2023-yil oktabr oyida G‘azo sektorida boshlangan Isroil agressiyasidan so‘ng, arab mamlakatlari aholisining Isroil bilan aloqalarni normallashtirishga bo‘lgan munosabati keskin salbiylashdi. Butun mintaqada namoyishlar, boykotlar va G‘arb davlatlariga nisbatan ishonchsizlik kuchaydi. Bu holat Falastin masalasining yana arab siyosatining markaziga qaytganini ko‘rsatmoqda. Arab hukumatlari ehtiyotkor siyosat yuritayotgan bo‘lsalar-da, xalq bosimi Ibrohim kelishuvlarining kengayishini to‘xtatib qo‘ydi va Isroilning mintaqaga integratsiyalashish istiqbolini so‘roq ostiga qo‘ydi.

Batafsil: https://t.me/erontahlili/1089

@erontahlili tomonidan @stratfocusca uchun maxsus

Yaqin Sharqda yana bir bor “strategik ko‘rlik” sindromi yuzaga chiqmoqda — bu vaziyatda asosiy o‘yinchilar voqelik haqidagi tushunchani o‘zlaricha ishlab chiqadi va boshqa muqobil ssenariylarni qat’iyan rad etadi. Bunday ko‘rlikning oqibatlari nafaqat davlat, balki nodavlat aktorlarning harakatlarida ham yaqqol ko‘zga tashlanmoqda.

Avvaliga bu tuzoqqa Isroil tushdi — ular XAMASning keng ko‘lamli hujum uyushtirishi mumkinligiga ishonmadi va 7 oktabr yuz berdi. So‘ngra XAMAS o‘zini aldadi: ular Isroil G‘azo sektoriga to‘liq quruqlikdagi harbiy operatsiyani boshlaydi, degan ehtimolni inkor etdi, urush cho‘zilishini esa umuman tasavvur qilmagan edi. Biroq bu hisob-kitoblar Isroil armiyasining zarbalari ostida puchga chiqdi. Undan keyin Hizbulloh ham xato qildi — ular Isroil rahbariyatining guruh boshliqlarini yo‘q qilishga jur’at eta olmasligiga ishongan edi, lekin Livan va Suriyadagi komandirlarga berilgan zarbalar bu xulosani ham inkor etdi.

Endi bu ro‘yxatga Eron ham qo‘shildi. Tehronda uzoq vaqtgacha Isroil Eronning Isfahondagi yadro obyektlari yoki Damashqdagi elchixonasini AQSH bilan kelishmasdan turib bir tomonlama nishonga olishini tasavvur etishmagan edi. Ammo Isroil qat’iyat bilan harakat qilmoqda.

Noto‘g‘ri hisob-kitoblar bitta xatolikdan raqib avvalgidek, tushunarli andozalarda harakat qiladi, degan ishonchdan kelib chiqdi. Ammo zamonaviy urush — bu avvaldan belgilangan qoidalarga bo‘ysunadigan o‘yin emas. Bu yerda kuchli tomon emas, balki birinchi bo‘lib xayolparastlikdan voz kechib, yangicha fikrlashni boshlagan tomon g’olib bo‘ladi.

Strategic Focus: Central Asia

Eron va Isroilda yashovchi O‘zbekiston fuqarolari DIQQATIGA!

Eron atrofidagi vaziyatning keskinlashishi va Eron hamda Isroilda raketa otishmalari kutilishi munosabati bilan sizlardan xavfsizlik choralariga qat’iy rioya qilishni so‘rab qolamiz.

Zaruratga qarab Eronda istiqomat qiluvchilar bomba boshpanalariga tezlik bilan kirish, Isroilda esa front orti qo‘mondonligi ogohlantirishlariga amal qilish lozim.

Har ikki davlatdagi fuqarolarimiz rasmiy xabarlarni muntazam kuzatib boring, shaxsingizni tasdiqlovchi hujjatlar va elchixona aloqa ma’lumotlarini doimo yoningizda saqlang.

