Кунг-фу панда: Михаил Шайдоровты Джеки Чан құттықтады

Олимпиада чемпионы Михаил Шайдоров Миланда өткен гала-концертте “Кунг-фу панда” образында өнер көрсетті.

Михаил Шайдоровты аңызға айналған актер Джеки Чан құттықтап, өз ілтипатын білдірді.

📱Ұлысқа жазылыңыз

Головкин Джеки Чанға шапан жапты

Геннадий Головкин Италияда өтіп жатқан XXV қысқы Олимпиада ойындары аясында әлемге әйгілі актер, режиссер, продюсер Джеки Чанмен кездесті.

МӘН-ЖАЙ

Қазақстан Ұлттық Олимпиада комитетінің президенті танымал өнер иесімен бейресми форматта пікір алмасып, құрмет белгісі ретінде қазақтың ұлттық шапанын жауып, тақия сыйға тартты.

Головкин бұл сәттен алған әсерін әлеуметтік желідегі парақшасында бөлісті.

– Біздің дәуірдің аңызы – Джеки Чанмен кездесу, – деп жазды ол Instagram-да.

Айта кетейік, 71 жастағы Джеки Чан 2025 жылғы 22 желтоқсанда Италияның Помпей қаласында өткен Милан–Кортина-д'Ампеццо қысқы Олимпиада ойындарының алау эстафетасына қатысты.

Толығырақ Ұлыстан оқи отырыңыздар

📱Ұлысқа жазылыңыз

Израиль Рамазан айының үшінші күні Газаға соққы жасады

Палестина тарапының мәліметінше, Израильдің әуе соққылары салдарынан кемінде екі адам қаза тапты. Бұл шабуылдар төрт айдан астам уақыт бұрын Израиль мен ХАМАС арасында жасалған бітімнен кейінгі кезекті оқиға болды.

МӘН-ЖАЙ

Al Jazeera телеарнасының хабарлауынша, 21 ақпанда соққылар анклавтың солтүстігіндегі Жабалия босқындар лагеріне және Газа секторының оңтүстігіндегі Кизан ан-Наджар ауданына жасалған.

Wafa агенттігінің дерегінше, атысты тоқтату режимі жарияланған сәттен бері израильдік шабуылдардан қаза тапқандар саны 614 адамға жеткен. 1 640-тан астам адам жарақат алған.

Израиль армиясы бұл оқиғалардың бірін растады. Ресми мәлімдемеде әскери күштер Газа секторының солтүстігінде шекара сызығын кесіп өтіп, израильдік позицияларға жақындаған әрі "тікелей қауіп төндірген" адамды өлтіргені айтылған. Әскерилер мұндай қауіп-қатерлерге қарсы әрекеттер жалғасатынын мәлімдеді.

Толығырақ Ұлыстан оқи отырыңыздар

📱Ұлысқа жазылыңыз

Қазақстан конькимен жүгіруден Әлем кубогы кезеңінде төрт алтын медаль жеңіп алды

Германияның Инцелль қаласында конькимен жүгіруден жасөспірімдер арасында Әлем кубогының кезеңі басталды.

Халықаралық турнирдің алғашқы күні Қазақстан құрамасы төрт алтын медаль жеңіп алды.
Кристина Шумекова 1000 және 3000 метр қашықтықтарда топ жарды.

Нео-сеньорлар арасындағы 1000 метрде жүлделер толықтай қазақстандық спортшыларға бұйырды.

Инесса Шумекова бірінші орын алды, Дарья Важенина екінші болды, ал Алина Дауранова үздік үштікті түйіндеді. Сондай-ақ Қазақстан (нео-сеньорлар) әйелдер арасындағы командалық спринтте жеңіске жетті.

Андрей Семёнов 1000 метрде (нео-сеньорлар) күміс жүлдеге ие болды.

Ал әйелдер арасындағы командалық спринтте Қазақстан жасөспірімдер құрамасы екінші орын алды.

Сондай-ақ Қазақстан құрамасы ерлер арасындағы командалық спринтте (нео-сеньорлар) қола медальға ие болды.

