لا تاخذك كثر الحسايف على شي
الرزق بيد الله مثل ما انت شايف

دامك بخير وتشرب وتاكل وحي
ما فيه شى يستحق الحسايف

و أعبري بي لا غدي عادي و أنا منيب عادي
الحريص تورده للموت غلطته الوحيده

في رجاء الله مايخليني لجّدي واجتهادي
ما رجيت إلا وعده و لا خشيت إلا وعيده

لا تحاتين الضمى والجوع في رحلة جهادي
الحظوظ مقسّمه والذيب ما ياكل وليده

Cxuir13

‏نجمةٍ حنّت على قلبه وحطّت في كفوفه
‏من ثمان سنين لين اليوم وكفوفه وطنها

‏حبها من قلب، ذاب بغيرته وأعماه خوفه
‏وجا يواريها عن عيون المخاليق ..ودفنها !

‏لوّها ما حنّت بقلب آدمي وأضحت بجوفه
‏كان يمدي كل مخلوقٍ سماويّ يحضنْها

‏وللقدر كفٍ ماهي بقلوبنا دايم عطوفه
‏والطيوف الراحلة لامن لفت يقتل شجنها

‏وأنتي أنتي كل ما مرّر على بالك طيوفه
‏سيّري بالعقل رغباتك ولايفلت رسنها

‏علّميهم عن لظى غلطاته، حكاية عزوفه
‏وكيف جاته كلمة الغفران طوع و ماوزنها !

‏وكيف فكّ الموت بيدينه على الروح الشغوفة
‏وكيف طشّ الخوف بعيونك وبدّد لك وسنها

‏وكيف كنتي جنةٍ ماهي بالأوجاع محفوفة
‏وكيف كنتي فرصةٍ بيديه لكن مامكنها

‏علمّيهم كيف لا حط الرجل عذره: ظروفه
‏ينهزم ما ذاق لذّتها .. ولا نام بعدنْها

‏قِدمه حصون الملام وخلفه أغلال الحسوفه
‏وتحت رجله غلطةٍ شيّب وهو يدفع ثمنها

‏واقفٍ ما حسّ في عمره وهو قاعد يطوفه
‏ينتظر لحظة من الماضي يرد الذات منها

علّموه إن مت وإن طوّل على قبري وقوفه
‏المشاعر لافنَت، وإن مات ما يرجع زمنها!

‏وعلمّوه ان مت لايحفظ قصيدي في رفوفه
‏ولبّسوا لوحاتنا وأحلامنا بأبيض كفنها

‏وعلّموه يسكّت إحساسه ولا يِتعب حروفه
‏لو لحقني قافها للموت وأوجعني لحنها

اللهم صلِّ وسلم على نبينا محمد

عسى الله يمدّ ظلال عمرك ياغصن الراك
‏يعزّيني إنك في حياتي: تعزّيني

‏أنا أبحث عن شعور السعاده هنا وهناك
‏لو أشوف موتي دونها قلت يمديني

‏بعد ما فقدت الحلم ياقلبي الشكّاك
‏ماعاد الدروب اللي تودي.. توديني

‏مزاجيّتي في كل الأحوال ما تخفاك
‏هي اللي تضيّع كل حاجة من يديني

‏ما ألومك ليا شفت الهبايب تجيب أقصاك
‏أنا مثلك أشوف الموسيقى تبكّيني

‏يامحبوبتي: عمري على طلّة محيّاك
‏لو يطيح دمعك طاح عمرٍ من سنيني

‏يا لولا لياليك القديمه ويا لولاك
‏تركت الحياه بدون أودّع محبيني

‏من المستحيل أنسى حياتي معك وأنساك
‏وأنا أشوف وجهك وين ماتلتفت عيني

‏لا زالت تسرّيني دروبي على مرباك
‏ولا زال صوتك رغم فقدك يناديني

‏أدوّرك في كل الأماكن عشان ألقاك
‏وأضيييع وتمر أيام ما يندرا ويني

‏قتلني رحيلك وأنقضى العمر مع فرقاك
‏تعالي وردّيني من الموت وأحييني

‏على سور دارك صرت أشوف الورود أشواك
‏ولا عاد جيّاتي عليها ، تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني

‏مع إني ماعاد اعرف وين الزمن ودّاك
‏إلى الآن أقدّس ماحصل بينك وبيني

‏لو إني خسرتك عمر قلت: السنين فداك
‏لكن الخسارة في حياتي وفي ديني

تبّت يدين المعتدي يــا نجد ما تبت يديك
‏ثوري .. و حنـا من وراك نعلّم اللي ما درى

‏شهيدك بْجنة عدن يا جنة الله مــــا عليك
‏و جريحك اليا خاط له جرحٍ وقف دونك ذرى

‏لا يحسبونك طارفه لااااا و الله الا ما يجيك
‏الا مراسيل السحاب اللي من الغيمه جرى 🇸🇦💚

