စစ်တပ်ရဲ့ ဝါဒဖြန့်အကောင့်တွေ အပိတ်ခံရ (ရုပ်/သံ)

ဧရာဝတီ၊ ဒီဇင်ဘာ ၁၉၊ ၂၀၂၅

စစ်ကော်မရှင်ရဲ့ ပြန်ကြားရေးဝန်ကြီးဌာန၊ ပြည်သူ့ဆက်ဆံရေးနဲ့ စိတ်ဓာတ်စစ်ဆင်ရေးဌာနတို့က ကိုင်တွယ်အသုံးပြုနေတဲ့ ဝါဒဖြန့်ချီရေးအကောင့်တွေကို Twitch၊ Facebook၊ YouTube နဲ့ MediaFire တို့က ဖြုတ်ချဖယ်ရှားခဲ့တယ်လို့ Justice for Myanmar (JFM) က ဒီဇင်ဘာလ ၁၈ ရက်နေ့မှာ ထုတ်ပြန်ပါတယ်။

စစ်တပ်ဝါဒဖြန့်ချီရေးအတွက် အသုံးချနေတဲ့ မြန်မာ့အသံနဲ့ရုပ်မြင်သံကြား (MRTV)၊ အလယ်ပိုင်းတိုင်းစစ်ဌာနချုပ်ရဲ့ စီမံမှုအောက်က ရတနာပုံသတင်းစာ၊ နိုင်ငံတကာကိုဝါဒဖြန့်ဖို့ ရည်ရွယ်ပြီး အင်္ဂလိပ်ဘာသာနဲ့ တင်ဆက်တဲ့ MITV တို့ကို အရေးယူပေးဖို့ JFM က တောင်းဆိုခဲ့ပြီးတဲ့ နောက် ဖြုတ်ချခံခဲ့ရတာပါ။

ဝါဒဖြန့် ပလက်ဖောင်းတွေဟာ စစ်တပ်ရဲ့ ဒေါက်တိုင်တခုဖြစ်ပြီး စစ်တပ်က အသုံးချ ဝါဒဖြန့်နေတာကို လက်မခံဘဲ နည်းပညာကုမ္ပဏီတွေအနေနဲ့ နောက်ထပ် အရေးယူမှုတွေ လုပ်ဆောင်ပေးဖို့ JFM က တောင်းဆိုထားပါတယ်။

https://youtu.be/UDN8c3ZumU0
#မြန်မာ #ဧရာဝတီ #MRTV #MITV #ရတနာပုံသတင်းစာ #Twitch #Facebook #YouTube #MediaFire #ဝါဒဖြန့် #WhathappensInMyanmar