⚡Bu gün Şuşada 4-cü Qlobal Media Forumu öz işinə başlayacaq

● Dünyanın 54 ölkəsindən 160-a yaxın media nümayəndəsi, ekspert və rəsmi şəxsin iştirak edəcəyi forumda 30-a yaxın beynəlxalq informasiya agentliyi və 60-dan çox aparıcı media qurumu təmsil olunacaq.

● Həmçinin 10-a yaxın beynəlxalq təşkilat və şirkətin nümayəndələri də foruma qatılacaq.

⚡️Prezident İlham Əliyevin IV Şuşa Qlobal Media Forumunun iştirakçıları ilə görüşü - CANLI

İlham Əliyev: Tədbirin keçirilməsində əsas məqsəd dünyanın müxtəlif guşələrindən gəlmiş media nümayəndələrinin qarşılıqlı maraq və narahatlıq doğuran məsələləri müzakirə etməsi, həmçinin Qarabağ və Şuşa ilə tanış olması üçün əlverişli mühit yaratmaqdır.

Əminəm ki, buraya gəlmiş qonaqlar Qarabağın inkişafını, yenidən qurulmasını görürlər.

Prezident: Biz bağlantılar məsələləri üzrə kifayət qədər uzun müddət işləmişik, daha fəal surətdə 10 ildən artıq çalışmışıq.

Öz coğrafi üstünlüklərimizdən istifadə edərək, səylər göstərdik ki, çoxtərəfli əməkdaşlıq üçün platforma quraq.

⚡İlham Əliyev: Gərgin qarşıdurma dövründə uçuşların xəritəsinə baxsaydınız, çox dar hava dəhlizinin məhz Azərbaycan üzərindən keçdiyini görərdiniz.

● Eyni vəziyyət Xəzər dənizi vasitəsilə həyata keçirilən dəniz daşımalarına və quru nəqliyyatına da aiddir. Bütün bu amillər Azərbaycanın əhəmiyyətini daha da artırır.

● Sevindirici haldır ki, biz artan yük axınını qəbul etməyə hazırıq. Hazırda infrastrukturumuzu genişləndiririk.

● Xəzər hövzəsində ən böyük ticarət limanı olan və hazırda illik 15 milyon ton yükötürmə gücünə malik limanımızın imkanları 25 milyon tona çatdırılacaq. Hazırda gəmiqayırma zavodumuzda Avropadan və Avropaya daşınan yüklərin nəqlini təmin etmək üçün 10 gəmi inşa olunur.

● Mərkəzi Asiya ölkələri və Avropa Komissiyası ilə yaxın münasibətlərimiz, həmçinin bu iki istiqamətin tam mərkəzində yerləşməyimiz Azərbaycan üçün böyük üstünlük yaradır.

● Əlbəttə, Azərbaycanın siyasəti hər zaman əməkdaşlığa, qonşularımızın narahatlıqlarını nəzərə almağa və onların da bizim narahatlıqlarımıza həssas yanaşmasına yönəlib.

● Şuşada keçirilən Media Forumunda hiss etdiyimiz mühit də məhz budur. Biz eyni əməkdaşlıq və etimad mühitini beynəlxalq tərəfdaşlarımız arasında da formalaşdırmağa çalışırıq və ümid edirəm ki, buna nail olmuşuq

⚡Prezident:

● Hazırda bağlantılarla bağlı infrastrukturun genişləndirilməsi üzərində çalışırıq. Çünki biz gözləmirdik ki, coğrafi mövqeyimizin əhəmiyyəti son dövrlərdə bu qədər əhəmiyyəti artacaq. Həm Qərb, həm də Şərq istiqamətində qonşularımızla əlaqələrimiz əladır.

● İstər Mərkəzi Asiya və Gürcüstan, istərsə də Türkiyə və Avropa ilə əlaqələrimiz yaxşıdır. Bütün bunları bir araya gətirmək üçün, əlbəttə, bir çox addımları atmalı idik ki, dəhlizlər faydalı olsun.

