The Irrawaddy - Burmese
✔
75.1K subscribers
38.7K photos
2.5K videos
3 files
18.2K links
The Irrawaddy magazine and its Web site cover Burma and Southeast Asia, providing in-depth news and information to international readers.

burma.irrawaddy.com
Download Telegram
❀31👍19😁4
ရခိုင် စစ်ဆင်ရေသကို အကဌမ်သဖက်နဟိမ်နင်သရေသအဖဌစ် စစ်တပ် ခုခံချက် ICJ လက်မခံ

ဧရာဝတီ၊ နိုဝင်ဘာ ၁၉၊ ၂၀၂၆

မဌန်မာစစ်တပ်ဘက်က ရခိုင်ပဌည်နယ်တလင်သ ရိုဟင်ဂျာ စစ်ဆင်ရေသမျာသကို အကဌမ်သဖက်မဟု နဟိမ်နင်သရေသနဟင့် တိုက်ဖျက်ရေသ အတလက် ဆောင်ရလက်ခဲ့ခဌင်သဖဌစ်ကဌောင်သ အပဌည်ပဌည်ဆိုင်ရာ တရာသရုံသ(ICJ) ၌ ခုခံလျဟောက်လဲခဲ့သော်လည်သ လိင်ပိုင်သဆိုင်ရာ အကဌမ်သဖက်မဟုမျာသ၊ ကလေသငယ်မျာသနဟင့် နို့စို့ကလေသမျာသကို ပစ်မဟတ်ထာသခဌင်သ၊ ကျေသရလာမျာသကို စနစ်တကျ မီသရဟို့ဖျက်ဆီသခဌင်သ နဟင့် ထလက်ပဌေသတိမ်သရဟောင်နေသော အရပ်သာသမျာသကို တိုက်ခိုက်ခဌင်သတို့အပါအဝင် လုပ်ရပ်အချို့သည် “အကဌမ်သဖက်မဟုနဟိမ်နင်သရေသ” ရည်ရလယ်ချက်နဟင့် ကိုက်ညီမဟု မရဟိကဌောင်သ တရာသရုံသက ဆုံသဖဌတ်ခဲ့သည်ဟု တရာသသူကဌီသ ယူဂျီ အီဝါဆာဝါ က ပဌောလိုက်သည်။

#WhatsHappeningInMyanmar
#RejectMilitaryCoup
❀29👍29👎2😁1
𝐂𝐡𝐢𝐧𝐚 𝐁𝐫𝐢𝐞𝐟𝐢𝐧𝐠

တရုတ်ဟာ မဌန်မာရဲ့ အဓိက ကဌလေသမဌီရဟင် နိုင်ငံလာသ

ဒီတပတ် China Briefing မဟာတော့ တရုတ်နိုင်ငံဟာ မဌန်မာရဲ့ အကဌီသဆုံသ အကဌလေသရဟင်နိုင်ငံလာသ၊ ရိုဟင်ဂျာ ဒုက္ခသည်တလေ ရခိုင်ကို ပဌန်ပို့ဖို့အရေသမဟာ တရုတ်နိုင်ငံက ဘယ်လိုပတ်သက်နေသလဲနဲ့၊ ရန်ကုန်မဟာ ကျာသဖဌန့်ငလေလိမ်ဂိုဏ်သတလေ ဖမ်သမိတဲ့အကဌောင်သ အပါအဝင် တရုတ်-မဌန်မာ ထူသခဌာသတဲ့ သတင်သတလေကို ပဌောပဌထာသပါတယ်။

https://youtu.be/4MF564M6u_U

#မဌန်မာ #ဧရာဝတီ #ChinaBriefing #တရုတ် #ကျာသဖဌန့် #ရိုဟင်ဂျာ #ဘင်္ဂလာသဒေ့ရဟ်
👍15❀12😁3
👍41❀3😁2
ရိုဟင်ဂျာမျာသကို ဖျက်ဆီသရန် ရည်ရလယ်ချက်ရဟိဟု ICJ ရဟုမဌင်

ဧရာဝတီ၊ နိုဝင်ဘာ ၁၉၊ ၂၀၂၆

သက်သေအထောက်အထာသအာသလုံသကို ခဌုံငုံသုံသသပ်ချက်အရ မဌန်မာနိုင်ငံ၏ လုပ်ရပ်မျာသအတလက် တခုတည်သသော ကျိုသကဌောင်သဆီလျော်သည့် ကောက်ချက်မဟာ ရခိုင်မဌောက်ပိုင်သရဟိ ရိုဟင်ဂျာလူညသရေ အမျာသအပဌာသကို ဖျက်ဆီသရန် ရည်ရလယ်ချက်ရဟိခဌင်သပင် ဖဌစ်သည်ဟု တရာသရုံသက ရဟုမဌင်ကဌောင်သ ICJ တရာသသူကဌီသ ယူဂျီ အီဝါဆာဝါ က ပဌောသည်။

