چان الملاگه صلف
ما خله چفي يلوحها
بعيني لحتها وغمضت
شوگي غلبني و دمعت
ساعتها لحظة تخيلت
چفي يجيس چفوفها
بأيديها لمن اشرت
روحي رحلت عني ومشت
خوفي اليدردملي سكت
بس گلبي سامع صوتها
صح من مكاني تحركت
و بفرحه و بكسره رحت
بس انا عايش ما متت
چي بس لمحت عيونها

منقول!

‏بس مو چبيره الشنهي ماذيج؟
من تنشد اعله رويحتي شبيج؟
انه اعله حطت روحتك ذيج!!
مشلوع گلبي. اعله الشبابيچ!؟

غنائية.......

خايف آخر كلمة وياك
هي وداع و هي فراگ
و تظل مهموم بدنياك
لا إنتَ بموجة و لا إنتَ بگاع
خايف دهرك بيك يحير
محد يدري وين تصير
تبعد غرّبة
تلتم غرّبة
و موجك عالي و ماكو شراع
لمني بشفافك بسمة وخلي عيوني تدورلك
بلكي تلگالك نجمة تلاليك و تدورلك
لا ترحل يا حبيّب لا ترحل..
غدّارة الدنيا و خافنك ما تندل..
أخاف تضيع و آنة أحتار ألمن أسأل
و يلي الغرّبة..كلش صعبة
و موجك عالي و ماكو شراع..

هم عمرك امخلص تعب ماتدري منه اشباكي...
هم خام جيب الوالده وغير الدوه مالاكي..
هم وي ابوك امسير وديان لازم شيبه..
هم مره منطينك دوه ومامش افلوس اتجيبه...
هم شارد امن المدرسه مبسط امخضر بسوك...
هم عيي.. رك جيرانكم جي بنطرونك مشكوك...
هم مره لاكيلك ربع ومدخله جيبك بسكوت...
هم شاكر الله اعله الربع جي عرفك بالحانوت....
هم ساحكه العيشه اعله رأس اعكالك...
هم زامخ الخلفه اعله ابوك اكبالك...
هم سوك وابنك مشتاهته بعينه
هم حاط ايده بحاجه ومرجعينه
هم نايم ومن حسرت امك فزيت....
هم جار ترجيت امك البس هيه
هام حاس روحك بالطف إله اشويه
هم امك اممضحيتلك بفد قربان
هم جار الدنيا امنذنهه لديان
هم بايعتلك حيل ابوك وتعبه
هم مثلي عايش هليام الصعبه
هم ببعت اعز حاجه اعله بيتك بالعيد
هم ناحرك ديان بالوين تريد
هم كايلتلك على إيجار المو بيت...
هم جاي جارك ناكل السوك وياه...
هم شايف اشلون المكور ملكاه ...
هم مره كت لمك شجيبن وياي...
هم داك سدرك للغده وفارغ جاي...
هم ضايفينك ناس ماتعذر دوم...
هم واصل اوياك الفشل للبلعوم...

مرتضى العكيلي

خلـيني ابعـطش روحـي.
بعـد لو زمزم ابجفـك ولا شربـه.
ولا أنـه الغـشـيم الـينكـسر گلـبه.
گـبل صح جانـت عيـونك وطن روحي.
وسـفـر عـن الـوطن صـعبـه..
عشـرتك خلصت امن ايدك.
وشفـت روحـي بوطن غـربه.
بـعد كلمن الحـاله وكلـمن الدربـه

اثير السعداوي

خوفي منك
خوفي لا يشتد حنيني ويكبر بصدري النشد وازغر علامه

خوفي شوگي !!
وخوفي گلبي ايطيح من عين العوافي ولذة الدنيا السلامه

كاظم علي الركابي

جزتني الدنيه بأول طيف مر ومالگه عيوني
وتهمست البشر والماي !
جم باجر شربني وعطش اظنوني
وضميت الشمس للخوف .. للنسيان ..
للموت الغريب اليعتني ارسومي
بعد مااموت سكته وينعبر يومي
بعدني ازغير .. حيل ازغير
لكن كبرن اهدومي ..