⚡İlham Əliyev: Azərbaycanın yürütdüyü siyasət hər zaman əməkdaşlığa yönəlmişdir, narahatlıq doğuran, qonşularımızın narahatlıq doğuran məsələlərinin həllinə yönəlmişdir, o cümlədən bizi narahat edən məsələlər qaldırılmışdır.

Təbii ki, bu baxımdan Şuşada keçirilən media forumundakı olan həmin bu mühiti biz çalışırıq, həmçinin bir çox beynəlxalq məhz iştirakçılar arasında da yaratmağa çalışırıq. Çox sağ olun və bununla bağlı bizim dialoqumuz davam edir.

⚡Prezident: Türkiyə və Azərbaycan əhalisi dünyanın bütün ölkələri ilə müqayisədə bir-birinə daha yaxın olan iki ölkədir.

● Əməkdaşlığın səviyyəsinə, siyasi, iqtisadi, enerji, bağlantılar, insanlar arasında olan münasibətlərə nəzər salın.

● Biz dünyada başqa iki elə dövlət tanımırıq ki, bir-birinə bu qədər yaxın olsun, bir-birini bu qədər dəstəkləsin, bir-biri ilə bu qədər dostluq etsin.

● Bu, xalqlarımızın çox böyük zənginliyidir və biz birgə daha güclüyük.

⚡Prezident:

● Avropa Komissiyası və Avropa Şurası Parlament Assambleyası ilə münasibətlərə gəldikdə, bunların arasında çox böyük fərq var. Avropa Komissiyası ilə münasibətlərimiz müxtəlif olub.

● Cənab Borrelin Avropa diplomatiyasına rəhbərlik etdiyi dövrdə bizim aramızdakı münasibətlər, Avropa Komissiyası ilə Azərbaycan arasında əlaqələr demək olar ki, tam uçuruma getmişdir.

⚡İlham Əliyev: 907-ci düzəliş tamamilə köhnəlib və tam şəkildə ləğv edilməlidir.

● 1992-ci ildə ABŞ Konqresi Sovet İttifaqının dağılmasından sonra müstəqillik qazanmış dövlətlərə maliyyə yardımı göstərmək məqsədilə “Azadlığa Dəstək Aktı”nı (Freedom Support Act) qəbul etmişdi.

● Həmin qanuna 907-ci düzəliş isə ermənipərəst senatorlar tərəfindən əlavə edildi. Yeri gəlmişkən, Prezident Bayden də o vaxt senator idi və həmin senatorlardan biri idi.

● Yəqin ki, Bayden administrasiyası ilə münasibətlərimizdə yaşadığımız çətinliklərin səbəblərindən biri də məhz bu idi. Bu düzəliş Azərbaycanın ABŞ-ın maliyyə yardımından yararlanmasına mane olurdu.

● Səbəb kimi isə Azərbaycanın guya Ermənistana blokada tətbiq etdiyi göstərilirdi. Əvvəla, bu doğru deyildi. Azərbaycan Ermənistanı blokadaya almamışdı.

● Əksinə, Ermənistan bizim torpaqlarımızı işğal etmişdi və həmin işğal olunmuş ərazilər Ermənistanla Azərbaycan arasında yerləşirdi. Əgər işğal olmasaydı, sözdə blokada məsələsi də gündəmə gəlməzdi.

⚡İlham Əliyev: Əgər Azərbaycan Avropa Şurasını tamamilə tərk etsə, ölkədə demək olar ki, heç kim bunu hiss etməyəcək. Başqa sözlə, orada olub-olmamağımız ölkə daxilində ciddi fərq yaratmır.

⚡Prezident: Tramp administrasiyası ilə Azərbaycan arasında münasibətlər əladır.

Biz çox məmnunuq ki, bu münasibətlər artıq strateji tərəfdaşlıq səviyyəsinə yüksəlib.

