شيصيرن بعد خل اليصير يصير
خل كل شي الـ الية
وينگلب ضدي
خل سنيني تغرگ
خله عمري يفيض
خله گبال عيني وينهدم سدي
خايف صح چنت
بس چنت اخاف عليك
والمن بَعدك انتَ
وخايف شعندي ..
- جبار رشيد

ماطول الدرب مگطوع والوادم خذاها الليل
نعتب ليش ونتاني!!
اليغيب بلا عذر ، معذور .. لاگيله وطن ثاني

أجيتك من توالي الهم
من ذيچ النوايه البيض
من چان الشعر يتشابه وي الدم
اجيتك ياضوه السبعين من طيش الصبا
والطين
والماي
وسمار الگاع
وگالولي ضواك نباع ... والظلمه شترت لونك
يلون الناس روحي تريد تشرب خمرة عيونك
وتحني الليالي بطينك الخمري

يماتدري ......
بعدني بكل مسافة الگاك من عمري
وبعدني شما يمر طاريك
أتيه بديرتك نسمة هوه وبيبانك تشمني
انه خلافك ظرف وچفوف المتانين تلچمني

وانت هناك متبدي
ولاتدري شنطاني وشخذ مني الشوگ
يفلان اليظل مشتاگ من عمره اليالي تبوگ
سير ياضوه وخل العيون تضوگ من ضيك ينجم سهيل
وتزيح السموم المارضت تنزاح
يفلان الظلام يضيع من يسولف المصباح
ويدور بگايه الليل مثل وجه الغريب منين ماصحله وطن يلاح

ترى المابي ملامح شوگ
مايفهم حچي البيبان
شموازي الندى إبين الحطب مخنوگ
وانت سوالفك ريحان

يالخاتل بسد الغيم على اجفون الظمه امطر شوف
لاتنسه الشمس چادودة الكمره
يماتدري العشگ نضره
بعيوني الرسايل ليش ماتقره
وليش من اعتنيك الگاك بس ذكره

وصليلك شعر وابچيك
وانه ادري الشعر نيشان للفقره
والمك طيف وتسافر
ورد اردود المك مشتهه لباچر
خذت لوني القصيدة مراية الشاعر
بيها يشوف كلشي يضيع
من بين العيون بلا نضر ينشاف
القصيدة الماتموت بموت راعيها تصير چتاف
.
.
.
.

شاعرها حسن قاسم

أجيت ابابك وكالولي شايل
وخلصت الحمام من الرسايل

وليد الشباوي

جمعة مباركة ♥️

عليك من انسأل ..
تصفن بروحي سنين
وما ميز ببين اللجمه والدكه
العلي سألوك هم سألوني وحتاريت
سويتك نبي وكلت انجبر حقه
واناشغ والبجي يوصل لسابع لليل
وفشلتي بدمعه تبدي وتنتهي بصفكه
طش بديرتي حتى التفت والكاك
اختنك صدري ومتت بمدافع السحكه
قبل ماجر نفس اله الهوى المر بيك
جنت بكيف روحي من الهوى استنكه
اليحط عينه بكفاي يشوف الملاكي
مبين شكو بروحي شعافت الحركه
بعيده ولايتك والصدفه فكة باب
واجيتك من لكيتك وجهك مسركه
من عدها وعرفت بنشغة المكتول
وشتعوف الرصاصه حروره بل تفكه
من اموت برودتك خليها عل تابوت
وبيدك كون نعش جنازتي تطبكه
وخليلي دمعتك عل كبر نيشان
خاف بجفن كبري دموع ما تلكه
وخاف يمر وكت وتشوفوني من بعيد
تدليك بمكاني حرورة الشهكه

وكتبت لك اكثر من رسالة وجاء منك اكثر من صمت ومللت الصمت

مظفر

قشمرتني بـ ها حَبيبي و بعد أبوي
و مدري بأسماء شكثر سميتنيّ
راح أصدگ بـالـ حِسب نجمات ليّل
و ما أصدگ مـِن صدگ حـَبيتني ..

من تنزل اصور زلمنه تصير عار
انت لوما ذوله مو صاحب قرار
عافيتنا ، وذاكرة همنا ، الغميج
وسالفتنا ، ولمعة عيون الزغار
برودة الگاع، وتعبنا البيه نطيح
مستراحين وضوه انصب عالنهار
خيط سبحتنا ، وخرزها بكل صلاة
وتربة ترسم عالگصص معنى السمار
تدري لو ما هالصور چا هسه بيك
رجعت امجاد المغول وي التتار
وچا امتد شعر اللحاية اعله السطوح
وفتحت احلوگ الجراد اعله الخضار
ذوله ماتوا خاطر امثالك تعيش
لا اتاذي اعيونا بهذا العمار
الضيف لازم من يجي بعينه يشوف
شكثر غالي اعلينه چان الانتصار
الشاب والشايب حرز فوگ التيول
يروح فدوة الهم طريجك يا مطار

فلاح الزيدي

تعال أسهامك من حشاي يرهن
بحذر لا شامت من الناس يرهن
اخـبـرڪ بـالجـفيته گـام يرهن
عيونه لشوفتك ما بيك جيه

‏هذاك انه..

غصن مكسور..
ياطير اليحط فوگاي يلچمني
هذاك انه الرجع من فشلتة يغني

علي الشمري

يطلع منه كلشي وهاي ناسك ﮘاع

مو ؟

محد يجي يعزيك بطل بعد طيب
ناسك تره يعرفوك من تترس الجيب

حيدر هزاع

خلهم ابظهرك اشما گالوا عليك
الصگر ما يسمع حچي الماله جنح
ترى المصحف ما يهم بالماقروه
ايظل مقدس ينفتح ما ينفتح

وليد العكيلي

مراتب المجدِ لا يرقى لها ابداً
من همهُ الناس ما قالوا وما فعلوا
واجمل ُالناس أعمى عنّ مساوئهم
وقلبُه الحر بالعلياء منشغل .

خاف الك نيه تريد ب العيد احاجيك
لو نبي تجيب وياك ما سلم عليك

م.

تلمست صدري ولگيتك
عابر بروحي ..
مواويل وقصايد ..
كاسرت وجهك بطيفي ..
وانچفت بعيوني طاسة
عتب بارد..
مدري وين اليا جرف ليلك خذاني
منين اجيبن عافية تكفي الصفنتي
البيها أشوفك دوم گاعد
أشتعل والنار تلتف اعله طولي
وانطفي ومحد يجيني مثل ماتطفه الكواغد

م.

آيا تعبنه الراح سمسم بالفطور
لا حصله الفلاح لا لگطته طيور

جفي انترس فــرگاس من چــد حلالي
حتــه ارد واني بماي وجــهي لجهالي

كل عام وأنتم بخير
أحبتي♥️

‏وين أبات
الليلة بيتي من التعب طايح ونيدة
الليلة تايه يم محطات الحِزن
نقطة بجريدة
الليلة سدت بابها بوجهي الحياة
وبوب وكتي
وصبري
وبيوت القصيدة

علي الرسام

‏زينات بيه شكثر من ياهن ابديلك
شلتك بجفي عمر بس انته محبس لعب ثكل على اليريدك وازعل

حلات الزعل ياخي انت مو كربله وتريدني امشيلك والي تعرفه قبل
لا هسه شخص كلشي اختلف تلكاه شخص ثاني شفتك كبالي كعدت والساني اجه يعتذر ودرت الچكاره

عكس وانه ادري بيه عگس ردت اجوي الساني..!