയെ ബുദ്ധി ഉറച്ച കാലം മുതൽക്കേ ഭയപ്പെടുന്നുണ്ടെങ്കിൽ അത് മരണത്തെയാണ്, മരണം എന്നത് സുനിശ്ചിതമാണ്, സത്യമാണ്, തിരിച്ചറിവാണ്. കഥ കാരണം അത്ഭുതമായി മാറിയ സിനിമകൾ അനവധി ആണെങ്കിലും കഥയില്ലായ്മ കാരണം ഞെട്ടിച്ച അപൂർവം ചിലതെ ഉള്ളൂ, അവയിൽ ഒന്നാണ് വൈൽഡ് സ്ട്രോബറീസ്, വിശദീകരിക്കാൻ മാത്രമൊരു കഥ ചിത്രത്തിലില്ല. തന്റെ ജീവിതത്തിന്റെ അന്ത്യ കാലത്തേക്ക് കടന്ന ഒരു പ്രൊഫെസറാണ് സിനിമയുടെ കേന്ദ്ര കഥാപാത്രം, സ്വന്തം ആദരിക്കൽ ചടങ്ങിലേക്കുള്ള അയാളുടെ യാത്രയിലൂടെയാണ് കഥ മുന്നേറുന്നത്. മരണഭയം പ്രൊഫസറെ കാർന്ന് തിന്നുകയാണ്, അയാളുടെ ചിന്തകളിൽ പോലും മരണം ഭാഗമാവുകയാണ്.

അഭിപ്രായങ്ങൾ പങ്കുവെക്കാൻ

Categories : #ClassicJune2015 #Drama #Romanian #Swedish

#MSone Release - 528

71: Into the Fire (2010)
71: ഇന്‍ടു ദ ഫയര്‍ (2010)

ഭാഷ : കൊറിയന്‍
സംവിധാനം : John H. Lee
പരിഭാഷ : ഷിഹാസ് പരുത്തിവിള
പോസ്റ്റർ : പ്രവീൺ അടൂർ
ജോണർ: ആക്ഷൻ, വാർ, ഡ്രാമ

IMDb ⭐️ 7.4/10

1950 കളിൽ നടന്ന ആഭ്യന്തര യുദ്ധത്തിൽ നോർത്ത് കൊറിയയും സൗത്ത് കൊറിയയും എന്നന്നേക്കുമായി വിഭജിക്കപ്പെട്ടു. 71: ഇന്‍ടു ദി ഫയര്‍ എന്ന ഈ ചിത്രം കേന്ദ്രീകരിക്കുന്നത് 71 വിദ്യർത്ഥി പോരാളികളുടെ നിലനിൽപിനായുള്ള പോരാട്ടങ്ങളുടെ നേർസാക്ഷ്യത്തിലേക്കാണ്. യഥാർത്ഥ ആളുകളെയും, സംഭവങ്ങളെയും ആസ്പദമാക്കി നിർമിച്ച ഈ ചിത്രം തുറന്ന് കാട്ടുന്നത് വ്യക്തിപരമായതും അല്ലാത്തുമായ പ്രശ്നങ്ങളിലേക്ക് വലിച്ചിഴക്കപ്പെടുന്ന പോഹങ്ങ് ഗേൾസ് മിഡിൽ സ്ക്കൂളിനെ കൊറിയൻ സൈന്യം എത്തുന്നത് വരെ സംരക്ഷിക്കുക എന്നുള്ള ദൗത്യത്തിലേക്ക് 71 വിദ്യാർത്ഥികൾ വലിച്ചെറിയപ്പെടുന്നതിലേക്കാണ്.

അഭിപ്രായങ്ങൾ പങ്കുവെക്കാൻ

Categories : #Action #English #Korean #War

#MSone Release - 1802

Coming Soon (2008)
കമിംഗ് സൂൺ (2008)

ഭാഷ : തായ്
സംവിധാനം : John H. Lee
പരിഭാഷ : നിസാം കെ.എൽ
പോസ്റ്റർ : നിഷാദ് ജെ എന്‍
ജോണർ: ഹൊറർ, ത്രില്ലർ

IMDb ⭐️ 6.1/10

Sopon Sukdapisitന്റെ സംവിധാനത്തിൽ 2008ൽ റിലീസായ തായ് ഹൊറർ, ത്രില്ലർ സിനിമയാണ് കമിംഗ് സൂൺ.