Толығырақ Ұлыстан оқи отырыңыздар

📱Ұлысқа жазылыңыз

Әмір Омарханов Тунистегі турнирдің чемпионы атанды

Қазақстандық 18 жастағы теннисші Әмір Омарханов кәсіби деңгейдегі екінші титулын жеңіп алды.

Финалда қазақстандық-италиялық дуэттің қарсыластары франциялық Сезар Бушелагем мен Александр Обрио болды. Кездесу 6:4, 6:3 есебімен аяқталды.

Әмірдің серіктесі де 18 жаста. Ол АТР рейтингінде 1 055-орында тұр.

М15 санатындағы турнир Тунистің Монастир қаласында хард төсенішіндегі корттарда өтті.

Еске салайық, биыл Әмір жұптық сындағы алғашқы титулын америкалық Гэвин Янгпен (АТР рейтингінде 993-орын) бірге Рафаэль Надальдің туған жері — Монакорда жеңіп алған еді.

Толығырақ Ұлыстан оқи отырыңыздар

📱Ұлысқа жазылыңыз

Жамбыл облысында төтенше жағдай жарияланды

2026 жылғы 21 ақпанда таңғы сағат 4:00-ден бастап Тұрар Рысқұлов ауданда желдің екпіні секундына 30 метрге дейін жетті.

МӘН-ЖАЙ

Кейінгі мәліметке қарағанда, жеті елді мекендегі 29 нысанның шатыры ұшқан. Оның ішінде 10 әлеуметтік нысан бар. Сондай-ақ 19 елді мекенде электр жарығы өшіп, жеті елді мекенде газ беру уақытша тоқтатылған.
Электр жарығы мен газды қалпына келтіру жұмыстарына 10 бригада жұмылдырылды. Жөндеу жұмыстары аяқталып жатыр.

ТӨТЕНШЕ ЖАҒДАЙ

Тұрар Рысқұлов ауданында бірқатар нысан бойынша нысаналы төтенше жағдай жарияланды.
Меркі ауданында да қатты жел салдарынан бес ауылдық округтегі 27 тұрғын үйдің шатыры жартылай зақымданған.

Сонымен қатар бес білім беру нысанының шатыры мен сыртқы қасбеті бүлінген. Сегіз ауылдық елді мекенде электр жарығы сөнсе, үш елді мекенде газ желілеріне зақым келген.

Жалпы, екі ауданда да зардап шеккен тұрғындар жоқ. Қоғамдық-саяси ахуал тұрақты.

– Қазіргі таңда дауыл салдарынан келген шығын көлемін анықтау жұмыстары жалғасып, коммуналдық желілер штаттық режимде жұмыс істеп жатыр, – делінген хабарламада.

Толығырақ Ұлыстан оқи отырыңыздар

📱Ұлысқа жазылыңыз

Қарағандыда бірнеше пәтерді тонаған ұйымдасқан қылмыстық топ мүшелері ұсталды

Қарағанды облысында пәтер ұрыларынан құралған қылмыстық топтың жолы кесілді.

МӘН-ЖАЙ

Қарағанды облысында криминалдық полиция қызметкерлері "Арлан" арнайы мақсаттағы бөлімшесінің жауынгерлерімен бірлесіп жүргізген жедел-іздестіру іс-шаралары барысында пәтер ұрлығымен айналысқан қылмыстық топты әшкерелеп, 35-39 жас аралығындағы үш ер адам ұстады.

Олар алдын ала сөз байласып, қылмыстарды нақты жоспарланған схема бойынша жасаған.

Жыл басында күдіктілер Лобода көшесіндегі тұрғын үйлердің біріне металл қоршауды, пластик терезені күшпен бұзып, заңсыз кірген. Содан алтын бұйымдар мен гауһар тастары бар әшекейлер (шамамен 40 атау), күзен тон және ноутбукты ұрлап кеткен. Жәбірленушіге келтірілген жалпы материалдық шығын 20 миллион теңгеден асып отыр.

