شلون اگلها
وشرد اگلها
واليحبها
ملولحه روحه بكلامه
وهيه شامه
وعدها شامه
والربيع تجيبه گوه
تگعده من هودج منامه


محسن الخياط

نشتاگلك بس انت مو الاولي
مالك خلگنا وحيل صاير صعب
نخط الرسالة بدمنا مو بالحبر
وماتنقرى وصارن برفك كتب
ب اول ايامك جان طبعك حلو
تشتاگ تسأل مامتيه الدرب
بس هسة ناسك كثرو .اتغيرت
وكل ساعة گلبك بي ابن ادم يطب

حيدر هواد

صرت سوك الهرج يا موطني المهيوب
وبكل كتر منك ينسمع دلال
باعو واشترو واستلمو المعلوم
وكلمن لم غراضه وحملاها وشال
قسم باع النفط والثاني باع اثار
عقارات او اراضي وقسم باع اجبال
وقسم باع الزبير بدعوه الاستثمار
واستثمر مواله براحته السركال
وسجل باسم جابر والكويتين
اخوتنا وربعنا وماكو كل اشكال
وحكك يا وطن باعك رديّ الذات
والمطعون بامه وبي دغش من خال
والا انت اتعرفنا امن ايتوازه الجيل
تنشال الرواسي واحنه ما ننشال
مواقف يا وطن والعمر سكرة موت
ومن صلب المواقف تنقره الافعال
يثوب الهاشمي وستر العراقيات
يا تاج الكرامة وللمعالي اعكال

عطا السعيدي

وأعتنيت
وأعتنيت الشوك بيه وماخفت
خافت عيونك عليـه وماخفت
طشريت أيامي دوهني غرامك حيل
وبروحي تهت

وأنت كلش مستريح
وانـي من شفتك همت
أني من شفتك
شبابيچ العمر وجَـن ضوى وقداح !

نمنا مزاعلينك..
بالحلم متنا.. 🖤

حيدر هواد

مَرة گتلك
لو تفارگنة ، تعيش ؟
وگتلي مَن تروح ،
مَا اريد أي بشر
وأنتَ بعد فراگي
يومَين وهويت
شوية دصبُر عاد
خل يعبُر شهر .

بيه حيل .. وعندي راي
وجلمة جلمة ...
ايفزن بطولك سوالف مشتهاي
وهيه هاي ....
الدنية بت اليوم واموادع امس
وانت مدري ...
ابين زلفك والنحر شبخة شمس
ابين وجهك والصدك جلمة تعال
سولفولك ؟؟ نية اليغفه اعله طيفه ايبات صاحي
وحوبة الكاع بعطشهه التغسل ذنوب المساحي
ودنيا هاي ....
اليعصر ضنون الهوا يسولفله ناي
اليعثر بوجه الجرف يحجيله ماي
التخدر بعينه السوالف يلبس الصفنه ويجيك ...
وانت ياخصر الشواطي اشكد نوارس تشتهيك

كاظم الركابي

حطو تحت راسك حرز عن الخوف
وتحت راسي زمرها وماكله السمره
اهي اطباع المراجل ماتجي بتعلوم
ولا كلمن تلوگ بهامته العغره
عني انگال هذا اليگفض المطلوب
وعنك گالو انت انشيله ونشمره
حد ايدك مره وزعطوط لو طگيت
وانه لغير الكلف ماصرفن السمره
انت اباب بيتك ما الك مشهود
وانه بغير ديره امسولف بشره
هذني وكلهن امشي مدنگ وخجلان
زرعت اخلاقي شجره وكبرت الشجره
انه بصف اليجوع اتلوه من الجوع
وبصف الضعيف الخيط ما اجره
اني أطباعي هاي احترم زين وشين
بس للشين حد وبالك اتعبره
مربيني ابوي اكسر اجفوف العال
وگال اياك طيب خاطر تكسره
وكال المو شريف شما تسوي ويا
يخونك لو تحطله من الخلد ثمره

.م

وناهدة الثديين
قلت لها اتكي..
عَلى الرَملِ
مِن جَبّانَةٍ
لَم تُوَسَّدِ!
تَميلُ عَلَى الرَّملِ
فِي سُهولةٍ
وَتَفرِشُ فَوقَ الرَّمْلِ
مَا لَم يُوَسَّدِ
فَأَلحَفُها رَمْلًا
وَأَلحَفُني هَوىً
وَتَشكو مِنَ الرَّمْلِ
الَّذي لَيسَ يَخمُدِ
وَأَصرُخُ يا لَيلى
أَلَيسَ هُناكَ مَن
يُساعِدُني في حُبّي
وَيَستَطِيعُ أَن يَنقُدِ؟
فَأَجيبُ نَفسي
وَأَقولُ لَها
أَنتِ مَجنونةٌ
فِي حُبِّ مَن لا يَعرِفُكِ!
وَتَضحَكُ لَيلى
مِن جُنوني وَهَوايَ
وَتَقولُ لِي:
"يا مَجنونَ، كَيفَ تَعبُدِ؟"
فَأَقولُ لَها:
"يا لَيلى، أَنا
أَعبُدُ حُبَّكِ،
وَأَعبُدُ ما تَعبُدِ!"