യഥാർത്ഥ സംഭവങ്ങളെ ആധാരമാക്കി പുതിയ ഒരു പ്രേതസിനിമ റിലീസ് ആവുകയും അത് കണ്ടതിനുശേഷം തീയറ്ററിലെ ജോലിക്കാരനായ നായകൻ അതിലെ പ്രേതത്തെ പലപ്പോഴായി കാണുകയും ചെയ്യുന്നു. എന്നാൽ തനിക്കു മാത്രമല്ല ഈ അനുഭവം എന്ന മനസ്സിലാകുന്നതോടകൂടി നായകനും കാമുകിയും ഇതിന്റെ ചുരുളഴിക്കാൻ ഇറങ്ങുന്നു.

സാധാരണ ക്ലീഷേ പ്രേതസിനിമകളെപോലെയല്ലാതെ ട്വിസ്റ്റും ത്രില്ലിംഗ് എലമെന്റ്സുമായി ഒരു പുതുമ അവകാശപ്പെടാനുള്ള ചിത്രം തന്നെയാണ് കമിംഗ് സൂൺ.

അഭിപ്രായങ്ങൾ പങ്കുവെക്കാൻ

Categories : #Horror #Thai #Thriller

#MSone Release - 1626

Treeless Mountain (2008)
ട്രീലെസ് മൗണ്ടൻ (2008)

ഭാഷ : കൊറിയൻ
സംവിധാനം : So Yong Kim
പരിഭാഷ : ശാമിൽ എ. ടി
പോസ്റ്റർ : ഷാറൂഖ് നിലമ്പൂർ
ജോണർ : ഡ്രാമ

IMDb ⭐️ 7.0/10

ജിൻ എന്ന ഒരു നിഷ്കളങ്കയായ ഒരു കുട്ടിയുടെ കഥയായാണ് സിനിമ തുടങ്ങുന്നത്. ഭർത്താവിനെ അന്വേഷിച്ചു പോവാൻ വേണ്ടി ജിന്നിനെയും അവളുടെ അനിയത്തി ബിന്നിനെയും അമ്മ അവരുടെ ആന്റിയുടെ അടുത്ത് കൊണ്ട് പോയി ഏപ്പിക്കുന്നു. ശേഷം കുട്ടികളുടെ കയ്യിൽ അമ്മ ഒരു പണപ്പെട്ടി കൊടുക്കുകയും ആന്റിയോട്‌ നന്നായി പെരുമാറിയാൽ ആന്റി നിങ്ങൾക്ക് നാണയങ്ങൾ തരികയും അത് പണപ്പെട്ടിയിലിട്ട് പണപ്പെട്ടി നിറയുന്ന അന്ന് അമ്മ തിരിച്ചു വരികയും ചെയ്യും എന്ന് പറഞ്ഞുകൊണ്ട് അമ്മ യാത്രയാവുന്നു. പിന്നീട് ആ പണപ്പെട്ടി നിറക്കാൻ വേണ്ടി കുട്ടികൾ കിടന്ന് കഷ്ടപ്പെടുന്നതും കാണിച്ച് കൊണ്ട് സിനിമ മുന്നോട്ട് പോവുന്നു.

സിനിമയിൽ എടുത്ത് പറയേണ്ടത് ഈ രണ്ട് കുട്ടികളുടെ അഭിനയമാണ്. എത്ര നിഷ്കളങ്കരായാണ് അവരാ കഥാപാത്രങ്ങളെ അവതരിപ്പിച്ചിരിക്കുന്നത്! കുറഞ്ഞ കഥാപാത്രങ്ങളുള്ള ഈ സിനിമ തീർച്ചയായും നമ്മുടെ മനസ്സുകളെ സ്വാധീനിക്കും.