كاظم الركابي

و يشبهني حلم عينج
اطوفن شعرج المبيوگ واتلگه الحزن گمره
واشتل كل سماري ارموش
واصابيعي نذر عشاگ يتبدن خـصل سمره
باجر كل ضوه الدنيا يلاگينه
باچر والامل شمسين يلگه وجوهنه ويرسم معانينه
الوجع نيشان بعيوني
الحلم نيشان بعيونج
الحزن ديره غريبه وناس ماضاگت بواچينه

كاظم الركابي

الافت ما يفوت اليوم ها فات
بعد جني اسعفه ويه الريح هافت
يطلع موگد ابراهيم هافت
من اقيسنه ابحركتي عليك بيه

كرم

عيش وحدك كلها منتظره الرحيل
وكلها تصعد لو يناسبها القطار

مظفر النواب

گدرتني اگدار حنه وحضنت ارسومي بگلبها
حسبت خطوط البديها وعثرت دموعي بدربها

شگگت ثوبي ولگت حزني حمامه
اتمايزت طولي وسماري ورهمتني اكدار شامه

واستحت من لونها ولمت صدرها
واستحت من شوگها وحسبت عمرها
عثرت باسمي ولگتني!
وكالت اسم الله اعلى ولفي وضمت اثيابي بكترها

ماكو گبلك
تايهه الدنيا وغلاتك ( ما لگت بالظلمه باب )
وكلشي جان بدون معنى
غمضت عينك جفنها وزوگت وجه التراب

ياچبير ، الموت ماجان اعلى گدك
نزلت عيون الشمس تروى بقميصك
وانت نعمه وجانت النهران مشدوده اعلى زندك

الماي جذبه وخضّر الرمح اعلى گلبك
واحنه من يومك عطاشى
تفيض بينه وماعرفنه شلون نلگاك ونشربك

كاظم الركابي

بالسلامه الكل حلم سافرله گلبك
بالسلامه الكل جفن تاه اعلى دربك

يا گرب چف الملامه
دمعة التايه علامه

عيوني بدت مايها ورادت تشربك
بالسلامه الكل حلم سافرله گلبك

بالسلامه الملگه خير وساعة افراگك جذب
طافح الماي اعلى صدره ويابس يموت الشلب
مرورة الظلمه الضگتها وهندس عيونك عذب
وانت گتلي النيته بيضه ابدفترك ما تنكتب

نية الصادگ ندامه
وبوسة المجفين شامه

وهدنتي وعودت روحي اعلى كَربك
بالسلامه الكل حلم سافرله گلبك

من ضوء الروح
من شمس الذات
من صدك گلبي وعناوين القصايد
اهدي حزني ..
للوطن ... للناس .. لعيون الحبايب
وانت كلهم !

من يطيح الليل واحلامك غميجه ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لگيت ابمستحه الحبوك گطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى كلبك !! والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟

بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل

يازغير .
الشيب وي عمرك كبر حسبته چذبه
ليله ليله وداعتك تغفه واحسبه
ليله
ليله
وداعتك تغفه واحسبه

كاظم الركابي

الدنيه عطشت وانچفيت
واستحت عين المنارة ومازغر كلب النهار

اچفوفك يشربن تعبهن !!
وانت ذاك .. ال لونه يكبر من يشد حيله السمار

ياجبير . عيونهم ما زغرنك
والشمس (عسّر) ضواها وبس تريد امراد منك

ياعلي وعينك جزتهم طافت بگلب الفقير
وانت حلم الما يلوحك !!
من تبدت هامتك مات الضمير

يمته الكاك ؟
يمته اتموت وايطيبن نياشينك
يمته اتزاعل دموعك
بعد ليله وتفك حزن الكمر عينك

غريبه الدمعه من تطيح
من تغفه الجفافي البارده ابسدها
يشايل حزنك بكلبي
تراهي الدنيا حسبة طيف مانعرف نواعدها

وكبل حزنك
كبل موت الشجر والناس مامش ماي يرثي ظنونك الميته
سد عين الشمس وارتاح ياكلبي الجرح جتالته السكته

واضحك خل يرف شعرك على الذرعان لوجاسك هوه الخاطر
واضحك من تريد اتموت
اليطش دمه اعلى حلم الناس يخضر كنطره الباجر