التعب
عاشر گلايدنه وصفت صفره
النهر ضيگ ومامش حيل ونعبره !!
شــبـعــد ونعاشر التابوت مو متنه الف مره

ل زهراء حامد

حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه

لحادي صاح بصوت بالسوگ
للبيع كلشي محمل النوگ
ماخله شي ماجابه وياه
حته الفراش يبيعه محروگ

ماعامل الكتلتني هايه
للمشتري ينطي اعله مايه
متعمد يسمعنه صوته
ذني الغراض من السبايه

يالشام جايب ليكم ادلال
مالت گبل زينات وثگال
صح عوجتهن بالسحگ خيل
انطوني بيهن كلشي مو مال

من يشتري گماط ويغسله
بي دم تره مو هذا شكله
راعيته لو اگللها تشري
ذيچ التوون عالناگه ثكله

طلع المحبس گال سلعه
مو هينه هذا وياه اصبعه
راعيه ابد ماهده لينه
اله وطلع من صدره ضلعه

بسوگ الذهب طب ويحاچي
يالمشتري وصارت بواچي
مايسون الجره من اذنها
بأرخص سعر باع التراچي

حسين عباس الصليخي

حاير من تجي بـ يا ورد ألاكيك
ويا عين التكفي وبيها أخليك
لذَلك لازم أتلگاك بالبيت
حتى بكلّ كتر بالبيت الاگيك
مَجرةٌ انتَ'
اشتكفي الغرفة والبيت..
أسويلك سِما خاطر تكفيك
وأحضنك..
خاف أحضنك والله محتار ...
وأگلك خاف اكلك،
خاف أبچيك ...
أطلبك روحي بالله
شلون وياك ..
أطلبك روحي
حتى بروحي اخليك ..
وأروح بورد چفك لأخر الكون
واتيه بـ ورد وجناتك وارد بيك
وأشيلك بالجفن دمعة مجانين
حتى إتطيح عيني وما أبديك
ردت من عندي روحي
وماگلت لا
ذبحت بروحي روحي
وجيت أعزيك ...
وگَفتك رمْح يَم باب الجروح
تدگ باب المنية وما أحاچيك
أرسمك ماي
بس انت بخلگ نـار
وتشعلني شَمع بس ما أطفيك
عودك ينحنيّ لو مَرت الريح
وأنه شگد صَلب
بس انحني إعليك..
تزعلّني بـ كثر ما بالسَّما إنجوم
وانه اضعافهّن أضحك وأراضيك
وتمرّ بيا حلم وتفزز الناس
ومحد ينتبه بس انه أفز بيك
وأسولف لك سنيني
شيبچن دموع...
دمعهن دمعة رايح
دمعة أتانيك..
وگبل لاتمشي
تنزف دمعة الشوگ
وينشف دمعته عن لا يبچيك
ذيچ الجية تدري
انطيتك الـروُح ...
وماظل شي بعد
بس لازم أنطيك ..
شوف شباقي بيا بكيفك إختَار
وأنت براحتك إخذ اليكفيك.

جبار رشيد
جمعة مباركة ♥️

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب

بشار الاسمر

انا غركان وانفاسي قليلة
والروجة العلى متوني ثگيلة

انا بنادم صدك مذبوح واحتاج
بنادم مثلي مذبوح اشتكيله

من دكات گلبي وروحي زعلان
وحچي المرتاح احسه بگلبي چيله

انا اليجرحني اعذره وگلبي مرتاح
وگبل لا اعاتبه بعيني . استحيله

وما سامح لحدما اغسل الغيض
وانظف گلبي من حقده وغليله

شكد فارش شليلي وي اليحبون
بس ما عاتب الفارش شليله

واذا غلطان ادنگ للصلح ماي
وما اخلي الزعل يعبرني ليلة

الكرامة براسي تاج وما انذليت
وحرام تلوگلي الهامة الذليلة

انا لو ذالها ومن وجهي وطيت
صرت هسه انه ابو اليد الطويلة


عقيل العرد

كافي منكم؛
راح أعود العيـن ما تِدمع
إذا شافت صوركم
راح أعود الـروُح ما تجفِل
إذا ينجاب إسمكم
راح أوصي الجـدم
يبعد عن دربكم