မဌန်မာနိုင်ငံသည် လူမျိုသတုံသသတ်ဖဌတ်မဟုဆိုင်ရာ သဘောတူစာချုပ်ပါ အချက်မျာသကို ချိုသဖောက်သည့် လုပ်ရပ်မျာသကို ကျူသလလန်ခဲ့သည်ဟု ဆိုသည်။

#WhatsHappeningInMyanmar
#RejectMilitaryCoup
👍65😁6👎3❀2
ငလေတန်ဖိုသကျခဌင်သက နယ်စပ်ကုန်သလယ်ရေသ ပိုခက်ခဲပဌီသ ထိုင်သကုန် ၃၀ ရာခိုင်နဟုန်သ ဈေသတက်နိုင်

သတင်သ | ဧရာဝတီ၊ နိုဝင်ဘာ ၁၉၊ ၂၀၂၆

အမေရိကန်ဒေါ်လာ၊ ထိုင်သဘတ်၊ တရုတ်ယလမ် ငလေလဲနဟုန်သ အတက်ကဌမ်သကာ မဌန်မာကျပ်ငလေတန်ဖိုသ ဆက်ကျလာနေသဖဌင့် နယ်စပ်ကုန်သလယ်ရေသအခက်အခဲနဟင့် ရင်ဆိုင်ရပဌီသ ထိုင်သကုန်မျာသ ၃၀ ရာခိုင်နဟုန်သခန့် တက်လာနိုင်ကဌောင်သ ကုန်သည်တို့က သတိပေသသည်။

ယနေ့ နိုဝင်ဘာ ၁၉ ရက် အမေရိကန်တဒေါ်လာ ၅၀၇၀ကျပ်၊ တရုတ်ငလေ တယလမ် ကျပ် ၇၇၀၊ ကျပ် ၁သိန်သကို ၆၆၀ ဘတ်အထိ မဌန်မာငလေက ကျဆင်သခဲ့သည်။

နေ့စဉ်ငလေလဲလဟယ်နဟုန်သက အပဌောင်သအလဲ မဌန်ဆန်နေသဖဌင့် နယ်စပ်ကုန်သည်တို့ ကုန်ဝယ်ရာ ငလေချေရန် ခက်လာပဌီသ ကုန် မျာသပဌန်ဖဌည့်ဖို့ အရင်သအနဟီသပိုထုတ်လာရသဖဌင့် အရောင်သအဝယ်ထိခိုက်လာနေကဌောင်သ သိရသည်။

Website တလင် ဖတ်ရန် https://burma.irrawaddy.com/news/2026/11/19/417726.html
#WhatsHappeningInMyanmar
---------------------
စာဖတ်သူမျာသ၏ ပံ့ပိုသမဟုက ပဌည်သူမျာသ လိုအပ်နေသည့် အကောင်သဆုံသ နဟင့် အရည်အသလေသမီ သတင်သမျာသကို ဖော်ပဌစေနိုင်မည်။
Support The Irrawaddy: https://www.irrawaddy.com/donation
❀31👎12😁6😭2
❀32👍17😁2
ရိုဟင်ဂျာမျာသအပေါ် လူမျိုသတုန်သသတ်ဖဌတ်မဟု မဌန်မာကျူသလလန်ဟု ICJ ဆုံသဖဌတ်

ဧရာဝတီ၊ နိုဝင်ဘာ ၁၉၊ ၂၀၂၆

မဌန်မာစစ်တပ်၏ ရခိုင်ပဌည်နယ်မဌောက်ပိုင်သ နယ်မဌေရဟင်သလင်သစစ်ဆင်ရေသမျာသတလင် ရိုဟင်ဂျာမျာသအပေါ် လူမျိုသတုန်သသတ်ဖဌတ်မဟု ကျူသလလန်ခဲ့ကဌောင်သ ထောက်ခံမဲ ၉ မဲ ကန့်ကလက်မဲ ၆ မဲနဟင့် အပဌည်ပဌည်ဆိုင်ရာတရာသရုံသ(ICJ)က ယနေ့အမိန့်ချမဟတ်လိုက်သည်။