അഭിപ്രായങ്ങൾ പങ്കുവെക്കാൻ

Categories : #Drama #Korean

#MSone Release - 3167

Avatar: The Way of Water (2022)
അവതാർ: ദ വേ ഓഫ് വാട്ടർ (2022)

ഭാഷ : ഇംഗ്ലീഷ്
സംവിധാനം : James Cameron
പരിഭാഷകർ : എല്‍വിന്‍ ജോണ്‍ പോള്‍ & വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഫാന്റസി

IMDb ⭐️ 7.8/10

2009-ൽ സാക്ഷാൽ ജെയിംസ് ക്യാമറൂണിന്റെ സംവിധാനത്തിൽ പുറത്തിറങ്ങിയ അവതാർ എന്ന ചലച്ചിത്രത്തിന്റെ രണ്ടാം ഭാഗമാണ് അവതാർ: ദ വേ ഓഫ് വാട്ടർ.

കേണൽ മൈൽസ് ക്വാറിച്ചിനെ വകവരുത്തി, അയാളുടെ നേതൃത്വത്തിലുള്ള പട്ടാള സൈന്യത്തെ പാൻഡോറയിൽനിന്ന് തുരത്തിയോടിക്കുന്നതോടെയാണ് അവതാർ ആദ്യ ഭാഗം അവസാനിച്ചത്. തങ്ങളുടെ മണ്ണും നിലനില്‍പ്പും പൊരുതി നേടിയ നാവികള്‍ ഓര്‍മ്മകളുടെ മുറിവുണക്കി സന്തോഷത്തിന്റെ നല്ല നാളുകളിലേക്ക് തിരികെയെത്തിയിരുന്നു. മനുഷ്യന്റെ പൊയ്മുഖങ്ങള്‍ വലിച്ചെറിഞ്ഞ് പൂര്‍ണ്ണമായും നാവിയായി മാറിയ ജെയ്ക്ക് സള്ളിയും, നെയ്തീരിയും, ഡോക്ടർ ഗ്രേസിന്റെ അവതാറിൽനിന്നും സൃഷ്ടിച്ച കിരിയടക്കം നാല് മക്കളുമായി വളരെ സമാധാനത്തോടെയും സന്തോഷത്തോടെയും മുന്നോട്ടുപോകുമ്പോഴാണ് നീണ്ട 15 വർഷങ്ങൾക്ക് ശേഷം ആകാശവാസികൾ (മനുഷ്യർ) വീണ്ടും പാൻഡോറയിലെത്തുന്നത്.

ഉപയോഗശൂന്യമായിക്കൊണ്ടിരിക്കുന്ന ഭൂമിക്കു പകരം പാൻഡോറയിൽ മനുഷ്യാവാസ വ്യവസ്ഥ സൃഷ്ടിക്കുകയാണ് അവരുടെ ലക്ഷ്യം. എന്നാൽ ആ സ്പേസ്ഷിപ്പിൽ പാൻഡോറയിലേക്ക് മറ്റൊരാൾ കൂടി ഉണ്ടായിരുന്നു. ജെയ്ക്ക് സള്ളിയെയും കുടുംബത്തേയും എങ്ങനെയും വകവരുത്തണമെന്ന പ്രതികാരം മനസ്സിലേറ്റി നടക്കുന്ന കേണൽ മൈൽ ക്വാറിച്ചിന്റെ നാവി ക്ലോൺ.

ഇനിയുമൊരു യുദ്ധം ചിലപ്പോൾ പാൻഡോറയുടെയും നാവി വംശത്തിന്റെയും അവസാനമായിരിക്കുമെന്നത് ജെയ്ക്കിന് നന്നായി അറിയാം. ക്വാറിച്ചിന് വേണ്ടത് തന്നെയും തന്റെ കുടുംബത്തെയുമാണ്. അങ്ങനെ ജെയ്ക്കിനും കുടുംബത്തിനും കാടും മലയും ഉപേക്ഷിച്ച് പാൻഡോറയുടെ കിഴക്കൻ തീരദേശത്തേക്ക് കുടിയേറേണ്ടി വരികയാണ്. പുതിയ സ്ഥലത്തോടും രീതികളോടും പൊരുത്തപ്പെട്ട് അതിജീവനത്തിന് ശ്രമിക്കുമ്പോൾ അവർക്ക് നേരിടേണ്ടി വരുന്ന വെല്ലുവിളികളും മാനസിക സംഘർഷങ്ങളും ഏറ്റുമുട്ടലുകളുമാണ് രണ്ടാം ഭാഗത്തിൽ കാണാനുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Fantasy #English