Erondagi Elchixonamiz aloqa ma’lumotlari:
Telefon: 22299780, 22832025
El. pochta: iri.uzembassy@mfa.uz

Isroildagi Elchixonamiz aloqa ma’lumotlari:
Telefon: 03-672-2466, 03-672-2371, 03-758-5075, 03-758-5076
Shoshilinch xabarlar uchun: 054 485 1397
El. pochta: il.uzembassy@mfa.uz

Al Arabiya ma’lumotlariga ko‘ra, Isroil Eron hududiga kamida 300 ta hujum uyushtirgan.

Hujumlar natijasida 10 dan ortiq yadroviy fizik olimlar halok bo‘lgan.

Isroil mudofaa kuchlari matbuot xizmati bergan ma’lumotga ko‘ra, 200 ta harbiy samolyot tomonidan 330 dona bomba tashlangan, Eron Bosh shtabi rahbari, Islom inqilobi qo'riqchilari korpusi qo‘mondoni va boshqa yuqori martabali amaldorlar yo‘q qilingan.

Batafsil: @erontahlili

Isroil tomonidan Eron hududiga uyushtirilgan keng ko‘lamli hujumlardan so‘ng dunyoning yetakchi davlatlari allaqachon o‘z pozitsiyasini bildirgan. Turkiya, Xitoy, Yaponiya, Indoneziya - barchasi Tel-Aviv harakatlarini qoraladi, xalqaro huquqning qo‘pol buzilganiga e’tibor qaratdi va zudlik bilan vaziyatni yumshatishga chaqirdi. Hatto an’anaviy tarzda Eronga tanqidiy munosabatda bo‘lgan Arab davlatlari ham bir narsani tan oldi: Isroil ochiqchasiga chegarani bosib o‘tdi.

Bu fonda Markaziy Osiyo davlatlarining sukuti ayniqsa sezilarli bo‘lib qolmoqda. Hech qanday bayonot yo‘q, norozilik notasi yo‘q. Jimjitlik savol tug‘diradi: bu rostdan ham faqat diplomatik ehtiyotkorlikmi yoki bu orqada boshqa sabablarmi? Nahotki yahudiy lobbisining ta’siri shunchalik kuchli bo‘lib, butun bir mintaqa ochiq tajovuzga guvoh bo‘la turib, sukut saqlashni afzal ko‘rmoqda?

Markaziy Osiyo o‘zini xalqaro siyosatda faol va mas’uliyatli ishtirokchi sifatida ko‘rsatishga intilayotganini bildiradi. Ammo mintaqa xalqaro tartib asoslari buzilayotgan bir paytda sukut saqlasa - bu ham bir tanlovdir. Afsuski, bu tanlov adolat va suverenitet tamoyillariga zid kelmoqda.

@erontahlili

O‘zbekiston Respublikasi Tashqi ishlar vazirligining bayonoti

O‘zbekiston Respublikasi Tashqi ishlar vazirligi insonlarning halokatiga va Yaqin Sharqda vaziyatning keskinlashuviga olib kelgan Isroilning Eron Islom Respublikasiga qarshi harbiy amaliyoti yuzasidan chuqur xavotir bildiradi.

Barcha tomonlarni to‘liq vazminlikka, harbiy harakatlarni darhol to‘xtatishga va nizoni siyosiy-diplomatik yo‘l bilan hal etishga chaqiramiz.

Keng ko‘lamli to‘qnashuvga olib kelishi mumkin bo‘lgan jiddiy vaziyatning yanada keskinlashuvi xavotir uyg‘otmoqda.

O‘zbekiston mintaqaviy barqarorlikni mustahkamlashga sodiqligini yana bir bor tasdiqlaydi va mojaroning keskinlik darajasini kamaytirish bo‘yicha sa’y-harakatlarga ko‘maklashishga tayyorligini bildiradi.