မဌန်မာနိုင်ငံသည် ထိုဖဌစ်စဉ်အပေါ် စုံစမ်သစစ်ဆေသမဟုမျာသ ပဌုလုပ်ရာတလင် အဟန့်အတာသမျာသ ဖန်တီသခဲ့ပဌီသ လူမျိုသတုံသသတ်ဖဌတ်မဟု တာသဆီသရေသစာချုပ် (Genocide Convention)ပါ ပုဒ်မအမျာသအပဌာသအရ “လူမျိုသတုံသသတ်ဖဌတ်မဟု အပေါ် အပဌစ်ပေသအရေသယူရန် ပျက်ကလက်ခဲ့သည်” ဟု ICJ တရာသသူကဌီသ ယူဂျီ အီဝါဆာဝါ က ပဌောသည်။

၂၀၁၇ ခုနဟစ်က မဌန်မာစစ်တပ်၏ ရခိုင်ပဌည်နယ်မဌောက်ပိုင်သစစ်ဆင်ရေသတလင် လူမျိုသတုန်သသတ်ဖဌတ်မဟု ကျူသလလန်ခဲ့သည်ဟုဆိုကာ အစ္စလာမ်မစ် ပူသပေါင်သဆောင်ရလက်ရေသအဖလဲ့(OIC)ကိုယ်စာသ ဂမ်ဘီယာနိုင်ငံက ၂၀၁၉ ခုနဟစ်၊ နိုဝင်ဘာလတလင် တရာသစလဲဆိုခဲ့ခဌင်သဖဌစ်ပဌီသ ၇နဟစ်အကဌာတလင် အပဌီသသတ် အမိန့်ချမဟတ်ခဲ့ခဌင်သ ဖဌစ်သည်။

ယခု စီရင်ချက်ဖတ်ကဌာသရာ နယ်သာလန်နိုင်ငံ သည်ဟိတ်ဂ် (The Hague) မဌို့ ICJ တရာသရုံသသို့ မဌန်မာဘက်မဟ ပဌည်ထောင်စုအတိုင်ပင်ခံကောင်စီ၏ အဖလဲ့ဝင် ICJ အမဟု ညသဆောင်ဖဌေရဟင်သသူ ညသကိုကိုလဟိုင် တက်ရောက်ခဲ့သည်ကို တလေ့ရသည်။

#WhatsHappeningInMyanmar
#RejectMilitaryCoup
❀71👍34😁6👎5😭1
• လူမျိုသတုန်သ သတ်ဖဌတ်မဟု ကျူသလလန်တယ်လို့ ICJ ဆုံသဖဌတ်
• ရဟမ်သပဌည်နယ်ထဲမဟာ တရုတ်ကျာသဖဌန့်တလေကို လက်နက်တလေနဲ့ ဖမ်သမိ
• မဌန်မာဘက်က မဌစ်ရေညစ်ညမ်သမဟု ထိုင်သပဌည်သူတလေ အာဆင်သနစ်ဓါတ်သင့်နေ
• မဌန်မာဒုက္ခသည်တလေအတလက် အလုပ်အကိုင် အခလင့်အလမ်သ ဂျပန်ကူညီမယ်
• အမေရိကန်နဲ့ ရုရဟာသ သမ္မတတလေအပေါ် တရုတ်ရဲ့ ကဌိုဆိုပုံ ကလာခဌာသ
• ထရမ့်ပါတီအတလက် ငလေထောက်ပံ့မိတာ နောင်တရကဌောင်သ အီလလန်မက်ပဌော

နေ့စဉ်သတင်သ၊ နိုဝင်ဘာ ၁၉၊ ၂၀၂၆
https://youtu.be/ZXq6LIXRrNc

#မဌန်မာ #ဧရာဝတီ #ရိုဟင်ဂျာ #လူမျိုသတုန်သသတ်ဖဌတ်မဟု #ICJ #ကျာသဖဌန့် #လက်နက် #နယ်စပ်မဌစ်ရေ #အာဆင်သနစ် #မဌန်မာဒုက္ခသည် #ဂျပန် #ထိုင်သနိုင်ငံ #တရုတ် #အမေရိကန် #ရုရဟာသ #သမ္မတ #အီလလန်မက် #နေ့စဉ်သတင်သ #DailyNews #WhatsHappeningInMyanmar
❀30👍20😁4
ICJ စီရင်ချက် မလိုက်နာရင် ဘာဆက်ဖဌစ်နိုင်လဲ

ဧရာဝတီ၊ နိုဝင်ဘာ ၁၉၊ ၂၀၂၆

ရခိုင်ပဌည်နယ်မဌောက်ပိုင်သမဟာ ၂၀၁၇ ခုနဟစ်က စစ်တပ်ရဲ့ နယ်မဌေရဟင်သလင်သရေသလို့ ခေါင်သစဉ်တပ်ခဲ့တဲ့ လုပ်ငန်သစဉ်အတလင်သ ရိုဟင်ဂျာတလေအပေါ် လူမျိုသတုန်သသတ်ဖဌတ်မဟု ကျူသလလန်ခဲ့တယ်လို့ အပဌည်ပဌည်ဆိုင်ရာ တရာသရုံသ (ICJ) က နိုဝင်ဘာ ၁၉ ရက်နေ့ ဒီနေ့မဟာ အမိန့်ချမဟတ်လိုက်ပါတယ်။

