Пудрат ташкилотларининг бошқа харажатлари ягона тартибда ҳисобланади

Ҳукумат қарори (583-сон, 21.10.2026 й.) билан Қурилиш объектларининг шартномавий жорий нархларини ҳисоблашда пудрат ташкилотларининг бошқа харажатларини аниқлаштириш тартиби тўғрисидаги низом тасдиқланди.

📃 Қарорга кўра, 2027 йил 1 январдан бошлаб бюджет тизими бюджетлари маблағлари ҳамда устав фондида (устав капиталида) давлат улуши 50 фоиз ва ундан ортиқ бўлган хўжалик жамиятлари маблағлари ҳисобидан молиялаштириладиган қурилиш, реконструкция қилиш ва таъмирлаш ишлари бўйича лойиҳа-смета ҳужжатларини ишлаб чиқиш ҳамда объектларнинг бошланғич қийматини аниқлашда:

▪️қурилиш соҳасидаги ишчи-ходимларнинг меҳнатига ҳақ тўлаш миқдори республика бўйича 1 киши/соат учун меҳнатга ҳақ тўлашнинг энг кам миқдорининг (МҲТЭКМ) 5 фоизида (ижтимоий солиқ тўловларини ҳисобга олган ҳолда) белгиланади;

▪️пудрат ташкилотларининг ишлаб чиқаришга доир бошқа харажатлари тўғридан-тўғри харажатлар суммасининг 2,5 фоизи, тоғли, чўл, етиб бориш қийин бўлган ҳудудлардаги объектларда 5 фоизи миқдорида белгиланади;

▪️пудрат ташкилотларининг бошқа харажатлари смета қийматининг (тўғридан-тўғри харажатлар) 20 фоизи ҳамда зарур фойда 7 фоизи миқдорида белгиланади.

🔍 Тўғридан-тўғри шартномалар бўйича:

🟢пудрат ташкилотларининг бошқа харажатларини ҳисоблаш, текшириш ва тасдиқлаш жараёнлари “Шаффоф қурилиш” миллий ахборот тизими (МАТ) орқали электрон шаклда амалга оширилади;

🟢 пудрат ташкилоти ташкил топганига бир календарь йилдан ошмаган ва баланс кўрсаткичлари, молиявий ҳисоботлар ва ҳисобот кўрсаткичлари топширилмаган ҳолларда бошқа харажатлар смета қийматининг 10 фоизи ҳамда зарур фойда 7 фоизи миқдорида қабул қилинади.

🔍 Ишлаб чиқаришга доир бошқа харажатлар учун ажратилган маблағлар ҳақиқатда бажарилган ишлар ҳажми ва қийматидан келиб чиққан ҳолда молиялаштирилади.

🔍 Тендер (танлов) асосида расмийлаштириладиган шартномаларда шартнома даврида пудрат ташкилотларининг бошқа харажатлари миқдорига ўзгартириш киритилишига йўл қўйилмайди (солиқ тўғрисидаги қонунчилик ҳужжатларига ўзгартириш киритилган ҳоллар бундан мустасно).

🔍 Пудрат ташкилотларининг бошқа харажатлари миқдори тўғрисидаги маълумотлар пудрат ташкилотлари кесимида “Шаффоф қурилиш” МАТда эълон қилиб борилади.

🕊Telegram 📱Instagram 📱Facebook 📺Youtube

Тошкент шаҳри ва унга туташ ҳудудларда иссиқхоналар учун махсус экологик тартиб жорий этилади

Ҳукумат қарори (586-сон, 22.10.2026 й.) билан Махсус ҳудудда жойлашган қаттиқ ёқилғида ишловчи иссиқхоналарга белгиланадиган экологик талаблар тўғрисидаги низом тасдиқланди.

📃 Қарорга кўра, Тошкент шаҳри, Тошкент вилоятининг Юқори Чирчиқ, Қибрай, Янгийўл, Зангиота ва Тошкент туманлари иссиқхона хўжаликлари фаолияти учун махсус экологик тартиб жорий этиладиган ҳудуд (Махсус ҳудуд) этиб белгиланди.

✔️ Махсус ҳудудда иситиш тизимига эга бўлган иссиқхона хўжаликлари фаолияти фақатгина табиий газ шу жумладан, суюлтирилган газ), электр энергияси, геотермал энергия, қуёш энергияси ҳамда иссиқлик электр станцияларида ҳосил бўладиган иккиламчи иссиқлик энергиясидан фойдаланган ҳолда амалга оширилади.

✔️ Қаттиқ ёқилғида (кўмир, брикет ва биомасса пеллетлари) фаолият юритаётган иссиқхона хўжаликлари 2026 йил 1 декабрга қадар иситиш турини юқоридаги турларга ўзгартириб, фаолиятини давом эттиради.

❕ Қаттиқ ёқилғидан фақатгина қуйидаги талабларнинг барчасини бир вақтнинг ўзида бажарган ҳолда фойдаланишга рухсат этилади:

▪️ қозон қурилмаларини ёқилғи узатиш ва ёниш жараёнини автоматик бошқариш тизими ҳамда чанг-газ тозалаш ускуналари билан жиҳозлаш;

▪️ узлуксиз автоматик мониторинг тизимини ўрнатиш ва уни Экология қўмитасининг ахборот тизимларига интеграция қилиш;

▪️ ускуналарнинг мувофиқлик сертификатига эга бўлиши;

▪️ онлайн камералар, қувват манбаи ва захира генератори ўрнатиш;

▪️ ҳосил бўлган чиқиндиларни утилизация қилиш.

