#MSone Release - 1005

#MsoneGoldRelease

Rain Man (1988)
റെയിൻ മാൻ (1988)

ഭാഷ: ഇംഗ്ലീഷ്
സംവിധാനം: Barry Levinson
പരിഭാഷ: അരുണ്‍കുമാര്‍ വി.ആര്‍.
പോസ്റ്റർ: രോഹിത്ത് ജി. എസ്
ജോണർ: ഡ്രാമ

IMDb ⭐️ 8.0/10

വര്‍ഷങ്ങളായി കാണാതിരുന്ന തന്റെ പിതാവ് മരിച്ചതറിഞ്ഞ് സിൻസിനാറ്റിയിലെ വീട്ടിലേക്ക് ചെല്ലുന്ന ചാർളി ബാബിറ്റ് (ടോം ക്രൂസ്) കേള്‍ക്കുന്നത് തന്റെ പിതാവിന്റെ കോടിക്കണക്കിന് ഡോളര്‍ വരുന്ന സ്വത്തിന്റെ സിംഹ ഭാഗവും ഓട്ടിസം ബാധിച്ച മൂത്തമകൻ റെയ്മണ്ടിന് (ഡസ്റ്റിൻ ഹോഫ്മാൻ) പതിച്ചുനൽകിയിരിക്കുകയാണെന്നാണ്. അതുവരെ തനിക്കൊരു മൂത്ത സഹോദരന്‍ ഉണ്ടെന്നു പോലും അറിയാതെ സ്വത്തു മോഹിച്ചു ചെന്ന ചാര്‍ളിക്ക് ഇതുവലിയ ഷോക്ക്‌ ആകുന്നു. റെയ്മണ്ടിനെ താമസിപ്പിച്ചിരിക്കുന്ന സ്ഥാപനത്തില്‍ ചെല്ലുന്ന ചാര്‍ളി, റെയ്മണ്ടിനെ അവിടുന്ന് കടത്തി ലോസ് ഏഞ്ചൽസിലേക്ക് കൊണ്ടുപോകാന്‍ നോക്കുന്നു. പ്ലെയിനില്‍ കേറ്റാന്‍ പേടിയുള്ള റെയ്മണ്ടുമായി ചാര്‍ളി കാറില്‍ യാത്ര തിരിക്കുന്നു. ഈ നീണ്ട യാത്ര ഇരുവരുടേയും ജീവിതത്തില്‍ എന്തൊക്കെ മാറ്റങ്ങള്‍ കൊണ്ടുവരുന്നു എന്നതാണ് റെയിന്‍ മാന്‍ എന്ന സിനിമ പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #MsoneGold

#MSone Release - 3245

The Walking Dead – Season 09 (2018)
ദ വാക്കിങ് ഡെഡ് – സീസൺ 09 (2018)

ഭാഷ: ഇംഗ്ലീഷ്
നിർമാണം: Idiot Box Productions
പരിഭാഷ: ഗിരി പി. എസ്.
പോസ്റ്റർ: ഉണ്ണി ജയേഷ്
ജോണർ: ഡ്രാമ, ഹൊറർ, ത്രില്ലർ

IMDb ⭐️ 8.1/10

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദി വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)
ദ വാക്കിങ് ഡെഡ് – സീസൺ 05 (2014)
ദ വാക്കിങ് ഡെഡ് – സീസൺ 06 (2015)
ദ വാക്കിങ് ഡെഡ് – സീസൺ 07 (2016)
ദ വാക്കിങ് ഡെഡ് – സീസൺ 08 (2017)

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Thriller #Web_Series

#MSone Release - 3246

Ozark Season 3 (2020)
ഒസാർക് സീസൺ 3 (2020)

ഭാഷ: ഇംഗ്ലീഷ്
നിർമ്മാണം: MRC Television
പരിഭാഷകർ: ഫഹദ് അബ്ദുൽ മജീദ് & വിഷ് ആസാദ്
പോസ്റ്റർ: പ്രവീൺ അടൂർ
ജോണർ: ക്രൈം, ഡ്രാമ, ത്രില്ലർ

IMDb ⭐️ 8.6/10

2017-ൽ നെറ്റ്ഫ്ലിക്സില്‍ സംപ്രേക്ഷണം ആരംഭിച്ച ക്രൈം-ഡ്രാമ സീരീസാണ് ഒസാര്‍ക്.