Толығырақ Ұлыстан оқи отырыңыздар

📱Ұлысқа жазылыңыз

Қазақстан құрамасы қысқы Олимпиадағы өнерін аяқтады

Қазақстан құрамасы Италияда өтіп жатқан 2026 жылғы қысқы Олимпиада ойындарындағы жарыс жолын аяқтады.

Ұлттық құрама үшін соңғы сын әйелдер арасындағы 50 шақырымдық классикалық әдіспен масс-старт болды. Бұл жарыста Қазақстан намысын Надежда Степашкина мен Анна Мельник қорғады.

Надежда Степашкина 31-орында мәреге жетті. Ал Анна Мельник көшбасшы спортшының айналып өтуіне байланысты жарысты аяқтай алмады.

Жарыста швециялық Эбба Андерссон жеңіске жетті. Норвегиялық Хейди Венг күміс жүлдеге ие болды. Швейцариялық Надя Келин қола медаль еншіледі.

Осылайша, Қазақстан құрамасы Италияда өтіп жатқан Олимпиада ойындарындағы жарыс бағдарламасын толық аяқтады.

Биылғы қысқы Олимпиадада Қазақстан атынан 36 спортшы 10 спорт түрінде сынға түсті.

Толығырақ Ұлыстан оқи отырыңыздар

📱Ұлысқа жазылыңыз

Иран студенттері қайта көшеге шықты

Amirkabir University of Technology мен Sharif University of Technology студенттері кампус аумағында жиналып, елдің рухани көсемі Әли Хаменеи саясатына қарсы ұрандар көтерген.

Sharif университетінде қарама-қарсы көзқарастағы студенттік топтар арасында қақтығыс болғаны хабарланды. Билікті сынаған жастарға үкіметті қолдайтындар жауап қайтарған. Ал оппозициялық топ "Шах жасасын!" деген ұранмен қарсылық білдірген. Бұл сөз тіркесі 1979 жылғы Ислам революциясынан кейін биліктен кеткен әулеттің мұрагері Реза Пехлеви есімімен байланысты.

Наразылық географиясы кеңейді

Акциялар University of Tehran мен Shahid Beheshti University аумағында да өткен. Кейбір студенттер қаңтардағы шерулер кезінде ұсталған курстастарын босатуды талап еткен.

Иран заңнамасына сәйкес, қауіпсіздік күштеріне университет аумағына кіруге шектеу қойылған. Соған қарамастан, жоғары оқу орындары елде тарихи тұрғыда саяси белсенділік пен демократиялық қозғалыстардың орталығы саналады.

Толығырақ Ұлыстан оқи отырыңыздар

📱Ұлысқа жазылыңыз

Қазақстандық төреші ресейлік спортшыға жоғары баға беріп, өз елінің өкілін төмен бағалады

2026 жылы Миланда өткен Олимпиада ойындарында Қазақстан атынан қатысқан төреші Надежда Парецкая қызу талқыға түсті. Жанкүйерлер оның еркін бағдарламада ресейлік мәнерлеп сырғанаушы Аделия Петросянға ең жоғары ұпайларды қойғанын, ал қазақстандық спортшылардың өнерін айтарлықтай қатаң бағалағанын атап өтті.

Әлеуметтік желілерде Петросянның прокатын бағалау кезінде Парецкая ең көп ұпайларды, соның ішінде компоненттер бойынша ең жоғары бағаларды қойғаны жазылған. Ал қазақстандық Софья Самоделкинаға, көрермендердің пікірінше, ұпайлар төмендетіліп берілген — нәтижесінде ол Олимпиаданы 10-орынмен аяқтады.

Жанкүйерлер тарапынан ерлер арасындағы жарысқа қатысты да наразылықтар айтылды. Олардың айтуынша, Парецкая қысқа бағдарламада Михаил Шайдоровты жетінші орынға қойған, ал ол сол сәтте көшбасшылар тобында келе жатқан.

Бұл жағдай спортшының еркін бағдарлама алдындағы жағдайын қиындатып, тәуекелге барып, бес секіру элементін жариялауына мәжбүр еткен. Соған қарамастан, Шайдоров алтын медаль жеңіп алып, Олимпиада чемпионы атанды.

