🇺🇿Shavkat Mirziyoyev Yaqin Sharq davlatlari yetakchilari bilan bir qator telefon muloqotlari o‘tkazdi.

Jumladan, Ummon Sultoni Haysam bin Toriq Ol Said, Birlashgan Arab Amirliklari Prezidenti Shayx Muhammad bin Zoid Ol Nahayon, Kuvayt Valiahdi Saboh al-Holid al-Hamad as-Saboh, Qatar Amiri Tamim bin Hamad Ol Soniy, Bahrayn Podshohi Hamad bin Iso Ol Xalifa hamda Iordaniya Podshohi Abdulla II ibn al-Husayn bilan suhbatlar bo‘lib o‘tdi.

Muloqotlar davomida ikki tomonlama hamkorlikni yanada mustahkamlash, savdo-iqtisodiy aloqalarni kengaytirish, investitsiyaviy sheriklikni rivojlantirish hamda dolzarb mintaqaviy va xalqaro masalalar yuzasidan fikr almashildi.

Mazkur faol diplomatik muloqotlar O‘zbekistonning Yaqin Sharq davlatlari bilan o‘zaro manfaatli hamkorlikni izchil rivojlantirish va strategik sheriklikni mustahkamlashga qaratilgan tashqi siyosiy kursini yana bir bor tasdiqlaydi.

Strategic Focus: Central Asia

Siyosatshunos olim Kamoliddin Rabbimov:

Putin “Ukrainani uch kunda olamiz” degan reja bilan urush boshlagan edi. Mana beshinchi yil ketmoqda. Endi bu xatoni Tramp ham qaytardi: “Eron liderlarini o‘ldirsak, tizim yiqiladi, yangilari aytganimizni qiladi” deb o‘yladi. Eron hokimiyati yiqilmadi, aksincha, yangilandi va nisbatan legitimligi oshdi. Eron uzoq yillar urushga tayyorlangani ma’lum bo‘lmoqda.

Endi Tramp Eronga, goh yadro bombasi bilan tahdid qilmoqda, goh yer usti operatsiyasi bilan. Lekin bu ikkala ssenariy ham amalga oshmaydi. Birinchidan, Eronga atom bombasini tashlashga AQSh harbiylari va siyosiy elitasi rozi bo‘lmaydi. Chunki Erondan AQShga real tahdid yo‘q va bo‘lmagan. Ikkinchidan, Eronga quruqlik orqali harbiy operatsiya o‘tkazish uchun Kongressdan ruxsat olish kerak. Kongress ruxsat bermaydi. Ruxsat berganda ham, 92 millionlik Eronda tizimni yiqitish uchun kamida yarim-bir millionlik armiya bilan kirish kerak. O‘n minglab amerikaliklar o‘ladi. Bunga AQSh tayyor emas.

Hali “Iroq sindromi”, “Afg‘on sindromi” amerikaliklarning esida. Qolaversa, Eronga hujum G‘azodagi genotsid fonida amalga oshmoqda. Amerikaliklarning 70–80% Eron bilan urushga qarshi. Boshqacha qilib aytganda, Tramp nima qilishni bilmaydi. Agar Eronda tizimni yiqitmasdan urushdan chiqsa – sharmanda bo‘ladi. Bu holat Eronning mintaqaviy va global ahamiyatini oshirib yuboradi. Eron ustidan g‘alaba qozonish uchun esa katta yer usti urushiga iroda va resurslar yo‘q.

Strategic Focus: Central Asia

🇺🇿🇷🇺🇰🇿 Уруш фонида Қатарда қолиб кетган россиялик фуқаро Ўзбекистон ва Қозоғистон ҳукуматининг ўз фуқароларига кўрсатган ёрдами ҳақида:

«Энг алам қиладигани, Қозоғистон ва Ўзбекистон элчихоналари зудлик билан муносабат билдирди»

P.S.: Ташқи ишлар вазирлигимиз 🔥🔥🔥

Strategic Focus: LIVE

Eronda IIQK generali I.Kaani qatl etildi. Uni Mossadning eng yuqori darajadagi agentlaridan biri deb atashmoqda. U 2020-yilda Qosim Sulaymoniy o‘ldirilganidan keyin Al-Quds qo‘mondoni etib tayinlangandi.

2024-yil sentabr: Kaani Bayrutda o‘tayotgan “Hizbulloh”ning maxfiy kengashi yig‘ilishini muddatidan oldin tark etadi. Oradan bir necha daqiqa o‘tib, bunker Hasan Nasrullo va boshqa qo‘mondonlar bilan birga yo‘q qilinadi.

2025-yil iyun: Kaani IIQK shtab-kvartirasidan shoshilinch chiqib ketadi. Darhol shundan keyin ofisga Isroil tomonidan aniq zarba beriladi va ko‘plab qurbonlar bo‘ladi.

