لگيته وجان ناسي ابينه عتاب
تسالمنه وگعدنه وضحكتله

گلي شبيك گاطع شنهي الاسباب
باوعلي وتذكر وسكتتله

گلت ما احرجه وارجع افتح الباب
ولكن مالت الله بعيني گتله

غشم نفسه گتله عيون الكتاب
حافظهه العيون القاريتله

غفار الجعيفري

گلوله وضع اهواك كلش تراده ..
واكثر من الدكتور طب للعيادة

بشار الأسمر

وإذا تركت أخاك تأكله الذِّئابُ
فاعلم بأنَّك يا أخاه ستُستَطابُ

ويجيء دورك بعده في لحظة
إن لم يجئْكَ الذِّئب تنهشكَ الكلابُ

إن تأكلِ النِّيرانُ غرفة منزلٍ
فالغرفة الأخرى سيدركها الخرابُ.

أحمد مطر

أمس أمشي بهلا وغالي وجهله
الهذاك اليشبه الگطنه وجه أله
وكت والله يتجاهلني وجهله
الگبل لو شافني يفرفرح عليه

كامل النوفلي

كبرنه هواي بس مو مشكله اتهون
اخذنه من الحياة ادروس وتفيد
الكمر وكت المغيب ايغيب مهضوم
وبجي ايخلص الليل ع للمكاريد
الشمس ماودها تطلع تفضح الناس
صبحنه انخلصه نوح وموش تغريد
الشايف عوز اذبحه ولا يجي الليل
اتخنكه العبره وهمومه الهواديد
واذا ديان يطلب لايدك باب
ترى المطلوب شانقته المواعيد
الفقر بيعنه حته اسكوف البيوت
ومن اهدومنه جردنه تجريد
مامش زلمه حوك ويذبح العوز
العوز مكطع امتون الكواديد
الطفل سنتين عدنه وياخذه الشيب
القهر يحفر ابوجهه اشكد تجاعيد

وائل كامل سواري

ترجف إيدك بالجريدة
چنك تدور وطن بالحچي الفارغ

مظفر النواب

صبح صباحي بلا زرازير
چم دوب احشم بالتصاوير
صاير مثل حال التنانير
محروگ گلبي بحجة الخير ...

ناصر البدري

أنا وگلبي تعاندنا،
هذاك المنتچي هلالك؟
عبر چم سما
وما طاح بشواطينا…
وأنا وگلبي تعاركنا،
أمد روحي؟
شيوصلها
شيوصلني؟
ولك عيدك
غسل كل دمعة بمراية
ولا سكّت بواچينا…
وأنا وگلبي تحالفنا،
بعد ما نطر صفناتك
وإذا غلطة وچهبناهن
نسوّي ارواحنا متيهين…
وظلّينا بزعلنا
ووگفت الساعات
والساعة شثگلها تصير للمحد يجي يراضيه
وتصير الميالة ارماح
وارگاب الثواني معلگات سنين…
وأنا وگلبي
نسينا الزعل والحلفان
مدري شلون ردّينا!
وعبرنا لشوفتك مَيتين...
تراب من الدرب
وشوية من دمعي
وأنا وگلبي اجيتك طين…

ميثاق الهلالي

وگتلي تاني
وجرحك الماذيك يصحه
وقشمرت روحي من اتاني
وما اجيت

كاظم العطشان

وامسح رسايلنة الگبل
لو ضجت امشي اقراهِن
وضحكاتچ الما ينّسَن
مادام صارن للغرُب ، انساچ انتِ وياهن
م.

عَودتني ..
تالي مِن رِدتك مشيّت وفارگِتني
ليش كُل عمري أكابِر؟
حَتى أعيش متانِي باچر
وهوَ باچر بلا عيُونك شنهِي لذتَه؟
وهوَ گلبي بلايّه حُبك شتسوَه دگته
أي وَحگ حُبي الترّكتهَ
موَتتني
عيشتني بواهِس الهستوّه يمشي
چانَت أول خطوَة إليّه وياك انتَ!
وتالي باقي أصرَخ وراك بصُوت سكتَه
ليش أتاني؟
بأي محَطة؟
وكُل قطار البيّه مجيئك ماكو سكتَه
كِلشي عِشته
وبهجرّك كبرتنِي
ومَوتتنِي .

رمضان كريم اعزائي ♥️

مدري ليش
المايندهك للگصب يبچي اعله نايك
ومدري ليش
الماتگله الله كريم دوم مايمشي اعله مايك

عباس الغالبي

مشتاقين ♥️

كل حجم لا تنطيه للماله حجم
ولا تقيس العقل وي كبر الجسم
بالك بكصبة تهد اعله السيوف
سالفة تصير وعلي بحلگ الزلم
الشردة ثلثين المراجل مو صحيح
صير زلمة وعارك ولا تنهزم
سولف اوي اليفتهم معنى الكلام
يتعبك امن اتسولف الما يفتهم
وخل ضميرك جرح لتشده اوتنام
صديق البي ملح خلي ينلجم
المن طحت دنكلك وشالك بديه
شيله من ايطيح لتشيل الخشم

ستار اللامي

‏نطق كلبي بتوالي الليل ،، بسمه
وضوه عيوني على الخدين ،،بسمه
وحق الي بتدا القران ،،بسمه
عزيز ويصعب عتابك عليه..