Strategic Focus: Central Asia

Armageddon (Oxirzamon) tushunchasi G‘arb madaniyatida chuqur ildiz otgan va islomiy an’anada al-Malhamat al-Kubro (Katta jang) nomi bilan mashhur bo‘lib, hozirda Isroil va Eron o‘rtasidagi harbiy keskinlik fonida yana dolzarb tus olmoqda. Bu shunchaki “oxirzamon” metaforasi emas — diniy-siyosiy doiralarda Armageddon dunyoni global qayta formatlashning strategik bosqichi sifatida qaraladi. Bu jarayonda har bir raketa, har bir zarba — yangi muqaddas tartib sari tashlangan qadam sifatida talqin qilinadi.

Uchta yirik din — yahudiylik, nasroniylik va islom — umumiy jihatlarga ega: najotkor kelishiga, urushlar tugashiga va global adolat o‘rnatilishiga ishoniladi. Ammo “oxirzamon”ning talqinlaridagi tafovut ushbu timsolni nafaqat diniy ramzga, balki kuchli geosiyosiy vositaga aylantiradi.

Sionistik esxatologiyaga ko‘ra, Armageddon bu — apokaliptik betartiblik emas, balki muqaddas ssenariyning so‘nggi bosqichidir. Ya’ni, “kutilgan shoh” kelishi va Xudoning yahudiylarga va’da qilgan yerini (Arz-i Mav’ud) olish uchun musulmonlar Yaqin Sharqdagi hokimiyatdan butunlay chetlashtirilishi kerak. Bu mantiqqa ko‘ra, Falastin, Livan, Suriya, Iroq, Eron va hattoki Turkiya ustidan nazorat — shunchaki tashqi siyosiy maqsad emas, balki dinga asoslangan rejadir. Musulmon davlatlarida boshqaruv tuzilmalarini parchalash esa “ilohiy tartib”ning zarur bosqichi sifatida qaraladi, bunda hukmronlik Islom suverenitetining yo‘q qilinishi orqali erishiladi.

Isroilning yaqinda Eronga bergan zarbasi, natijada o‘nlab harbiy qo‘mondonlar halok bo‘ldi va yadroviy infratuzilma shikastlandi — bu oddiy xavfni bartaraf etish operatsiyasi emas. Bu — esxatologik ssenariyga qarshilik ko’rsatgan markaziy nuqtaga berilgan zarba edi. Eron nafaqat davlat, balki kelajakdagi “muqaddas hukmronlik” mifiga asoslangan g‘oyaviy g‘alabaning oldidagi so‘nggi mafkuraviy to‘siqlardan biridir. Eron ta’sirining yo‘q qilinishi — dushmanni zaiflashtirish emas, balki oldindan “bashorat” qilingan ssenariyni tezlashtirishga urinishdir, bu ssenariyda islomiy hokimiyatning yakunlanishi “yangi ilohiy tartib”ga yo‘l ochadi.

Demak, geosiyosiy amaliyotda diniy rivoyat agressiv transformatsiyaning ajralmas qismiga aylanmoqda. Urushlar muqaddaslashtiriladi, strategik maqsadlar esa faqat xavfsizlik bilan emas, balki oliy “bashoratlarni” bajonidil ado etish zarurati bilan asoslanmoqda. Zamonaviy Yaqin Sharq mojarolarini faqat realistik yoki pragmatik yondashuvda tushunib bo‘lmaydi — ular chuqurroq dunyoqarashli narrativga bog‘langan bo‘lib, u yerda hokimiyat uchun kurash ma’no uchun kurash bilan birga boradi. Armageddon endi ertak emas, balki uni ro‘yobga chiqarish uchun kurashayotganlar nazarida amalga oshishi mumkin bo‘lgan ssenariydir.

Beshikdan qabrgacha ilm izla!

Isroil Eronning g‘arbiy hududlaridagi raketa bazalariga zarbalar berayotgani haqida xabarlar tarqalmoqda — bu Tehronning javob qaytarish imkoniyatini bostirish va kechiktirishga qaratilgan harakat sifatida talqin qilinmoqda. Trampning tahdid va ultimatumlari fonida Eron AQSh bilan muzokara jarayonidan chiqdi.

