🔎Шукаем людзей, якія перасякаліся за кратамі з палітзняволеным Вячаславам Сямёнавым

Вячаслаў быў асуджаны паводле ч. 1 і ч. 2 арт. 361-4 Крымінальнага кодэксу (садзейнічанне экстрэмісцкай дзейнасці). Ён родам з вёскі Стары Лепель.

✍️Калі вы перасякаліся з Вячаславам, калі ласка, напішыце праваабаронцам на @Viasnainfo

Лецішча забралі, кватэру забралі, тэлевізар забралі. Размова з беларускім праваабаронцам, у якога дзяржава сканфіскавала амаль ўсё

«Радыё Свабода» расказвае гісторыю гродзенскага праваабаронцы і журналіста Уладзіміра Хільмановіча, які праз сваю грамадзянскую актыўнасць пазбавіўся ўласнага набытку.

Уладзімір за мяжой з 2021 году. Прыехаць у Беларусь праз палітычны пераслед ня можа. У 2021-м ён выехаў на некалькі месяцаў у працоўных справах у Польшчу, плянаваў вяртацца. Аднак маштабная хваля рэпрэсіяў супраць праваабаронцаў і журналістаў у Беларусі ўлетку 2021 году спыніла яго.

«Страціўшы радзіму, плакаць па кватэры не будзеш. Прапала кароўка — прападзі і вяроўка. Мы страцілі намнога больш — сваю краіну, магілы продкаў»

Хільмановіч спадзяецца ў будучыні вярнуць ўсё, што ў яго незаконна забралі.

«Няма сэнсу перажываць. Калі ў Беларусь вернецца законнасць і мы вернемся, мы ўсю маёмасць вернем праз судовыя органы. Калі сітуацыя будзе развівацца так кепска, як зараз, таксама няма па чым шкадаваць».

❗️Палітзняволеную Таццяну Корсакаву ў СІЗА КДБ змяшчалі ў «мяккі пакой» і пакідалі без пітной вады

Палітзняволеныя Таццяна і Дзмітрый Корсакавы за кратамі амаль 10 месяцаў. У чэрвені 2026 года іх асудзілі паводле трох артыкулаў Крымінальнага кодэкса, у тым ліку за «здраду дзяржаве» (арт. 356 КК). Дзмітрыю суд прызначыў 14 гадоў калоніі, Таццяне — 12 гадоў калоніі, а іх дачцэ Пелагіі, якая з 2021 года жыве ва Украіне, завочна прысудзілі 11 гадоў пазбаўлення волі.

Праваабаронцам стала вядома, што да суда каля пяці месяцаў мужа і жонку ўтрымлівалі ў СІЗА КДБ, дзе на Таццяну аказвалі псіхалагічны ціск: яе пазбаўлялі доступу да лекаў, змяшчалі ў «мяккі пакой» і прымушалі стаяць па 12 гадзін за чырвонай лініяй. Таксама ёй не давалі вады, а пакідалі толькі міску з перасмажанай рыбай.

«Вясна» распавядае, што вядома пра ўмовы ўтрымання палітзняволенай.

Чытаць па спасылцы 👉 https://spring96.org/be/news/120687

🌿Чытаць з Беларусі праз сайт-люстэрка

У «Спіс экстрэмістаў» дадалі яшчэ 18 прозвішчаў — цяпер у ім 6772 чалавекі

10 ліпеня МУС зрабіла традыцыйнае пятнічнае абнаўленне «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іх 19-гадовы хлопец Данат Дашкоўскі, а таксама 70-гадовая пенсіянерка Ніна Гнядзько.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

За «заклікі да санкцый» і «распальванне варожасці» асудзілі 19-гадовага хлопца

МУС дадало ў «спіс экстрэмістаў» грамадзяніна Беларусі Даната Дашкоўскага. Хлопца, якому толькі нядаўна споўнілася 19 гадоў, асудзілі паводле ч. 3 арт. 361 КК (заклікі да санкцый або іншых дзеянняў, шкодных для нацыянальнай бяспекі), а таксама ч. 1 арт. 130 КК (распальванне варожасці).

У дакуменце МУС пазначана, што ягоная «судзімасць не пагашаная».

Справу Даната разглядаў Брэсцкі абласны суд.

📸На фота Данат у 2018 годзе

❗️У палітзняволенай Таццяны Колас выявілі анкалагічнае захворванне

Палітзняволеную Таццяну Колас утрымліваюць у зняволенні больш за чатыры гады. У кастрычніку 2022 года былую супрацоўніцу Мінгарвыканкама асудзілі па «справе ЧКБ» да 6,5 гадоў калоніі. Яе прызналі вінаватай паводле чатырох крымінальных артыкулаў. У зняволенні ў жанчыны сур'ёзна пагоршылася здароўе.