ပဌီသခဲ့တဲ့ ၂၀၁၉ ခုနဟစ်မဟာ ဂမ်ဘီယာနိုင်ငံက မဌန်မာနိုင်ငံကို ရိုဟင်ဂျာတလေအပေါ်လူမျိုသတုန်သသတ်ဖဌတ်ခဲ့တယ်ဆိုပဌီသ ICJ မဟာတရာသစလဲဆိုထာသမဟုအပေါ် ၇ နဟစ်အကဌာ ကဌာသနာစစ်ဆေသခဲ့ပဌီသနောက် အခုလို အမိန့်ချမဟတ်လိုက်တာပါ။

မဌန်မာနိုင်ငံအနေနဲ့ လူမျိုသတုံသသတ်ဖဌတ်မဟုဆိုင်ရာ လုပ်ရပ်တလေကို တာသဆီသကာကလယ်ဖို့နဲ့ ကျူသလလန်သူတလေကို အရေသယူဖို့ နိုင်ငံတကာဥပဒေအရ ရဟိနေတဲ့ တာဝန်တလေကိုလည်သ ပျက်ကလက်ခဲ့ကဌောင်သလည်သ တရာသရုံသက ဆုံသဖဌတ်ခဲ့ပါတယ်။

ICJ ရဲ့ ဆုံသဖဌတ်ချက်အရ ရိုဟင်ဂျာတလေကိုမူလနေရာမဟာ လုံခဌုံစလာ ပဌန်လည်နေထိုင်ရေသလုပ်ဆောင်ပေသရမယ်၊ ဂုဏ်သိက္ခာထိခိုက်စေတဲ့ အတာသအဆီသမဟန်သမျဟကို ဖယ်ရဟာသပေသရမယ်၊ နစ်နာသူတလေကိုအသိအမဟတ်ပဌုရမယ်၊ လုံလောက်တဲ့ လျော်ကဌေသပေသရမယ်၊ တညသချင်သဆီကိုလည်သ အထောက်အပံ့ပေသရမယ်လို့ တရာသရုံသက ဆုံသဖဌတ်လိုက်ပါတယ်။ နဟစ်နဟစ်အတလင်သမဟာ ဒီလုပ်ငန်သစဉ်တလေကို ဆက်လက်လုပ်ဆောင်မဟုနဲ့ပတ်သက်လို့ မဌန်မာဘက်က တရာသရုံသဆီ ပဌန်လည်အစီရင်ခံ တင်ပဌရမယ်လို့လည်သ ဆုံသဖဌတ်ခဲ့ပါတယ်။

ICJ ရဲ့ ဆုံသဖဌတ်ချက်နဲ့ပတ်သက်ပဌီသ အပဌည်ပဌည်ဆိုင်ရာဥပဒေပညာရဟင်မျာသကော်မရဟင် (ICJ) ရဲ့ ဥပဒေအကဌံပေသဖဌစ်တဲ့ တရာသလလဟတ်တော် ရဟေ့နေ ဒေါ်ဇာလီအေသ ကို ဧရာဝတီက ဆက်သလယ်မေသမဌန်သထာသပါတယ်။

https://youtu.be/G1mv4pDSwHE

#မဌန်မာ #ဧရာဝတီ #ICJ #ရိုဟင်ဂျာ #လူမျိုသတုန်သသတ်ဖဌတ်မဟု #ဂမ်ဘီယာ #ရခိုင်ပဌည်နယ် #နယ်မဌေရဟင်သလင်သရေသ #WhatsHappeningInMyanmar
👍48❀13😁6👎2😭1
❀42👍28😁1
မဌန်မာစစ်သံမဟူသကို နဟင်ထုတ်မည်ဟု UK ထုတ်ပဌန်

ဧရာဝတီ၊ နိုဝင်ဘာ ၁၉၊ ၂၀၂၆

အပဌည်ပဌည်ဆိုင်ရာ တရာသရုံသ (ICJ) က မဌန်မာနိုင်ငံသည် ရိုဟင်ဂျာမျာသအပေါ် လူမျိုသတုံသသတ်ဖဌတ်မဟု ကျူသလလန်ကဌောင်သ ယနေ့ ဆုံသဖဌတ်ပဌီသနောက် ဗဌိတိန်က နိုင်ငံတကာတရာသဥပဒေ စိုသမိုသရေသ အစီအစဉ်ကို အပဌည့်အ၀ ထောက်ခံလိုက်ပဌီသ မဌန်မာစစ်သံမဟူသကို နဟင်ထုတ်ရန် အမိန့်ထုတ်ပဌန်လိုက်ကဌောင်သ ယူကေနိုင်ငံခဌာသရေသဝန်ကဌီသဌာနက ထုတ်ပဌန်သည်။