Fars News axborot agentligining xabar berishicha, hozircha Eron tomonidan hech qanday dron yoki raketa hujumi amalga oshirilmagan; ilgari uchirilgan dronlar esa Iroqdagi Qarshilik harakatlari tomonidan uchirilgan.

Shu bilan birga, BMT Xavfsizlik Kengashi Isroilning Eron hududiga bergan zarbasi bo‘yicha favqulodda yig‘ilish chaqirishi mumkin. Tehron viloyatidagi turar-joy kvartallariga qilingan hujum natijasida 78 kishi halok bo‘lgan, yana 329 nafari jarohat olgan.

@erontahlili

Markaziy Osiyo davlatlari, Armaniston, Belarus, Ozarbayjon va Ukraina Isroilning Eronga qarshi agressiyasiga qanday munosabat bildirmoqda?

Tojikiston Tashqi ishlar vazirligi Isroil Davlati tomonidan Eron Islom Respublikasi hududiga uyushtirilgan hujumni qoralaydi va mintaqadagi keskinlikning kuchayib borayotganidan chuqur xavotir bildiradi. Tomonlarni xalqaro huquq va munosabatlar normalariga rioya qilishga chaqiradi.

Rossiya prezidenti Putinning so‘zlariga ko‘ra, Rossiya Isroilning BMT Nizomi va xalqaro huquqni buzgan holda amalga oshirgan harakatlarini qoralaydi.

Armaniston bosh vaziri Pashinyan: “Biz Isroilning Eronga qarshi so‘nggi harakatlaridan xavotirdamiz va ularni qoralaymiz. Bu mintaqadagi mo‘rt barqarorlikni shubha ostiga qo‘yadi. Biz bundan juda xavotirdamiz”, — dedi.

Ozarbayjon Tashqi ishlar vazirligi Isroil Davlati tomonidan Eron Islom Respublikasi hududida o‘tkazilayotgan harbiy operatsiyadan chuqur xavotirda. “Vaziyatning keskinlashuvini qat’iy qoralab, tomonlarni ziddiyatlarni faqat xalqaro huquq me’yor va tamoyillariga muvofiq, diplomatik yo‘l bilan hal qilishga chaqiramiz.”

Turkmaniston TIV Yaqin Sharqdagi keskinlik kuchayib borayotganidan xavotir bildirgan. Turkmaniston kuch ishlatish yoki kuch bilan tahdid qilish siyosiy yoki boshqa masalalarni hal qilish vositasi sifatida qabul qilinmasligini ta’kidlagan.

O‘zbekiston Tashqi ishlar vazirligi Isroilning Eron Islom Respublikasiga qarshi harbiy operatsiyasi, insoniy qurbonlarga olib kelgani va Yaqin Sharqdagi vaziyatning yanada keskinlashganidan jiddiy xavotir bildiradi. Barcha tomonlarni maksimal darajada vazminlikka chaqiradi.

Qozog‘iston TIV Yaqin Sharqdagi xavfli harbiy eskalatsiyadan jiddiy xavotir bildiradi va mojaroning faqat siyosiy-diplomatik yo‘l bilan, BMT Nizomi va xalqaro huquq tamoyillariga muvofiq hal qilinishini yoqlaydi. Barcha tomonlarni maksimal darajada vazminlikka chaqiradi.

Qirg‘iziston TIV Isroil va Eron o‘rtasidagi keskinlikning kuchayishidan katta xavotir bildiradi. Qirg‘iziston har ikki tomonni maksimal darajada vazminlikka chaqiradi.

Belarus TIV Isroil va Eron o‘rtasidagi yangi harbiy eskalatsiya bosqichi hamda tinch aholining, jumladan bolalarning halok bo‘lishi haqidagi xabarlardan chuqur xavotirda ekanligini bildiradi. Barcha tomonlarni vazminlikka chaqiradi.

