Аброржон Пулатов Президент Администрацияси раҳбари котибияти мудири ўринбосари лавозимига тайинланди.

@platformauzb

Ижтимоий тармоқларда тарқалаётган видеода айтилишича, Payme нинг сохта иловаси чиқибди.

Payme га кўра, бундай сохта илова мавжуд эмас экан ва видео сунъий интеллект ёрдамида яратилган экан.

@platformauzb

Банк ходими 100 минг доллар пора олаётганда ушланди
 
У 2024 йилда Давлат активларини бошқариш агентлигининг ҳудудий бошқармаси томонидан электрон онлайн аукцион орқали ўзининг отасига чорвачилик мақсадида фойдаланиш учун ижара ҳуқуқи асосида сотилган, Қуйичирчиқ тумани ҳокимлиги балансидаги 16,05 гектар ер майдонини сотиш ҳамда ҳокимлик захирасида бўлган 4 гектар ерни мансабдор танишлари орқали расмийлаштириб бериш эвазига харидордан жами 4 млн 250 минг АҚШ доллари талаб қилган.

Тезкор тадбир давомида у сўралган пул маблағидан 100 минг АҚШ долларини олдиндан олган вақтида ашёвий далиллар билан ушланди.

@platformauzb

Суд раиси кабинетига 50 000 АҚШ доллари яширган адвокат қўлга тушди

Бухоро вилояти ҳуқуқни муҳофаза қилиш органлари томонидан ўтказилган махсус тадбир давомида Бухоро шаҳар суди раисининг хизмат хонасидан 50 000 АҚШ доллари миқдорида пул топилди.

Пулнинг ўн минги раис билан хонада гаплашиб ўтирган адвокатнинг чўнтагидан, қолган қирқ минги кабинетдаги шкаф жавонидан олинган. Раис ва адвокатни ушлаб кетишган, тонда эса раисни қўйиб юборишибди. У ҳозир ишини давом эттирмоқда.

@platformauzb

“Президентимиз имконият берди”: кичик ишдан катта бизнесгача

Хивада “Жамол балиқчи” номи билан танилган Жамолиддин Рўзметов бир пайтлар кичик жойда иш бошлаган. Бугун эса кунига 200–250 кг, мавсумда ярим тоннагача балиқ сотади.

“Президентимиз имконият берди. Ҳозир банкирлар ҳам “Лаббай, нима керак?” деб турибди. Муаммо бўлса, бир-икки кунда ишинг битади”, — деди у.

Яратилган имконият ва меҳнат самараси унинг оиласи ҳаётида ҳам кўриниб турибди — тадбиркор бугун уч қизини олий таълимда ўқитяпти. Эндиги катта мақсади эса — Хоразм балиғини дунёга танитиш.

Контент марказининг янги “Иродали инсонлар” лойиҳаси — яратилаётган имкониятлардан фойдаланиб, ўз меҳнати билан ҳаётини, оиласи келажагини ўзгартираётган инсонлар ҳақида.

@platformauzb

Электрон савдо платформаларида истеъмолчилар ҳуқуқлари бузилмоқда

Эътирозларнинг катта қисми Uzum Market ва Uzum Nasiya хизматларига нисбатан билдирилмоқда

Рақобат қўмитасига кўра, айни пайтда истеъмолчилар ҳуқуқларининг бузилиш ҳолатлари кўпайиб бормоқда.

2026 йилнинг ўтган даври мобайнида Қўмита ва унинг ҳудудий бошқармаларига чакана савдо, электрон тижорат ҳамда умумий овқатланиш соҳалари бўйича жами 6 414 та мурожаат келиб тушган бўлиб, шундан 1 230 таси (19,2 фоизи) электрон тижорат соҳасига тўғри келган.

Мурожаатларнинг асосий қисми йирик электрон савдо платформалари ва муддатли тўлов хизматларига тўғри келади:

– Uzum Market — 446 та (36,2%),
– Uzum Nasiya — 184 та (14,9%),
– Alif Shop — 92 та (7,5%),
– Ishonch дўконлар тармоғи — 69 та (5,6%),
– Yandex хизматлари — 63 та (5,1%).

