د کاري چارو اسانتیا او چټکتیا په موخه محتسبینو ته سل عرادې موټر سایکلونه وېشل شوي

د امر بالمعروف، نهی عن المنکر او شکایتونو اورېدلو وزارت وایي، محتسبینو ته یې د کاري چارو د چټکتیا، د خلکو شکایتونو ته پر وخت رسېدنې او د منکراتو د مخنیوي په موخه ۱۰۰ عرادې موټر سایکلونه وېشلي.
د یاد وزارت ویاند مولوي سیف الاسلام خیبر ویلي، له دې ډلې ۴۲ عرادې د کابل ولایت د ښاري ریاست اړوند ۲۲ حوزو ته او پاتې نور یې د کابل ولایت ولسوالیو او یو شمېر نورو ولایتونو ته لېږدول شوي.

په وینا یې، یاد نقلیه وسایط به په کاري بهیر کې اسانتیا رامنځته کړي.

د ټولګټو وزیر ملا محمد عیسی ثاني تېره پنجشنبه د تلې ۲۳مه نېټه، سالنګونو ته د سفر په ترڅ کې د شمالي سالنګ او جنوبي سالنګ د اساسي بیارغونې له چارو له نږدې لیدنه او ارزونه کړې.

ټولګټو وزارت وایي، دغه راز ښاغلي ثاني د دې سفر پر مهال د یادې لوې لارې اړوند د ۹ پایو پلونو د اساسي بیارغونې له چارو چې د دوشي پُل په ګډون ۷ یې د جنوبي سالنګ اړوند او پاتې دوه یې د شمالي سالنګ اړوند سیمو کې موقعیت لري هم لیدنه وکړه.

د ټولګټو وزیر قراردادي شرکتونو مسوولینو ته سپارښتنه کړي، د پلان شویو برخو چارې دې د ژمې له را رسیدو مخکې بشپړې کړي.

د پکتیا په ډنډ پټان ولسوالۍ کې د عامې روغتیا د وزیر مولوي نور جلال جلالي په حضور کې د يوه ۳۰ بستریز روغتون د جوړېدو چارې پيل شوې.

عامې روغتیا وزارت وایي، په دې اړه جوړو شویو مراسمو کې ښاغلي جلالي وویل، هڅه دا ده، چې په ټول هېواد کې د ځان بسیاینې پر لور معیاري روغتیايي خدمتونه پراخ شي .

تېره ورځ (جمعه ، تلې ۲۴ مه) ۱۷۵ افغان کډوال له پاکستان او ۷۸۰ افغان کډوال له ایران څخه هېواد ته راستانه شوي دي.

نن شنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

عدلیې وزارت وايي، د مرکزي زون د امارتي غصب شویو ځمکو قضیو ته د رسیدنې ځانګړې محکمې، د کابل په پغمان ولسوالۍ کې نږدې ۱۲۲ جریبه ځمکه امارتي ثابته کړې ده.

د یاد وزارت په وینا، دغه ځمکه د کابل د پغمان ولسوالۍ د کوزې ارغندۍ په سیمه کې موقعیت لري، چې د مرکزي زون د امارتي غصب شویو ځمکو قضیو ته د رسیدنې ځانګړې محکمې له لوري امارتي ثابته شوې ده.

لنډ خبرونه| ۱۴۰۵/۰۷/۲۵
عالیقدر امیرالمؤمنین حفظه‌الله تعالی، د کندهار په جهادي مدرسه کې په خپله وینا کې ویلي، چې تعلیم، تربیه او د علم زده‌کړه فرض دي.

په کویټ کې د افغانستان سفارت سرپرست مولوي محمد شفیق خطیب، په دغه هېواد کې له مېشت افغان علماوو، قومي مشرانو او مخورو سره کتلي دي.

په کویټ کې د افغانستان سفارت وايي، په دې کتنه کې د افغانستان پر اقتصادي وضعیت، رامنځته شويو پرمختګونو، د افغانانو ترمنځ پر یووالي، ګډې همکارۍ او د قونسلي ستونزو پر حل خبرې وشوې.

ښاغلي خطیب همداراز د سفارت له لوري د غوره قونسلي خدمتونو وړاندې کولو ډاډ ورکړی دی.

د کونړـ نورستان سړک د قیراچونې چارې په چټکۍ روانې دي.

د اوسپنیزې لارې ادارې عمومي رییس مولوي عبدالکریم فاتح، د یوه تخنیکي پلاوي په مشرۍ، د قزاقستان په استانه ښار کې، د اقتصادي همکاریو سازمان (ایکو) په څوارلسمه سیمه‌ییزه غونډه کې ګډون وکړ.