Ukraina TIV Yaqin Sharqda kechasi Isroil tomonidan Eron hududidagi obyektlarga berilgan zarbalar ortidan yuzaga kelgan vaziyatni tashvish bilan kuzatayotganini bildiradi. Mintaqada barqarorlikning yanada izdan chiqishiga yo‘l qo‘ymaslik, tinch aholining halok bo‘lishining oldini olish muhim. Ukraina Eronni Yaqin Sharqda va undan tashqarida muammolar manbai deb hisoblaydi.

Shunday qilib, Markaziy Osiyo davlatlari orasida faqatgina Tojikiston va O’zbekiston tomonlari Isroilning agressiyasini tilga olishgan, boshqalar esa umumiy gaplar bilan cheklanib qolishgan. Qolgan davlatlarning pozitsiyasi ham alohida e’tiborga loyiq.

Strategic Focus: Central Asia

Ekspertlar aytishicha, Isroil va Eron o‘rtasidagi keskinlik kuchayganiga qaramay, keng ko’lamli urush boshlanmaydi. Sabab oddiy - ikki davlatning umumiy quruqlik chegarasi yo‘q.

Shuning uchun klassik “arab-isroil urushlari”ga o‘xshash ssenariy avtomatik ravishda istisno qilinadi. Biroq, bir nozik jihat bor: diplomatik manbalarga ko‘ra, Isroil Bosh shtabida noodatiy ssenariy — “quruqlikdagi cheklangan ishtirok” rejasi ko‘rib chiqilmoqda. Gap sionistlar kontingentini Iroq Kurdistonida vaqtinchalik joylashtirish haqida bormoqda. Isroil terrorist armiyasini joylashtirish uchun rasmiy sabab sifatida Eronning proksi kuchlariga qarshi kurash ko’rsatiladi.

Aytishlaricha, Isroil kurd harbiy tuzilmalari bilan yashirin muzokaralar olib bormoqda, bu jarayon ortida esa AQSh harbiy maslahatchilari ko‘zga tashlanmoqda.

Agar bu ssenariy amalga oshsa — Isroil ilk bor Eronga “quruqlikdan bosim o‘tkazish” uchun tayanch hududga ega bo‘ladi. Bu hozircha faqat g‘oya darajasida, biroq G‘arb ushbu tashabbusga Tehronga bosim vositasi sifatida jiddiy qiziqish bilan qaramoqda.

@erontahlili

Yaqin Sharq: Pekinning yangi fronti

Yaqin Sharq endi oddiy mintaqaviy mojarolar sahnasi emas — u Xitoy va AQSh o‘rtasidagi global qarama-qarshilik uchun asosiy maydonga aylanishi mumkin. Isroil bosimi kuchaymoqda, Eron esa zarbaga tayyorlanmoqda. Ammo eng qiziq tomoni — Xitoyning ehtimoliy aralashuvi.

- Pekin Eronga qurol yetkazib bera boshlaydimi?
- Mintaqa Xitoy texnikasi uchun sinov poligoniga aylanadimi
- AQSh yangi proksi-urushga tortiladimi?

Pokiston allaqachon Eron tomonda. Endi navbat Xitoyda. Bu qaror butun geosiyosiy muvozanatni o‘zgartirishi mumkin.

Batafsil: https://t.me/erontahlili/1143

Eronning go‘yoki yadroviy qurol yaratish bo‘yicha “hal qiluvchi chiziqqa” chiqib bo‘lganiga doir da’volar Isroil targ‘ibotining asosiy narrativi bo’lib kelmoqda. Bugungi kunda Italiya tashqi ishlar vaziri Tayanining “Isroil razvedkasi ma’lumotlari”ga tayangan holda Tehron 6 oy ichida 10 ta yadroviy jangovar kallak yasashga tayyor degan bayonoti ham Isroil pozitsiyasini mustahkamlash yo‘lida o‘z “hissasi”ni qo‘shmoqda. Bu da’volarning hech biri texnik tafsilotlar yoki tekshiruvga ochiq ma’lumotlar bilan asoslanmagan. Manba — Mossad bo‘lsa, demak, har qanday fakt to‘g‘ri deb qabul qilinadi. Bunday yondashuv — faqatgina media orqali Eron go‘yoki har doim bomba yaratish arafasida degan yolg’on haqiqatni shakllantirish vositasidir. Bu yerda maqsad tahlil emas, balki ochiq manipulyatsiyadir.

