«Мен Алла Елшісіне ﷺ он жыл қызмет еттім. Маған бірде-бір рет «Уф» деп айтпаған. Бір нәрсе жасасам: «Не үшін бұлай жасадың?» – деп айтпады. Егер бір нәрсені істемей қойсам: «Неге оны жасамадың?» – деп айтпады. Алла Елшісінің ﷺ мінезі ең көркем еді».

©️ Әнәс ибн Мәлик (Алла одан разы болсын)

Тамақтанып отырып тілін тістеп алу — адамның қанша жерден тәжірибелі, ұқыпты болса да, кейде қателесуі мүмкін екенін көрсетеді. Өйткені қателесу — тәжірибесіздіктің емес, адам болмысының бір бөлігі.

Өзін танымаған адам – басқалардың ол жайлы сөзіне сенгіш болады.

Алла 60-70 жыл ғұмыр берсе, сондағы көретінің алпыс-ақ күз🍁. Әсем мезгілдің әр сәтінің қадірін біл. Онсызда қысқа ғұмырды өткенді өкінумен, болашақты уайымдаумен зая етіп алу – үлкен өкініш…

Алланың өзгеге жазған тағдырын құрметте.
Көреалмаушылықты доғар.

Аман-саулық кезде адамдардың барлығы бірдей боп көрінеді. Ал сынақ келсе, шынайы бейнелері ашылып, бір-бірінен ажырай бастайды.

©️Хасан әл-Басри
(Сайд әл-Хатир📚)

Күнәлар – пенденің мойнына асылып тұрған ауыр бір шынжыр іспетті. Пендені құлазытады. Еңсесін түсіреді. Өміріне ауырлық әкеледі. Ал сол шынжырдан арылудың бірден-бір жолы – тәубе мен истиғфар.

©️ Имам ибн әл-Жәузи
(Әт-тәзкира фи әл-уағз📚)

Бөтендердің әп-сәтте жақынға айналуы неткен жақсы еді!

Жақындардың әп-сәтте бөтенге айналуы неткен жаман еді!

©️Нәжиб Махфуз

Адам ықыласымен, еңбегімен, ыждахатымен де жете алмаған мақсатына – тек дұғасы арқылы ғана жете алады.

©️Шейх Әл-Ғанзи

Иман – ризық. Көркем мінез – ризық. Салиқалы жар, салиқалы ұрпақ – ризық. Пайдалы ілім, рухани ұстаз, жанашыр дос – бұлардың барлығы да сізге нәсіп болған ұлы ризық.

Адамға көмектескің келсе, оның дәл қазіргі ішкі жағдайы мен сезімдерін түсінуге тырыс. Біз көбіне бізге қолкөмек беретіндерге емес, бізді шынайы түсінетін жандарға мұқтажырақпыз.

©️Шейх Юсуф Хаттар

Саған жала жапса, хауызға дейін сабыр ет.

Сені ғайбаттап жатса, хауызға дейін сабыр ет.

Сенің ақыңды жеп жатса, хауызға дейін сабыр ет.

©️Әдһәм Шәрқауи

Ұстаздардың ілім алып, сол ілімді саған һəм халыққа жаю үшін қылған құрбандықтарының ең азын айтайын ба?
Олар - ата-анасынан біршама жылға ажырап, оларға сен секілді перзенттік қызметтерін ете алмай қалды. Жəне сол өкініштері ілім жолындағы шақтарында іштерін жесе де, ілім үшін сабыр қылды...

Алладан алыстаған сайын адамдармен сыналасың.

Қайғы туралы айтсаң, саған үміт туралы сөз қозғайтын адамдар бар. Осындай адамдарды әрқашан жанымызда ұстауымыз қажет!

©️Шейх Юсуф Хаттар

Ата-ананың разылығы — өмірдегі ең үлкен берекелердің бірі. Кейде адам өз жолының ашылуын алыс жерден, үлкен мүмкіндіктерден іздейді. Ал Алла Тағала сол жолдың кілтін ата-анасының разылығына байлап қойған болуы мүмкін.

Ата-анаңды ренжітпеуге тырыс. Оларға жұмсақ сөйле, қызметін жаса, дұғасын алуға ұмтыл. Өйткені олардың жүрегінен шыққан бір шынайы дұға сен ойламаған есіктерді ашуы мүмкін.

Ата-ананың разылығын ізде — Алланың разылығына апарар жолды ізде.
Олардың көңілін тап — өміріңе береке кірсін.
Олардың батасын ал — жолың қайырлы болсын.

Ата-ананың қадірін олар қасыңда тұрғанда біл. Кейбір мүмкіндіктердің орнын толтыруға болады, ал ата-анамен өткен уақытты ешқашан қайтара алмайсың.

Күндердің бір күні Алла сені күтпеген жерден армандарыңның дәл ортасына жеткізеді. Аллаға деген үмітіңді үзуші болма.

©️Али ат-Тантауи

Жастар үшін ең қауіпті нәрселердің бірі – ақыл тоқтатып, кемеліне келмей жатып, оның бойында танымал болуға деген үміт ояту.

— Абдулкарим Бакар

Көзге көрінбейтін ризықтарыңды бір санап шықсаң,
өзіңдегі нығметтердің қаншалықты көп екенін түсінесің.

Сонда бұл дүниеде сенен бақытты адам жоқтай сезінесің.

Танымалдылық - апат, алайда (солай бола тұра) барлығы оған ұмтылады. Белгісіздік - тыныштық, алайда (солай бола тұра) барлығы одан қашады.

Имам Абул-Махасин әр-Руйани
(Табақат әш-Шафиғия әл-Кубра, 7/326)