മെക്സിക്കൻ ഡ്രഗ് കാർട്ടെലിന്റെ കള്ളപ്പണം വെളുപ്പിക്കുന്ന അതിബുദ്ധിമാനായ ഫിനാന്‍ഷ്യല്‍ അഡ്വൈസറാണ് മാര്‍ട്ടി ബേഡ്. ഇതിനിടയിലൂടെ മാര്‍ട്ടിയുടെ പാര്‍ട്ണര്‍ നടത്തിക്കൊണ്ടിരുന്ന കള്ളക്കളി ഡ്രഗ് കാർട്ടെല്‍ കൈയ്യോടെ പിടിക്കുകയും ഓരോരുത്തരെയായി കൊല്ലുകയും ചെയ്യുന്നു. മരണത്തില്‍നിന്ന് രക്ഷപ്പെടാനായി മാര്‍ട്ടി അവരോട് ഒരു ഡീലിന് തയ്യാറാവുന്നു. അതനുസരിച്ച് മാര്‍ട്ടിക്ക് 500 മില്യണ്‍ ഡോളര്‍ വെളുപ്പിക്കാമെന്ന് സമ്മതിക്കേണ്ടി വരുന്നു.

കുടുംബത്തിന്റെ സുരക്ഷ കൂടെ കണക്കിലെടുത്ത്‌ മാര്‍ട്ടിയും ഭാര്യ വെന്‍ഡിയും രണ്ട് മക്കളും ഷിക്കാഗോയില്‍ നിന്ന് ഒസാര്‍ക് തടാകക്കരയിലേക്ക് താമസം മാറുന്നു. അവിടെയെത്തിയ അവർ പുതിയ ബിസിനസ്സ് തുടങ്ങുന്നതോടെ നേരിടുന്ന പ്രശ്നങ്ങളെയും
പുതിയ പ്രതിയോഗികളെയും പ്രതിസന്ധികളെയും മാര്‍ട്ടിയും ഭാര്യ വെന്‍ഡിയും നേരിടുന്നതും ബുദ്ധിപൂര്‍വ്വം മറികടക്കുന്നതുമാണ് സീരീസ് പറയുന്നത്.

ആദ്യ സീനുകളില്‍ത്തന്നെ നായകനുണ്ടാകുന്ന പ്രശ്‌നങ്ങളിൽ തുടങ്ങി വളരെ വേഗം മാറി മറിയുന്ന കഥാസന്ദർഭങ്ങളും ഓരോ സംഭവങ്ങൾക്കും വ്യക്തമായ വിശദീകരണം കൊടുത്തുകൊണ്ടുള്ള കഥയുടെ മുന്നോട്ടു പോക്കും മികച്ച രീതിയിലുള്ള കഥാപാത്ര
നിര്‍മ്മിതിയും ട്വിസ്റ്റുകളും ഈ സീരിസിന്റെ പ്രത്യേകതയാണ്. ഡാർക്ക് മൂഡിലുള്ള കളർ ടോണും മനോഹരമായ ലൊക്കേഷനുകളും പ്രധാന കഥാപാത്രങ്ങളെ അവതരിപ്പിക്കുന്ന ജേസന്‍ ബെറ്റ്‌മാന്‍, ലോറ ലിന്നെ, ജൂലിയ ഗാര്‍നര്‍, ജേസന്‍ ബട്ലര്‍ ഹാര്‍നര്‍ തുടങ്ങിയവരുടെ മികച്ച പ്രകടനങ്ങളും ഒസാര്‍കിന്റെ മാറ്റുകൂട്ടുന്നു. മറ്റ് ഷോകളില്‍ നിന്ന് വ്യത്യസ്തമായി സ്ത്രീ കഥാപാത്രങ്ങള്‍ക്കുള്ള പ്രാധാന്യമാണ് ഒസാര്‍കിന്റെ മറ്റൊരു പ്രത്യേകത. ഇതിലെ അഭിനയത്തിന് മികച്ച സഹനടിക്കുള്ള എമ്മി അവാര്‍ഡ്‌ ജൂലിയ ഗാര്‍നര്‍ തുടര്‍ച്ചയായി മൂന്നു വര്‍ഷം നേടി എന്നത്‌ ഈ സീരിസിന്റെ മികവ് എടുത്തുകാട്ടുന്നു.