#MSone Release - 3168

Onward (2020)
ഓൺവാർഡ് (2020)

ഭാഷ : ഇംഗ്ലീഷ്
സംവിധാനം : Dan Scanlon
പരിഭാഷ : പ്രവീൺ വിജയകുമാർ
പോസ്റ്റർ : രോഹിത്ത് ജി. എസ്
ജോണർ : അനിമേഷന്‍, അഡ്വഞ്ചർ, കോമഡി

IMDb ⭐️ 7.4/10

ഇയാനും സഹോദരൻ ബാർലിക്കും, മരിച്ചു പോയ തങ്ങളുടെ അച്ഛനെ മാജിക്കിലൂടെ ഒരു ദിവസത്തേക്ക് തിരിച്ചു കൊണ്ടുവരാനുള്ള അവസരം ലഭിക്കുന്നു. അതുവരെ മാജിക്കിനെ കുറിച്ച് യാതൊരു അറിവുമില്ലാത്ത ഇയാന്റെ ശ്രമഫലമായി, അച്ഛന്റെ അരയ്ക്ക് കീഴ്പ്പോട്ടുള്ള ഭാഗം മാത്രം പുനഃസൃഷ്ടിക്കപ്പെടുന്നു. സൂര്യാസ്തമയത്തിന് മുമ്പ് മാജിക് പൂർത്തിയാക്കാൻ സാധിച്ചില്ലെങ്കിൽ, അച്ഛനെ കാണാനുള്ള അവസരം എന്നെന്നേക്കുമായി അവർക്ക് നഷ്‌ടപ്പെടും. അതിലേക്കായി ഇരുവരും ഒരു യാത്ര പുറപ്പെടുകയാണ്. ഒരുപാട് സാഹസികതകളും അപകടങ്ങളും നിറഞ്ഞ ആ യാത്രയിൽ, സമയവും അവർക്ക് മുന്നിൽ ഒരു വെല്ലുവിളിയാണ്.

ഡിസ്‌നി-പിക്‌സാർ-ന് വേണ്ടി ഡാൻ സ്കാൻലോൺ സംവിധാനം ചെയ്ത് 2020-ൽ പുറത്തിറങ്ങിയ ആനിമേഷൻ ചിത്രമാണ് ‘ഓൺവാർഡ്‘. ‘സ്പൈഡർ-മാൻ‘ സീരീസിലൂടെ പ്രശസ്തനായ ടോം ഹാളണ്ടും ‘ഗാർഡിയൻസ് ഓഫ് ദ ഗ്യാലക്സി (2014)‘, ‘ജുറാസിക് വേൾഡ് (2015)” സീരീസ് നായകൻ ക്രിസ് പ്രാറ്റുമാണ് പ്രധാന കഥാപാത്രങ്ങളായ ഇയാനും ബാർലിക്കും ശബ്‌ദം നൽകിയിരിക്കുന്നത്. മറ്റ് ഡിസ്‌നി-പിക്‌സാർ ചിത്രങ്ങൾ പോലെ കുട്ടികൾക്കും മുതിർന്നവർക്കും ഒരുപോലെ ആസ്വദിക്കാവുന്ന ചിത്രമാണ് ‘ഓൺവാർഡ്‘.