⚡Dövlət başçısı:

● Avropa Komissiyasında anti-Azərbaycan qrupu mövcud idi və ümid edirik ki, cənab Borrel birdəfəlik olaraq siyasətdən gedib.

● O vaxtdan bəri bizim münasibətlər yaxşılaşmağa başladı. Xüsusən də biz gördük ki, həmin bu münasibətlərin qarşılıqlı şəkildə yenidən başlanılmasına böyük bir ehtiyac var və biz bunu dəstəklədik.

⚡Prezident: İndiki şəraitdə Ermənistan etibarlı yanacaq mənbəyinə malikdir və bu mənbə Azərbaycandır.

● Rusiyadan, Qazaxıstandan və digər ölkələrdən Ermənistana 40 mindən çox ton müxtəlif yük Azərbaycan ərazisindən daşınıb.

● Bundan əlavə, Azərbaycan özü də Ermənistana neft məhsulları ixrac etməyə başlayıb.

● Səhv etmirəmsə, bu günədək 10 mindən çox ton neft məhsulu tədarük olunub. Xüsusilə də bir çox ölkələrin yanacaq çatışmazlığı ilə üzləşdiyi indiki şəraitdə Ermənistan etibarlı yanacaq mənbəyinə malikdir və bu mənbə Azərbaycandır.

● Əgər bu olmasaydı, yəqin ki, Ermənistan bu gün benzin və dizeli dünyanın müxtəlif yerlərində axtarmağa məcbur qalardı.

⚡İlham Əliyev: Azərbaycan artıq ortasəviyyəli gücə çevrilir və düşünürük ki, ölkəni ortasəviyyəli güc kimi xarakterizə edən meyarların müəyyənləşdirilməsi mümkündür.

Mənim fikrimcə, terminologiya ilə belə demək olar ki, bu, ölkənin potensialının etiraf edilməsidir, onun öz milli maraqlarını müdafiə etmək bacarığının müəyyən edilməsidir.

⚡Ukraynalı jurnalist Dmitri Qordon: Prezident Putinə nə məsləhət görürsünüz?

Prezident İlham Əliyev: Məncə çoxdan dərk edilməli idi ki, bu müharibə dayandırılmalıdır.

⚡Prezident: Biz hər zaman İslam ölkələri arasında həmrəyliyin tərəfdarı olmuşuq və bu istiqamətdə Azərbaycanda çoxsaylı tədbirlər keçirilib, bizim çoxsaylı təşəbbüslərimiz də əlbəttə ki, həmrəyliyin, birgə anlaşmanın gücləndirilməsinə yönəldilmişdir.

Təəssüf ki, bu gün biz o qədər də böyük həmrəylik (İslam həmrəyliyi - red) görmürük. Gərginlik artmaqdadır, qarşılıqlı ittihamlar səslənir.

⚡İlham Əliyev: Şimalda müharibə şəraitində olan bir qonşumuz, cənubda isə müharibə şəraitində olan digər qonşumuz var və Azərbaycan onların arasında yerləşir.

● Təbii ki, ölkəmizi qorumaq və imkan daxilində sülhün əldə olunmasına töhfə vermək bizim üçün ciddi narahatlıq doğuran məsələlərdəndir.

● Bəli, biz sülhün mümkün olduğuna inanırıq. Düşünürəm ki, təkcə biz deyil, bu qarşıdurmanı və qan tökülməsini dayandırmaq üçün səy göstərən vasitəçi ölkələr də buna inanırlar.

⚡İlham Əliyev:

● Sovet İttifaqı dağılanda Rusiyada bir çox analitiklər deyirdilər ki, bu respublikalar mərkəzsiz yaşaya bilməyəcək və məhv olacaqlar.

● Amma nə baş verdi? Hamısı yaşayır. Bəziləri daha firavan, bəziləri isə nisbətən zəif inkişaf edir.

● Lakin onların heç biri məhv olmadı. Məhz buna görə biz müstəqilliyi dəstəkləyirik.