" إن قالوا اقلط صوب دلة و فنجال
اخذ الحذر ترى قهوتهم ذبيحة "

كأني اشوف الوالد

التحايل بالكرم جعله عادة ماتنقطع من بيوت العرب

ما ينحني لصدوف الايام ظهري
الا ليامنه نقص خاطرك شي
انا ادري ان الارض ماهي بقدري
الا على شانك تره عزتن لي

فارس الشمري

اضحك ترا عوج الليالي مدابير
وماللخلايق في قضاء الرب حيله

غديت انا وياه مثل امس واليوم
قريب .. لكن مستحيل نتواجه

اخذ عفة الزاهد وخذ همّة الوبال
وخذ طهر من طاحت دموعه بمحرابه

واللي مايثمن كلمته عدّه الفنجال
واللي مايثمن قيمتك لا تعزوابه

لـ انقفل بابً من الرزق حراسه وقوف
.فتحت بيبان الارزاق من كل اتجاه

سج القدم ما دام ربي معافيك
دامك شباب ومنت بالعمر شايب

ترى العمر يركض وتركض لياليك
ولابد من يومّ.. تعقل الركايب

" يا حي يا قيوم برحمتك استغيث اصلح لي شأني كله ولا تكلني لنفسي طرفة عين "

والله من اعظم الأدعية اللي تشوف أثرها في نفسك وحياتك ..كل ما خفت من شيء مستقبلًا وكثر عليك التفكير والتخطيط والهم ألزمه و داوم عليه

يكفيك إنك تستغيث برحمة الله (التي وسعت كل شيء) في -صلاح- أمورك كلها بلا استثناء

لا تفتر من الدعاء ولا تطفش وتملّ
الله سبحانه يشوفك و يراك ويسمعك ومعك..أنت بس تمسك بالدعاء في كل أحوال حياتك سواء كنت في رخاء ولا شقاء لا تفتر

الحياة بكل تفاصيلها و مشقاتها و كثرة متطلباتها تلهيك و تشتتك و من تصبح لين تمسي وأنت في تفكير و قلق و سعي و تخطيط و تحاول تلحق ومع ذلك أنت مو ملحّق على ولاشيء
كل هالدنيا تلاهي بكل شيء فيها بس لا تخليك تلهى عن الدعاء
يمكن دعوة في وقت استجابة من قلب صادق ونية خالصة تخلّصك من كل الهموم الدنيوية اللي فوق لأنك استغثت برحمة الله و ما اتكلت على نفسك وملت لها و غرّتك نفسك إنك تستطيع بنفسك وبقدراتك ومواهبك..صدقني لا الأمر كله توفيق وصلاح من الله سبحانه

الجميع يصارع بهذه الحياة حتى اتفه الأسباب لن تتيسر لك بقدراتك لا والله ما تتيسر لك الا بفضل من الله و تدبيره
اشكر الله دائمًا على كل عطاياه و اطلبه و استغيث به وبرحمته

صباح الخميييس و الخير والمسرات وكل الأمور الطيبة اللي تسر خواطركم يا تباريح💘

ما بيننا حلف و مواثيق و عهود
والله يخون اللي يخون محلفنا

وأنت يا شرهة معاذيري، وحلِّي، واِرتحالي
‏أعرْفك نجمٍ ما تستوعب مساريه المجرَّة

‏خطاك السوء / يا قلب الشقيّ مدري خطاك الليل
‏امانتك النهار اللي بقى لي منك في صدري

‏عليّ ليلين /.. ليل ٍ يرتعد من شعلة القنديل
‏و ليل ٍ لو تصب الشمس فوقه ما نوى يسري

‏هنيّ الناس ب الليل القصير / اليا جفاه سهيل
‏أشيل من الليالي ثلثها / .. والناس ما تدري

‏عفا الله عنك / ياوجه النهار اللي يجر الذيل
‏ترى منت الوحيد اللي تعثر والزمن يجري

‏دخيلك / لا انفلت منك الضيا / لا ترمي المنديل
‏تعكز لو على قاف القصيد و صوتي المبري

‏انا مثلك عثرت / وفاتني ركب الحياة محيل
‏تقل غصن ٍ تعداه الربيع / وجف من بدري

‏تغيرت / وجهلني من عرفت / وزاد حمل شعيل
‏عسى منت العوض ب القشة اللي قوست ظهري

‏خذيت من اكتئابي / قلة الحيلة وفقر الحيل
‏أعيش ب عزلة ٍ طااااالت معي حتى نفد صبري

‏خلا المجلس / من وجيه الرجال / ومن صحون الحِيل
‏بعد ما صيته اول صيت في بال الكرم يطري

‏معاميلي نست جمري / وفوح الماء / وريح الهيل
‏مع اني في حشاي أركيت خفاقي على جمري

‏عزايه للوجار اللي من اول فيه حط وشيل
‏انا / ماني على خبر الوجار / ولا على خبري

‏يساومني على طبعي يحسب اني غديت بخيل
‏انا اللي قد دفعت لعين محبوبي / ذهب عمري

‏و حتى الليل بعد اني عرفت ان السواد يسيل
‏تماكنت وحبسته / عن جميع الناس في صدري