എല്ലാം കൊണ്ടും മികച്ച കഥയും കഥാപാത്രങ്ങളും കഥാസന്ദർഭങ്ങളുമുള്ള ഒരു മികച്ച സീരീസാണ് ഒസാര്‍ക്.

എംസോൺ റിലീസ് ചെയ്തിട്ടുള്ള ഒസാർക് സീരീസിന്റെ മറ്റ് സീസണുകൾ

ഒസാർക് സീസൺ 1 (2017)
ഒസാർക് സീസൺ 2 (2018)

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Thriller #Web_Series

#MSone Release - 3247

Connect (2022)
കണക്റ്റ് (2022)

ഭാഷ: കൊറിയൻ
സംവിധാനം: Takashi Miike
പരിഭാഷ: അരവിന്ദ് കുമാർ
പോസ്റ്റർ: ഉണ്ണി ജയേഷ്
ജോണർ: ക്രൈം, ഡ്രാമ, ഫാന്റസി

IMDb ⭐️ 6.5/10

മനുഷ്യരെ തട്ടിക്കൊണ്ടുപോയി അവയവങ്ങൾ കൊള്ളയടിക്കുന്ന ഒരു സംഘം ചെറുപ്പക്കാരനായ നായകനെ കടത്തി അയാളുടെ ഒരു കണ്ണ് നീക്കം ചെയ്ത് മറ്റൊരാളിലേക്ക് മാറ്റിവെക്കുന്നു. എന്നാൽ കണ്ണ് മാറ്റി വെച്ചയാൾ ഒരു സീരിയൽ കില്ലർ ആയിരുന്നുവെന്ന സത്യം നായകൻ തനിക്ക് ലഭിക്കുന്ന അത്ഭുത കാഴ്ചകളിലൂടെ മനസ്സിലാക്കുന്നു. കില്ലറിനെ പിടി കൂടാൻ ശ്രമിക്കുന്ന നായകന് കാര്യങ്ങൾ അത്ര എളുപ്പമായിരുന്നില്ല. നായകന് പുറമെ കില്ലറെ പിടിക്കാൻ പോലീസും അതു പോലെ നിഗൂഢ രഹസ്യങ്ങൾ നിറഞ്ഞ നായകനെ കൈക്കലാക്കൻ ആ അവയവ കടത്ത് സംഘവും തുനിഞ്ഞ് ഇറങ്ങുകയും കൂടി ചെയ്യുന്നതോടെ കഥ ഉദ്വേജനകമായി മുന്നോട്ട് പോകുന്നു.

6 എപ്പിസോഡുകൾ അടങ്ങിയ മറ്റൊരു മികച്ച ഒരു കൊറിയൻ ഡാർക് ത്രില്ലർ സീരീസ് ആണ് കണക്റ്റ്. കൊറിയൻ ആരാധകരുടെ പ്രിയ താരങ്ങളിൽ ഒരാളായ ജുങ് ഹേ ഇൻ നായക വേഷത്തിൽ എത്തിയിരിക്കുന്നത്. ത്രില്ലർ പ്രേമികൾക്ക് ഉറപ്പായും ഒന്ന് ട്രൈ ചെയ്യാവുന്ന ഡാർക്ക് ത്രില്ലർ.