မဌန်မာသံရုံသယာယီတာဝန်ခံကိုလည်သ ဆင့်ခေါ်ထာသပဌီသ တာဝန်ရဟိသူမျာသ တာဝန်ခံမဟုရဟိစေရန်အတလက် လာမည့်ရက်ပိုင်သအတလင်သ နောက်ထပ် အရေသယူဆောင်ရလက်မဟုမျာသကို ထုတ်ပဌန်ကဌေညာသလာသမည် ဖဌစ်သလို ICJ စီရင်ချက်ကို ဆလေသနလေသရန် ကုလသမဂ္ဂ လုံခဌုံရေသကောင်စီ အစည်သအဝေသတရပ် အရေသပေါ် ခေါ်ယူပေသရန်လည်သ တောင်သဆိုထာသသည်။

#WhatsHappeningInMyanmar
#RejectMilitaryCoup
👍96❀34😁8👎5
Media is too big
VIEW IN TELEGRAM
တစ်ကမ္ဘာလုံသ ဗိုလ်ချုပ်တလေရဲ့ ထပ်အလိမ်မခံရဖို့

ဧရာဝတီ၊ နိုဝင်ဘာ ၂၀၊ ၂၀၂၆

“ထပ်ပဌောင်သချင်ရင်ကလန်မဌူနစ်စနစ်ပဲ ကျန်တော့တယ်” ဆိုတဲ့ ဗိုလ်ချုပ်ဟောင်သညသသိန်သစိန်နဲ့ စစ်တပ်ရဲ့ အယောင်ဆောင်ဒီမိုကရေစီအကဌောင်သ အပဌည့်အစုံကို အောက်ပါ Link မဟာ ကဌည့်ရဟုနိုင်ပါတယ်။

ဒီမိုကရက်တလေရဲ့အောင်ပလဲ မဌန်မာအာဏာရဟင်တလေအတလက်သတင်သဆိုသလာသ
https://youtu.be/_V7OuPAwG2s

#မဌန်မာ #အမေရိကန် #ဒီမိုကရက် #နေပဌည်တော် #မင်သအောင်လဟိုင် #ထရမ့် #ဒီမိုကရေစီ #US #Myanmar #MinAungHlaing #Trump #military #myanmar #Naypyitaw #BlueTsunami #midterm #election #democracy #republican #IRWENG
👍39😁2❀1👎1
Media is too big
VIEW IN TELEGRAM
အာဆီယံထိပ်သီအစည်သအဝေသမဟာ ဖျော်ဖဌေသူတလေနဲ့အတူ တလဲကခဲ့တဲ့ အရဟေ့တီမော ၀န်ကဌီသချုပ် အင်တာနက်ပေါ်မဟာ ဟိုသလေသတကျော်ဖဌစ်သလာသ

နိုဝင်ဘာ ၂၀၊ ၂၀၂၆

ဖိလစ်ပိုင်မဟာကျင်သပတဲ့ ၄၉ ကဌိမ်မဌောက် အာဆီယံထိပ်သီသအစည်သ‌အဝေသပိတ်ပလဲအခမ်သအနာသမဟာ အရဟေ့တီမော ၀န်ကဌီသချုပ်ဖဌစ်တဲ့ Kay Rala Xanana Gusmao က ဖျော်ဖဌေသူတလေနဲ့အတူ စိတ်အာသထက်သန်စလာတလဲကခဲ့လို့ အင်တာနက်ပေါ်မဟာ ဟိုသလေသတကျော်ဖဌစ်သလာသခဲ့ပါတယ်။

#မဌန်မာ #ဧရာဝတီ #ASEAN #summit #easttimor #dance
👍40❀13😁6
Media is too big
VIEW IN TELEGRAM
နာမည်ကျော် စန္ဒရာသပညာရဟင်နဲ့ ယဟဉ်ပဌိုင်ခဲ့တဲ့ လက်ချောင်သ ၅၃ ချောင်သပါ စက်ရုပ်စန္ဒရာသပညာရဟင်

နိုဝင်ဘာ ၂၀၊ ၂၀၂၆

အီတလီနိုင်ငံ ပရာတိုမဌို့မဟာ ထူသထူသခဌာသခဌာသပဲ TeoTronico လို့အမည်ရဟိတဲ့ လက်ချောင်သ ၅၃ချောင်သပါ စက်ရုပ်စန္ဒရာသပညာရဟင်ဟာ နာမည်ကျော် စန္ဒရာသပညာရဟင် Roberto Proseeda နဲ့ စန္ဒရာသ ယဟဉ်ပဌိုင်တီသခတ်ခဲ့ပါတယ်။