په دې غونډه کې د اوسپنیزې لارې په نویو پروژو، د انتقالاتو په زیاتوالي، د غړو هېوادونو ترمنځ د اوسپنیزې لارې څخه د انتقالاتو بهیر په ډیجیټلي کولو، د سوداګرۍ او ترانزیټ په اسانتیاوو، د افغان ـ ټرانس اوسپنیزې لارې پروژې او د بلخ ــ هرات ــ کندهار اوسپنیزې لارې پروژې په اړه خبرې شوې دي.

ښاغلي فاتح همداراز د دې غونډې په څنډه کې د قزاقستان، ازبکستان، پاکستان او ایران له استازو سره هم کتلي، او د افغان ټرانس اوسپنیزې لارې او د بلخ ــ هرات ــ کندهار اوسپنې پټلۍ پروژو د تطبیق او د بلخ ــ هرات ــ کندهار پروژې ته یې د پانګه‌والو په جلب خبرې کړې دي.

د افغاني سرې میاشتې عمومي رییس شیخ شهاب‌ الدین دلاور، د اتریش او ډنمارک د سرو صلیبونو له استازو سره په کتنه کې، د بشري مرستو، د اړمنو کورنیو د ملاتړ او د راستنېدونکو افغان کډوالو د ځان‌ بسیاینې په اړه خبرې وکړې.

د اتریش او ډنمارک د سرو صلیبونو له استازو د اوږدمهاله همکاریو ډاډ ورکړی او ویې ویل چې د اتریش او ډنمارک سره صلیبونه پلان لري په ګډه د راستنېدونکو افغان کډوالو د ځان‌ بسیاینې لپاره په نږدې راتلونکي کې نوې پروژه پیل کړي.

د ډنمارک د سره صلیب د اسیا او اروپا برخو مرستیال ویلي، چې د ډنمارک سره صلیب د خپلو بشري فعالیتونو لپاره پنځه کلنه ستراتیژي جوړه کړې چې افغانستان پکې مهم ځای لري.

د کورنیو چارو وزارت ویاند مفتي عبدالمتین قانع وايي، د شرطې ځانګړو ځواکونو لویې قوماندانۍ د ۳۳۳ ملي عملیاتي قطعې منسوبینو په ځانګړو عملیاتو کې، د لوګر ولایت په اړوند سیمه کې د انسان‌تښتوونکو درې کسیزه ډله نیولې ده.

د قانع په خبره د یادو انسان تښتوونکو له منګولو یې یو ماشوم چې د لوګر ولایت د محمداغې ولسوالۍ اوسېدونکی دی ژغورلی دی.

بدلون؛
سیاسي شنونکی سمیر انګار وايي، د سیمې هېوادونه غواړي چې په افغانستان کې شته ثبات وساتل شي.
بشپړه خپرونه: https://youtu.be/X4uggJWj9RI

بدلون؛
سیاسي شنونکی زلمی باور وايي، روسیه اوس په دې باور لري چې د افغانستان له امنیت سره د سیمې امنیت تړلی دی.
بشپړه خپرونه: https://youtu.be/X4uggJWj9RI

پکتیا کې د اورېدلو او لیدلو معلولیت لرونکو زده‌کوونکو سره د بېلابېلو وسایلو مرسته شوې. مسوولین وايي د یاد معلولیت لرونکو کسانو ملاتړ یې لومړیتوب دی.

بلخ کې د یو علمي مرکز له لوري، د عالیقدر امیرالمؤمنین حفظه الله تعالی د ۱۷ مه ګڼه فرمان د ښه تطبیق او عامه پوهاوي لپاره غونډه ترسره شوه.

د عامې روغتیا وزیر مولوي نور جلال جلالي، له روسیې څخه راغلي پلاوي او په افغانستان کې د یاد هېواد د سفارت له استازو سره کتلي دي.

په دې لیدنه کې د افغانستان او روسیې ترمنځ د روغتیا په برخه کې د دوه اړخیزو همکاریو پر پراختیا، په ځانګړي ډول د سرطان او زړه ناروغیو د تشخیص او درملنې په برخو کې د افغان روغتیايي کارکوونکو د ظرفیت لوړونې په اړه خبرې شوې دي.

ورته مهال روسي پلاوي د روغتیا په برخه کې د ګډو همکاریو د پراختیا په برخو کې، افغان لوري ته د همکارۍ ډاډ ورکړی.

۲۴ خپرونه؛
په کونړ کې د راډیو خبریال محمد ناصر ملنګ‌زی د یاد ولایت، د څوکۍ ولسوالۍ، د دېوه ګل درې د زلزله ځپلو کورنیو لپاره د نویو کورونو د جوړېدو په اړه معلومات ورکوي.

د کابل او یو شمېر ولایتونو د هوا حالات.

د نن یک شنبې ورځې تاریخ!