د رياست الوزراء اداري مرستيال مولوي عبدالسلام حنفي، په بشري، کلتوري او ټولنیزو چارو کې د اسلامي همکاریو سازمان مرستیال او د افغانستان لپاره د ياد سازمان ځانګړي استازي طارق علي بخیت او مل پلاوي سره وکتل.

د اسلامي همکاريو سازمان مرستيال ویلي، چې له افغانستان سره به په بشري، زده کړو او روغتيا برخو کې به د ياد سازمان مرستې دوام ولري.

نوموړي له ګاونډيو هيوادونو سره د افغانستان مثبتې او ښې اړيکې وستايلې او زياته يې کړه، له ځينو هيوادونو سره رامنځته شوې ستونزې بايد د خبرو او مفاهمې له لارې حل شي.

بل خوا د رياست الوزراء اداري مرستيال ویلي، د اسلامي همکاریو سازمان کولای شي د سيمې او نړۍ هيوادونو سره د افغانستان اړيکو پياوړتيا کې خپل مثبت رول ولوبوي.

شل کلن مزل؛
د غزني د اطلاعاتو او کلتور رییس ملا حمیدالله نثار وايي، د جهاد په وخت کې مې د رسنیزو فعالیتونو په بدل کې هېڅ ډول امتیاز نه ترلاسه کاوه.
بشپړه خپرونه: https://youtu.be/ouObsn_Jbtk

شل کلن مزل؛
د غزني د اطلاعاتو او کلتور رییس ملا حمیدالله نثار وايي، موږ د جهاد په وخت یوازې حقیقت ته انعکاس ورکاوه.
بشپړه خپرونه: https://youtu.be/ouObsn_Jbtk

د کابل او یو شمېر ولایتونو د هوا حالات

د نن دوشنبې ورځې نېټه!

د الجزیرې خبري شبکې د راپور پر بنسټ، له جیبوټي څخه یمن ته د څه باندې ۳۰۰ کډوالو لېږدوونکې کښتۍ د ډوبېدو له امله د ۱۵ ماشومانو په ګډون ۱۳۹ کسان مړه شوي او تر ۸۴ ډېر لادرکه دي.

د ملګرو ملتونو د کډوالۍ سازمان ویلي، چې پاتې ۸۲ کسان ژغورل شوي چې ټول د ایتوپیا اوسېدونکي دي.

د ایران او سعودي عربستان د بهرنیو چارو وزیرانو ټلیفوني خبرې کړي

د ایران د بهرنیو چارو وزیر سید عباس عراقچي، د سعودي عربستان د بهرنیو چارو له وزیر فیصل بن فرحان سره په ټلیفوني اړیکه کې د سیمه‌ییزو کړکیچونو پر سیاسي حل ټینګار کړی او ویلي یې دي، تهران چمتو دی، چې د سعودي عربستان او یمن ترمنځ مذاکراتو کې منځګړیتوب وکړي.

تسنیم خبري اژانس ویلي، چې دغه اړیکه تېره شپه (یکشنبه) سیمه‌ کې د روان کړکېچ د مخنیوي په موخه شوې ده.

زموږ "پښتو" ټولنیزې رسنۍ د لاندې لینکونو له لارې وڅارئ.⬇️
اېکس پاڼې:
https://x.com/rtapashto
https://x.com/pashtortanews
یوټیوب:
https://youtube.com/@rtapashto
فېسبوک:
https://facebook.com/rtapashto1
ټلېګرام:
https://t.me/rtapashto1
انستګرام:
https://instagram.com/rtapashto1
تریډز:
https://threads.net/@rtapashto1
ریب:
https://www.reab.com/bio/rtapashto1
واټساپ‌ چینل:
https://whatsapp.com/channel/0029Va8LsO6DjiOfa87CtC11
واټساپ ګروپ:
https://chat.whatsapp.com/JLCnlh8vLNTISgihBVVoC9

د افغانستان د سوداګرۍ او پانګونې خونې عمومي رییس سید کریم هاشمي د افغان–امریکا د سوداګرۍ ګډې خونې له رییس جیفري ګریکو سره د اقتصادي همکاریو د پراختیا، سوداګریزو اړیکو پیاوړتیا او د پانګونې فرصتونو په اړه خبرې کړې دي.

ښاغلي هاشمي د افغانستان اقتصادي ظرفیتونو ته په اشاره له امریکایي سوداګرو او پانګوالو غوښتي چې د نفتو د چاڼ، د کان کيندنې او پروسس او په نورو د بنسټیزو او صنعتي پروژو پانګونه وکړي.

همدا راز د افغان–امريکا د سوداګرۍ خونې رییس د سوداګریزو همکاریو پیاوړتیا په موخه د اقتصادي موضوعاتو په اړه د تخصصي بحثونو او پنلونو جوړول، په سیمه‌ییزو او نړیوالو کنفرانسونو کې د سوداګرو ګډون او د نړۍ له اقتصادي بنسټونو سره د اړیکو د پراختیا وړاندیز کړی دی.

ویډیو: د پاکستان حکومت وروستي اقدام ته په پېښور کې د زده‌کړیالانو غبرګون!

د پاکستان تحریک انصاف ګوند اعلان کړی چې د دې هېواد پولیسو د خیبر پښتونخوا د یو شمېر چارواکو پر کورونو شپنۍ چاپې اچولې دي.

دغه چاپې په خیبر پښتونخوا کې د پاکستان حکومت لخوا د بېړني حالت له اعلان وروسته اچول شوې دي.