Па інфармацыі «Вясны», у Таццяны знайшлі анкалагічнае захворванне. Для далейшага абследавання і лекавання жанчыну мусяць перавесці ў лякарню, але зрабіць гэта плануюць толькі праз некалькі месяцаў.

Акрамя таго, Таццяна пакутуе ад моцнага болю ў спіне, звязанага з перанесеным раней кампрэсійным пераломам пазваночніка.

Чытаць па спасылцы 👉 https://spring96.org/be/news/120689

🌿Чытаць з Беларусі праз сайт-люстэрка

За «абразу Лукашэнкі» асудзілі 70-гадовую пенсіянерку

У «спіс экстрэмістаў» сёння дадалі 70-гадовую жыхарку сталіцы Ніну Гнядзько. Паводле інфармацыі МУС, жачыну асудзілі ў Мінскім гарадскім судзе паводле ч. 1 арт. 130 КК (распальванне варожасці) і арт. 368 КК (абраза Лукашэнкі).

Верагодна, жанчыну прызначылі «хатню хімію».

📸На фота жанчына ў 2012 годзе

🔎Шукаем людзей, якія перасякаліся за кратамі з палітзняволеным Апанасам Афанасенкавым

Апанас быў асуджаны судом Гомельскага раёна па ч. 1 арт. 368 Крымінальнага кодэкса (абраза Лукашэнкі). Пазней супраць яго распачалі крымінальную справу паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі).

✍️Калі вы перасякаліся з Апанасам, калі ласка, напішыце праваабаронцам на @Viasnainfo

Беларусаў па вяртанні дамоў на мяжы ўсё часцей раздзяваюць дагала

Тым, у каго ў біяграфіі быў палітычны пратакол, пры праходжанні мяжы, апроч праверкі тэлефона, загадваюць раздзявацца. Як распавялі «Нашай Ніве» некалькі чалавек, упершыню на практыку распранання на мяжы, яны натрапілі вясной.

«Праверкі такія пачаліся як мінімум з красавіка. Хаця распранаюць не заўсёды — могуць абмежавацца праглядам тэлефона.
Але калі ўсё ж раздзяваюць, просяць застацца ў адных трусах. Адбываецца гэта пры двух панятых — сваіх (напрыклад, прыбіральшчыцы) ці рандомных людзей з аўтобуса. Пасля на подпіс працягваюць пратакол пра тое, што правялі надгляд. Пры гэтым ніхто не тлумачыць, у чым справа — «такое распараджэнне зверху».

Яшчэ аднаму беларусу, які перажыў такі досвед, патлумачылі, што такія дзеянні могуць праводзіцца па рашэнні начальніка мытні ў дачыненні да асобы, «калі да яе няма даверу».

Жанчыну, якая прыляцела з Турцыі, забралі на індывідуальны надгляд, бо пасля выбараў 2020‑га яе затрымлівалі на маршы.

Стартапера з Гомеля асудзілі па «справе Гаюна»

Праваабаронцам «Гомельскай Вясны» стала вядома, што затрыманага ў снежні 2025 года 29-гадовага гомельскага стартапера Міхаіла Вагу асудзілі ў Гомельскім абласным судзе. Яго абвінавацілі ў «садзейнічанні экстрэмісцкай дзейнасці» (ч. 1 і 2 арт. 361-4 КК) і прызначылі чатыры гады «хатняй хіміі».

Міхаіл Вага пасля сканчэння гомельскай гімназіі № 71 паехаў ў Мінск, дзе вучыўся на факультэце інфармацыйных тэхналогій і робататэхнікі ў БНТУ. Пазней ён стварыў свой стартап у вытворчасці прыдуманага ім яшчэ ў юнацтве HandEnergy — зараднага прыстасавання для смартфонаў, якое выпрацоўвае электрычную энергію праз хістанне яго ў руцэ і дазваляе, напрыклад, такім чынам зараджаць смартфоны.

У 2017 годзе пра ягонае вынаходніцтва і запуск у вытворчасць напісалі многія СМІ ў Беларусі. Сярод іншых і праўладная газета «СБ», якая паведамляла, што пакупнікамі прыстасавання сталі шматлікія замоўнікі з Кітая, Нямеччыны і Беларусі.

У Беларусі адмянілі найстарэйшы фестываль гістарычнай рэканструкцыі «Наш Грунвальд»

Мерапрыемства, якое мелася адбыцца ў канцы ліпеня ў музейным комплексе «Дудуткі», не адбудзецца, піша @zerkalo_io.