آنا بعازة فزعتك يالفزعتك غيث
وذراع الگصير بعازة الوالي
عفاني وكاددت والعاتيات اثگال
ما خففن وزني وخفن اثگالي
بعمري ولا شكيت لغير شخصك حال
ولا انت بچلمة المنگود ترضالي
إذا نوبات غيضي يجاوز المعقول
وأثگب وأشتعل لا تنكد أفعالي
اشو مثل الرطينة وعندي مدري شلون
شيغلي الرخيص ويرخص الغالي
وتگلي أسكت وشوف المالهم بالضول
صارلهم مكان وگدر من تالي
عاد أزهگ وكت البالخرچ مضموم
وألحَج بالگباحة الراح والحالي
مهي ساعة وزة مطلوب بيها الغيظ
دخن والعتب خلي العتب تالي

عطا السعيدي

بعد عگبيش يهلال السعد هليت
كـونـك جــايـنـي مــن أول....
چا ما جفل گلبي ورجفاه شتاك
وچا عيد الفطر من باب جيتك هل...
وچا جرف الفرح لملم بگايه الضيم
وچا حزني أنطوه من ساعته و عزل...
وچا نام الگطه متوسد الخشخاش
وچان أول طلابه من الرگاب تفل...


كل عام وانتم بألف خير
احبكم ♥️

تبارينه الذمم والحب طويناه
ورمينه الذكريات احجارة بالبير
وما دام النهر ضيگ عبرناه
كلمن خلي يذكر صاحبه بخير…

(سفر دخان)
هذا الماي
ذاك الماي
چف مگطوع
نحر سولف عله الدنيه شذر وشموع
شموس من العطش للخوف مچتوفه
ياوجه العطش خوفه
يادرب الشرب خوفه
عمر الليل يطفه اوداع لمن تنگضي اطيوفه
الغريب شماتعز روحه عله البيبان تضل تقراهن چفوفه
وياذاك الينطلب للناس
كل اصياح يبقه ايفزز ابخوفه
وياذاك الدرب ومتاعه سالوفه
وياذاك الضوه العراس
من كل صوب منه اطيح سالوفه
الفگد شوفه يجيس بكل حلم شباچ
الدرب جرحه طويل الواهس ايروفه
اهو ياهو البعد مامون
وبذيج الرسايل چم حلم مدفون
واليقره الظرف موال
صورة چم مچان اطيح لمن تنجوي احروفه
يادينه اليبوگ اعيون تالي الليل
من يغبش يضل يتفگد اطيوفه
يادنيه الحلم اخرس
يادينه الضلام اخرس
ولاصرخة ضوه بطرواج
تفزز نومة اشبابيچنه المهجوره بيهه اسنين
تهت بيج وعثرت بناس
ولگيتج من ضعت بالناس
طفيت ولن حچاني الياس
تابوت الشموع اصواني المعرسين
اوجوه التنخبط بالخوف نقراهن نذر للطين
كل هذا وعشت غلطان
كل هذا ومتت غلطان
اي زعلان
ادور للعذر وجهين
مراية ومالتم وجهي من ارد فشلان
اجيت بدنيه متخفي
ارد ومرادك بجفي
ادور مالگيت الحننتك بيبان
موگتلك ولاتنجاس
موگتلك ولاتنباس
من يطفه الصدگ بالناس
من تطفه الشمس بالناس
يضل طول الفياي ايلثم الحيطان
يل ماجاي
عطش بيه اعله گد الماي
وعرفت الماي من يالون
من شفت البياض انزف ع الگيعان
ياچف الخلص بالحيف
يلم عمره الحطب بالصيف
بمرواح البرد ينطش
وسفرة موت يصعد للسمة الدخان
وغرگ بالهضم والغيض
ونشف عالچفوف البيض.
وتفز السمه بعيني سبع بيبان

سعد الزبيدي

لاتشكي للناس جرحأ انت صاحبه
لا يؤلم الجرح إلا من به ألم

جرحي آنه هم بطران للوادم احچيه
الجرح جرحي الناس شلهم غرض بيه

ل بشار الاسمر

نفذ صبري عل روحي وراح اچويها
وحاسبها واذلها وأله انسيها
وطلعله گلب مو اي درب تمشي
وراويها وجه جناز گاضيها
شفت نجم الظهر حد ما جبتها الراگ
اقل روجه تجي ترده عل ماضيها

سمير