Алайда қазақстандық төрешінің ресейлік және қазақстандық спортшыларға қойған бағалары жергілікті жанкүйерлер арасында әлі де сынға ұшырап отыр. Сонымен қатар, қазақстандықтар тарапынан «неге Олимпиадаға төреші ретінде 2019 жылғы әлем чемпионатының күміс жүлдегері Элизабет Тұрсынбаева жіберілмеді?» деген сұрақ туындады. Әлеуметтік желілерде қолданушылар Қазақстанның Ұлттық Олимпиада комитетінен бұл жағдайға түсініктеме беруді талап етті.

Толығырақ Ұлыстан оқи отырыңыздар

📱Ұлысқа жазылыңыз

«Қоспаевтар бізден кек алып жатыр»: Алмас Әбдіғаппаровтың анасы Тоқаевқа жүгінді

Сотталған кәсіпкер Алмас Әбдіғаппаровтың анасы Сәуле Жүнісбекова президент Қасым-Жомарт Тоқаевқа жүгінді. Өз мәлімдемесінде ол отбасыларының бес жылдан астам уақыт бойы қысым көріп келе жатқанын айтып, бұл жағдайды бизнесті рейдерлік жолмен тартып алу және соның артынан басталған қылмыстық қудалаумен байланыстырады.

Ол 2025 жылғы 9 маусымда Елдос Қоспаев бастаған ұйымдасқан қылмыстық топқа қатысты іс бойынша сот үкімі заңды күшіне енгенін еске салды. Сот компанияны заңсыз басып алу мен мүлікті иемдену деректерін анықтап, сондай-ақ оның ұлына қатысты қылмыстық істің мән-жайына баға берген. Жүнісбекованың айтуынша, бұл іс «Esentai City» жобасындағы үлесті тартып алу үшін қысым жасау құралы ретінде пайдаланылған. Үкім заңды күшіне енгеннен кейін, әйелдің сөзінше, отбасы компанияны қайта бақылауына алып, тұрғын үй кешенінің құрылысын жалғастыруға мүмкіндік алған. Алайда қысым тоқтамағанын айтады.

– Бұл жол беруге болмайтын жағдай деп санаймын және мұнда параәлеуметтік мәртебені теріс пайдалану, мүдделер қақтығысы және істің қаралу барысына ықпал ету белгілері бар екенін көрсетеді. Сонымен қатар, қоғамдық кеңістікте ұйымдасқан қылмыстық топтың сотталған мүшелерімен байланысты адамдар тобы белсенді әрекет етіп, соттың заңды күшіне енген үкіміне қайшы келетін ақпарат таратып жатыр, рейдерлік фактілерді әдейі жасырып, қоғамда теріс пікір қалыптастырып, сотқа қысым көрсетуде. Бұл әділ сот талқылауына тікелей қауіп төндіріп, құрылыстың тұрақты аяқталуына кедергі келтіреді.
Сізден конституциялық өкілеттігіңіз аясында уәкілетті мемлекеттік органдарға, Қазақстан Республикасының Бас прокуратурасына Ольга Әбдіғаппарова ісі бойынша қабылданған процессуалдық шешімдердің заңдылығы мен негізділігін, оның ішінде жәбірленуші тараптың өкілі ретінде ЖШС атынан Танашев пен Әбіжановтың қатысуының заңдылығын тексеруді және бұл жайттарға тиісті құқықтық баға беруді тапсыруыңызды сұраймын. Сот әкімшілігі мен сот жүйесінің уәкілетті органдары сотқа кез келген сыртқы қысымның жолын кесіп, тәуелсіздік, бейтараптық және тараптардың теңдігі қағидаттарының сақталуын қамтамасыз етуі тиіс. Құқық қорғау органдары сот үкіміне қайшы келетін мәліметтерді қамтитын ұйымдасқан ақпараттық науқандарға құқықтық баға беріп, сот төрелігіне араласу, жала жабу, көрінеу жалған ақпарат тарату және өзге де құқық бұзушылық белгілерінің бар-жоғын тексеруі қажет. Компанияның заңды қызметін нақты қорғауды қамтамасыз етіп, ЖШС-ға Esentai City тұрғын үй кешенінің құрылысын жасанды кедергілер мен бопсалаусыз аяқтауға мүмкіндік беру керек. Біз ешқандай артықшылық сұрамаймыз, біз тек бір нәрсені талап етеміз: заңды күшіне енген сот үкімі нақты құқықтық салдарға ие болып, жаңа қысыммен тоқтатылмасын және қылмыстық істер мен медиа шабуылдар арқылы бүркемеленбесін. Өтінішімді заңда белгіленген тәртіппен қарап, уәжді жауап беруіңізді сұраймын, – деді Жүнісбекова.

