حتى لتگولين ناسي
ذني ضحكاتي الجذب هلـ بين اديج
وهذا انا شما مشيت ابعيد عنج ينفض بـ جدمي
عتب ياخذني ليــج
انتي تاني نجمة بخدود الشبابيج الخذتني
وانا اجيج
مشاور الشمات من ينلمح ضلي بلايه ضلج
ضحكتي المابيها واهس جيف ماكشخت بضحكج
الـ اخ ذيج التنسمع من طيفي حسره بليل جرحج
كلهن امتاعي من اجيـج ...
انتي تاني وانا اجيـج ...

اليغادر من القناة ....💔

يَ الْ مْخيّرني بين النار و النار!
بين فْراگك وْ بين اثْبِت الحب!

أنَا مَا دوّريت مْشاطر وْياك
وْ گلتلك بال تريده وْ حاضر، إطلب

و لكن ما مْحَسِّب تطلب فْراگ!
و أنَا عاهدتك وْ عيب ارجع اگلب

و أنَا بالْحالتين وْياك رَبْحان!
اشگدّ خسران، بس هم ارجع اغلب!

النّخل كلْ ما يِطَوِّل، خلَّك وْياه
يروح الحشف و يْطيح الْ يْرَطِّب

لذالك راح اظلّن فاتح الباب!
خاطر ما يِعَطْلَك من تِجِي، تْطب!

ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك

الگاطع

دليتك بعد شتريد ادليك
گتلك هذا موسى وهذا فرعون .

سمير صبيح

كَصه بيه الوكت وتنطر تعود
انا اخرس والوكت يرادله صياح
الحزن ماعنده غيري توالف وياي
الفرح خطار مرني ومن وكَت راح
يخاين بس احبك من يجي الليل
استلذ من كون اخلصه بهمك نياح
براسي كليب طايح وادري بيه وين
وراسك ماعرفته بيا متن طاح
الكبل لاحت سما من نومت عليك
ابشرك صار حدها الكض الاصفاح
اذا يوم شتهيت محاضن وياي
تحاذر لاتخجل جفوفوك رماح
وحكَي من اكول هواي تعبان
هوه العنده مثلك وين يرتاح

حبني وإجبرني إعلى حبك
الروح ماتعشگ لون ماتنجبر

جبار رشيد

منو ايحبني
وأشعله ألگمر مرتين
وأندگ گنطره لباچر

منو ايحبني
وأغنيله ضفاير شوگ حدما ينخلق شاعر

بس ها
كون يفهمني من اگولن ااخ وانه أضحك

وگبل لا جرحي ينزف
كون اسمعه ايصيح ضم جرحك

يكون الگاه وأشدله رموشي مرجوحه
وأگله احچيلي عني وطير والمالايحه انلوحه

أنه واحد يفهم الناس
بس مامفتهم روحه...


بشار المحاويلي

يهون عليچ يا سمره
العواذل خاطري تكسره
يعيروني من أون عليچ
واذكر طيبة العشره
واشوف الدنيا بردي وهور
لا معيبر ... ولا عبره
تهت والروج دولبني
يمنه يجيني ويسره
يا سمره....
والف شهگه
والف شوغه
والف حسره
اشبگها بزبون الليل
اگله بداركم شرها
وتحوم عليچ ونّاتي
شبه فراشه عالزهره

زامل سعيد فتاح

منو اليفهمني انه انسان

انــســان !!
محتاج لحنان الله

اريد انسان مثل امي

عمت عيني امن اطيح يگول واسم الله

غزوان الغالبي

اعترفلك
بكلشي چنت وياك صادق
حتى من ابعد لأن ماريد اتعبك

ولا تصدگني اذا يمهم اسولف
-انه چذاب من اگلهم ما احبك ،

ضل ساحج عله الراس مايكرص الذيل
طبع الحيايه تموت من تنسحج حيل

مو بيدي فاگد راي وتلهوج عليك
زاد الله ما ينگام منه وكمت ليك

بطرگ روحه هواي يوميه الاگيه
عرست كلها وياي من ردت احاچيه

مزلاكه واتحداج يادنيه واصعد
والمايشوف الضيم مو زلمه ينعد

حمزة كداح الفتلاوي

ابيض رمشها العين وانطر تجيني
وداخل حسن بجفاك ماون ونيني

شمالك يگلبي منين ما جيسك تصيح
مفطر مثل رجلين ولد الفلاليح

سيد مهدي العوادي

عيني ترفه اومامش اليبرالها
اوتيهت معشوكهه اوجتالها
عتبي عل حطيت عيني ابين اديه
نكث ينكثهه ابجذب ماشالها
والله مامستانس اسويعه ابصباي
اوليش هل وادم تغثني شمالها
جنت ماخذ كوسر ابراس المضيف
اوهسه بثيابي مسحت ادلاله
زحمه اماشيلي بشر راغبني يوم
اكحيله روحي اومالكت خيالهه
ما اريده الحابني اوكاضيهه نوم
عيب هاي الوادم اتمشالهه.

اياد الأسدي

ليش نتوب شنو لذته
العمر لو يكضي دون
ذنوب
وشنو لذته العمر لو
ينكضي بلا كاس والوادم
سكاره وناس تعشك
ناس
وضمنلك الجنه النار
لاهل الدين اني وياك
شمسوين
الله يحاسب الساده



مثنئ الشويلي

بعد لٱ تنتضر مرسالي لْـۆ تزعل
انه التوبت ايدي من المراسيل

فاضل محمد

الليل وآنت عليْ
جاوين المروّه ؟
النوبه واحد يجي
لو أنت لو هوّه

عبد الكريم القصاب