‏يا ملاذ الادميّة ، و بنت الفرقدين
‏و امّ عزمٍ ما توانى ، و نورٍ ما غرَب

‏وش يقول اللي تربّى يحبّك ، فرض عين
‏لو مشاريبك من الموت ، سمّاك و شرَب

‏ان تبنيتيه جندي يضحّي بالسنين
‏و ان تبنيتيه شاعر ، يغنّي لك طرب🇸🇦

‏يالسعوديّة مغنّ الحقيقة ، و اليقين
‏سارعي ، مادام للعزّ في قفرك مرَب

‏ما عليك من المعادين و من الحاسدين
‏و انتي ارجائك طموحات و حدودك سرب

‏ديرةٍ مالت على الحزم بالراي المكين
‏الله اللي حطّ فيها من الضيق ، مهرَب

‏قطعة من السبع جنّات للناس اجمعين
‏فيك ، لا بالٍ تضايق ، و لا قلب اغترب

‏تحت ظلّ موضّح الحقّ ، وضّاح الجبين
‏سيّدٍ ، من كلّ هامات الامجاد اقترب

‏ماندوّر في ظلاله على الدنيا ، عوين
‏مرتضين الامر عنده ، لا حبّ ، و لا حرَب

‏طاعته دمٍّ يورّث و كسب رضاه دين
‏غصب عن سوّامة النفس و اشباه العرب

شاقني برق الخيال اللي توالا في خياله
‏ورفت حروف القصيده مع سناه ومع رفيفه

‏شاعرٍ شعري محط انظار وشعوري رساله
‏لا وقفت آقف على المرقاب ما آقف فـ النصيفه

‏اغبط اللي كل ما طالت دروبه طال باله
‏كن قلبه ما يعرف الخوف وعيونه كفيفه

‏جعل شعري نصرةٍ للحق من جاله لـ جاله
‏وراية بلادي بلاد الدين والارض العفيفه

‏ساد نورٍ فرق الجهل وعمى عين الظلاله
‏زاد ضوحه فالبلاد ومصدره وادي حنيفه

‏نور عدل ونور امان ونور علم ومن خلاله
‏تم توحيد القبايل بالتقاليد الشريفه

‏ قادها عبدالعزيز بعزمه و همة عياله
‏الشريعة نهجه اللي دونها رمحه و سيفه

‏بيعة الاجداد ورثٍ في ذممنا والولاء له :
‏ثابتٍ مثل ثبوت الشمخ الشم المنيفه

‏ورثونا بيعة ملوك و وطن صعبٍ مناله
‏قد تبايعنا لحفظه بيعة اصحاب السقيفه

‏ما تناش حدوده اللي في ذرى هيبة رجاله
‏الكليفه في حِماه وعزته ماهي كليفه

‏دون قبلة امة محمد و اصحابه وآله
‏يخطب الرجال منا الموت و يفادي رديفه

‏العدو منا يمينه تصفق براحة شماله
‏تنقطع كبده من الرهبه قبل حد الرهيفه

‏علمو اللي يعشق الغي ودهاليز الجهاله
‏نظرته ماهي رصاص و كلمته ماهي قذيفه

‏ابك حنا لا نوينا نبطش ونقطع حباله
‏نقطعه عن بارد الانسام ونجندل حليفه

‏زمرةٍ وردهم ابليس لدروب الاستماله
‏والله ان يبطون والدمعه على الوجنه ذريفه

‏رهن اشارة سيد الأمة و ميزان العداله
‏عاهلٍ يقدع شموخ وذروة الامجاد كيفه

‏ايه سلمان العروبه ايه سلمان الشكاله
‏كل دوله تستظل بظله وفيّة مضيفه

‏وفي يمينه سيفه اللي ضاري بكسب الجماله
‏رؤيته خلت ربوع الدار في خير ومريفه

‏العظيم اللي محى عنا معاني الاستحاله
‏كل ما ثقلت حمول الشعب خلاها خفيفه

‏يا محمد صاحب التجديد و بحور الجزاله
‏تتعب مجاريك لين انه يعود بالنكيفه

‏نحمد اللي جاد بك قايد ومن نعم السلاله
‏في سخاكم ما ذكرنا لا سمان ولا عجيفه

‏ونحمد الله عزنا من فضله وجلَ جلاله
‏بالسعودية وأمنّها دون ريب ودون خيفه💚

إن عشت يا راسي كسيتك عمامة
‏وإن مت يا راسي فدتك العمايم

من تطاول ذبّ راسه و حطه بالزبيل
‏و الزبيل أرمه زباله و نم لا ترهبي

‏خلها درس لغيره و عبره من يعيل
‏أصقعه في هامه الراس و يطيح يحبي