Толығырақ Ұлыстан оқи отырыңыздар

📱Ұлысқа жазылыңыз

Түркістан облысында бір жыл бұрын салынған әкімдік ғимараты қирап жатыр

Түркістан облысында бір жыл бұрын салынған Сайрам ауданындағы Жібек жолы ауылдық округі әкімдігінің ғимараты қирап жатыр.

Аудан әкімінің сөзінше, бұл жаңа ғимарат, онда бірқатар кемшілік анықталған. Нысанның жағдайы көңіл көншітпейді. Бұл мәселе бойынша мердігер мекемеге нақты тапсырма берілген. 
Ашық дереккөздегі мәлімет бойынша, жобаның құны 193 миллион теңге болған.

ӘКІМДІК НЕ ДЕЙДІ

Әкімдік мәліметінше, Түркістан облысы Сайрам ауданы Жібек Жолы ауылдық округі әкімі аппаратының әкімшілік ғимаратының құрылысы» нысаны 2024–2025 жылдары аралығында салынған. 

Нысанды зерделеу барысында қабырғаларда жарықтар мен ойықтардың пайда болуы, сондай-ақ ішкі қабырғалардың шөгу фактілері анықталды. Аталған кемшіліктерге байланысты бөлім тарапынан 2026 жылғы 13 ақпанда хат жолданып, мердігер ұйымға анықталған ақауларды жою және қалпына келтіру жұмыстарын жүргізу туралы ресми талап қойылған. 

Сонымен қатар, ағымдағы жылдың мамыр айына дейін нысанды толық ретке келтіру жөнінде мердігер мекемеден кепілдеме алыныпты. Бөлім қызметкерлері тарапынан нысанға қосымша зерделеу жүргізіліп, тиісті акт жасақталған.

Қазіргі уақытта анықталған кемшіліктерді жоюды қамтамасыз ету және мердігер ұйымды шарттық міндеттемелерін орындауға міндеттеу бағытында қолданыстағы заңнамаға сәйкес шаралар қабылдануда.

Толығырақ Ұлыстан оқи отырыңыздар

📱Ұлысқа жазылыңыз

Сенген қойым сен болсаң: Мақсат Дүйсенов неміс түрмесінен қалай босады?

Көшуді ойлаған кез келген адам, алдымен, баратын жерінің жай-жапсарын зерттеп, зерделейді. Ол басқа ел болса, онда жөні тіпті бөлек. Мысалы, Германияға қоныс аударуды алайық. Сайттан қарап, пікірлерді оқисың, әйтеуір бірден тартып кетпейтінің анық. Егер оқу, емделу немесе туыстармен қауышу сияқты нақты себеп болмаса, көп жағдайда бұл ойдан бас тартамыз. Себебі бұл еуропалық елде шетелден келгендерге талап өте қатаң: елде қалуға рұқсат бермес бұрын бүкіл өмірбаяныңды жіті тексереді. Ал егер өткен жолыңда қылмыстық бап бойынша соттылығың болса, уақытыңды босқа кетірмей-ақ қоюға болады, себебі бәрібір бас тартады. Алайда түсініксіз бір себептермен Қазақстан азаматы Мақсат Дүйсенов бұл көші-қон сүзгісінен еш кедергісіз өткен.