So‘nggi 10 yil davomida Eron yadroviy kun tartibini kuzatganlar yaxshi biladiki, Isroil yoki G‘arb OAVlarida har oy Eron “2 haftada”, “2 oy ichida”, “kuzgacha”, “yil oxirigacha” bomba yasaydi degan da’volar takrorlanib kelgan. Bu tahdidni doimiy takrorlash uslubi Eronni yadroviy tahdid sifatida jamiyat ongiga singdirish maqsadida amalga oshirildi. Ammo bu axborot xurujlari ortida faqat targ‘ibot mantig‘i yotadi — faktlar esa yo‘q.

Shu bilan birga, eng muhim fakt butkul inkor qilinadi — Eron Oliy rahnamosi Oyatolloh Ali Xomanaiyning yadroviy qurolni yaratish va qo‘llashni islomga zid deb tan olgan fetvosi. Bu pozitsiya rasmiy darajada bir necha bor tasdiqlangan. Bundan tashqari, Eron yadroviy dastur monarxiya davriga, ya’ni 1970-yillarda Shoh Muhammad Reza Pahlaviy tomonidan AQSh, Fransiya va G‘arbiy Germaniya ko‘magida boshlangan davrga borib taqaladi. Aynan Eurodif xalqaro konsortsiumi doirasida — bu konsortsium tarkibiga Fransiya, Ispaniya, Belgiya, Italiya kirgan — o‘sha paytdagi Eron podshohligining yadroviy poydevori qo‘yilgan (buni men hozir o‘z nomzodlik dissertatsiyamda ham yoritmoqdaman).

1979-yilgi Islom inqilobidan so‘ng ushbu dastur diniy sabablarga ko‘ra Oyatolloh Xumayni topshirig‘i bilan to‘xtatilgan. Uning qayta tiklanishi 1990-yillarning boshida — tinch maqsaddagi atom energetikasi va tibbiy texnologiyalarni rivojlantirish maqsadida bo‘lgan, ommaviy qirg‘in quroli yaratish g‘oyasi bo‘lmagan. Tehronda har doim tushunishgan: agar Eron yadroviy maqomga ega bo‘lsa, bu butun mintaqada zanjirli reaksiyani keltirib chiqaradi — Turkiya, Saudiya Arabistoni, Misr va boshqa davlatlar ham “yadro davlat” maqomiga intila boshlaydi. Bu esa allaqachon notinch bo‘lgan mintaqada yangi keskinlik manbai paydo bo‘lishini anglatadi.

2015-yilda Eron va “oltilik” davlatlari (AQSh, Rossiya, Xitoy, Buyuk Britaniya, Fransiya, Germaniya) o‘rtasida imzolangan Qo‘shma keng qamrovli harakatlar rejasi (JCPOA) Eronning yadroviy dasturda harbiy yo‘nalishni rad etishini huquqiy jihatdan mustahkamlab berdi va buning evaziga sanksiyalar bosqichma-bosqich olib tashlanishi ko‘zda tutilgan edi. De-fakto bu kelishuv shuni ko‘rsatdiki, Eron yadroviy qurolga intilmayapti, u sanksiyalarni bekor qilish va siyosiy-iqtisodiy barqarorlik kafolatlarini istaydi.