@platformauzb

Таълим кредити учун банкка бориш шарт эмас — аризани “xazna”да топшириш мумкин

Контракт асосида кундузги таълимда ўқиётган талабалар Таълим кредитини “xazna” иловаси орқали онлайн расмийлаштириши мумкин.

Кредит шартларига кўра, талаба хотин-қизлар учун фоиз ставкаси — 0%, талаба йигитлар учун эса 14%. Имтиёзли давр ўқиш муддати ва ундан кейинги 6 ойни қамраб олади.

Асосий қарзни қайтариш ўқишнинг расмий муддати якунланганидан кейин 7-ойдан бошланиб, 7 йил давом этади.

Кредит давлат, хусусий ва хорижий олий ҳамда профессионал таълим ташкилотларида кундузги таълим шаклида контракт асосида таҳсил олаётган талабаларга ажратилади.

📱 Ариза бериш учун банк филиалига бориш талаб этилмайди — жараённи “xazna” иловаси орқали амалга ошириш мумкин.

📌 Батафсил

Реклама
@platformauzb

Айтишларича, Таълим ва илм фан вазири лавозимига кўриб чиқилаётган номзодлар орасида Ёшлар ишлари агентлиги директори Алишер Саъдуллаев, Рақамли технологиялар вазири Шерзод Шерматов ва Термиз давлат университети ректори Абдуқодир Тошқулов бор.

Хабар расман тасдиқланмаган.

@platformauzb

470 минг оила газ ва электр энергияси тўловининг бир қисми давлат томонидан қоплаб берилади

Ижтимоий реестрга кирмаган эҳтиёжманд оилаларнинг электр энергияси, газ, кўмир ва коммунал хизматлар харажатларини қоплашда оиланинг ҳар бир аъзосига қўлланиладиган даромад мезонини 1 миллион 430 минг сўмгача ошириш таклифи кўриб чиқилди. Натижада қўллаб-қувватлаш қамрови яна 166 минг оилага кенгаяди.

Электр энергияси ва газ бўйича базавий меъёрдан ортиқ истеъмоли харажатларининг бир қисмини қоплаш муддатини 2028 йил 1 апрелгача узайтириш таклиф қилинди. Бу чора билан бир йилда 470 минг оилани қамраб олиш назарда тутилмоқда.

Шароити оғир маҳаллалардаги 3 мингта хонадонни иссиқлик жиҳатидан ҳимоялаш ва энергия тежовчи ускуналар билан таъминлаш ишлари ҳам давом эттирилади.

@platformauzb

Иситиш мавсумида газлашмаган ҳамда газ етиб бормаган ҳудудларда электр энергияси бўйича базавий меъёрни 200 киловатт-соатдан 350 киловатт-соатга ошириш таклифи маъқулланди.

@platformauzb

Cobalt ва Damas’ни банк иштирокисиз бўлиб тўлашга сотиш бошланади

UzAuto Motors 7 октябрдан бошлаб Cobalt ва Damas автомобилларини тўғридан-тўғри, банк иштирокисиз бўлиб тўлаш шарти асосида сотишни бошлайди.

Cobalt учун бошланғич тўлов 50 фоизни ташкил этади. Қолган сумма 24 ой давомида ҳар ой 3 252 000 сўмдан тўланади.

Damas учун эса бошланғич тўлов 30 фоиз бўлиб, қолган сумма 30 ой давомида ҳар ой 2 173 640 сўмдан тўланади.

Компаниянинг қўшимча қилишича, автомобиллар сони чекланган бўлиб, ҳисоб-китоблар бошланғич комплектациялар учун келтирилган. Тўловлар танланган комплектацияга қараб фарқланади.

@platformauzb

Davlat xaridlarida yangi elektron skoring tizimi: ishonchli tadbirkorlarga qo‘shimcha imkoniyatlar berilishi taklif etilmoqda

Davlat xaridlarida ishtirok etuvchi tadbirkorlik subyektlarini elektron skoring asosida baholash va ularning ishonchlilik darajasidan kelib chiqib qo‘shimcha imkoniyatlar taqdim etish nazarda tutilmoqda.

