يالتدري ناسّك چذب
شتسِوي يمهم رحت
وعيَوني تنعالك
مادام ما قصرت
والخاين انتَ صّرت
بالغُربة هنيالك

وسئلوني ياهو الاعز؟
روحك بوكت الحرب
لو ماي وكت العطش
كتلهم عيونك

و من گلتلك مالي غيرَك
شِفت عينَك تيّهتني
يا سَبب حِزني و دَمعتي
بيش غرّوك و بِعتني

منقول

حبني لتظل تعتذر
واعترف راح اعترفلك
واحنه شو نفس الامر
اثنينه انبعنه بسعر جوه السعر
اثنينه انبگنه حدر شمس الظهر
اثنينه السجين تانتنه نِذر
اثنينه اتوهمنه بالحُب ننتصر
اثنينه انعاني الغدر

جبار رشيد

مو كتلك ترد من الحرب مصيوب
سواترهم خشب لاتلبد بسدهن

مرني طاريك جرح والدنيه ليل
مرني بس بشوفتك صاير دواي
مرني لو نسمة هوه بحاجه هواك
مرني قشمرني بحلم بس كلي جاي
فشلتني كبال وادم من مشيت
كمت من امشي احس حنيه بكفاي
او من افوت بشارع يعيروني بيك
عافك الحبيته كمت اسمع وراي
ارجع ارجع سكت العيروني بيك
كافي مليت الطعن ارحم كفاي
سنين اربي اوتالي اجو غيري اوخذوك
ليش خايب شنهي ماغزر رباي
ليش هيج تسوي بيه انه شجنيت
لان حبيتك صدك تحجي بكفاي

خليج ام هلا هو الحزن هم ضيف...

حبة حلوه روحي من الاسم تنضاك...
علي عماد

شموخ زينب وعظمتها (ع)

لاتلتفت للشكل...
متغيره، عودي ذبل، مانايمه، مدولبه ،
المهم نفس الخدر

مابين اعلي خلل للشام من انسبه
(الناگه العليها رحت وصلتهم محجبه)

خليني من التعب والماستاهل بچي
اتفرح اخبار السبي
( غير التراب وعلي محد وصل للعبي)

علي عماد

( حزن مفتوح )

كل موضوع لمن ينكتب مَرّه
وكل فكره ضعيفه تصير
من تتردد بكثره ..
بس انت حزن مفتوح
ما يتلخّص بفكره
بس انت نِفَس يحسين
ذكرك من يروح ويرجع اشكبره
غير الها وكت وتخلّص العَبره
انت العَبره تخلص والوكت يِبْچِيك
يا أول عقيده انحفظت ابفطره
لگيت الكثره تُغْلُب مَثل عد الناس
ولگيتك وحّدَك بس غالب الكثره
يا أترف ورد مذبوح
قربان العشگ نحره
يالواگف وره العفيه
ومسقط راس كل ثورة
لگيتك كاشخ بزينب
ولا گلت المَره عَورَه ..
انت العلّمتني العمر مو مَرّه ..
گلتلي الدنيا حلوه تصير
اذا مُرّه ..
سألت الجوع عنّك: گال ابو الفقره
سألت الطير : شنهو حسين ؟
گال احلى غصن شجره..
سألت الشجره گالتلي :
نِده امن البذره للبذره
سألت النده گال الماي :
كلما يعطش ايذكره ..
كل غروب بالدنيه الك منّه شمس حَمره
وكل غبشه اعله وجه الگاع
شافت نيّتك خضره
يا تايه وصل لله إذا ما دلّته الحَضره؟
ويا ليلة عشگ ما شافتك گمره؟
بكل هيهات الك نَبْره
وكل عامل نِشَف حيله
يشوفك للتعب وزْرَه ..
الك يحسين تاريخ التراب ، وحوبته ، وعطره ..
گلبك حضن للدنيا .. واثر للحافر بصدره
شفتك هيبة اليوگف وره العَثره
وبناشيد الجنود التِرِد منتصره
يبو دَيْن الضوه لليوم يطّيك الشمع عُمْرَه
يظل ما يدري ماي البير
حفروا عمره لو گبره !!!
ويظل الماله طيف وياك
ماله اويه الورد عِشره

علي عماد

اخذني براحتك بس كون اصير وياك
لو سادس باصابع چفك الخمسه

انا اسم الله اعلى گلبي العايفينه اعزاز
انا الشكلة تغير والگلب نفسه

حسين علي عامر

افترگنا بالليل .. ليل ونايمه الناس
خفنا من النهار الناس تعلم

تركنا ارواحنا المايرضن نروح
بالدمعة العزيزة نريد نسلم

ايهاب المالكي

صباح الخير ع الماناموا الليل
ع اليشوفون موت الله برساله
ع اليحبون من بعيد لبعيد
يهنياله الغفى ويمه حلاله