അഭിപ്രായങ്ങൾ പങ്കുവെക്കാൻ

Categories : #Crime #Drama #Fantasy #Korean #Web_Series

#MSone Release - 3248

Island (2022)
ഐലൻഡ് (2022)

ഭാഷ: കൊറിയൻ
സംവിധാനം: Kwang-Hyun Park
പരിഭാഷ: സജിത്ത് ടി. എസ്
പോസ്റ്റർ: ഉണ്ണി ജയേഷ്

IMDb ⭐️ 6.9/10

Lee Da-Hee, Kim Nam-Gil, Cha Eun-Woo എന്നിവരെ കേന്ദ്രകഥാപാത്രങ്ങളാക്കി Korean streaming platform ആയ Tving ലൂടെ 2022 ൽ പുറത്തിറങ്ങിയ ഒരു Action-Horror-Fantasy സീരീസാണ് ഐലൻഡ്.

കോടീശ്വരനായ ദേഹാൻ ഗ്രൂപ്പ്‌ ചെയർമാന്റെ ഒരേയൊരു മകളാണ് വോൻ മി-ഹൊ. തന്നിഷ്ടക്കാരിയായ വോൻ മി-ഹൊയെ കുടുംബക്കാർക്ക് വലിയ താല്പര്യമില്ല. പ്രത്യേകിച്ച് ആന്റിക്ക്. അവൾക്ക് പറ്റിയ ഒരു പിഴവിനെത്തുടർന്ന് ജനങ്ങളും മീഡിയയും ദേഹാൻ ഗ്രൂപ്പിന് എതിരായപ്പോൾ, പ്രശ്നങ്ങൾ ഒന്ന് തണുക്കുന്നത് വരെ ജെജു ദ്വീപിലെ തംറ സ്കൂളിൽ ടീച്ചറായി ജോലി ചെയ്യാൻ അച്ഛൻ അവളെ പറഞ്ഞയക്കുന്നു. എന്നാൽ, ജെജുവിൽ അവളെ കാത്തിരുന്നത് മറ്റൊരു ലോകമാണ്. പ്രേതങ്ങൾ ചുറ്റിത്തിരിയുന്ന അവിടെ ചില പിശാചുക്കൾ മി-ഹൊയെ ലക്ഷ്യം വെച്ച് അവളെ ഇല്ലാതാക്കാൻ ശ്രമിക്കുന്നു. ഇനി, ജെജുവിൽ നിന്ന് പുറത്തേക്ക് പോയാലും പിശാചുക്കൾ അവളെ പിന്തുടർന്ന് വരുമെന്ന് അവൾ തിരിച്ചറിയുന്നു. അവളുടെ രക്ഷയ്ക്കായി പാതി മനുഷ്യനും പാതി പിശാചുമായ വാൻ എന്ന ഒരാളും യോഹാൻ എന്ന പുരോഹിതനും എത്തുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #Korean #Web_Series

#MSone Release - 3249

Eega (2012)
ഈഗ (2012)

ഭാഷ: തെലുഗു
സംവിധാനം: S.S. Rajamouli
പരിഭാഷ: മാജിത് നാസർ
പോസ്റ്റർ: ഉണ്ണി ജയേഷ്

IMDb ⭐️ 7.7/10

മാസ് കാണിക്കാൻ ഒരു നായകന്റെ ആവശ്യമുണ്ടോ? ഉണ്ടെങ്കിൽ, 2012-ൽ പുറത്തിറങ്ങിയ ഈഗയ്ക്ക് അതിന്റെ ആവശ്യമില്ല. ഇവിടെ നായികയെ വില്ലനിൽ നിന്ന് രക്ഷിക്കുന്ന നായകൻ ഒരു ഈച്ചയാണ്.
ഉറങ്ങാൻ കൂട്ടാക്കാതെ കഥ കേൾക്കാൻ വാശിപിടിക്കുന്ന ഒരു കുട്ടിക്ക് അവളുടെ അച്ഛൻ പറഞ്ഞുകൊടുക്കുന്ന ഒരു കഥയിൽ നിന്നാണ് ഈഗയുടെ തുടക്കം. ആ കഥയിലെ കഥാപാത്രങ്ങളിലൂടെയാണ് ചിത്രം പിന്നീട് മുന്നോട്ട് സഞ്ചരിക്കുന്നത്. ഇതിൽ ഈച്ചയ്‌ക്കെന്താ കാര്യമെന്ന് ചോദിക്കരുത്. അത് കണ്ടു തന്നെ അറിയുക.