كافي منكم
ما أمر بكل حديقـة
خاف أشوف الـوْرد
وأتذكر عطركم
ما اسولف ويَ احد
خاف نص السالفة
واذكر إسمكم
كافي ضيم الشفته منكم
ياسهركم ، يا قهركم
فَرني دولاب الليالي
وشالني بروحـه حسنكم
وصـرت متغرب
وانتم عند أهلكم

ألـ گاطع

كوُن بذرةٌ أنت؛
وتخضُر من جديد
چا إنتاني وعدنا الك
صبْر إلفلح
وكوُن نجمـة تعيش
ما تهوىٰ النهار
نعيش لك باليل
ونعوف الصبح
وكون إلنذوُرة
الترجعك للحياة
چان خلصنا الحلال امن الذبح..

"عباس الفريجي"

يلمني الليل...
ساعة وتنفتح بيبان الولاية
واسيّر عالبلابل كلمن بعشّة

الدمع بيّه ..ملح روحي
الحچي العندي ندى وتستاهله الغبشه...

انه اتلگــيت شمس الله بروازيني وطحت فوگــ المدينة افياي.........
انه مراية بنات الهور
يطلع من ظهرهه البردي وطيور الگــصب والماي...

اطير بگــذلة الحلوات
أنه مرايه....
الم احلام المعرسين وانثرهن على گــد الصريفة يطلعن ولايه.........
انه صوت اليموت وتندفن بجنازته حچايه..

المضايف لونهن مني ....
السلف عطشان بس لو مطرت الدنيه ...
التراب يطير وي كل گــطرة فختاية

وحگــ مرورة الگــهوه تمرني حچاية التذبح واعبرهه
مضيف اجواد بايام الثگــال وبابه ماسدّه
أنه اليمشي خضار المستحه بروحه
ولافد يوم جفّل خاطر الگــعده...
خذاني الليل وانه اتعذر من الناس
لومامستحه عيوني وحگــ الله... چا حطيت كلمن طينته بخده ......

شلي بيهه النوايا السود؟! مومثل الكحل بعيون الحديثات
ذيچ تبيعني بچلمة وعذر وفراگــ
وهاي تطشني ضحكه بوجه الولايات.....

اريد البس صباح الله ..واريدن واحد متيّه يدليني!!
ترى عندي دمع ماشايلاته عيون
اريدن واحد مسودن يبچيني ....
ويفهّمني الوطن يمته بگــصيبة عاشگــه نضفره؟

اريدن وطن ياخذني...
ويطشّرني سوالف ماي ..فوگــ جروفنه السمره
يمر بحايط سنيني يدوّر هلبت مراية وضحك عرسان
هلبت تركض الديرة بشلبها وتگــعد الرعيان..

يالماشي لهذاك الطيف ماوصّيك...
گــله ولايتك عطشت خضار وماي
وانت بعيد ...
صبخة ولايمرهه الغيم
بيهه وجوه تاكلهه الشمس وتخضّر الهه افياي

دلّيني بسوالفهه الترد الروح اريد احضن صدور الگــاع
وانه وياك
احس الهور يتّچه اعله برديّه
لوين تريد؟؟لا تعله
ترى شماعلت شمس الله تطيح من الصبح للگــاع ترچيّه

امس دگــ بابي طيفك والعطش بالروح
ضحكت ليلتي وطگــ الحلم بستان...
مُر كلشي بلهاتي يصير
حتّه حروف المعاتب يتيهنّي بسمه عيونك.....
يباب العيد لاتلبس هدوم الليل
نفنوف الصبح تستاهله متونك
ميثاق الهلالي

چي نسكت اعله الناس من مستحانه
گامت شچول شچول تحچي بگفانه
بشار الاسمر

علكيفچ خلي تخلص عيوني وتروح حرورة الدمعة
علكيفچ لمن تحچين ليشوفچ يكَـول ثنين زعلانين ماچنچ نويتي وجايه مودعة
تركيلي نهاية أندلها من ترحين حوبة يوم تكفي شحال عِشرة سنين !
أنا بملكَـاچ أبوكَـ العافية من الناس وأردها ألهم ضعف بأول جدم تمشين
ولا تدعين ما يحتاج لا تدعين ..
ما ظل شي وأودعچ سالفة چم يوم ويرجع للتراب الفاركَـه ترابي
ولا تنسين ما يحتاج لا تنسين .. ما ظل شي وأتركچ بين ناس هواي ،
ويـّنسّوچ ويلاكَـيج غيري وشبكَـته تلهيچ وما تدرين لو عديتي يم بابي
أنتظريني فد چم يوم أفكرلي بعذر ينكَـال يم ربي وأشبع شوف من أمي
وألملم طولي من كل عين خاطر ما يحس أنسان بغيابي ،