⚡️Алматыда жер сілкінді

ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2026 жылғы 17 ақпанда Астана уақытымен 15:09-де жер сілкінісі тіркелді.

Жер сілкінісінің ошағы Қазақстан аумағында Алматы қаласынан шығысқа қарай 74 км. жерде орналасқан.

«Есептік қарқындылығы: Алматы қаласы 2 балл», – деп хабарлады ТЖМ.

Зардап шеккендер мен қираулар туралы мәлімет түскен жоқ.

Дәрігерлер трактор басып кеткен жұмысшының өмірін сақтап қалды

Ақмола облысындағы Жақсы ауданының Новокиенка ауылында жұмысшыны трактор басып кетті. Политравма диагнозымен өте ауыр халдегі зардап шегуші жедел жәрдеммен аудандық ауруханаға жеткізілді.

🔵«Пациенттің жамбас сүйегін толық реконструкциялауды талап етті. Әдетте мұндай ота тек облыстық орталықтарда немесе республикалық институттарда жасалады. Бірақ пациенттің жағдайы шұғыл көмекті дәл сол жерде көрсетуді қажет етті. Қашықтан кураторлық бақылау арқылы отаны аудандық аурухана дәрігерлері жасауға бел байлады», - делінген Денсаулық сақтау миистрлігінің хабарламасында.

⚡️Мұндай күрделі ота аудан тарихында тұңғыш рет жасалды. Бес маманнан тұратын бригада 7 сағат бойы науқастың жамбас сүйектерін қайта жинап шыққан.

Бүгінгі таңда пациенттің жағдайы тұрақты, орташа ауыр дәрежеде деп бағалануда.

🚙Елімізде көлік арзандауы мүмкін
Автомобиль құнының түсуіне отандық көлік өндірісінің артуы сеп болмақ.

❗️Алаяқтар тұрғындардың банк карталарын бұғаттай бастаған
Ұлттық банк банк карталарына қатысты алаяқтықтың жаңа түрі пайда болғанын ескертеді.

⚡️Алматы облысында жер сілкінді
жер сілкінісінің күші Алматыда 2 балл, Талғарда 3 балл, Түргенде 4 балл болған.

📍Түркістан облысында жасырын цех әшкереленді
3 цех жасырын насыбай өнімдерін дайындап, таратумен айналысқан.

▫️Женевада Иран мен АҚШ келіссөзі басталды
Шара Женевадағы Оман елшілігінде өтіп жатыр.

🦢Маңғыстауда 20 аққудың өлексесі табылды
Мамандар барлығы 20 аққудың өлексесін жинап, жою жұмыстарын жүргізді.

📌СҚО-да жабайы жануарларды қолдан азықтандыру маусымы басталды
Шара наурыздың соңына дейін жалғасады.

⚜️Алматылық әжелер өте ұзын сырмақ сырып, рекорд жасамақшы
Қазір қолөнер бұйымының жартысына жуығы әзір.

⚽️Бүгін

УЕФА Чемпиондар Лигасы. 1-ойын

Бенфика (Португалия) – Реал Мадрид (Испания)

Альваро Арбелоа шәкірттері Жозе Мауриньоның шәкірттерінен жалпы кезеңде кеткен есені қайтара ала ма?

📺«Qazaqstan» телеарнасынан тікелей эфирде 00:50-де көріңіз.

🔵Аида Балаева мәдениет және ақпарат салаларын жаңғыртудың басым бағыттарын белгіледі

Астанада ҚР Премьер-Министрінің орынбасары – Мәдениет және ақпарат министрі Аида Балаеваның төрағалығымен министрліктің кеңейтілген алқа отырысы өтті. Жиынға вице-министрлер, комитет төрағалары, ведомстволық бағынысты ұйымдардың жетекшілері және салалық құрылымдардың өкілдері қатысты.

Отырыс барысында министрліктің 2025 жылғы қызметінің қорытындылары сараланып, алдағы кезеңге арналған стратегиялық басымдықтар айқындалды. Алқа отырысын ашқан Аида Балаева Негізгі заңға енгізілген ауқымды өзгерістерге ерекше тоқталды. Ол ұлттық мәдениетті қолдау мен тарихи-мәдени мұраны сақтау мәселелері алғаш рет конституциялық деңгейде мемлекеттің іргелі даму қағидаттарының қатарына енгізілгенін атап өтті.

📌Кездесу барысында министрлік қызметінің барлық бағыты бойынша жаңа тәсілдер мен заманауи даму үрдістері жан-жақты қаралды. Салаларды уақыт талабына және өзекті сын-қатерлерге сай жүйелі жаңғырту қажеттігіне ерекше назар аударылды.