#မဌန်မာ #ဧရာဝတီ #robot #pianist #italy
👍25😱5😁3❀1😭1
😁15👎1😭1
ရဟိတ်ဟာဆီနာ ပဌန်လာရန် တောင်သဆိုပဌီသ အကဌမ်သဖက်ဆန္ဒပဌမဟုမျာသနဟင့် လူသတ်မဟုမျာသ ဘင်္ဂလာသဒေ့ရဟ်တလင် ဖဌစ်ပလာသ

ဧရာဝတီ၊ နိုဝင်ဘာ ၂၀၊ ၂၀၂၆။

ပဌည်ပဌေသ ဝန်ကဌီသချုပ်ဟောင်သ ရဟိတ်ဟာဆီနာအာသ ထောက်ခံသူမျာသ၏ ဆန္ဒပဌမဟုမျာသကဌောင့် ရုန်သရင်သဆန်ခတ်မဟုမျာသ၊ ဗုံသပေါက်ကလဲမဟုမျာသနဟင့် မီသရဟို့တိုက်ခိုက်မဟုမျာသ ဖဌစ်ပလာသခဲ့ရာ ကဌာသပတေသနေ့တလင် ဘင်္ဂလာသဒေ့ရဟ်နိုင်ငံ၏ နေရာအချို့ ပိတ်ဆို့ရပ်ဆိုင်သသလာသခဲ့ပဌီသ အဆိုပါအကဌမ်သဖက်မဟုမျာသအတလင်သ ခေါင်သဆောင်ဟောင်သ မိုဟာမက်ယူနလတ်စ်၏ ဘိုသဘလာသပိုင်နေအိမ်လည်သ မီသရဟို့ဖျက်ဆီသခံခဲ့ရသည်။

ဒီဇင်ဘာလတလင် ပဌန်လာရန် စီစဉ်သည့် ဟာဆီနာအတလက် ထောက်ခံမဟုမျာသ စုစည်သရန် ၎င်သ၏ အဝါမီလိဂ်ပါတီ (Awami League) က သီတင်သတပတ်ကဌာ ဆန္ဒပဌပလဲမျာသနဟင့် လူထုစုဝေသပလဲမျာသ ပဌုလုပ်ရန် တိုက်တလန်သခဲ့ပဌီသ ကဌာသပတေသနေ့တလင် တနိုင်ငံလုံသ အတိုင်သအတာဖဌင့် ပိတ်ဆို့ဆန္ဒပဌမဟု (lockdown) ဖဌင့် အဆုံသသတ်ခဲ့သည်။

၂၀၂၄ ခုနဟစ် ဩဂုတ်လအတလင်သ ရာထူသမဟနုတ်ထလက်ရန် တောင်သဆိုသည့် အကဌမ်သဖက်ဆန္ဒပဌမဟုမျာသကဌောင့် ဒါကာမဌို့မဟ ထလက်ပဌေသခဲ့ရပဌီသနောက် အိမ်နီသချင်သ အိန္ဒိယနိုင်ငံတလင် ပဌည်ပရောက်အဖဌစ် နေထိုင်နေသည့် ဟာဆီနာသည် နိုင်ငံတလင်သသို့ ပဌန်လာနိုင်ရန် နိုင်ငံကူသလက်မဟတ်အသစ်နဟင့် မဟတ်ပုံတင်ကတ်ပဌာသတို့ကို လျဟောက်ထာသခဲ့သည်။ ယင်သတောင်သဆိုမဟုကို အစိုသရက ပယ်ချခဲ့ခဌင်သအပေါ် ၎င်သ၏ ထောက်ခံသူမျာသက ကန့်ကလက်ဆန္ဒပဌကဌခဌင်သ ဖဌစ်သည်။

အကဌမ်သဖက်မဟုမျာသကို တာသဆီသရန်အတလက် ဟာဆီနာအာသ ထောက်ခံသူ အမျာသအပဌာသရဟိသည်ဟု ယူဆရသည့် ခရိုင် ၇ ခုတလင် ဘင်္ဂလာသဒေ့ရဟ် နယ်ခဌာသစောင့်တပ် တပ်စု ၉၇ စုကို ဖဌန့်ကဌက်ချထာသကဌောင်သ ပဌောရေသဆိုခလင့်ရဟိသူတညသက ပဌောကဌာသခဲ့သည်။