Оның ұсталып, тіпті Нюрнберг түрмесіне қамалғаны туралы біз өткен жылдың қыркүйек айында жазғанбыз. Ол кезде Қазақстанның Бас прокуратурасы бұл ақпаратты растаумен қатар, Дүйсеновтің халықаралық іздеуде жүргенін де хабарлаған еді. Бірақ арада жарты жыл өткен соң, бұрынғы көлік прокурорының ісінен неміс тарапы еш заңсыздық көрмеген сияқты, әлде біз естіп өскен «немістер заңды қатты құрметтейді» деген сөздің бос сөз болғаны ма?

Толығырақ Ұлыстан оқи отырыңыздар

📱Ұлысқа жазылыңыз

Мобильді аударым сомасы 1 млн теңгеден асса, айыппұл салына ма?

Қаржы министрлігі мобильді аударымдар бойынша қандай жағдайда және қашан айыппұл салынатынын түсіндірді.

Бірден айыппұл салынбайды

Қаржы вице-министрі Ержан Біржановтың айтуынша,  белгіленген шектен асқан аударымдар үшін азаматтарға бірден айыппұл салынбайды.
Оның айтуынша, егер бір адамның шотына үш ай қатарынан 100-ден астам адамнан қаражат түсіп, жалпы сомасы 1 миллион теңгеден асса, салық органдары алдымен ескерту-хабарлама жолдайды. Азаматтан қаражаттың шығу тегін түсіндіру сұралады. Кей жағдайда мұндай тұлға жеке кәсіпкер ретінде тіркелген болуы мүмкін.

Тексеру қалай жүргізіледі?

Егер азамат хабарламаға жауап беріп, негізді түсініктеме ұсынса, іс сол жерде тоқтатылуы мүмкін. Ал жауап болмаған жағдайда салық органдары тексеріс бастауға құқылы.

Тексеру барысында құжаттар негізінде салық сомасы есептеледі. Егер ол төленбесе, материалдар сот орындаушысына жолданады. Соңғы шешім де сол орган тарапынан қабылданады.

Туыстардың мобилді аударымдары тексерілмейді

Министрлік өкілдері жақын туыстар арасындағы ақша аударымдарына бақылау жүргізілмейтінін мәлімдеді. Яғни, отбасы мүшелері немесе ағайын-туыс бір-біріне қаражат аударса, бұл үшін жауапкершілік қарастырылмайды.

Толығырақ Ұлыстан оқи отырыңыздар

📱Ұлысқа жазылыңыз

Референдум нәтижелері Наурызға дейін жарияланады

Орталық референдум комиссиясының мүшесі Азамат Айманқұловтың айтуынша, 2026 жылғы 15 наурызда сайлау учаскелері таңғы сағат 7:00-ден кешкі 20:00-ге дейін жұмыс істейді. Егер жекелеген учаскелер үшін өзгеше тәртіп белгіленбесе, осы уақыт қолданылады.
Сондай-ақ, учаскеде тіркелген барлық азамат сағат 20:00-ге дейін дауыс беріп үлгерсе, учаске жұмысы ертерек аяқталуы мүмкін.

— Дауыстарды санау референдум комиссиясының мүшелері тарапынан үзіліссіз жүргізіледі. Дауыс беру қорытындылары Конституциялық заңға сәйкес санау кезінде қатысып отырған тұлғаларға жеткізілуі тиіс. Учаскедегі дауыстарды санау уақыты санау басталған сәттен бастап 12 сағаттан аспауы керек, — деп атап өтті Айманқұлов.

Ол сондай-ақ референдумға дауыс беруге құқығы бар азаматтардың жартысынан көбі қатысқан жағдайда ғана референдум өтті деп есептелетінін еске салды.

Референдумға шығарылған мәселе бойынша шешім қабылданды деп танылуы үшін дауыс беруге қатысқан азаматтардың жартысынан астамы «қолдаймын» деп дауыс беруі және бұл қолдау облыстар мен республикалық маңызы бар қалалардың кемінде үштен екісінде тіркелуі қажет.