അഭിപ്രായങ്ങൾ പങ്കുവെക്കാൻ

Categories : #Adventure #Animation #Comedy #English

#MSone Release - 521

Titanic (1997)
ടൈറ്റാനിക് (1997)

ഭാഷ : ഇംഗ്ലീഷ്
സംവിധാനം : James Cameron
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : അഷ്‌കർ ഹൈദർ
ജോണർ : ഡ്രാമ, റൊമാൻസ്

IMDb ⭐️ 7.9/10

ജെയിംസ് കാമറൂൺ കഥയും, തിരക്കഥയും, സം‌വിധാനവും, സഹചിത്രസംയോജനവും, സഹനിർമ്മാണവും നിർവ്വഹിച്ച് 1997-ൽ ആർ.എം.എസ്. ടൈറ്റാനിക് എന്ന കപ്പലിന്റെ ദുരന്തത്തെ ആസ്പദമാക്കി പുറത്തിറങ്ങിയ ഒരു ചലച്ചിത്രമാണ്‌ ടൈറ്റാനിക്. ലിയോനാർഡോ ഡികാപ്രിയോ, കേറ്റ് വിൻസ്ലെറ്റ് എന്നിവരാണ്‌ ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിച്ചത്.

കെൽഡിഷ് എന്ന പര്യവേക്ഷണ കപ്പൽ ഉപയോഗിച്ച് 1912-ൽ മുങ്ങിയ ടൈറ്റാനിക്കിൻ്റെ അവശിഷ്ടങ്ങൾക്കിടയിൽ ഒരു ഡയമണ്ട് നെക്ലേസ് തപ്പുവാണ് ബ്രോക്ക് ലവറ്റ് എന്ന നിധിവേട്ടക്കാരൻ. ബ്രോക്കിന് മാല കിട്ടുന്നില്ലെങ്കിലും, മാല ധരിച്ച ഒരു യുവതിയുടെ പെൻസിൽ സ്കെച്ച് കപ്പലിൻ്റെ അവശിഷ്ടങ്ങളിൽ നിന്നും കിട്ടുന്നു. ഈ ചിത്രം പര്യവേക്ഷണത്തെക്കുറിച്ചുള്ള ടിവിയിലെ വാർത്തയിൽ കണ്ട റോസ് കാൽവെർട്ട് എന്ന 100 വയസ്സുള്ള സ്ത്രീ ചിത്രത്തിലെ യുവതി താനാണെന്നും പറഞ്ഞ് ബ്രോക്കിനെ വിളിക്കുന്നു. ഡയമണ്ടിന് എന്തുപറ്റിയെന്ന് അറിയാൻ വേണ്ടി അവരുടെ കഥ കേൾക്കാൻ ബ്രോക്കും സംഘവും റോസിനെയും കൊച്ചുമകളെയും തങ്ങളുടെ കപ്പലിലേക്ക് ക്ഷണിക്കുന്നു. അവിടെ വെച്ച് റോസ് താൻ ചെറുപ്പമായിരുന്നപ്പോൾ ടൈറ്റാനിക്കിൽ നടത്തിയ യാത്രയെക്കുറിച്ചും, ആ യാത്രക്കിടെ പരിചയപ്പെട്ട ആളുകളെക്കുറിച്ചുമുള്ള (പ്രത്യേകിച്ച് ജാക്ക് ഡോസൺ എന്ന ഒരു യുവാവിനെക്കുറിച്ചുള്ള) ഓർമ്മകൾ മറ്റുള്ളവരുമായി പങ്കുവെക്കുന്നതുമാണ് ചിത്രത്തിൻ്റെ ഇതിവൃത്തം.

1959-ൽ ബെൻ-ഹർ പിന്നീട് 2003-ൽ ദ ലോർഡ് ഓഫ് ദ റിങ്സ്: ദ റിട്ടേൺ ഓഫ് ദ കിങ് എന്നീ ചിത്രങ്ങളോടൊപ്പം, ഏറ്റവമധികം ഓസ്കാർ പുരസ്കാരങ്ങൾ നേടിയ ചിത്രമാണ്‌ ടൈറ്റാനിക്'(11 ഓസ്കാർ). 1950 ൽ പുറത്തിറങ്ങിയ ഓൾ എബൗട്ട് ഈവ്, 2016 ൽ പുറത്തിറങ്ങിയ ലാ ലാ ലാൻഡ് എന്നീ ചിത്രങ്ങളുമായി ഏറ്റവും കൂടുതൽ ഓസ്കാർ നാമനിർദ്ദേശങ്ങൾ നേടിയ ചിത്രം എന്ന റെക്കോർഡും ടൈറ്റാനിക് പങ്കിടുന്നു. മൂന്ന് ചിത്രങ്ങൾക്കും 14 വീതം നാമനിർദ്ദേശങ്ങളാണ് ലഭിച്ചത്. റിലീസ് ചെയ്ത സമയത്ത് ലോക ബോക്സ് ഓഫീസ് ചരിത്രത്തിൽ ആദ്യമായി 100 കോടി ഡോളർ കളക്ഷൻ നേടിയ ചിത്രം നിലവിൽ റീ-റിലീസ് കളക്ഷനുകൾ കൂടി കൂട്ടുമ്പോൾ ഏകദേശം 225 കോടി ഡോളർ കളക്ഷൻ സ്വന്തമാക്കിയിട്ടുണ്ട്.