✔️ Иссиқхона хўжаликларида шиналар, битум, мазут, пластмасса ва полимер плёнкалар, синтетик картон, резина, жун толаси, ишлатилган мойлар, маиший ва ишлаб чиқариш чиқиндиларини ҳамда шунга ўхшаш таркибли материалларни ёқилғи сифатида ёқиш қатъиян тақиқланади.

💰 Экологик модернизацияни молиявий қўллаб-қувватлаш чоралари:

▪️ 2028 йил 1 январга қадар чанг-газ тозалаш ускуналари, қозон қурилмалари, энергия тежамкор экранлар, энергия самарадор технологиялар, электр, геотермал, қуёш ва когенерация асосидаги иситиш ускуналарини харид қилиш харажатларининг 50 фоизи, бироқ ҳар бир гектари учун 50 млн сўмдан ошмаган қисмига давлат бюджети ҳисобидан субсидия ажратилади;

▪️ автоматик мониторинг станцияларини харид қилишда истак билдирган иссиқхоналарга уч томонлама шартнома тузиш орқали 7 йил муддатга фоизсиз бўлиб-бўлиб тўлаш шарти билан ҳар бир станция учун 350 млн сўмдан ортиқ бўлмаган маблағлар молиялаштирилади;

▪️ 2026–2027 йилларда электр энергияси, геотермал, қуёш энергияси, когенерация иситиш тизимларига ўтиш лойиҳалари учун тижорат банклари орқали 7 йил муддатга 3 йиллик имтиёзли давр билан йиллик 14 фоиз ставкада (шундан, банк маржаси 4 фоиз) лойиҳа қийматининг 50 фоизигача қисмига ва ҳар бир гектарга 3 млрд сўмгача кредитлар ажратилади.

⏰ 2026 йил 1 декабрдан бошлаб белгиланган талабларга жавоб бермайдиган иссиқхона хўжаликларига давлат экологик экспертизаси бўйича ижобий хулоса берилмайди, илгари берилган хулосанинг амал қилиши белгиланган тартибда вақтинча тўхтатилади. Бунда иссиқхонани электр, газ ва сув таъминотидан узиш чоралари кўрилади.

✔️ Махсус ҳудуддаги иссиқхона хўжаликларида ҳар йили 15 октябрдан 15 мартга қадар назорат ва мониторинг ишлари амалга оширилади. Инсон ҳаёти ва соғлиғига юқори хавф солувчи омиллар аниқланган тақдирда иссиқхона фаолияти ёки ифлослантирувчи манба 10 кунгача вақтинча тўхтатиб турилади.

🕊Telegram 📱Instagram 📱Facebook 📺Youtube

📣📣📣

Ҳурматли тадбиркорлар!

🇺🇿🇵🇱 Тошкент шаҳрида Польша бизнес делегациясининг Ўзбекистонга ташрифи доирасида икки мамлакат ишбилармон доиралари вакиллари иштирокида Ўзбекистон–Польша бизнес-форуми ва B2B форматдаги музокаралар бўлиб ўтади.

🗓 4 ноябрь, 10:30
📍 Савдо-саноат палатаси биноси

Делегация таркибидан:
▪️«яшил» технологиялар;
▪️атроф-муҳитни муҳофаза қилиш;
▪️транспорт ва логистика;
▪️тиббиёт, фармацевтика;
▪️қурилиш материаллари;
▪️машинасозлик;
▪️электротехника;
▪️қишлоқ хўжалиги технологиялари ва озиқ-овқат маҳсулотларини қайта ишлаш;
▪️консалтинг соҳаларига ихтисослашган компаниялар ўрин олган.

Форумда Польша компаниялари билан тўғридан-тўғри мулоқот қилиш, янги ҳамкорлар топиш, қўшма лойиҳалар ва инвестиция имкониятларини муҳокама қилинади.

❗️Иштирок этиш учун рўйхатдан ўтиш сўралади:
❤️ @mkuchkarova
📞 +998 90 909 24 35

🕊Telegram 📱Instagram 📱Facebook 📺Youtube

Ўзбекистонда машҳур брендлар қалбакилаштирилмоқда: тадбиркорлар ёрдам сўраб мурожаат қилди

✖️ Бугунги кунда юздан ортиқ маҳаллий ишлаб чиқарувчининг брендлари ички ва ташқи бозорларда ўз ўрнини топган. Бироқ бозорда маҳаллий ва хорижий брендларнинг қалбаки нусхалари кўпайиб бораётгани тадбиркорларни жиддий ташвишга солмоқда.

Савдо-саноат палатасида бўлиб ўтган очиқ мулоқотда тадбиркорлар ўз брендларини ҳимоя қилиш, қалбаки маҳсулотлар савдосига чек қўйиш ва бу борада амалий ёрдам кўрсатиш юзасидан мурожаатларини билдирдилар.

🕊Telegram 📱Instagram 📱Facebook 📺Youtube