🇰🇿Қазақстан Орталық Азияда инвестиция тарту бойынша көш бастады

«Ашық алаң» бағдарламасында «KAZAKH INVEST» ҰК» АҚ басқарма төрағасы Сұлтанғали Кенжеқұлов осылай деді.

«7 жылда 155 млрд доллар инвестиция тарту үлкен көрсеткіш. Қазақстан Орталық Азия елдері арасында бірінші орында тұр. Осы Орталық Азия елдеріне шетелден салынатын инвестицияның 70 пайызы Қазақстанға келеді», - деді ол.

«Ашық алаң» бағдарламасының толық нұсқасын Qazaqstan TV YouTube парақшасынан көріңіз.

Ресейлік әнші NAVAI Қазақстан шекарасында есірткімен ұсталды

🚔 13 қазанда «Қордай» өткізу пунктінде NAVAI лақап атымен танымал шетелдік орындаушы ұсталды. Бұл туралы Жамбыл облысының Полиция департаментi мәлімдеді.

Тексеру барысында оның көлігінен есірткі заты табылып, тәркіленген. Аталған дерек бойынша есірткі контрабандасына оқталу күдігімен қылмыстық іс қозғалды.

⚖️ Күдікті уақытша ұстау изоляторына қамалып, сотқа дейінгі тергеу жүргізіліп жатыр.

✨ Сәрсенбіні жағымды жаңалықтармен қорытындылайық

🏹 Король Филипп қазақ қызынан садақ атуды үйренді

Король Филипп Алматыда дәстүрлі садақ ату өнерімен танысты. Әлеуметтік желіде Бельгиялықтар Королінің қазақ қызынан садақ атуды үйреніп жатқан сәті түсірілген видео тарады. Бейнежазба желі қолданушыларының назарын аударып, көпшіліктің қызығушылығын тудырды.

🗽Нью-Йорк төрінде қазақтың күйі күмбірледі

HASSAK этно-фольклорлық ансамблі Нью-Йорктегі Таймс-сквер алаңында «Аманат» туындысын орындады.

💪 Қайсар мінезді жас спортшы көпшілікті тәнті етті

Нұрсұлтан Темірболатұлының зілтемір көтерген сәті әлеуметтік желіде тарады. Жас спортшының табандылығы көпшіліктің назарын аударды. Желі қолданушылары оған қолдау білдіріп, жылы пікірлерін жазып жатыр.

🐎 Қазақстан жылқы саны бойынша әлемдегі үздік 5 елдің қатарына енді

2019 жылдан бері еліміздегі жылқы саны 58,6 пайыз өсіп, 4,6 миллионға жеткен. Биыл ірі қара мал саны 10,8 пайыз, қой мен ешкі 7,8 пайыз артқан.

🌾 Гүлнар Қуанышбаева БҰҰ ФАО-ның 100 қаһарман әйелі қатарына енді

Қазақстандық Гүлнар Қуанышбаева БҰҰ-ның Азық-түлік және ауыл шаруашылығы ұйымы (ФАО) тағайындайтын халықаралық сыйлықтың иегері атанды. Әлемнің 131 елінен 600-ден астам үміткер ұсынылып, үздік жүздікке кірген.

🌪 Бірнеше өңірде жел тұрып, көктайғақ болады

Еліміздің бірқатар өңірінде ауа райына байланысты дауылды ескерту жарияланды.

💨 Абай, Ұлытау, Жетісу, Шығыс Қазақстан, Қарағанды, Алматы, Қызылорда, Түркістан, Жамбыл, Атырау, Маңғыстау, Ақтөбе және Батыс Қазақстан облыстарында қатты жел күтіледі.

🌫 Шығыс Қазақстан, Жамбыл, Ақтөбе, Ақмола, Павлодар, Солтүстік Қазақстан және Қостанай облыстарында тұман түседі деп болжанып отыр.

🧊 Шығыс Қазақстан мен Қарағанды облыстарында көктайғақ болуы мүмкін.

🌡 Алматы облысында түнде күн суытады.

⚠️ Төтенше жағдайлар министрлігі тұрғындарды сақтық шараларын ұстануға, жолда абай болуға және сапарға шығарда ауа райын ескеруге шақырады.

@qazaqstantv

📱 Атыңызға қанша SIM-карта тіркелгенін білесіз бе?

Бүгінде телефон нөмірлері арқылы түрлі қаржылық операциялар жасалып, алаяқтық әрекеттерге жол берілуде.

Өзіңізді қаскөйлерден қалай қорғауға болады? Қандай қауіпсіздік шараларын ескерген жөн?

📺 Осы және өзге де маңызды сұрақтардың жауабын бүгін сағат 20:25-те «Ақша әліппесі» бағдарламасынан көре аласыз!

🔴Алматыда тапанша алып жүрген әйел ұсталды

Алматы қаласы Полиция департаментінің хабарлауынша, Жетісу ауданы Райымбек даңғылының бойында жанына тапанша алып жүрген әйел ұсталған. Тексеру кезінде одан тапанша мен бес оқ табылып, тәркіленген.

