Қашқадарёда тадбиркорлар маслаҳатчи этиб тайинланди

🇺🇿21–22 октябрь кунлари Президентимизнинг Қашқадарё вилоятига ташрифи давомида ҳудудда тадбиркорликни ривожлантириш, тадбиркорлар учун қулай шароит яратиш ва уларнинг муаммоларини жойида ҳал этиш масалаларига алоҳида эътибор қаратилди.

✔️ Тадбиркорликни жойларда изчил қўллаб-қувватлаш, ҳукумат ва бизнес ўртасидаги самарали мулоқот механизмларини такомиллаштириш мақсадида Савдо-саноат палатаси Қашқадарё вилояти ҳудудий бошқармасида туман ва шаҳарлар бўйича бошқарма бошлиғи маслаҳатчилари фаолияти йўлга қўйилди.

Мазкур тизим жойлардаги муаммоларни тезкор ҳал этиш ҳамда тизимли масалаларни бевосита республика даражасига олиб чиқиш имконини беради.

👍 Маслаҳатчиларнинг асосий вазифалари этиб тадбиркорлар муаммоларини жойида ўрганиш, амалий маслаҳат ва кўмак бериш, бизнес муҳитини яхшилаш бўйича таклифлар тайёрлаш, илғор тажриба ва инновациялар алмашинувини йўлга қўйиш, таклиф ва муаммоларни палата орқали давлат идораларига етказиш белгиланди.

👍 Маслаҳатчи сифатида вилоятда фаолият юритаётган 16 нафар тажрибали тадбиркор жалб этилди. Уларнинг аксарияти 300 дан ортиқ иш ўрни яратган.

Ташаббуснинг асосий мақсади тадбиркорлик субъектлари дуч келаётган муаммоларни бевосита тадбиркор нуқтаи назаридан холис баҳолаш, уларнинг келиб чиқиш сабабларини чуқур таҳлил қилиш ва самарали ечимини топишга амалий ҳисса қўшишдан иборат.

🕊Telegram 📱Instagram 📱Facebook 📺 Youtube

Экспорт ва импортни қўллаб-қувватлаш: янги блок-поезд йўналишлари муҳокама қилинди

🚉Ўзбекистон Савдо-саноат палатаси раиси Даврон Вахабов «Ўзбекистон темир йўллари» АЖ бошқаруви раиси Зуфар Нарзуллаев билан учрашди.

Учрашувда тадбиркорларнинг экспорт ва импорт операцияларини енгиллаштириш, юк ташиш логистикасини такомиллаштириш ҳамда халқаро йўналишларда блок-поездлар ҳаракатини йўлга қўйиш масалалари муҳокама қилинди.

🚊Хусусан, Тошкент — Мерсин, Тошкент — Рига ва Тошкент — Бағдод йўналишларида блок-поездларни ташкил этиш, шунингдек, ушбу йўналишларни ягона логистик механизм орқали боғлаш имкониятлари кўриб чиқилди.

Мазкур йўналишларда блок-поездлар ҳаракатини йўлга қўйиш орқали тадбиркорлар учун барқарор логистика занжирини шакллантириш, юк ташиш самарадорлигини ошириш ва Ўзбекистоннинг халқаро савдо йўналишларидаги имкониятларини кенгайтириш кўзда тутилмоқда.

👍 Томонлар тадбиркорларнинг транспорт-логистика соҳасидаги муаммоларини биргаликда ҳал этиш, ўзаро ҳамкорликни мустаҳкамлаш ва бизнес вакиллари учун қулай шарт-шароитлар яратиш бўйича ҳамкорликни давом эттиришга келишиб олдилар.

🕊Telegram 📱Instagram 📱Facebook 📺Youtube