Harakat xavfsizligi kuni doirasida To’raqo‘rg‘on va Namangan–Rauston stansiyalarida keng qamrovli nazorat ishlari amalga oshirildi

“Qo‘qon MTU” filiali boshlig‘i o‘rinbosari Q.B. Ahmadjonov Harakat xavfsizligi kuni munosabati bilan To’raqo‘rg‘on va Namangan–Rauston stansiyalarida bo‘lib, harakatlanish xavfsizligi bilan bog‘liq jarayonlarni batafsil o‘rgandi.
Tekshiruv davomida:
temir yo‘l yo‘laklarining texnik holati, rels va shpalarning mustahkamligi;
stansiya hududidagi infratuzilma elementlarining ishlash darajasi;
signalizatsiya vositalari va aloqa tizimlarining holati;
navbatchilarning kundalik ish yuritishi, navbatchilik tartibi va xavfsizlik qoidalariga rioya etish jarayoni keng qamrovda ko‘zdan kechirildi.
Navbatchilar bilan suhbat o‘tkazilib, har bir jarayon bo‘yicha izohlar berildi, aniqlangan masalalarni bartaraf etish yuzasidan amaliy topshiriqlar belgilandi. Harakat xavfsizligini yanada mustahkamlash bo‘yicha qo‘shimcha tavsiyalar ham berildi.

Qo‘qon MTU filiali tasarrufidagi Yangi Andijon–Jalaquduq stansiyalari oralig‘i 347 km pk 7 va Andijon-1–Post 331 km pk 2 larda joylashgan temir-beton ko‘priklarda tubdan ta’mirlash ishlarini amalga oshirish uchun tuzilgan rejaga asosan joylarda ishlarni tashkillashtirish, xavfsiz ish sharoitlarini yaratish maqsadida Qo‘qon MTU filiali bosh muhandisi v.b. B.D. Tirkashev boshchiligida NOKS muhandis texnologi U. Ro‘ziboev, Andijon stansiyasi boshlig‘i D. Yunosov va PCh-7 korxonasi boshlig‘i B. Nasirovlar ishtirokida ish joylari ko‘zdan kechirilib, bir qator kamchiliklar yuzasidan joyida muhokama qilindi.

Bundan tashqari, Savaiy stansiyasining juft bo‘g‘izi 366 km pk 8 da joylashgan qo‘riqlanadigan temir yo‘l kesishmasida yangi qurilayotgan navbatchi xonasida olib borilayotgan qurilish ishlari ko‘zdan kechirildi.

Joriy yilning 5 dekabr kuni Qo‘qon mintaqaviy temir yo‘l uzeli filiali, tarkibidagi korxonalar rahbarlari va stansiya boshliqlari ishtirokida “9-dekabr – Xalqaro korrupsiyaga qarshi kurashish kuni” munosabati bilan uchrashuv o‘tkazildi. Tadbir “O‘zbekiston temir yo‘llari” AJ boshqaruv raisining 2025-yil 26-noyabrdagi 544-A-sonli telegrammasiga asosida tashkil etildi.

Uchrashuvda filial boshlig‘i B.P. Milladjanov, Farg‘ona viloyati IIB TXTB tergovchisi kapitan A.Qo‘qonboyev, IIB XPG inspektorlari mayor Z.Mirzayunusov va kapitan I.Dexqonovlar ishtirok etib, korrupsiyaning oldini olish, manfaatlar to‘qnashuviga yo‘l qo‘ymaslik bo‘yicha muhokamalar olib borildi.

Tadbirda oxirgi paytda kuzatilgan korrupsion holatlar, ularning sabablari va bunday vaziyatlarning oldini olish bo‘yicha zarur choralar ko‘rib chiqildi. Shuningdek, B.P. Milladjanov 2025-yil davomida korrupsiyaga qarshi kurashish yo‘nalishida amalga oshirilgan ishlar va kelgusida e’tibor berilishi lozim bo‘lgan masalalarni ta’kidladi.