2026-yil: Oyatulloh Ali Xomanaiy qarorgohini bombardimon qilinishidan bir oz vaqt oldin tark etadi.

Manbalarga ko‘ra, unga o‘zini otib o‘ldirish huquqi berilgan.

Strategic Focus: Central Asia

Shohjahon Majid:

Yaqin Sharqda yuzaga kelgan mojaro tufayli jami 21 ta maxsus reys orqali 5 mingdan ortiq o‘zbekistonliklar olib kelindi

Transport vazirligiga ko‘ra, 28-fevraldan 2-martgacha bo‘lgan vaqt Ichida Qatar, Quvayt, Isroil, Saudiya Arabistoni, Qatar, Birlashgan Arab amirliklaridan 1681 nafar O‘zbekiston fuqarosi rejalashtirilgan aviareyslar bilan uchib ketish imkoniga ega bo‘lmagan.

Prezident Shavkat Mirziyoyev topshirig‘iga muvofiq, Fors ko‘rfazi davlatlarida qolib ketgan fuqarolarni Vatanga qaytarish maqsadida maxsus reja ishlab chiqildi.

Ma’lum qilinishicha, hozirga qadar O‘zbekiston aviakompaniyalari tomonidan Saudiya Arabistonining Madina va Jidda shaharlaridan 21 ta maxsus reys tashkil etilgan. Ushbu reyslar orqali 4948 nafar yo‘lovchi O‘zbekistonga qaytarildi.

Shuningdek, Dubay shahridan ham qo‘shimcha aviareys amalga oshirilib, unda 235 nafar fuqaro mamlakatga olib kelingan. Mutasaddilarning ta’kidlashicha, zarur hollarda qo‘shimcha reyslar tashkil etilishi mumkin.

Transport vazirligiga ko‘ra, O‘zbekiston fuqarolariga tezkor axborot va amaliy yordam ko‘rsatish maqsadida. “O‘zaviatsiya” agentligi tomonidan 24 soatlik koll-markaz ishga tushirildi.

Murojaatlar +998 (78) 120-00-72 va +998 (71) 200-07-65 telefon raqamlari orqali qabul qilinmoqda.

Strategic Focus: Central Asia

Diplomatik doiralardagi manbalarga ko‘ra, Naxichevan (Ozarbayjonning Turkiya va Armaniston o‘rtasida joylashgan eksklavi) aeroportiga dron hujumi mintaqadagi vaziyatni keskinlashtirishga qaratilgan “uchinchi tomon provokatsiyasi” bo‘lishi mumkin. Diplomatning ta’kidlashicha, bunday harakatlarning asosiy maqsadi - Ozarbayjonni Eron bilan ehtimoliy harbiy qarama-qarshilikka tortishdir.

Aytishlaricha, ayni paytda Bokuga jiddiy geosiyosiy bosim o‘tkazilmoqda. Ayrim tashqi kuchlar Ozarbayjon hududini Eronga qarshi ehtimoliy quruqlik hujumini boshlash uchun qulay yo‘nalish sifatida ko‘rmoqda. Ya’ni, agar Eronga qarshi harbiy operatsiya boshlansa, uning shimoli-g‘arbiy qismiga aynan Ozarbayjon tomondan kirish eng qulay variantlardan biri deb hisoblanmoqda. Bu hududda etnik ozarbayjonlar salmoqli ulushni tashkil etishi ham mazkur hisob-kitoblarda omil sifatida tilga olinmoqda.

Shu bilan birga, Ozarbayjonni bunday mojaroga jalb qilish oson emasligi qayd etilmoqda. Bir tomondan, Eron va Ozarbayjon o‘rtasida nafaqat musulmonlik, balki shialik orqali diniy yaqinlik mavjud. Ikkinchi tomondan, Eron bilan urush ssenariysi Ozarbayjon jamiyatida keng qo‘llab-quvvatlanmaydi.

Manbalar Prezident Ilhom Aliyevni milliy manfaatlarni ustuvor qo‘yadigan siyosiy yetakchi sifatida tavsiflab, aynan shu davr uning siyosiy faoliyatidagi muhim sinovlardan biri bo‘lishi mumkinligini ta’kidlamoqda. Chunki ayrim tashqi markazlar Ozarbayjonni mustaqil geosiyosiy subyekt sifatida emas, balki mintaqaviy mojaroda “proksi ishtirokchi” sifatida ko‘rishga urinayotgan bo‘lishi mumkin.

Qayd etilishicha, hozirgi vaziyatda AQSh va Isroil tomonidan Eron atrofida ehtimoliy quruqlik operatsiyasi uchun turli mintaqaviy kuchlarni jalb etish bo‘yicha faol diplomatik harakatlar kuzatilmoqda. Xususan, kurd siyosiy tuzilmalari bilan aloqalar kuchaygani haqida ham ma’lumotlar paydo bo‘lmoqda.