പുറത്തിറങ്ങി ദശാബ്ദങ്ങൾ പിന്നിടുമ്പോഴും ആദ്യ കാഴ്ചയിലെ ഫീൽ ഇപ്പോഴും നിലനിർത്താൻ കഴിയുന്ന ചുരുക്കം ചില ചിത്രങ്ങളിൽ ഒന്നെന്ന് മാത്രം ഒറ്റവാക്കിൽ ഈഗയെ വിശേഷിപ്പിക്കാം.

അഭിപ്രായങ്ങൾ പങ്കുവെക്കാൻ

Categories : #Action #Comedy #Drama #Telugu

#MSone Release - 3250

#OscarFest2024 - 02

Spider-Man: Across the Spider-Verse (2023)
സ്‌പൈഡർ-മാൻ അക്രോസ് ദ സ്പൈഡർ-വേഴ്സ് (2023)

ഭാഷ: ഇംഗ്ലീഷ്
സംവിധാനം: Joaquim Dos Santos, Kemp Powers & Justin K. Thompson
പരിഭാഷ: വിഷ്ണു പ്രസാദ്
പോസ്റ്റർ: പ്രവീൺ അടൂർ
ജോണർ: ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.7/10

2018-ൽ നിരൂപകരിൽ നിന്നും പ്രേക്ഷകരിൽ നിന്നും ഗംഭീര പ്രശംസ പിടിച്ചുപറ്റിയ സ്‌പൈഡർ-മാൻ ഇൻ ടു ദ സ്പൈഡർ-വേഴ്സ് എന്ന സിനിമയുടെ രണ്ടാം ഭാഗമാണ് സ്‌പൈഡർ-മാൻ അക്രോസ് ദ സ്പൈഡർ-വേഴ്സ്.

മറ്റൊരു മൾട്ടിവേഴ്‌സ് വീരകഥയിലേക്ക് മൈൽസ് മൊറാലസ് കടന്നിരിക്കുന്നു. ഇത്തവണ മറ്റുള്ള ഡിമൻഷമുകളിലേക്ക് യാത്ര തിരിക്കുകയാണ് മൈൽസ്. അങ്ങനെ ഒരു ഡിമൻഷനിൽ വെച്ച് മൾട്ടിവേഴ്‌സിനെ സംരക്ഷിക്കുന്ന സ്പൈഡർ സൊസൈറ്റിയെ അവൻ കണ്ടുമുട്ടുന്നു. മൾട്ടിവേഴ്‌സിനെ നശിപ്പിക്കാൻ കഴിയുന്ന ഒരു പുതിയ ഭീഷണിയെ തടയുന്ന കാര്യത്തിൽ മൈൽസും മറ്റ് സ്പൈഡർ-പീപ്പിളും തമ്മിൽ തർക്കമുണ്ടായി മറ്റുള്ള സ്‌പൈഡർ-പീപ്പിൾ മൈൽസിനെതിരെ തിരിയുകയും ചെയ്യുന്നു. സ്പൈഡർ-മാനായി ജീവിക്കുന്നതിന്റെ ബുദ്ധിമുട്ടുകളും അതുമൂലം വ്യക്തിജീവിതത്തിൽ ഉണ്ടാകുന്ന പ്രശ്ങ്ങളും മൈൽസ് എങ്ങനെ കൈകാര്യം ചെയ്യുന്നു എന്നതാണ് ഈ ഭാഗത്തിലെ പ്രധാന ഇതിവൃത്തം.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #English #Oscar_Fest_2024