«Наш Грунвальд» — найстарэйшы і найбуйнейшы фестываль гістарычнай рэканструкцыі ў Беларусі, які праводзіцца з 2008 года. Ён прысвечаны Грунвальдскай бітве 15 ліпеня 1410 года, у якой аб'яднаныя войскі Польшчы і Вялікага княства Літоўскага атрымалі перамогу над Тэўтонскім ордэнам. Штогод у яго рамках праходзілі маштабныя рэканструкцыі сярэдневяковых бітваў, рыцарскія турніры і гістарычныя майстар-класы.

Нагадаем, раней у Беларусі адмянілі адразу некалькі фестываляў, якія мусілі адбыцца ў 2026 годзе.

🔎Шукаем людзей, якія перасякаліся за кратамі з палітзняволеным Арцёмам Сямёнавым

Арцём — малады супрацоўнік «Пеленга», якога асудзілі за «заклікі да нанясення шкоды Беларусі». Невядома, калі Сямёнаў быў арыштаваны, але апошні раз ён быў анлайн у сацсетках у лістападзе 2024-га.

✍️Калі вы перасякаліся з Арцёмам, калі ласка, напішыце праваабаронцам на @Viasnainfo

📸«Гледзячы на фота, разумею тых, хто ставіцца да нас, як да ахвяр». Былыя палітвязні — пра фотаздымкі для «жоўтых бірак»

Фотаздымкі, якія ў беларускіх калоніях робяць для так званых «жоўтых бірак», сёння становяцца не проста турэмнымі дакументамі, а сведчаннямі палітычных рэпрэсій. У межах праекта «Магшоты палітвязняў» былыя палітвязні распавядаюць, што адчувалі перад камерай, чаму гэтыя кадры не саромеюцца захоўваць і як з часам яны ператварыліся ў сімвалы перажытага і нязломнасці.

«Вясна» публікуе новыя сведчанні і паказвае дакументы памяці.

«Я не саромеюся гэтага фота. Якім бы нягеглым і недарэчным яно не выглядала. Гэта жывы напамін аб трох гадах за кратамі ў цэлым. Гэта частка майго жыцця, і я яе не хаваю. Я ганаруся, што перанёс гэта з гонарам, не здрадзіў сваім прынцыпам і прыстойнасці ды не зламаўся. Як пасміхаўся, так і пасміхаюся цяпер».

Чытаць па спасылцы 👉 https://spring96.org/be/news/120693

🌿Былыя палітвязні могуць прыняць удзел у праекце. Для гэтага трэба запоўніць адмысловую гугл-форму

Спыняе працу крама сучаснага беларускага адзення «Honar»

Пра гэта стала вядома ў сацсетках брэнду.

🔗Хроніка палітычнага пераследу

У Гомелі за «садзейнічанне экстрэмізму» асудзілі ўраджэнку Расіі

У Гомельскім абласным судзе быў вынесены прысуд 56-гадовай жыхарцы Мазыра Жанне Серада. Яе абвінавацілі ў «садзейнічанні экстрэмісцкай дзейнасці» (ч. 1 і 2 арт. 361-4 Крымінальнага кодэкса). Верагодна, жанчыне прысудзілі абмежаванне волі без накіравання ў папраўчую ўстанову («хатнюю хімію»).

Жанна Серада нарадзілася ў Расіі, там атрымала адукацыю ў сферы паліграфіі. Але доўгі час жыве ў Мазыры, маючы там сям’ю. Яна захапляецца падарожжамі, аб’ехала шмат якія краіны свету, піша «Гомельская Вясна».

🇺🇳Спецдакладчык ААН па Беларусі: «Вялікая колькасць спраў у КПЧ кажа як пра рэпрэсіі, так і пра прафесіяналізм праваабаронцаў»

Старэйшы навуковы супрацоўнік па прававых пытаннях Columbia Global Freedom of Expression Лаўтара Фурфара ўзяў інтэрв'ю ў Спецыяльнага дакладчыка ААН Нільса Муйжніекса пра задушэнне іншадумства ў краіне, якое не спыняецца.

Гэта інтэрв'ю прысвечана свабодзе выказвання меркаванняў у Беларусі ў святле апошніх дакладаў Спецыяльнага дакладчыка і працы CGFoE ў дачыненні да рашэнняў Камітэта ААН па правах чалавека, якія тычацца артыкула 19 МПГПП.

