تكلهم غلط جانـت عشرتي ويا
وتحطني بقائمـة سوء اختيارك
لذالك انسحـب من النقاشات
شفـت دموعي متغيـر قرارك
واعوفك للزمـن تلويك الأيام
بضلك باجـر يبيـن انكسارك
وتضـن الذكريات تعوفك بخيـر
محطه تمـرها يوميه بقطارك
وتتمنه ولو واحـد يحـس بيك
وتحـن لعنادي من چنه نتعارك .

واحد داگة الفگر وموجر بيه حيل
وگلبة مورم من العوز يخاطب ربه بهذا الدارمي
.
مااريدك تفك باب
ربي ارد اجي وياك
من ورا الباب وصيح
ياأبن الفگر هاك

منقول

زفوها للمو خوش چيف انه خلها
وحتى المهر بدين كال لرجلها

صبحت والخطار وكت العطش جاي
ودورت بيتي لكيت بس بالكصص ماي

بيانه كل الصوج مو صوج اهلهه
بلعرس ما حطيت چيله برجلها

م

رأيَـت محبوبي مـع فتاة غيري سعيد معها
يبتسم كُلما تبتسم ويلمس يداها ويناضرها بكُل حب
وانا هُـنا يراودني التساؤل
" شِنطاك چفها وچَفي عِفته؟"

اذا تزعل وماودو على مراضاك
هنانه تقيس نفسك غالي مو غالي.

جمعه مباركه احبتي ♥️😍

تعاندني وتكابر بعد
وتركها ما احاجيها
ماحب يعاندي شخص
بس هاذ الي محليها
مرات طفله بلا عقل
لو رايد اتماشيها
ومرات بلسم عل جرح
من تنجرح خليها

أشتاگيتلك وكت الفجر
لا هو ليل وينسهر
لا بية أكمل نومتي

أبليس والدنيا ونفسي والهوى
كيف الخلاص وكلهم اعدائي💔

كل هالمَسافَه .. البعد !!
وِسوالفَكْ تنسمِع چن إحنه
ًحلگ إب حلگ
والله عشگنا عشگ
يامن إمگًدٌر عَليْ غيرك فصاله صعب
جم دوب أخيٌط و أشگ
حنيت أنه إل شوفتك
واصبرت بس ما صبر گلبي وصرخ !!
راح اطگ
جاباني إلك وإذعنت . . جيتك
بليلة شتا
ظلمه ومطرها رَشگ
وشبعده صار الدرب
خوف ..
و رعيـــد
وثلـــــــج
وجفوف إديـــٌه زرگ
إبابك طحت ها گمت
ضَمٌيت إدَيٌـــه إوْ رِدِتْ
عالباب بالروح أدگ
بس گالو إلمَن تدگ
كلمن مشه إلحالته
واحد سكن بالغرب
واحد سكن بالشـــــرگ

كاطع
..

الصخونه

كلما يجيها تزود ماتقبل تخف
كلساع اشوف الموت بس الله يلطف

بشار الاسمر

يعينك الله بهاي شتگلها ترفض
مثل الطلابه وياك ماتقبل تفض

مالك اسعد السواد

‏⠀⠀⠀⠀
عـرض كـدامـي ضـلـي وعـطلـت ممـشـآي
حـآجـيـتـه ونـصـحـتـه ومـن رفـض دسـتـه

ايهاب المالكي

اقسملك بصورة يونسني
دنيف ولا سوالف يونسني
أصبحت صم المنازل يونسني
اصيح ولا مرد منهن عليه

علي موسى حشيش

هضمه الزلم ب شوك تنهان
ويبلع السانه الجان ابو السان
جيلت عدو ولاضيم نسوان
عوف رساێل لاتاني.
كلبي تريده يريد ثاني
موتي ع الكاسك ولاغاني
ليله ضايع مني اني

م.ن

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب

بشار الاسمر

لا تمثل دور ما عندك شعور
توهمت ناسيني شايف حالك
عود من بالك شلتني بكل غرور
أنه بالك كله خلها بالك

ثگلان حتى نفس مو جدمي بس ثگلان
تعبان مو من حمل من الوكت تعبان
بعيوني لمعت دمع ومنين ما التفت ألگه العمر ذبلان
والحيره ماتنوصف لاجرحي طاب وتفض لا ميت وخلصان

زعلانة گالوا لاتمرها بحلم
گلولي دمعچ ع الجفن ماعثر
اشتموا فراگچ بيه من سولفت
مريتي سيف وصار خلگي نحر
يظفرون وجهي وتنثر عزتي
بعيوني تطفه وجوه كل البشر
شخليتي بيّه وصدري فارغ طلع
شعاف الندى من آثار فوگ الصخر
دبريلي ملگه بروحي وحشة حضن
شگد ناس زغرت من فراغچ كبر
شجريتي منّي وما انجر النفس
ظل الحلم بعيوني يطبع أثر
رحتي وخيالچ لا غفه ولا مشه
لا عاف روحي ولابعيني استقر
أربع مواسم ظل خريفچ يجي
طاحت ملامح وجهي مثل الشجر !
كل خطوه ريّة الگاع تاخذ نفس
وآنه أختنگ لو مني جدمچ عبر
شباچ وجهي شگد رسايل بقت
محد قراهن چنت ألوم القدر
خيط عليه الليل وجه وگفه
يعثر بنيته الگدّر وماگدر !
وديلي كلشي الچان من ريحتچ
مشتاگلچ مرسه وشراع وبحر
ماغسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وضواهم گصر
ذكروچ يمي ودمعتي استعجلت
هزوا صفنتي وطاح وجهچ تمر
ترسوا عيوني ملاگه مابينوا
ما أدري من عفتيني بيه شزغر
تانيت جيتي وين ماينمشي
وشلت جدمي اعله الدرب والنظر
جمرة بخور الذكره لمن تمر
تورث حسرتي وبيه تمشي بحذر
يعرفون جرحي الحبوا وفارگوا
ويدرون جفني شچم حلم بي خسر
الصبخة چنت ارويها من گصتي
يتشابه بعين العطش والمطر
ذيچ انتي وآنه بغيبتچ موصدچ
تعبتي جدمي وساعتي من السفر
بي حيل هجرچ وآنه وشلة خلگ
ذبّلن وجهي مناطرچ والسهر
يعجبني ذوقچ مثل ذوق البلم
متعافي ياخذ راحته بأي نهر
نتشابه آنه وياچ من نفترگ
ويختلف وجهي وروحتچ بالصور

الشاعر علي رشم

ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..

لـ جبار رشيد