Ұсталған әйелдің айтуынша, ол қаруды Есентай өзеніне түсетін жердегі бетон қоршаудың үстінен тауып алған.

Қазір қарудың қайдан келгені және әйелдің қолына қалай түскені туралы барлық мән-жай анықталып жатыр. Полицейлер әйелдің әрекетіне заң аясында баға берілетінін хабарлады.

🏊 Жүзуден Әлем кубогының кезеңі басталды

Астанада жүзу спортынан Әлем кубогы басталды. Еліміз аталған байрақты бәсекені алғаш қабылдауы. Жарыс қазанның 15-17 аралығында «Барыс арена» спорт кешенінде өтеді.

🌧️ Бразилияда нөсер жауын жауып, туннельде кептеліс болды
 
Нөсер жауын Бразилияның Сан-Паулу қаласында да құйып, туннель іші әп-сәтте суға толды. Санаулы минутта 40 милиметр жауын жауған.

Туннельде көлік кептелісі болып, адамдар арасында үрей туындады.

Қытайда мұздықтар жылдам еріп жатыр
 
Оның көлемі кейінгі жарты ғасырда 24 пайызға дейін азайып кеткен. Бұл құбылыс экологиялық тепе-теңдіктің бұзылуына соқтырды. Тянь-Шань жотасындағы жағдай да мәз емес. Тау басында ауа температурасы бірнеше есе жоғарылап мұздықтардың қоры сарқыла бастаған. Мұның салдары Қазақстанға да тиіп отыр.

📌Жалған құжатпен шекараны кесіп өтпек болған 19 шетел азаматы анықталды

Ұлттық қауіпсіздік комитеті баспасөз қызметінің хабарлауынша, 2026 жылдың қыркүйек және қазан айларында Астана және Алматы қалаларының әуежайларында Қазақстан шекарасын жалған құжаттармен кесіп өтуге әрекет жасаған 19 шетел азаматы анықталған.

Құқық бұзушылардың басым бөлігі жалған визаларды және үшінші тұлғалардың анықтау деректері көрсетілген құжат бланкілерін пайдаланған.

🔹Аталған фактілер бойынша құқық қорғау органдары сотқа дейінгі тергеп-тексеру жүргізуде. Жалпы, 2026 жылдың басынан бері шекаралық бақылауды жүзеге асыру барысында осындай 358 фактінің жолы кесілген.

💰Субсидия қаржысына үй сатып алған: БҚО-да 251 млн теңге субсидияны жымқыру дерегі тергеліп жатыр
 
Қаржылық мониторинг агенттігінің Батыс Қазақстан облысы бойынша департаменті агроөнеркәсіп кешенін дамытуға бөлінген 251 млн теңге бюджет қаражатының жымқырылуын анықтады.
 
Тергеу мәліметінше, күдікті жалған құжаттар арқылы суару жүйелерін салуға жұмсалған шығындарды өтеу үшін екі ЖШС арқылы инвестициялық субсидия алған.
 
Қаражат серіктестіктердің есепшоттарына аударылғаннан кейін қолма-қол ақшаға айналдырылып, бір бөлігіне тұрғын үй сатып алынған. Сот шешімімен аталған мүлікке тыйым салынды.
 
Тергеу жалғасып жатыр.

⛴️ Ормұз бұғазында екі кемеге снаряд тиіп, суға батты
 
Контейнер тасығыш бірінші кеме бұғазға кіре бергенде шабуылға ұшыраған. Ал екінші жүк кемесіне снаряд тигенде бір адам қаза тапты. Қалған экипаж мүшелері қауіпсіз жерге көшірілген. Әзірге бұл кемелерді кімдер атқылағаны белгісіз.

Мемлекет басшысы Израиль Президенті Ицхак Герцогпен кездесу өткізді

Бакуде өтіп жатқан Азиядағы өзара іс-қимыл және сенім шаралары кеңесінің 7-саммиті аясында Президент Қасым-Жомарт Тоқаев Израиль Президенті Ицхак Герцогпен кездесті.

Мемлекеттер басшылары Қазақстан-Израиль қарым-қатынасы қарқынды сипат алғанына тоқталды. Сондай-ақ сауда-экономикалық және инвестициялық ықпалдастыққа ден қоя отырып, маңызды бағыттар бойынша ынтымақтастықты дамыту перспективасын талқылады.

Израиль Президенті де Қазақстанға сапарын ризашылықпен еске алды. Оның пікірінше, еліміздің көптеген салада алға басуы екіжақты ықпалдастықты ілгерілетуге жол ашады.

Тараптар халықаралық күн тәртібіндегі өзекті мәселелер, соның ішінде Таяу Шығыстағы ахуал жөнінде пікір алмасты.

Мемлекет басшысы шиеленісті бәсеңдетіп, қақтығыстарды дипломатия құралдары арқылы реттеу қажеттігін жеткізді және Қазақстанның осы қағидатты берік ұстанатынын айтты.