Biroq ekspertlar bunday ssenariylar jiddiy xavflarni o‘z ichiga olishini ta’kidlaydi: tarix shuni ko‘rsatadiki, boshqa kuchlarning geosiyosiy o‘yinlarida proksi rolini qabul qilgan davlatlar ko‘pincha mojarolarning eng og‘ir oqibatlarini o‘z zimmasiga olishga majbur bo‘ladi.

Hech shubhasiz, ayni kunlar mintaqa uchun hal qiluvchi bo‘lishi mumkin.

Strategic Focus: Central Asia

Tramp AQShning Isroildagi elchisi unga yuborgan maktubni e’lon qildi. Biz esa uni tahlil qildik:

AQShning Isroildagi elchisi Maykl Hakabi tomonidan Donald Trampga yuborilgan maktub bir qarashda sodiq tarafdorning shaxsiy fikridek tuyuladi. Ammo diqqat bilan qaralganda, bu oddiy fikr emas, balki AQSh siyosatidagi chuqur muammoning aksidir.

Maktubda Tramp shunchaki yaxshi prezident sifatida emas, balki xuddi Xudoning tanlangan vakili sifatida tasvirlanadi. Hakabi yozishicha, faqat Tramp hal qiluvchi qarorlarni qabul qila oladi, chunki uni go‘yoki “Xudoning ovozi” boshqaradi. Bu gap saylovlar, qonunlar yoki diplomatiya haqida emas. Bu — dinga asoslangan qarash bo‘lib, unda prezident deyarli payg‘ambar rolini o‘ynaydi.

Elchi aytishicha, u Isroilga AQSh bayrog‘i elchixonada hilpirab turishini kuzatish va Trampning “ko‘zi, qulog’i va og’zi” bo‘lish uchun yuborilgan. Biz AQShning Yaqin Sharqdagi tashqi siyosati tobora ko‘proq davlat manfaatlariga emas, balki tor doiradagi dindor guruhlarning e’tiqodlariga asoslanayotganining guvoh bo’lyapmiz. Masalan, AQSh elchixonasining Quddusga ko‘chirilishi mantiqiy emas, balki ramziy qaror bo‘lgan: xristian-sionistlar uchun bu voqea Muqaddas kitobdagi bashoratlarning amalga oshirishdagi qadamlardan biridir.

Maktubdan kelib chiqqan holda, bugungi kunda AQSh siyosatini tobora ko‘proq professional amaldorlar emas, balki radikal diniy guruhlar, eng avvalo xristian-sionistlar boshqarayapti degan xulosaga kelish mumkin. Ular Amerikaning Isroilni qo’llab-quvvatlashi siyosiy pragmatizm emas, balki ilohiy missiyani bajarishga qaratilganiga ishonishadi. Bu mafkura hozirning o‘zida sudyalarni tayinlashdan tortib, urushlar olib borish va xalqaro shartnomalar tuzishgacha bo‘lgan muhim qarorlarga ta’sir qilmoqda.

Oddiyroq qilib aytganda, AQSh asta-sekin tafakkur va qonunga asoslangan davlat emas, balki diniy g‘oyalar hukmron bo‘lgan tizimga aylanmoqda. Hakabining maktubi bunga yorqin dalildir. Bu yerda endi demokratiyaga joy yo‘q — bu yerda “yuqoridan kelgan ovoz” hukmronlik qilmoqda.

G’arbiy alyans

O‘tgan yil iyun oyida chiqargandik bu postni. Oxirgi voqealardan keyin Oq uyni xristian-sionistlar boshqarayotganiga hech qanday shubha qolmadi.

Бирлашиш вақти

Сўнгги кунларда Яқин Шарқда аланга олаётган уруш шундоқ ҳам мўрт бўлиб келаётган халқаро ҳуқуқ ва унинг тамойилларини "ер билан битта қилди". АҚШ ва Исроилнинг Эронга қарши уруш очиши, айниқса, ракета зарбалари билан бегуноҳ фуқаролар, болалар ва аёлларнинг ўлдирилиши, ўз навбатида Эроннинг Яқин Шарқдаги араб давлатларига ҳамда Туркия ва Озарбайжон ҳудудларига тахмин қилинаётган ҳужумларини ҳеч бир тамойилга кўра оқлаб бўлмайди. Бу уруш афсуски, уруш қоидаларидан ҳам ташқарига чиқиб кетаётгани чуқур хавотир уйғотади.

