کاوش؛
د افغاني سرې میاشتې ټولنې ویاند عبدالقدیم ابرار وايي، تر دې مهاله د افغاني سرې میاشتې ټولنې د سوري زړه ناروغیو روغتون کې ۲۰۰ بریالي عملیاتونه ترسره شوي.
بشپړه خپرونه: https://youtu.be/FcE9_bP5lwI

د بغلان والي مولوي عبدالله مختار، د اسلامي نظام تر چتر لاندې د شريعت د نفاذ او همغږۍ غونډه کې ویلي، چې د اسلامي امارت په واکمنېدو سره په هېواد کې د بنسټیزو پروژو د پلي کېدو چارې پیل شوې او د هېواد د ځان‌بسیاینې لپاره زمینه برابره شوې ده.

ښاغلي مختار زیاته کړې، چې په اسلامي نظام کې د خلکو حقونو د تامین ترڅنګ د شتمنیو او ناموس ساتنه هم کېږي.

لنډ خبرونه | ۱۴۰۵/۰۷/۲۹
د پانګونې بین‌الوزارتي کمېټې په نوبتي غونډه کې په کابل ښار کې د ځمکتلي سوداګریز مارکیټ جوړولو پر طرحې بحث شوی دی.

د کابل ښار د شپږمې ناحیې اړوند له پل‌سرخ سیمې څخه تر علاءالدین څلورلارې پورې د نښلوونکي سړک د جوړولو بشپړ جزییات.
بشپړه خپرونه
https://youtu.be/iPQv3RLUN2I

د نورستان په مرکز او یو شمېر نورو سیمو کې د بېلابېلو روغتیايي پروژو چارې پیل شوې.

د ننګرهار د عامې روغتیا ریاست مسوولین وايي، چې په تېرو پنځو کلونو کې په دغه ولایت کې روغتیايي خدمتونه د پام وړ ښه شوي دي.

په مالیزیا کې د افغانستان سفارت سرپرست نقیب‌الله احمدي، د دغه هېواد لپاره د عراق له سفیر عدنان مهلهل ال معجون سره کتلي دي.

په مالیزیا کې د افغانستان سفارت وايي، په دې کتنه کې د افغانستان او عراق ترمنځ پر تاریخي اړيکو، دوه اړخیزو همکاريو او په افغانستان کې پر رامنځته شويو فرصتونو خبرې شوې دي.

همداراز دواړو لوریو د دوه اړخیزو اړیکو او همکاریو پر پياوړتيا ټینګار کړی دی.

د لوړو زده‌کړو وزیر شیخ نداء محمد ندیم، د لوګر پوهنتون محصلانو فراغت غونډې ته په خبرو کې ځوانانو ته سپارښتنه کړې، چې خپله عقیده پیاوړې وساتي، نېک اعمال ترسره کړي او له الله تعالی سره خپله اړیکه لا پیاوړې کړي.

په میدان وردګ ولایت کې د افغان ــ ترک ښوونځي د زده‌کوونکو په لاس جوړ شوي ساینسي او تخنیکي وسایل نندارې ته اېښودل شوي دي.

د کندوز ولایت په امام صاحب ولسوالۍ د شریعت د نفاذ او همغږۍ ولسي غونډه تسره شوه.

د غزني په قره‌باغ ولسوالۍ کې د دوو کلیو ترمنځ لس کلنه دښمني پای ته ورسېده.

د بلخ ولایت د امر بالمعروف، نهی عن المنکر او شکایتونو اورېدلو ریاست مسوولین وايي، چې په دغه ولایت کې دوو چینايي وګړو د اسلام مبارک دین منلی دی.

د نیمروز ځايي مسوولین وايي، د یاد ولایت د ورېښمو پله له لارې په صادراتو کې ۵۰ سلنه زیاتوالی راغلی دی.

د صنعت او سوداګرۍ وزارت پانګه‌والو او خصوصي سکټور ته په لسو سکټورونو کې د پانګونې زر فرصتونه معرفي کړي دي.

د صنعت او سوداګرۍ وزیر نورالدین عزیزي ویلي، افغانستان هر کال شاوخوا ۱۱ میلیارده ډالره واردات لري، چې ډېره برخه یې ماشین‌الات او خام مواد جوړوي؛ هغه څه چې په هېواد کې د پانګونې پراخ فرصتونه په ګوته کوي.

ښاغلي عزیزي زیاته کړې، چې دغه وزارت پلان لري څو د پانګونې نور زر فرصتونه هم تحلیل او وارزوي.

د یادونې وړ ده، چې د پانګونې نوي فرصتونه د افغانستان د پانګونې ریاست پر وېب‌پاڼه خپاره شوي دي.

د شمال زون د ساتنمنانو له مرکز څخه ۳۵۸ تنه شرطه منسوبینو د پوځي زده‌کړو له بشپړولو وروسته د فراغت سندونه ترلاسه کړل.

۳۴ خپرونه؛ د اقتصاد وزارت له مسلکي مرستیال عبدالطيف نظري سره ځانګړې مرکه⬇️
https://www.youtube.com/live/8_aXPu8YT5Q?si=ItLDTPHF9xHG8UMb

د کابل او یو شمېر ولایتونو د هوا حالات.

د روسیې ولسمشر ولادیمیر پوتین د امریکا د ولسمشر ډونالډ ټرمپ له ځانګړي استازي سټیو وېټکاف سره د سن‌پترزبورګ په ښار کې لیدلي دي.


کرملین ویلي، چې په دې لیدنه کې دواړو لوریو د اوکراین د کړکېچ د حل پر لارو چارو، د روسیې، امریکا او اوکراین ترمنځ د درې‌اړخیزو خبرو اترو د بیا پیل او د دوه‌اړخیزو اقتصادي همکاریو د پراختیا په اړه خبرې کړې دي.


د کرملین په وینا، ښاغلي پوتین د منځني ختیځ او ایران د کړکېچونو په حل کې د روسیې د مرستې چمتووالی هم څرګند کړی دی.


له بلې خوا، د امریکا د ولسمشر ځانګړي استازي دغه لیدنه د سولې په بهیر کې یو مثبت ګام بللی او د مذاکراتو د پرمختګ لپاره یې د تخنیکي خبرو اترو د پیل پر اهمیت ټینګار کړی دی.

کاوش؛
د سیاسي چارو کارپوه ګل اغا حسني صاحب‌زاده وايي، د افغانستان جغرافیايي موقیعت د لویو قدرتونو لپاره ارزښت لري.
بشپړه خپرونه👇
https://youtu.be/-2YcC2WAEK8?si=Zj4l8bszihwH5eXK

د عالیقدر امیرالمومنین حفظه‌الله د اهل السنه و الجماعه عقیدې کتاب د تشریح مراسم د راډیو عمومي ریاست په تالار کې ترسره شول.