website ൽ നിന്ന് ക്യാറ്റഗറി സെർച്ച് ചെയ്യാൻ എല്ലാവർക്കും അറിയാം. എന്നാലും വേറൊരു കാര്യം ഞാൻ പറയാം.
ഒന്നിൽ കൂടുതൽ ക്യാറ്റഗറികൾ ഒന്നിച്ച് സെർച്ച് ചെയ്യാൻ ഒരു മാർഗം. വെബ് സീരീസ് ക്യാറ്റഗറിയെടുത്താൽ എല്ലാ സീരിസും വരും. കൊറിയൻ ക്യാറ്റഗറിയെടുത്താൽ സിനിമയും സീരീസും വരും. എന്നാൽ കൊറിയൻ വെബ് സീരീസ് മാത്രം ലഭിക്കാൻ ഒരു + ഇട്ടാൽ മതി.

ആദ്യം വെബ്സീരീസ് ക്യാറ്റഗറി എടുക്കുക
/category/genre/web-series
അപ്പോൾ നമുക്ക് എല്ലാ വെബ് സീരീസും കിട്ടും.
ഇനി ഒരു + ഇട്ട് കൊറിയൻ എന്ന് കൂടെ കൊടുത്താൽ കൊറിയൻ സീരീസുകൾ മാത്രം കിട്ടുന്നത് കാണാം.
/category/genre/web-series+korean/

ഇതുപോലെ ആവശ്യമായ ക്യാറ്റഗറികൾ + ഇട്ട് ഫിൽറ്റർ ചെയ്യാം
hindi+romance
English+action
Etc..
ടിപ് ഇഷ്ടമായാൽ ഹൃദയം തരണേ 😜

100 റിലീസുകൾ എത്തുന്ന മൂന്നാമത്തെ പരിഭാഷകൻ ❤️
100 റിലീസുകൾ
135 പരിഭാഷകൾ

അഭിനന്ദനങ്ങൾ Vishnu Prasad ♥️

പോസ്റ്റർ : Aashkar Hyderali

#MSone Release - 729

Padmaavat (2018)
പദ്മാവത് (2018)

ഭാഷ: ഹിന്ദി
സംവിധാനം: Sanjay Leela Bhansali
പരിഭാഷ: ഫ്രെഡി ഫ്രാൻസിസ്
പോസ്റ്റർ: പ്രവീൺ അടൂർ
ജോണർ: ഡ്രാമ, ഹിസ്റ്ററി, റൊമാൻസ്

IMDb ⭐️ 7.0/10

സജ്ഞയ് ലീല ബൻസാലി തിരക്കഥയെഴുതി സംവിധാനം ചെയ്ത് 2018 ജനുവരി 25-ന് പ്രദർശനത്തിനെത്തുന്ന ബോളിവുഡ് ചലച്ചിത്രമാണ് പദ്മാവത്. സൂഫി കവി മാലിക് മുഹമ്മദ് ജയാസി 1540-ൽ അവധ് ഭാഷയിൽ രചിച്ച പദ്മാവത് എന്ന ഇതിഹാസ കാവ്യത്തെ ആസ്പദമാക്കിയാണ് ചിത്രം നിർമ്മിച്ചിരിക്കുന്നത്. രജപുത്ര റാണിയായ പദ്മാവതിയുടെ കഥയാണ് ചിത്രം പറയുന്നത്. ഡൽഹി സുൽത്താനായിരുന്ന അലാവുദ്ദീൻ ഖിൽജിക്ക് മേവാറിലെ രത്തൻ സിങ്ങിന്റെ ഭാര്യയായ പദ്മാവതിയോടു തോന്നുന്ന പ്രണയവും അതേത്തുടർന്നുണ്ടാകുന്ന യുദ്ധവുമാണ് ചിത്രത്തിന്റെ ഇതിവൃത്തം. ദീപിക പദുകോൺ കേന്ദ്ര കഥാപാത്രമായി അഭിനയിക്കുന്ന ചിത്രത്തിൽ അലാവുദ്ദീൻ ഖിൽജിയായി രൺവീർ സിങ്ങും രത്തൻ സിങ്ങായി ഷാഹിദ് കപൂറും വേഷമിടുന്നു.