حسين علي عامر

بلكت بالجفه ينوضع حد للشيب
ودمعتي ورجفة ايدي بعزتي اجبرها

طاري الفرگه اگول اسم الله من ينجاب
ماضامنها بس انشاالله اگدرها

علي عماد

يَا ابْنَ شَبِيب إِنْ كُنْتَ بَاكِياً لِشَيْءٍ فَابْكِ لِلْحُسَيْنِ بْنِ عَلِيِّ
‏- الإمام عليّ بن مُوسى الرِّضَا عليهِ السّلام

المك من تعب روحي
من اخر حزن ينشاف اشبن غيظ وابچيلك
غلاتك تسبگ رموشي !!
من جان السهر .. كحله .. ونذر نثيه ..
شريت عيونك الحلمي وكبر ليلك

يا سكته التلم عيني وترافگني
الصدك نيشان
العطش نيشان
والدمعه العزيزه تموت بصدور الزلم يبني

مهو االموت البعيد يزور حزن الناس
والمروه وطن راسك
ترى الراضي ضميره .. بعازته يغني

حمد يبني
اشرب من عفا عيونك
ضيع اشما كبر جنحك ..
وازهگ حد سمار الحيف مادام السمه بلونك

حمد شال السلف مبخوت طاريّك
حلاتك على الغريب اتفيض واتعزب معانيّك

حمد يبني غلاتك عزة الديره
عرفت اهلك (هلا ) وعنوان للضاعن تصاويره

كل ذاك الحجيته وياك خارج قوس
بس هاي التجي بقوسين دخلها
كلها العاندت حاشاه رب الكون
يمهلها نعم لا تضن يهملها

سمير صبيح

‌‏⠀
على كل ثانية وياك ندمان
من اول نظرة لآخر لچمة صفاح
وبگد ما چنت منتظرك تگول احبك
هلكثر ندمان ع الراح
بحيث چفوف الـ يخبزون تندار
من اصفگ عليك الراح بالراح

احمد عاشور

ماعندي حمل يطشر ابريح
اچودر وين ماذبتني دنياي
يم الناس اضحك ضحك خالين
بس وحدي من ادمع انگلب ناي

غني محسن البهادلي

التمن بروحي السوالف من مشيت
فاكدات اولاد والتمن سوه
المايعرف شيوجعه يمرض الطبيب
اوبيه جم عله او ترييتك دوه
موش بس بريتي جنت اعزل هواك
من هوه الغركان ابوكلك هوه
يلكمت بوجوهم تمطر نهار
جنت اكض الضلمه وعصرلك ضوه
من شفتهم للشبگ شريت اديك
اكبال عيني وضهري منيل ولتوه
امس جابو سيرتك وانه استحيت
جا شكلهم كلشي ما تارك وراك
ردت اغير السالفه وكلت القطار
ونبلي شامت كالي البي ودعاك
بيش اگومن يلبكت حيلي اوجزيت
والتكتلك كالو بحيلك جزاك
اتشوفه جول اليخله وجه امنلحبيب
اشما هويت ابواهسك يكبر هواك
الناگه من تركض بواهس تجزي خيل
اشكد كلتهه او واهسك ماركضاك
وانه كل هذا وبعدني اتغطه بيك
ورضه من ترجعلي بس امشتهاك
ابكلشي ترضه ارويحتي ابنيت فقير
وانت عفت احلامهه تموت بجفاك
دووم اذكرك لا يكلولك نسيت
اليوم هسه وباجر انه بحبي ذاك

مرتضى العكيلي

اهنا يحزني آنه احبك
انت مثلي دوم تلعب بالستاير
هويه واسرار وجگاير

سفره وغروب وضفاير
ارسوم لفياي الضماير
اهنا يحزني
فدوه خليني اعله گدك !


عباس الغالبي

‌‏⠀
ڪون أفقد الذاكرة
وتنسي مثل الحچي
الـ بالليل أحضره چنت
بس ينسي يمك
شتريد مني؟
إلمن عفتني عدل؟
ما تدري بيَّ بدونك شگد متت!
حتى بوداعك حسستني بنقص
چنت أبچي وأنت تباوع ؏ الوكت!

احمد عاشور

ردتك ولو جذاب
ردتك
تطش بعمري
صم عتــاب
ردتك
ولو شباچ
يملي حياتي تراب
ردتك
ولو صبيره حمره
تفي وجهي
من حـﭽـي الغياب
جذاب
جذاب يا ثعلب عنبنه الترف
ونعزك ولو جذاب


مظفر النواب