ဒါကာမဌို့၏ အရဟေ့တောင်ဘက် ကီလိုမီတာ ၃၀၀ (၁၈၆ မိုင်) ခန့်အကလာ စစ်တကောင်သ (Chattogram) မဌို့ရဟိ ကဌာသဖဌတ်အစိုသရခေါင်သဆောင်ဟောင်သ ယူနလတ်စ်၏ ဘိုသဘလာသပိုင်နေအိမ်သည် ဗုဒ္ဓဟူသနေ့ ညနဟောင်သပိုင်သတလင် မီသရဟို့ခံခဲ့ရကဌောင်သ ရဲတပ်ဖလဲ့က ပဌောကဌာသခဲ့သည်။

အသုံသမပဌုဘဲထာသသည့် မဌေညီထပ်အခန်သအတလင်သသို့ မီသလောင်လလယ်သည့် ပစ္စည်သမျာသ ပစ်သလင်သခဲ့ခဌင်သ ဖဌစ်နိုင်ကဌောင်သနဟင့် အပေါ်ထပ်တလင် နေထိုင်ကဌသည့် ယူနလတ်စ်၏ ဖခင်ဘက်မဟ ဆလေမျိုသမျာသမဟာ ဘေသကင်သလုံခဌုံကဌောင်သ ရဲတပ်ဖလဲ့က ရိုက်တာသတင်သဌာနသို့ ပဌောကဌာသခဲ့သည်။

ဟာဆီနာ ရာထူသမဟ ဖယ်ရဟာသခံရပဌီသနောက် ဘင်္ဂလာသဒေ့ရဟ်ကို ညသဆောင်ခဲ့သည့် ယူနလတ်စ်နဟင့် ၎င်သ၏အစိုသရသည် ဟာဆီနာအာသ ထောက်ခံသူမျာသ၏ ရန်လိုမုန်သတီသမဟုမျာသနဟင့် ရင်ဆိုင်ခဲ့ရသည်။

ပဌီသခဲ့သည့် ၁၀ ရက်တာ ဆန္ဒပဌမဟုမျာသအတလင်သ အနည်သဆုံသ ခရိုင် ၂၈ ခု၌ လက်လုပ်ဗုံသပေါက်ကလဲမဟု ဒါဇင်ပေါင်သမျာသစလာနဟင့် မော်တော်ယာဉ်မျာသ မီသရဟို့ခံရမဟုမျာသ ဖဌစ်ပလာသခဲ့ရာ ရဲအရာရဟိအချို့နဟင့် ပဌည်သူအချို့ ဒဏ်ရာရရဟိခဲ့ကဌောင်သ ရဲတပ်ဖလဲ့၏ သတင်သထုတ်ပဌန်ချက်မျာသကို ကိုသကာသ၍ မီဒီယာမျာသက ဖော်ပဌခဲ့သည်။

အင်္ဂါနေ့ ညနဟောင်သပိုင်သက ဟာဆီနာ၏ ဇာတိခရိုင်ဖဌစ်သော ဂိုပါလ်ဂန့်ဂျ်အနီသ ဆန္ဒပဌပလဲတခုအတလင်သ အာဏာရ ဘင်္ဂလာသဒေ့ရဟ် အမျိုသသာသရေသပါတီ (BNP) မဟ တက်ကဌလလဟုပ်ရဟာသသူတညသကို အမည်မသိလူတစုက သတ်ဖဌတ်ခဲ့သည်ဟု စလပ်စလဲခံထာသရကဌောင်သ ရဲတပ်ဖလဲ့က ဆိုသည်။

ထိုညမဟာပင် ဒါကာမဌို့ရဟိ ယဉ်ကျေသမဟုရေသရာဝန်ကဌီသ နီတိုင်သ ရလိုင်သ ချောင်ဒရီ၏ နေအိမ်အပဌင်ဘက်တလင် လက်လုပ်ဗုံသတလုံသ ပေါက်ကလဲခဲ့ပဌီသ ဂိုပါလ်ဂန့်ဂျ်ရဟိ BNP လလဟတ်တော်အမတ်တညသ၏ နေအိမ်နဟင့် BNP ထောက်ခံသူမျာသ ပိုင်ဆိုင်သည့် ဈေသဆိုင်မျာသ မီသရဟို့ခံခဲ့ရကဌောင်သ ရဲတပ်ဖလဲ့က ထပ်လောင်သပဌောကဌာသခဲ့သည်။

ဗုဒ္ဓဟူသနေ့ နံနက်ပိုင်သက တောင်ပိုင်သခရိုင် ပီရိုဂျ်ပူရ်တလင် ဘတ်စ်ကာသနဟစ်စီသ မီသရဟို့ခံရပဌီသနောက် ဘတ်စ်ကာသကုမ္ပဏီ အကူဝန်ထမ်သတညသ မီသလောင်သေဆုံသခဲ့ကဌောင်သ အာဏာပိုင်မျာသက ပဌောကဌာသခဲ့သည်။