«Да 2020 года ў Беларусі быў адносна мяккі аўтарытарны рэжым са значнай цэнзурай, але з лёгкадаступнымі незалежнымі медыя, адносна свабодным доступам да заходняй прэсы і разнастайнасцю анлайн-СМІ. Масавыя пратэсты супраць фальсіфікацый на выбарах у тым годзе прывялі да маштабных рэпрэсій супраць усіх нязгодных, якія працягваюцца і па гэты дзень».

Чытаць па спасылцы 👉 https://spring96.org/be/news/120698

🌿Чытаць з Беларусі праз сайт-люстэрка

💔«Я цябе вельмі люблю!»: развітальны ліст Алеся Пушкіна да Валянціна Стэфановіча з-за кратаў

Падчас утрымання ў былым мінскім СІЗА №1 на Валадарцы праваабаронца «Вясны» Валянцін Стэфановіч атрымаў турэмную «маляву» ад выбітнага мастака і палітвязня Алеся Пушкіна, які загінуў у гродзенскай турме № 1 у 2023 годзе.

Гэты невялікі ліст, напісаны мастаком у карцары напярэдадні выраку, стаў не толькі сведчаннем салідарнасці за кратамі, але і дакументам таго часу.

«Гэты ліст перадалі мне хлопцы з маёй камеры №53, якія ездзілі на суды. Пушкін таксама ў гэты ж перыяд ездзіў на пасяджэнні. Яны перасякаліся ў так званых "адстойніках" – памяшканнях, дзе асобы пад вартай чакаюць канвоя ў суд ці размеркавання па камерах пасля судоў. Там можна правесці пэўны час разам з людзьмі з іншых камер. Такім чынам Алесь перадаў гэты ліст праз маіх сукамернікаў».

Чытаць па спасылцы 👉 https://spring96.org/be/news/120699

🌿Чытаць з Беларусі праз сайт-люстэрка

🔎Шукаем людзей, якія перасякаліся за кратамі з палітзняволеным Віталём Красновым

Віталь быў асуджаны паводле арт. ч. 2 арт. 361-2 КК (фінансаванне экстрэмісцкай дзейнасці), ч. 1 арт. 361-2 КК (фінансаванне экстрэмісцкай дзейнасці), ч. 2 арт. 361-3 КК (удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу).

✍️Калі вы перасякаліся з Віталём, калі ласка, напішыце праваабаронцам на @Viasnainfo

Стала вядома пра закрыццё мінскай этнакрамы «Рагна»

Яна 13 гадоў працавала на вуліцы Сухой у сталіцы. Прычыны такога рашэння не называюцца.

Інтэрнэт-крама пакуль працягвае працаваць.

Асудзілі жыхарку Жлобіна, якая ўдзельнічала ў акцыях пратэсту і ратавала жывёл

Марыі Пашкоўскай 34 гады. Яна родам са Жлобіна. Жанчына заўсёды захаплялася прыродай: яна любіць птушак і па магчымасці займаецца выратаваннем жывёл.

Марыя заўсёды мела цвёрдую грамадзянскую пазіцыю. Яшчэ падчас пратэстаў супраць інтэграцыі з Расіяй у 2019‑м яна казала: «Вельмі лёгка страціць незалежнасць, але адваяваць яе будзе немагчыма. Дрэнна, што выйшлі адзінкі, але адзінкі ратуюць свет, а не масавасць».

У ліпені 2020 года Марыя прыйшла на перадвыбарчы мітынг Святланы Ціханоўскай у Жлобіне з плакатам, каб выказаць пратэст супраць «выбараў без выбару», піша «Наша Ніва».

У ліпені стала вядома пра прысуд Пашкоўскай. Гомельскі абласны суд прызнаў Марыю вінаватай паводле частак 1 і 2 артыкула 361‑4 КК (садзейнічанне экстрэміцскай дзейнасці), а таксама паводле частак 1 і 2 артыкула 367 КК (паклёп на Лукашэнку). 

Верагодна, ёй прысудзілі «хімію» з накіраваннем.

🔎Шукаем людзей, якія перасякаліся за кратамі з палітзняволеным Іллём Валвенкіным

Ілля родам з Баранавічаў, у 2005 годзе скончыў БарДу (факультэт эканомікі і права). Яго асудзілі паводле арт. 361 Крымінальнага кодэкса (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь), арт. 368 Крымінальнага кодэкса (абраза Лукашэнкі), арт. 361-4 Крымінальнага кодэкса (садзейнічанне экстрэмісцкай дзейнасці)

✍️Калі вы перасякаліся з Іллём, калі ласка, напішыце праваабаронцам на @Viasnainfo