2017 ഡിസംബർ 1-ന് പദ്മാവതി എന്ന പേരിൽ പ്രദർശനത്തിനെത്തുമെന്ന് പ്രഖ്യാപിച്ചിരുന്നെങ്കിലും ചില വിവാദങ്ങളെത്തുടർന്ന് ചിത്രത്തിന്റെ റിലീസ് നീട്ടിവയ്ക്കുകയായിരുന്നു. ചിത്രത്തിന് യു/എ സർട്ടിഫിക്കറ്റാണ് സെൻസർ ബോർഡ് അനുവദിച്ചത്. ‘പദ്മാവതി’ എന്ന പേര് ‘പദ്മാവത്‘ എന്നാക്കി മാറ്റുന്നതുൾപ്പെടെ അഞ്ചു നിർദ്ദേശങ്ങളും ബോർഡ് മുന്നോട്ടുവച്ചിരുന്നു. ചിത്രീകരണം തുടങ്ങിയ നാൾ മുതൽ വാർത്തകളിൽ ഇടം പിടിച്ച ചിത്രമാണ് പദ്മാവത്. ചിത്രത്തിൽ അലാവുദ്ദീൻ ഖിൽജിയും പദ്മാവതിയും തമ്മിലുള്ള പ്രണയ രംഗങ്ങളുണ്ടെന്ന അഭ്യൂഹം രജപുത്ര സമുദായത്തെ ചൊടിപ്പിച്ചതാണ് വിവാദങ്ങൾക്കു വഴിതെളിച്ചത്. ഖിൽജിക്കു മുമ്പിൽ കീഴടങ്ങാതെ ജൗഹർ അനുഷ്ഠിച്ചുകൊണ്ട് ജീവത്യാഗം ചെയ്ത പദ്മാവതിയെ ചിത്രത്തിൽ മോശമായി ചിത്രീകരിച്ചുവെന്ന ആരോപണവുമായി രാജസ്ഥാനിലെ രജപുത് കർണി സേന പോലുള്ള സംഘടനകൾ രംഗത്തെത്തി. ചിത്രീകരണം തടസ്സപ്പെടുത്തുകയും സംവിധായകനെ ആക്രമിക്കുകയും ചെയ്ത പ്രതിഷേധക്കാർ ചിത്രത്തിലെ നായിക ഉൾപ്പടെയുള്ള അണിയറ പ്രവർത്തകർക്കു നേരെ വധഭീഷണി മുഴക്കി. ചിത്രം പ്രദർശനത്തിനെത്തുന്നത് തടയുമെന്നും പ്രഖ്യാപിച്ചു. ഇവർ പറയുന്നതു പോലെയുള്ള രംഗങ്ങൾ ചിത്രത്തിലില്ല എന്നാണ് സംവിധായകൻ ഉൾപ്പടെയുള്ളവർ ആവർത്തിച്ചു പറഞ്ഞത്.

അഭിപ്രായങ്ങൾ പങ്കുവെക്കാൻ

Categories : #Drama #Hindi #History #Romance

#MSone Release - 3251

#OscarFest2024 - 03

Barbie (2023)
ബാര്‍ബി (2023)

ഭാഷ: ഇംഗ്ലീഷ്
സംവിധാനം: Greta Gerwig
പരിഭാഷ: എല്‍വിന്‍ ജോണ്‍ പോള്‍
പോസ്റ്റർ: ഉണ്ണി ജയേഷ്
ജോണർ: അഡ്വഞ്ചർ, കോമഡി, ഫാന്റസി