— Дауыс беру қорытындылары Орталық референдум комиссиясының отырысында шығарылады. Референдум нәтижелері туралы Орталық референдум комиссиясының ресми хабарламасы дауыс беру аяқталған күннен бастап жеті күннен кешіктірілмей Комиссияның ресми парақшасында және бұқаралық ақпарат құралдарында жарияланады, — деді Азамат Айманқұлов.

КОНТЕКСТ

Жаңа Конституцияны қабылдау жөніндегі референдум 2026 жылғы 15 наурызда өтеді. ОСК бекіткен күнтізбеге сәйкес, үгіт-насихат науқаны үш күнге созылады. 14 наурыз — тыныштық күні, 15 наурыз — дауыс беру күні. Дауыс беру қорытындылары 21 наурыздан кешіктірмей ресми түрде жарияланады.

Толығырақ Ұлыстан оқи отырыңыздар

📱Ұлысқа жазылыңыз

«Қош бол, министр» немесе жақында кімдер орнын босатуы мүмкін

Үкіметтің кеңейтілген отырысы өтіп, жаңа Конституция бойынша референдум болатын күн жарияланғаннан кейін Үкімет мүшелерінің қозғала бастағаны байқалады. Екі палаталы парламенттің орнын Құрылтай ауыстыратыны жайлы хабар нақтырақ болған сайын министрлер де креслосының келешегіне алаңдайтын сияқты. Сондықтан әрқайсысы мемлекетке қаншалықты қажет екенін барынша көрсетуге тырысып бағуда. Алайда мемлекет басшысы үкіметтің кеңейтілген отырысында анық сездіргендей, кейбір министрлер жақын арада қызметімен қоштасатын секілді.

Ulysmedia.kz соңғы уақытта сын садағына жиі іліккен Үкіметтің ТОП-5 аутсайдерін анықтады.

Толығырақ Ұлыстан оқи отырыңыздар

📱Ұлысқа жазылыңыз

“Құлап қалған ресейлік спортшыға жоғары ұпай берген”: желідегілер төрешіні қызметінен алып тастауды талап етуде

Милан-2026 қысқы Олимпиадасы аяқталса да, Қазақстан спортында дау-дамай жалғасуда. Еліміздің  атынан төрелік еткен Надежда Парецкаяның берген бағалары әлеуметтік желілерде қызу талқыланып, жанкүйерлердің күмәнін тудырды. Жел қолданушылары оның ресейлік спортшыларға жоғары, ал қазақстандықтарға төмен ұпай бергенін айтып, ресми органдардан түсіндіруді талап етіп жатыр.

Төрешінің бағасы

Италияда 2026 қысқы Олимпиада аяқталғаннан кейін Қазақстан спорт қоғамында жаңа дау өршіді. Қазақстан атынан төрелік еткен Надежда Парецкаяның шешімдері жанкүйерлер арасында күмән тудырып, әлеуметтік желілерде қызу пікірталасқа ұласты.

Көпшіліктің пікірінше, Парецкая ресейлік спортшы Аделия Петросянға жоғары ұпай беріп, ал қазақстандық мәнерлеп сырғанаушыларға төмен баға берген. Әсіресе әйелдер арасындағы еркін бағдарлама қорытындысынан кейін сын үдеп, төрешінің бағалауы жанкүйерлердің наразылығын тудырды.

Тоғыз төрешінің ішінде дәл осы Парецкая өнер көрсету кезінде құлап қалған Петросянға ең жоғары 147,04 ұпай берген. Мұндай бағамен ресейлік спортшы бағдарламада көш бастар еді. Ал Ұлыбритания өкілі Ричард Грейндж оған ең төмен 136,90 ұпай қойып, оныншы орынға лайық деп таныған. Нәтижесінде Петросян еркін бағдарламада 141,64 ұпай жинап, екі бағдарламаның қосындысы бойынша 214,53 ұпаймен жалпы есепте алтыншы орынға жайғасты.

Толығырақ Ұлыстан оқи отырыңыздар

📱Ұлысқа жазылыңыз