يـاهو مثلي !

مخلص ايامي اعلة مدري

وتشرب اميال الوكت ساعات عمري ...

متعجبه النسوان تطلك فرد يوم
وانه اطلك بدنياي كلساع اذب توم

يطلك الاطلك بيه شنهل مصايب
لا هو راضي يجيب ولا إنه جايب

ليش عتمت الشبابيچ المشمسه
بغيمة الصد والبعاد ؟
وغيرت مجرى السواجي
وذبلت ورد الوداد


_معتز سامي

گلوله وضع اهواك كلش تراده
واكثر من الدكتور طب للعياده

بشار الاسمر

وما اتعبك
هذا طاري الشوگ اجاك

لملم الشوف على طولك 
خاف عيني تعاشر ابن ادم وراك


  كاظم الركابي

العثگ لا تنتظر من يمه تمره تطيح
تشلبه اعله النخل واخذ العثگ كله
الماي الجاري من ما اله سدود يروح
ويوگف لو تحطله اعله الدرب تله
شكثر متواضع السنبل لا تمثله بيوم
المنجل من يشوفه مدنگ يكتله
طبع جاكوك خلّك حتى تدري شلون
بكيفك تلوي البسمار وتعدله
لغز بدوي صعب خليك
مو ياهو اليجي يحله
او موش تخاف انفض گوم
طبع مثل الدغل ما بيك حتى تخاف
وتظنهم ياكلونك لو شوي تعله
گبال وجوه وادم هيج سيفك كون
مو بوجوه اخوتك گاضي تسله
وخيّط لا تشگ بالثوب المدفيك
وحگك غير چفك ماكو اليشله

مغيم بچي ومخنوگ وأعرضلي عيدي
سولفت حد ما طاح فص عيني بيدي

د. فلاح الزيدي

اشم ريحك من الشباج ونشك

ضواك وماعرف بروح ون شوك

هدم واحد غسلته اليوم ونشك

باجر بيش الاكي الياي ليه

عقيل العامري

اريد انشد النواب واصحاب الاقلام
هم يشمل العشاك هذا العفو العام

‏حايط وبنص ماي ومرادف الروج
شامخ اضل ماطيح غصبن على الموج

وديتلك خايب رسايل
چا ماترد گلبييش شايل
عايل وكولن انه عايل

ضليت اذب الصوج بيه
جي مايحن گلبك عليه
جيته الصبح جن واهليه

يلما الك جيه اعله اهلنه
من السلف مرتين شلنه
ولفي مضيع العرف جنه

خربان مو ذاك الاعرفه
امده عينه شكثر صلفه
ينباع كلمن باع ولفه

شايف اصورك من اجني
ماضحك من شهرين سني
گاعد بصف ملاية جني

مالك العكايشي

سحگوا سنين المودة
وفروا عليَّ الحزن داير مداير
كون اشگ گلبي واشوفك
چا گلت عفية عليك
شلون صابر.

يظهري شبيك ؟
ليش تحدب وعشرينك يخبلن ؟

مو كل اليئذن سهل يتفسرآ
والي نعيشهن
مودوم بحچايات ينحصرآ

مرات ماتلگه اذن تفهم غناك
ويجوز ماتلگه سگف يرهم غطاك
اي ي انه
ومن متت تذكر ولا واحد رثاك

نجلاءالشويلي

وصلوله الحجي وكلوله مامعذور
وشما طال ليلك ينكشف باجر

وكلوله نفسها الدنيا بيك تدور
ومثل مابيه كاسر تنكسر خاطر.
محمد حمزه

خلوني اسجد عالزلف
 ونطوني  کاسین اوسهر
ونطیکم مصلایتي
خلوني  اظل ابلا عقل
 خلوني اعیش ابراحتي
مارید یحکمني بشر
 یحرمني من تفاحتي

اراهن كون تلكه بشر ود خل
مثلي...كطفني جثه وروح ود خيل
بحضنك وانه اصيح لغوث ودخيل
علي بس لا يمر فركاك بيه

علي عماد

غريج اخر انفاسي جاتلتني
اديك وتلي المصحف جاتلتني
ولك يا معزتك جاتلتني
شكبرها منين اجيت انت عليه
كامل النوفلي

اجه الطارش وانه اركض سبكتله
الهوه كال اسب ميتك سبه كتله
حافي وطار هدمي وسبكتله
قلق حد ما طره اخبارك عليه

كامل النوفلي

صلب طبعي اويه غيرك لين لك
بحديد وبدلت كلبي لين لك
مثل داوود جن انته لين لك
الحديد امطاوعك والتعب بيه

سيف الحمداني

لدمع بليل اكتله وضحكتله
ومله شروط المكذل وضحكتله
ممات امي ضحكلي وضحكتله
فكيفه بعرس اخوي وجاي إليه