Қасым-Жомарт Тоқаев Мұсылман ақсақалдар кеңесінің және шейх Заид атындағы «Адамзат бауырластығы» сыйлығының Бас хатшысы Мұхаммед Әбделсаламмен кездесті

Кездесу барысында Мемлекет басшысы халықаралық аренада беделді әрі іргелі институттардың бірі саналатын Мұсылман ақсақалдар кеңесінің елімізде жүзеге асырып жатқан маңызды жобалары мен бастамаларына қолдау білдірді.

Президенттің айтуынша, толеранттылық және бейбіт өмір сүру қағидаттарын, сондай-ақ гуманизм құндылықтарын орнықтыруда ислам дінінің маңызы айрықша, мұндай ұстаным Қазақстанның саясатымен толық үндеседі.

Мұхаммед Әбделсалам қонақжайлық танытқаны үшін Қасым-Жомарт Тоқаевқа ризашылығын білдірді. Сондай-ақ Астанада ұйымдастырылатын Әлемдік және дәстүрлі діндер көшбасшылары съезінің жұмысына белсенді атсалыса беретінін айтты.

Қазақстан Президентінің Жарлығымен Мұхаммед Әбделсалам конфессияаралық диалогты және гуманитарлық құндылықтарды дамытуға қосқан елеулі үлесі үшін І дәрежелі «Достық» орденімен марапатталды.

✍️ Мемлекет басшысы «Қазақстан Республикасының кейбір заңнамалық актілеріне күзет қызметі, тұрғын үй қатынастары және құқық қорғау қызметі мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды

Заңның мәтіні баспасөзде жарияланады.

✔️Биыл пітір садақа мөлшері 735 теңге болып белгіленді

🌙Биыл Рамазан айы 19 ақпанда басталады. Наурыз айының 16-нан 17-не қараған түн – қасиетті Қадір түні.

20 наурыз – Ораза айт мерекесі.

❓Тұрғын үйге мұқтаждар тізіміне тұру тәртібі қандай?

Тұрғын үйге мұқтаждар тізімін «Отбасы банк» реттейді. Ол үшін orken.otbasybank.kz порталына кіріп, «өтінім беру» батырмасын басу қажет. ЭЦҚ кілті арқылы тіркеліп, жеке кабинетке кіреді. «Өз атынан өтініш беру» немесе «заңды өкіл ретінде өтініш беру» тетігінің бірін таңдайды.

📌Айта кетейік, тізімге «Алтын», «Күміс» алқалы, яғни «Батыр ана» атағын алған көпбалалы аналар, 4 және одан да көп кәмелетке толмаған балалары бар отбасылар, жетім балалар мен ата-ана қамқорлығынсыз қалғандар, үйі апаттық жағдайда деп танылғандар ғана ене алады.

📲«Ақша әліппесі» бағдарламасының толық нұсқасы Qazaqstan TV Youtube парақшасында.

🇰🇿120 келі тартатын дөңгелікті көтерген қыздар жасағы көпшілікті таңғалдырды

Қазақстан құрамасы Дубайда өткен UAE SWAT Challenge-2026 халықаралық жарысында жеңімпаз атанды. Сондай-ақ «Kazakhstan А» командасы турнирде 2-орынға ие болып, қуанышты еселей түсті.

⚡️Командалардың бірі «Tomiris» қыздар құрамасы әлем жанкүйерлерінің ерекше назарына ие болды. Олар турнирдің барлық кезеңінде әйелдер командалары арасында озық шықты әрі жалпы есепте ондаған ерлер құрамасынан басым түсті.

Қыздар жасағының 120 келі тартатын дөңгелікті 30 метр жерге көтеріп апарған видеосы желіде тарап, көпшілікті таңғалдырды.

🇰🇿UAE SWAT Challenge-2026: Жеңімпаздар елге оралды

Дубайда өткен жыл сайынғы UAE SWAT Challenge халықаралық додасының жеңімпаздары мен жүлдегерлері елге оралды. Оларды әуежайдан елордалықтар сән-салтанатпен қарсы алды. Биылғы жарыста ел намысын күштік құрылымдардың ең таңдаулы жауынгерлерінен құралған 5 құрама команда қорғады.

Қазақстандық мергендер мен десанттар әлемдік деңгейде айрықша нәтиже көрсетті:

Kaz SWAT Team С - 1-орын
Kaz SWAT Team А - 2-орын
Kaz SWAT Team В - 8-орын
Kaz SWAT Team D - 20-орын

Tomiris - жалпы есепте 18-орын алып, ал әйелдер командалары арасында 1-орынды иеленді.

📌Әуежайға «Qazaqstan» телеарнасының түсірілім тобы да барып, жеңімпаздармен сұхбаттасып қайтты. Толығырақ таңғы «Ақпараттан» көріңіз. Сағат 10:00-де Ұлттық арнада.

Министрлік қазақстандықтарды мереке алдында алаяқтардан сақ болуға шақырды

14 ақпан қарсаңында жеңілдіктер мен жаппай сатылымдар туралы ақпарат көбейеді. Осы кезеңді интернет-алаяқтар да пайдаланып, жалған сайттар ашып, әлеуметтік желілер арқылы азаматтарды алдау әрекеттерін күшейтеді.

Осыған байланысты ІІМ келесі ережелерді қатаң ұстануға кеңес береді:

➖тауарды тек сенімді сайттар мен ресми маркетплейстер арқылы сатып алыңыз;

➖ күмәнді сілтемелерден өтпеңіз;

➖шектен тыс төмен баға ұсынылса, сақ болыңыз;

➖ақшаны жеке шоттарға немесе күмәнді төлем жүйелеріне аудармаңыз;

➖бөгде адамдарға пароль, SMS-код, CVV-кодты және банк картасының мәліметін бермеңіз.