Shu bois, Isroil harakatlarini faqat yadroviy tahdid nuqtai nazaridan tahlil qilish — bu haqiqat mohiyatini almashtirishdir. Aslida esa hozirgi keskinlik va bosimning maqsadi — Eron Islom Respublikasining siyosiy tizimini yemirish. “Yadroviy tahdid” bahonasi ostida “fors bahori” (ya’ni “arab bahori” modeliga o‘xshash) ssenariysi ilgari surilmoqda: davlat institutlarini yo‘q qilish, Eronni mutlaqo zaiflashtirish va uni parchalash. Bu — hozirgi sharoitga moslashtirilgan klassik “bo‘lib tashlab, hukmronlik qilish” strategiyasidir. Xuddi shunga o‘xshash ssenariy mintaqadagi boshqa bir davlat — Liviyada amalda sinovdan o‘tkazilgan. Qazzofiy o‘z ixtiyori bilan yadroviy dasturdan voz kechdi — natijada na Qazzofiy bor, na Liviya. Ya’ni, yadroviy obyektlar — bu faqat bahona, xolos.

Asl maqsad — Eronni suveren davlat sifatida butkul yo‘q qilish. Bu sxemada ijrochi rolini Netanyaxuga yuklashgan, strategik rejani esa — odatdagidek, okean ortida tuzilgan va ma’qullangan.

Farhod Ibragimov, siyosatshunos ekspert

Tel-Aviv endi “daxlsiz” emas

Kecha Eron tomonidan amalga oshirilgan raketa hujumlaridan so‘ng Tel-Aviv endi Yaqin Sharqdagi “G‘arb tamaddunining daxlsiz markazi” maqomini butunlay yo‘qotdi. Yillar davomida barqarorlik, xavfsizlik va texnologik taraqqiyot ramzi sifatida ko‘rilgan bu shahar endi Bag‘dod, Damashq va Bayrut qatorida turibdi.

Avvallari tasavvur qilib bo‘lmas holat – Tel-Aviv osmonida havo hujumi ogohlantirishlari – endilikda kundalik hayotga aylangan. Urush endi “u yerda, uzoqda” emas, balki isroilliklar “normal hayot” deb atagan markazga ham kirib keldi.

Tel-Aviv endi G‘arbning mintaqadagi ustunlik ramzi emas. U endi raketa ogohlantirishlariga va strategik zaifliklarga moslashishga majbur bo‘lgan shunchaki Yaqin Sharqdagi oddiy bir shahar.

@erontahlili

Eron Isroil hujumlaridan so‘ng Hoʻrmuz boʻgʻozini yopishi mumkin. Ushbu bo‘g‘oz orqali dunyo bo‘yicha suyultirilgan tabiiy gazning 30% va neft eksportining 20% (Saudiya Arabistoni, Iroq, BAA, Quvayt) o‘tadi.

Mutaxassislar fikricha, neft narxi bir barrel uchun $70–75 dan $120–130 gacha ko‘tarilishi mumkin.

Yonilg‘i va energiya narxlarining oshishi inflyatsiyani kuchaytiradi, transport va aholi uy xo‘jaliklariga salbiy ta’sir qiladi.

Shu bilan birga, Hoʻrmuz boʻgʻoziga bog‘liq bo‘lmagan neft eksportchilari (Rossiya, AQSh, Kanada) narxlarning oshishidan foyda ko‘radi. Muqobil energiya (quyosh, shamol) ishlab chiqaruvchilar esa neftning qimmatligi sababli yanada ko‘proq talabga ega bo‘ladi.

@erontahlili

Rossiya 2025-yilning ikkinchi yarmida Buxoro va Navoiyda sanoat parklarini ochadi.

O‘zbekiston hududida farmatsevtika mahsulotlari va tibbiy asbob-uskunalar ishlab chiqarilishi yo‘lga qo‘yilishi mumkin. Rossiya Federatsiyasi 2025–2034-yillarda kafolatlangan xarid asosida lokalizatsiya qilinadigan farmatsevtika mahsulotlari ro‘yxatini tayyorlamoqda.

“Oldimizga qo‘yilgan maqsad — 2030-yilga borib Rossiyaning O‘zbekistonga eksportini 2,7 barobar oshirib $17,9 milliardga, O‘zbekistonning Rossiyaga eksportini esa 3,6 barobar oshirib $11,8 milliardga yetkazish”, - dedi Rossiya Iqtisodiy rivojlanish vaziri M.Reshetnikov.

Strategic Focus: Central Asia