يا حبيبي
خاف ترهم يوم وازعل
لا تفكر بيّه زايد ..
گلبي فضَه
والزعل ويّاك ومضه
بس أشوفك، أو يمر بيّه خيالك
كل شي بيّه بساع يرضى

ومن تجي
لا تعتذرلي
لا ترضّيني حبيبي
لخاطرك من كيفي أرضى .


عبد الكريم القصاب

هواي تندمت ما أدري هيچ تصير
ولو أدري من الأول أنهي موضوعي
طلع جذاب ذاك الكال أطفي النار
جاب النار كلها وحطها بضلوعي .

جبار رشيد

دكافي تگطر ابـ ملگاك
اريدك تنچفي بـ روحي

احمد عبد الرضا

مره كتلي ...
ضحكتي لغيرج ذنب !!
ومره كتلي ...
الليل وحشه بعين كل واحد يحب
ومره كتلي ومره كتلي
هوااايه كتلي
وطلع كل حجيك جذذب !!

•

سولفتلـي
وفرفحت روحـي
ابسوالفيك حمامــه
.
سولفتلـي
ودنگيت بمستحـه العيـن
اعله متنك يابو شامـه







ذياب كـزا

حلاتك يا نهر عمرك سفر تكضيه
لا ترتاح لا تمتد؟
حلاتج وركة البربين ..
تهواج الشفايف حيل
تنباسين جنج خد..
حلاة السيف بخدود الرمل ينحد





الكاطع

.


گتلي اليبتعد معذور
وكلتلك ملتهي بيمن ؟!
بتالي الليل من تسهر
تسامرمن تحاجيمن ؟!
وعينك طيفمن بيها
ويم زلفك تراجيمن ؟!
.
صابرين الحمداني

انه المضحي بعيوني وضحكتي وعافيتي خاطر ما اخسرك !
ورجع ورة فترة گال
ومن بعد طول انتظار انكسر گلبي شحصلت من انتظرتك ؟
صرت خاسر ضحكتي وعافيتي وعيوني وخسرتك !

معطشينه ياهل النهر
ويبست اوراگ اشجارنا

وريح يشبه بالعمر
ميرحم اعله اغصانه

فاطمة الجياشي

‏مطرت
والحچي الناسينه فز بينه
الحگيني
ولو هو شبقه بيه وتلحگينه. ..

انه اعمه ولگـيتـك شـوف
ضنيت اعله الجروح تروف

وضـحلـي سبـب فركاك
يـلي بلا اسباب تعـوف

ياجـرفي اصـبحت بـجـفاك
ماي وتـيهنـه اجـروف

خفـت من ضلي ضل وياي
عـدمن أمـنـتني بـخـوف

تـگوه اعلـه صـبر روحـي
مجبوره
وبيـدها الزافوف

تريد نعوف
اشفـنه من المحبه احـنه
كضينها الـسنيـن اگـطوف

مشه سكته العمر بهداي
اي ماشين ندري ضيوف

بانت حـسرته ابـالـي
بانت ولـوجه مخطوف

وذاك انه الغريب يصير
لاعارف ولا معروف
.
.
.
لـ فاطمة الجياشي

رايد انه شوية منك
حته لو نظرة ابتسامة
انه ما شايف گمر وبخده شامة


جمعه مباركه اعزائي

الله كريم انتظر
جا هيج صار الرد
جا ما دريتي بحالتي
مهموم متردد
مابين اضل بفراكج
مابين اعيش البيه
بس الصدك هجرج صعب
وانه بطرك حنيه
يلا شسوي بدنيتي
خليني اعيشن هجرج
شهرين كلتيلي انتظر
سنتين صار انتظرج
غيرج منو اليسوه انتظر
واهديه كلبي وحبه
جا ليش بدلتي الذهب
رحتي للاعوج دربه

وائل احمد

حتى من أعاتب أستحي

مشكلتي أحضرلهم حچي

وتوگف العشره بريگي

يسهر الـيل
يااشهر تسـع بعـضاي
يمه وعزتـك يوجعني شرب الماي

تمـنيت بمچـانك ياشريك الـروح
تـمنيـتك عـدل وتـگـوم ويـاي

فاطمة الجياشي

دمع بليل اكتله وضحكتله
ومله شروطه المگذل وضحكتله
بممات امي ضحكلي وضحكتله
فكيف بعرس اخوي وجاي ليه

اسطبي للمايه للدلال .. منكد
وكف وعليك شبه الزيج .. منكد
أراق البؤبؤ من العين .. من كد
البجي وطمست سفينة نوح بيه

.


سد شبابيچك يگلبي
الريح ما تنگل جدمهم
الريح تنگل بس عطرهم
احنه شو بس همه عدنه
وهمه بس اعذار عدهم

حيدر العماري

لگيت اسمي وطن مهجور

بي اخر رسالة من التعب للرب

بعد مابيه حيل انحب .

ومن فزيت هل مره

عرفت اليحلم بولفه

خساره يفتح عيونه .
.