دا په داسې حال کې ده، چې د پاکستان د لومړي وزیر عمران خان د خوشې کېدو په موخه د لاریون کاروان ورځ تر بلې پراخېږي.

عامې روغتیا وزارت په هرات کې د رواني او لومړنیو روغتیايي خدمتونو د وړاندې کولو په موخه له یوې موسسې سره ۱۵۳ زره ډالرو په ارزښت هوکړه‌لیک لاسليک کړ.

عامې روغتیا وزارت وایي، چې د دغې هوکړې له مخې به د یو روغتيايي مرکز له لارې څه باندې ۲۴ زره کسان به له روغتیايي خدمتونو برخمن او ۱۹ کسانو ته به د کار زمینه برابره شي.

د سترې محکمې د رویت هلال کمېټې له هېوادوالو غوښتي، چې نن (دوشنبه، د تلې ۲۰مه) په خپلو سیمو کې د جمادی‌الأولی میاشتې د لیدلو هڅه وکړي او د میاشتې د لیدو په صورت کې دې د خپلې سیمې محکمې او رویت هلال کمېټې ته شاهدي وړاندې کړي.

نور ولولئ⬇️
https://rta.af/news/kmyth-royt-hlal-az-mrdm-khoast-bray-mshahdh-hlal-mah-gmadyalaoly-tlash-knnd

د اسلامي امارت ویاند مولوي ذبیح‌الله مجاهد وايي، چې د پاکستاني چارواکو لخوا پر افغانستان د خپلو ناکامیو پړه اچول د هېڅ ستونزې حل نه دی، په پاکستان کې سیاسي، امنیتي، ټولنیز او اقتصادي ستونزې د اندیښني وړدي چې پر ټوله سیمه منفي اثر کړی دی.

نوموړي زیاته کړې، د پاکستاني چارواکو له خوا بې ځای تورونه لګول، د مذاکراتو بهیرونه سبوتاژ کول او د حل پر ځای د لوړ رتبه چارواکو ټول تمرکز په پروپاګند کول ناکام سیاست دی.

ښاغلي مجاهد ویلي، چې پاکستان باید په کور دننه د خپلو مشکلاتو د حل لپاره رغنده ګامونه واخلي، د خپلو سیاسیونو او ولسونو مشورو او حقونو ته درناوی وکړي.

د کډوالو او بېرته راستنېدونکو چارو وزیر مولوي عبدالکبیر د افغانستان لپاره د اروپایي ټولنې له استازي نیکولا بیلومو سره په کتنه کې راستنو شویو ته د مرستو رسولو، بیا مېشتېدنې او دایمي حل‌لارو په اړه خبرې کړي.

په دې کتنه کې د یادې ټولنې استازي د اسلامي امارت لخوا د میلیونونو راستنو شویو افغانانو د لړۍ د ښه مدیریت ستایلی او زیاته کړې یې ده، چې اروپایي ټولنه راستنو شویو ته د اغېزمن کار او د ستونزو حل په برخه کې همکارۍ او مرستو ته چمتو ده.

دغه راز مولوي عبدالکبیر ویلي، چې اسلامي امارت د راستنو شویو د ستونزو پر دایمي حل تمرکز لري او د کډوالو ښارګوټو د رغولو په برخه کې د اروپايي ټولنې د مرستې غوښتنه کوي.

د ټولګټو وزارت ویاند محمد اشرف حق‌شناس وايي، د بادغیس – هرات لویې لارې اړوند له قلعه نو څخه د بادغیس ولایت تر لامان بازار پورې د سړک د فرش د ترمیم او استنادي دېوالونو جوړولو چارې د څه باندې ۳۱.۷ میلیونه افغانیو په ارزښت پیل شوې.
نور ولولئ👇
https://rta.af/news/aghaz-kar-trmym-frsh-srk-shahrah-badghys-hrat-ba-hzynh-nzdyk-bh-mylyon-afghany

د کورنیو چارو وزیر خلیفه سراج‌الدین حقاني، د اسلامي همکاریو سازمان د سرمنشي له ځانګړي استازي، ډاکټر طارق علي بخیت او مل پلاوي سره وکتل.

د کورنیو چارو وزارت وايي، په دې لیدنه کې د افغانستان او اسلامي همکاریو سازمان ترمنځ د اړیکو د پیاوړتیا، بشري او ټولنیزو موضوعاتو او په دې برخو کې د همکارۍ د پراختیا پر لارو چارو خبرې شوې دي.

لنډ خبرونه| ۱۴۰۵/۰۷/۲۰
د اسلامي امارت ویاند مولوي ذبیح الله مجاهد وايي، په پاکستان کې سیاسي، امنیتي، ټولنیزې او اقتصادي ستونزې د اندېښنې وړ دي او پر ټوله سیمه منفي اغېزې لري.

په کویټ کې د افغانستان سفارت سرپرست مولوي محمد شفیق خطیب، په دغه هېواد کې د سعودي عربستان له سفیر سلطان بن سعد بن خالد ال سعود سره وکتل.

په کویټ کې د افغانستان سفارت وايي، په دې کتنه کې د دواړو هېوادونو ترمنځ پر دوه اړخیزو اړیکو، اقتصادي همکاریو او په کویټ کې مېشتو افغانانو ته د عمرې لپاره د ویزو د صادرولو په اړه خبرې وشوې.

تېره ورځ (یکشنبه، تلې ۱۹ مه) ۱۳۶ افغان کډوال له پاکستان او۴۹۰ افغان کډوال له ایران څخه هېواد ته راستانه شوي دي.