Vazirlar Mahkamasining tegishli qarori loyihasiga ko‘ra, davlat xaridlari maxsus axborot portalida ishtirokchilar faoliyatini idoralararo axborot almashinuvi orqali avtomatik baholaydigan elektron skoring tizimi joriy etilishi belgilangan.

Taklif etilayotgan tizimda ishtirokchilar to‘plagan ballariga qarab AAA dan D gacha bo‘lgan 10 ta skoring ko‘rsatkichiga ajratiladi. Jumladan, 80 va undan yuqori ball — AAA, 75 va undan yuqori — AA, 70 va undan yuqori — A darajasiga to‘g‘ri keladi. Ushbu uch toifa “yuqori” ishonchlilik darajasi hisoblanadi.

Eng katta imkoniyatlar AAA ko‘rsatkichiga ega ishtirokchilar uchun nazarda tutilmoqda. Loyiha bo‘yicha ular elektron davlat xaridlarida zakalat va qo‘shimcha zakalat mablag‘larisiz ishtirok etishi, vositachilik yig‘imiga 50 foiz chegirma olishi mumkin. Shuningdek, davlat xaridlari to‘g‘risidagi shartnomalarda oldindan to‘lov miqdorini, qonunchilikda belgilangan ayrim istisnolarni hisobga olgan holda, 30 foiz etib belgilash nazarda tutilgan.

AA ko‘rsatkichiga ega ishtirokchilarga elektron davlat xaridlarida zakalat mablag‘larisiz qatnashish va shartnomalarda 25 foiz oldindan to‘lov, A ko‘rsatkichiga ega ishtirokchilarga esa zakalatning 50 foizini kiritgan holda ishtirok etish hamda 20 foiz oldindan to‘lov imkoniyati taklif etilmoqda.

Yana bir muhim yangilik — eng yaxshi takliflarni tanlash yoki tender takliflarini ball usulida baholashda ishtirokchining ishonchlilik darajasiga mutanosib ravishda qo‘shimcha ball berish mexanizmi nazarda tutilgan. Ushbu qo‘shimcha ball elektron tizim tomonidan avtomatik hisoblanadi. “Past” va “eng past” ishonchlilik darajasidagi ishtirokchilarga esa bunday qo‘shimcha ball berilmaydi.

Skoring natijalari Portal va ishtirokchining shaxsiy kabinetida har kuni yangilanib borishi, hisob-kitobda esa davlat xaridlari jarayonidagi oxirgi 365 kungacha bo‘lgan faoliyatga oid ma’lumotlardan foydalanilishi ko‘zda tutilgan.

@platformauzb

Ота-оналар учун муҳим маълумот!

Энди мактабларда давоматни сунъий интеллект назорат қилади

Тошкент шаҳрининг Сергели туманидаги 26 та мактабда “СИ Давомат” ахборот тизими жорий этилиб, смарт камералари ўрнатилди.

2027-2028 йиллар давомида шаҳардаги яна 302 та мактабга “СИ Давомат” ахборот тизимини жорий этиб, смарт камералари ўрнатилади.

Қонунчиликка кўра, ўқувчи сабабсиз дарсга кечикса ёки келмаса, бу боланинг таълим олишига ота-она томонидан етарлича шароит яратилмаганлиги деб баҳоланади ва ота-оналарга маъмурий жарима қўлланиши мумкин.

@platformauzb

Онангнинг отини қўй, отангнинг отини қўй

Филолог олим Қозоқбой Йўлдошев бегона тиллардаги номлар ҳақида

@platformauzb

Шавкат Мирзиёев 7-9 октябрь кунлари амалий ташриф билан Туркманистонда бўлади

Президент “Аваза” миллий сайёҳлик зонасида Марказий Осиё ва Озарбайжон давлат раҳбарларининг саккизинчи Маслаҳат учрашувида ҳамда Мустақил Давлатлар Ҳамдўстлигининг навбатдаги саммитида иштирок этади.

@platformauzb