അഭിപ്രായങ്ങൾ പങ്കുവെക്കാൻ

Categories : #Drama #English #Romance

#MSone Release - 3169

Ted (2012)
ടെഡ് (2012)

ഭാഷ : ഇംഗ്ലീഷ്
സംവിധാനം : Seth MacFarlane
പരിഭാഷ : മാജിത് നാസർ
പോസ്റ്റർ : രോഹിത് ജി എസ്
ജോണർ : കോമഡി

IMDb ⭐️ 6.9/10

അധികം കൂട്ടുകാരൊന്നുമില്ലാത്ത, എന്നാൽ നല്ലവനായ ഒരു കുട്ടി എല്ലായിടത്തുമുണ്ടാകും. അങ്ങനെയുള്ള ഒരു ബാലനാണ് നമ്മുടെ നായകനായ ജോൺ ബെന്നറ്റ്. ഒരു സുഹൃത്തിന് വേണ്ടി അതിയായി ആഗ്രഹിച്ച അവന് ക്രിസ്മസ് സമ്മാനമായി ഒരു ടെഡി ബെയറിനെ കിട്ടുകയാണ്. അതിനെ അവൻ സുഹൃത്തായി കണ്ട്, ടെഡ് എന്ന് പേരിട്ടു വിളിക്കുന്നു. ഒരു പാവയായ തന്റെ സുഹൃത്തിന് ജീവനുണ്ടായിരുന്നെങ്കിൽ എന്നവൻ ആത്മാർത്ഥമായി ആഗ്രഹിച്ചു. ക്രിസ്മസ് ഈവിലെ ആ പ്രാർത്ഥന നേരായി ഭവിക്കുകയും, ടെഡിന് ജീവൻ വെയ്ക്കുകയും ചെയ്യുന്നതാണ് 2012-ൽ പുറത്തിറങ്ങിയ ടെഡ് എന്ന കോമഡി ചിത്രത്തിന്റെ പ്രമേയം.

കുട്ടികളെ ആകർഷിക്കുന്ന നല്ലൊരു പ്രമേയം അല്ലേ? പക്ഷേ എന്തു ചെയ്യാനാ, എഴുത്തും, സംവിധാനവും, ബ്ലാക്ക് കോമഡിയുടെ ആശാനായ സെത്ത് മക്ഫാർളെൻ ആയിപ്പോയി. അതുകൊണ്ട് തന്നെ ഈ ചിത്രം കാണുമ്പോൾ ആരെയൊക്കെ കൂടെ കൂട്ടണമെന്ന് വിവേകപൂർവ്വം തീരുമാനിക്കുക.

അഭിപ്രായങ്ങൾ പങ്കുവെക്കാൻ

Categories : #Comedy #English

#MSone Release - 3154

Fringe Season 3 (2010)
ഫ്രിഞ്ച് സീസൺ 3 (2010)

Episodes 12-22
എപ്പിസോഡ്‌സ് 12-22

ഭാഷ : ഇംഗ്ലീഷ്
നിർമ്മാണം : Bad Robot Productions
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 8.4/10

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

എംസോൺ റിലീസ് ചെയ്തിട്ടുള്ള ഫ്രിഞ്ച് സീരീസിന്റെ മറ്റ് സീസണുകൾ.

ഫ്രിഞ്ച് സീസൺ 1 (2008)
ഫ്രിഞ്ച് സീസൺ 2 (2009)

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series