АҚШ ва Эрон ўртасида музокаралар бўлаётган бир вақтда, жумладан бу музокаралар кутилган даражада конструктив руҳда кечгани таъкидланаётган шароитда (ҳар қалай Аббос Арақчи ва Ўмон томони шундай баёнот берди) Исроилнинг босими билан АҚШ томонидан Эронга қилинган урушни дипломатиянинг якуни сифатида талқин қилиш мумкин. Қолаверса, давом этаётган уруш фонида ҳеч бир куч маркази томонларни музокарага чорлай олмаётгани, учала томон ҳам ҳали-бери келишув қилиш нияти мавжуд эмаслиги ҳисобга олинса, можаро узоқ давом этишини тахмин қилиш мумкин бўлади. Яна бир катта эҳтимол шундайки, Яқин Шарқ минтақасини беқарорлаштирадиган нимадир ҳолатлар бўлса, гарчи расмий Теҳрон буни қилмаса ҳам унинг бўйнига қўйилиши мумкин.

Марказий Осиё минтақасининг ёнида содир бўлаётган бу воқеалар (боз устига "Толибон" ва Исломобод низоси ҳам) стратегик жиҳатдан нафақат минтақавий хавфсизликка, балки савдо-иқтисодий, айниқса, транспорт йўлаклари фаолиятини тўхтаб қолишигача бўлган салбий оқибатларни келтириб чиқаради. Шу сабабдан, Марказий Осиё давлатлари фавқуллодда учрашув ўтказиши, ўзаро бирлашишнинг институционал асосларини тез орада йўлга қўйиши лозим. Бу энди вақтинчалик танлов эмас, балки стратегик заруратдир.

👉@suhrob_buranov👈

Эрон ташқи ишлар вазири ўринбосари Саид Хатибзода Доналд Трампнинг Эрон раҳбариятидаги ўзгариш ҳақидаги сўзларига қуйидаги истеҳзо билан жавоб берди: Ҳаттоки Нью-Йорк шаҳри мерини ҳам тайинлай олмайдиган одам Эрон раҳбариятининг тақдирини ҳал қилмоқчи.

👉@suhrob_buranov👈

Tramp asta-sekin vaziyatdan chiqish uchun siyosiy yo‘l tayyorlayotganga o‘xshaydi. U Eron rahbari demokratik yo‘l bilan saylanmagan bo‘lsa ham, agar u AQSh, Isroil va butun Yaqin Sharqqa nisbatan konstruktiv munosabatda bo‘lsa, uni “qabul qilish mumkin”ligini aytdi.

Fikrimizcha, u Eron rahbariyati bilan norasmiy yoki yopiq kanallar orqali aloqa o‘rnatishga urinishi mumkin. Maqsad - yangi oliy rahbar sifatida nisbatan mo‘tadilroq shaxs atrofida kelishuv topish. Bunday ssenariy urush yakunida Tehronga siyosiy obro‘sini saqlab qolish imkonini beradi, Tramp esa buni o‘z diplomatik yutug‘i sifatida ko‘rsatishi mumkin.

Har ikki tomon propagandasiga qaramay, vaziyat na eronliklar, na amerikaliklar uchun oson kechmoqda. Shuning uchun yaqin orada tomonlar o‘zaro maqbul yechim izlashga o‘tishi ehtimoli katta.

Strategic Focus: Middle East and North Africa

Isroil rasmiylari Ozarbayjon yaqin vaqt ichida Eronga qarshi urushga qo‘shilishiga ishonch bildirmoqda.

Agar bu haqiqatan ham sodir bo‘lsa, bu I.Aliyev uchun eng katta strategik xatolardan biriga aylanishi mumkin. Eron bilan to‘g‘ridan-to‘g‘ri qarama-qarshilikka kirishish nafaqat mintaqaviy keskinlikni keskin oshiradi, balki butun Janubiy Kavkaz xavfsizlik muvozanatini ham izdan chiqarishi mumkin.

Strategic Focus: Central Asia

Нуфузли The Diplomat нашриётида Афғонистоннинг дрон саноатига бағишланган мақоламиз чоп этилди!

Мақола устида қарийб 5 ой давомида иш олиб бордик: очиқ манбалар таҳлил қилинди, интернет маълумотлари ўрганилди ва ҳатто соҳа мутахассислари билан интервьюлар ҳам ўтказилди. Иқтисодий жиҳатдан қийин шароитда бўлган Афғонистонда дрон технологияларининг ривожланаётгани маълум маънода сенсацион ҳолат деб баҳолаш мумкин.

Агар сизга ушбу жараёнлар қизиқ бўлса, мақолани қуйидаги ҳавола орқали ўқишингиз мумкин👇

https://thediplomat.com/2026/03/why-is-afghanistan-developing-a-drone-industry/

P.s. Шу ўринда ҳаммуаллифим, шогирдим Саидакбарга алоҳида миннатдорлик билдираман. У тобора ҳақиқий жангчи тадқиқотчи сифатида шаклланиб бормоқда.