IMDb ⭐️ 7.3/10

ലോക പ്രശസ്തമായ ബാര്‍ബി പാവകളെ ആസ്പദമാക്കി 2023-ല്‍ പുറത്തിറങ്ങിയ, ഗ്രെറ്റ ഗെര്‍വിഗ് രചനയും സംവിധാനവും നിര്‍വ്വഹിച്ച ചിത്രമാണ് “ബാര്‍ബി”. മാര്‍ഗോ റോബിയുടെ നായികയായ ബാര്‍ബി, പാവകള്‍ മാത്രം വസിക്കുന്ന ബാര്‍ബിലാന്‍ഡ്‌ എന്ന വേറൊരു ലോകത്താണ് ജീവിക്കുന്നത്. യഥാര്‍ത്ഥ ലോകത്തിലെ ഓരോ പാവകളെയും പ്രതിനിധാനം ചെയ്തുകൊണ്ടുള്ള പാവകള്‍ ബാര്‍ബിലാന്‍ഡിലുമുണ്ട്, ഇവര്‍ക്ക് ഓരോരുത്തര്‍ക്കും ജോഡിയായി ഒരു കെന്നുമുണ്ട്. അവിടെ ബാര്‍ബിക്ക് എല്ലാ ദിവസവും ഏറ്റവും മനോഹരമായ ദിവസമാണ്. അങ്ങനെയിരിക്കെ പെട്ടെന്നൊരു ദിവസം ബാര്‍ബിക്ക് ഒരു അസ്തിത്വപ്രതിസന്ധിയുണ്ടായി മരണത്തെക്കുറിച്ചുള്ള ചിന്തകളും അല്ലാതെയുള്ള പ്രശ്നങ്ങളും ഉണ്ടാകുന്നു. ഈ പ്രശ്നങ്ങള്‍ക്കെല്ലാം കാരണം, യഥാര്‍ത്ഥ ലോകത്തില്‍ തന്റെ ഉടമയായ പെണ്‍കുട്ടി അനുഭവിക്കുന്ന എന്തോ വിഷമമാണെന്ന് അവള്‍ മനസ്സിലാക്കുന്നു. തന്റെ ഉടമയെ കണ്ടുപിടിച്ച് പ്രശ്നങ്ങളെല്ലാം പരിഹരിക്കാന്‍ അവള്‍ യഥാര്‍ത്ഥ ലോകത്തിലേക്ക് പോകുന്നു. കൂട്ടത്തില്‍ അവളുടെ കെന്നും അവളറിയാതെ അവളുടെ കൂടെ സഹായത്തിന് കൂടുന്നു. തുടര്‍ന്ന് യഥാര്‍ത്ഥ ലോകത്തില്‍ ബാര്‍ബിയും കെന്നും ചെന്ന് പെടുന്ന സന്ദര്‍ഭങ്ങളും, അത് അവരെയും അവരുടെ ലോകത്തെയും യഥാര്‍ത്ഥ ലോകത്തെയും എങ്ങനെ ബാധിക്കുന്നു എന്നതാണ് കഥയുടെ ഇതിവൃത്തം.

ആക്ഷേപഹാസ്യം വിഭാഗത്തില്‍ പെടുന്ന ചിത്രം 2023-ല്‍ ലോക ബോക്സ് ഓഫീസില്‍ ഏറ്റവും കൂടുതല്‍ കളക്ഷന്‍ നേടിയ ചിത്രമായി. ക്രിസ്റ്റഫര്‍ നോളന്റെ “ഓപ്പന്‍ഹൈമര്‍” എന്ന സിനിമയുടെ കൂടെ ചിത്രം റിലീസ് ചെയ്തത് “ബാര്‍ബന്‍ഹൈമര്‍” എന്ന പ്രതിഭാസത്തിന് കാരണമാവുകയും, രണ്ട് ചിത്രങ്ങളുടെയും റിലീസ് വാരം, ഇരുപത്തിയൊന്നാം നൂറ്റാണ്ടിലെ ലോക ബോക്സ് ഓഫീസ് കണ്ട ഏറ്റവും വലിയ പണം വാരി വാരങ്ങളില്‍ ഒന്നാവുകയും ചെയ്തു.

അഭിപ്രായങ്ങൾ പങ്കുവെക്കാൻ

Categories : #Adventure #Comedy #English #Fantasy #Oscar_Fest_2024