دلالنا فايحه والجمر ما رمد
والله ما تدرون وش اللي على بالي
تكفى لا تخلف ظنوني فيك يا محمد
تراك غالي وسميتك على غالي

جيت أصوّر ذكرياتي و أتجنب عذري
‏ما تصورت الأماكن تجرح مصوّرها

تجيني طيوفك كأنها بارد النسناس
يا أجمل من الهمّال في ليلةٍ قمرا

هذي هي الدنيا لها اقبال واقفاي
‏وماجابته سود الليالي خذنه

‏لاتقول انا عارفٍ داي ودواي
‏وقلبك طواريق الهوى يسهجنه

‏ترى سنين العمر تومي به اوماي
‏« كم واحد عقب الطرب نوخنه

الطيّب اليا نصوه الطيبين
‏في لازمٍ صعب..نومس لابته

‏امّا ضرب صدره بيده اليمين
‏ولا لمس خشمه بـ سبابته
‏💚💚💚💚💚💚💚💚

اكلم طيوفك لا مرتني بعد طول الضياع
‏حتى الهوى لا هب من يمك بديت اكلمه

ياسيّدي فضلك عسى الله يديمه
‏انت الذي جودك سواة المخاييل

‏وشلون تخفي مدّتك وانت غيمة
‏الغيم ماله حيلةٍ يخفي السيل

‏اسقيت داري ديمةٍ بعد ديمة
‏حتى جرى بربوعها ثالث النيل

أبيات لشاعر سوداني"

إلهي وانا عبدك وادل السنع واضيع
‏ولاغيرك المدعي ولا غيرك المعني

‏أنا أعوذ بك من ضيعةً مالها ترقيع
‏الى ضاعوا أهل المعرفه لا تضيعني

‏من اللي يقول أن الفضا والبلاد وسيع
‏انا لي سنة والأرض ماهيب تاسعني

‏شتاتي كبير وصمتي أفضل من التسميع
‏ولا كل ما قالوا لي الناس يقنعني

أحس في قلبي أمل و انفراجه
‏لو ما لها حتى مواري و أدلّه

‏ما تنتظر نفسي من الناس حاجه
‏أحلام عمري أنتظرها من الله

من ثرثرة عقلي، الى آخر الصمت
‏كلام واجد دون صدري دفنته

‏نسيت صوتي، كم مضى ما تكلمت ..
‏لو مرّ صوتي مسمعي ما عرفته

ليا منّا لقينا كل بابٍ للأمل مسدود
‏«طرقنا باب ربٍ ما عليه أقفال وحراسة»

هلا مرحبا ياقرة عيوني الثنتين
‏ هلا بـ القطوع اللي لا راسل ولا كلّم

‏لك المرحبا الصادق وصادق غلا الغالين
‏ ولك اللي قبل لا اكبر وبعد ما اسلّم

‏رجاوي حبيب ودعوتين وشعور امين
‏أعانق بها صرح الأماني بلا سلّم

‏يامنوة عقيد دونها تقصر الشرهين
‏ مادشّن حفل تحقيقها كل متحلّم

‏مهرة لابه وفرسان غاره ونصرة دين
‏ على ناصيتها يعقد النصر ويعلّم

‏عسى كل قنفٍ من دكاك العبل ويمين
‏على ديرتك ما عاد من رجعه معلّم

‏مزايع ربّابه من تحته اتغبى وتبين
‏مثل داخن المطّيب تحت غترة مسلّم

‏على هلال قوسه لمحة الرسم بالتلوين
‏وزجيم رعده في طامنّه هدرة مبلّم

‏توهدار برقه يفرّح ويرهق المسنين
‏يهتق الستار من اسود الليل لا ظلّم

‏ محاذيف خابط وابله قبل شوف العين
‏فشق رصة التسعين من مخزن مقلّم

‏مرابيع ذود وجمع شمل وكسر روتين
‏وجبر خاطر ٍ من وجعة الفقد متألم

‏اركاب الوله بين المحاديب من عامين
‏دواهيمها منه ايسر الصدر متثلّم

‏ابي شوفتك لو بعدها افاخت الحيين
‏انا لـ المنيّه بعد لقياك متولّم

‏يكفيني اني حافظك عن هل التخمين
‏ولا سولف بـ عرضك معى كل متكلّم

‏على وصفك انخت كل فكره وبيت زين
‏شوارد فكر ورساله وحبكة معلّم

‏ياكم من قصيدة باقيه لين يوم الدين
‏ ما يدري بها الا ليلك الى انتثر ولّم

‏عيت شيمتي لا اواكب العالم التالين
‏وعيت غيرتي لا اشرح و لا انشر ولا اعلّم

💆🏻‍♀️القصيدة

لا تذكرني وقلبي على الذكرى حريص
‏خلنا نسلا - من الذكريات اشوا لنا

"انا شاعر ٍ لا يمكن يقيّمه شعار
‏الا يرجع العود بن جدلان لـ الساحه"

سجدنا لعزّه وانثنينا لحوز رضاه
عسى الله يفرج كل همٍ شقينا به

لا تطلب الدُّنيا وتنسى الآخره
وتصير بالثنتين عايش في كبد
لا تشتري عمرٍ تموت بآخره
وتضحي بعمرٍ تعيشه للأبد

يا الله بغيث مادروا عنه الأرصاد
‏ولا حدد الزعاق خالد مساره
‏يأخذ ثمان أيام بارق ورعاد
‏وكلٍ عقب سيله يربع بداره

الجناب السمّح.. والوجه الحياوي
و الكلام الذرب.. و النفس النقيّة

و العقل و الدين و الكف الرهاوي
سبع.. تفرض لك حضور و قابليّة❤️

مثل ماهو يدري إني ما أذخر المذخور دونه
أدري إنه في الشدايد .. مايخلّيني لحالي