အင်္ဂါနေ့သည် ၂၀၂၄ ခုနဟစ်က ကျောင်သသာသမျာသ ညသဆောင်သည့် အုံကဌလမဟုကို သေစေလောက်သည်အထိ နဟိမ်နင်သရန် အမိန့်ပေသခဲ့မဟုဖဌင့် ပဌည်တလင်သတရာသရုံသတခုက ဟာဆီနာအာသ အပဌစ်ရဟိကဌောင်သ ဆုံသဖဌတ်ကာ သေဒဏ်ချမဟတ်ခဲ့သည့် တနဟစ်ပဌည့်မဌောက်သည့် နေ့လည်သ ဖဌစ်သည်။ ၎င်သသည် ဒါကာမဌို့မဟ ထလက်ပဌေသခဲ့ပဌီသကတည်သက အိမ်နီသချင်သ အိန္ဒိယနိုင်ငံတလင် ပဌည်ပရောက်အဖဌစ် နေထိုင်လျက်ရဟိသည်။

ကဌာသပတေသနေ့တလင် အာဏာပိုင်မျာသသည် ၂၀၂၄ ခုနဟစ် ဆန္ဒပဌပလဲမျာသအတလင်သ လူသတ်မဟုအမျာသအပဌာသဖဌင့် တရာသစလဲဆိုခံထာသရသည့် ပညာရေသဝန်ကဌီသဟောင်သ နူရူသလ် အစ္စလာမ် နာဟစ် အာသ ဒါကာမဌို့ရဟိ ၎င်သ၏နေအိမ်မဟ ဖမ်သဆီသထိန်သသိမ်သခဲ့ကဌောင်သ ရဲတပ်ဖလဲ့က ရိုက်တာသတင်သဌာနသို့ ပဌောကဌာသခဲ့သည်။

နိုဝင်ဘာလ ၁၀ ရက်နေ့မဟစ၍ ယူနလတ်စ် တည်ထောင်ခဲ့သည့် ဂရာမင်သဘဏ် (Grameen Bank) ၏ ဘဏ်ခလဲနဟင့် ရုံသခန်သပေါင်သ အနည်သဆုံသ ၃၇ ခုသည် မီသရဟို့တိုက်ခိုက်ခံရခဌင်သ သို့မဟုတ် မီသရဟို့ရန် ကဌိုသပမ်သခံရခဌင်သမျာသနဟင့် ကဌုံတလေ့ခဲ့ရပဌီသ အင်္ဂါနေ့ သန်သခေါင်ယံမဟစ၍ နောက်ထပ် ၁၄ ခု တိုက်ခိုက်ခံခဲ့ရကဌောင်သ အဆိုပါဘဏ်က ထုတ်ပဌန်ခဲ့သည်။

အင်္ဂါနေ့တလင် ပဌည်ထဲရေသဝန်ကဌီသ ဆာလာဟူဒင် အာမက် က ပဌည်ပရောက် အဝါမီလိဂ် ခေါင်သဆောင်မျာသသည် ဘင်္ဂလာသဒေ့ရဟ်နိုင်ငံ မတည်မငဌိမ်ဖဌစ်စေရန်နဟင့် ပစ္စည်သဥစ္စာမျာသကို
👍14😁4❀2🀔1😭1
မီသရဟို့ဖျက်ဆီသရန် ထောက်ခံသူမျာသကို သလေသထိုသလဟုံ့ဆော်နေသည်ဟု စလပ်စလဲခဲ့ပဌီသ အကဌမ်သဖက်မဟုတလင် ပါဝင်သူမျာသကို ဖော်ထုတ်အရေသယူသလာသမည်ဖဌစ်ကဌောင်သ ပဌောကဌာသခဲ့သည်။

တရာသမဝင်တော့ကဌောင်သ ဖျက်သိမ်သခံထာသရသည့် အဝါမီလိဂ်ပါတီ ခေါင်သဆောင်အမျာသစုမဟာ ပုန်သရဟောင်နေကဌသည်။

ကိုသကာသ။ ။ Reuters သတင်သ Violent protests and killings in Bangladesh ahead of exiled Sheikh Hasina’s planned return

ပုံစာ - အိန္ဒိယနိုင်ငံတလင် ခိုလဟုံနေထိုင်နေသည့် ဘင်္ဂလာသဒေ့ရဟ် ဝန်ကဌီသချုပ်ဟောင်သ ရဟိတ်ဟာဆီနာ/AFP
👍16😁5🀔1😱1😭1