❗️Затрыманні і ператрусы па ўсей краіне 14 ліпеня

Па дадзеных «Вясны» на 21:00

❌Затрыманыя ці завезеныя на допыт пасля ператрусаў:
1. Уладзімір Лабковіч, юрыст «Вясны» (затрыманы на 72 гадзіны)
2. Ніна Лабковіч, дырэктарка аб'яднання інвестараў Angels Band (затрыманая на 72 гадзіны)
3. Валянцін Стэфановіч, сябра Рады «Вясны» (затрыманы на 72 гадзіны)
4. Алесь Бяляцкі, кіраўнік «Вясны» (затрыманы)
5. Сяргей Сыс, журналіст і праваабаронца
6. Алена Лапцёнак, праваабаронца «Вясны» (затрыманая на 72 гадзіны)
7. Андрэй Палуда, праваабаронца «Вясны» (затрыманы на 72 гадзіны)
8. Яўгенія Бабаева, праваабаронца (затрыманая на 72 гадзіны)
9. Алег Мацкевіч, праваабаронца «Вясны» (Барысаў),
10. Ігар Казмерчак, праваабаронца «Вясны» (Орша),
11. Віктар Сазонаў, праваабаронца «Вясны» (Гродна, затрыманы на 72 гадзіны),
12. Марына Статкевіч, былая сябра «Вясны» (Барысаў),
13. Аляксандр Харытон
14. Мікола Шарах (кіраўнік ячэйкі свабоднага прафсаюза з Полацка, затрыманы на 72 гадзіны)
15. Арына Каршунова, актывістка (затрымаў КДБ)
16. Аляксандр Руткевіч, акывіст (затрымаў КДБ)
17. Алесь Міноў (няма сувязі, меркавана, затрыманы)
18. Яўгенія Субот (няма сувязі, меркавана, затрымана)
19. Артур Юсупаў з інваліднасцю (Гомель, пасля допытў ў КДБ вызвалілі)
20. Сяргей Мацкевіч (Цэнтр Супольнасць, затрыманы на 72 гадзіны).

🔦Прайшлі ператрусы ў:
21. Тамары Мацкевіч (Таварыства беларускай школы);
22. Кірыла Кафанава (Брэст, Human Constanta);
23. на пляцоўцы «Тэрыторыя правоў»;
24. офісе Цэнтра прававой трансфармацыі Lawtrend;
25. Вольгі Смалянка, дырэктаркі Lawtrend;
26. офісе «Имена»;
27. офісе Руху «За свабоду!»;
28. сядзібе БНФ;
29. офісе Беларускай асацыяцыі журналістаў;
30. офісе Згуртавання беларусаў свету «Бацькаўшчына»;
31. офісе Цэнтра эканамічных даследаванняў BEROC;
32. офісе праваабарончай арганізацыі «Гендэрныя перспектывы»;
33. арганізацыі Офіс еўрапейскай экспертызы і камунікацыі;
34. офісе Цэнтр інфармацыйна-прававой падтрымкі сацыяльна неабароненых груп насельніцтва «Адвакацыя» (Полацк);
35. офісе ГА «Цэнтр «Трэці сектар» (Гродна);
36. сяброў грамадскага аб’яднання “Фонд імя Льва Сапегі”;
37. офісе "Саюза беларускіх пісьменнікаў»;
38. Кацярыны Сяргеевай, дырэктаркі «Имён»
39. эканаміста Яраслава Раманчука;
40. Кацярыны Сінюк, заснавальніцы «Имён»;
41. Алеся Дзергачова, праваабаронцы «Вясны» (Смаргонь, вызвалілі пасля допыты ў Гародні);
42. Анатоля Лябедзькі, палітыка;
43. Леры Сом, паэткі;
44. Сафіі Емельянавай, старшыні праўлення адукацыйнага цэнтра ПОСТ;
45. офісе «Беларускага Хэльсінкскага камітэту»;
46. офісе лабараторыі «Новак»;
47. офісе «Вясны» на Мяржынскага;
48. офісе «АГП»;
49. Вольгі Беляўцовай, сябра «АГП» з Бараўлян;
50. Віктара Янчурэвіча, намесніка старшыні «Руху «За свабоду!»;
51. Наталлі Рабавай, дырэктаркі школы менеджэраў публічнага адміністравання SYMPA/BIPART.

Хроніка палітычнага пераследу 14 ліпеня 👉 http://bit.ly/3wCatoD

Аператыўна паведаміць пра затрыманне можна ў нашым тэлеграм-боце 👉 @viasna_bot

Інфармацыя абнаўляецца

Ігара Казмерчака адпусцілі. Ён на волі.

⚡️Сяргея Мацкевіча (Цэнтр Супольнасць) пасля двух вобшукаў і допыта павезлі ў ізалятар на Акрэсціна. Ён таксама затрыманы на 72 гадзіны ў межах крымінальнай справы.

❗️Сяржук Сыс затрыманы на 72 гадзіны ў межах крымінальнай справы. Сястра яго жонкі паведамляе, што падчас вобшука хату "разграмілі".

Стала вядома, што сёння таксама два вобшукі прайшлі ў былога сябры “Вясны” з Оршы Васіля Леўчанкава.

Пасля першага вобшука яго вазілі ў Віцебск у СК на допыт, а па вяртанні дамой у Воршу ўвечары ў яго адбыўся другі вобшук.

Праваабаронцу Алега Мацкевіча вызвалілі.

Алесь Бяляцкі затрыманы на 72 гадзіны ў межах крымінальнай справы. Ён у ізалятары часовага ўтрымання на вул. Акрэсціна.

Аляксандр Руткевіч і Арына Каршунова вызвалены з КДБ. Затрыманага разам з імі Алеся Мінова не адпусцілі.

14 ліпеня па ўсёй Беларусі было затрымана адзінаццаць праваабаронцаў-вясноўцаў, а таксама два былых сябры «Вясны». Восем праваабаронцаў «Вясны» затрыманыя ў межах крымінальнай справы па ч. 1 і 2 арт. 342 (арганізацыя і фінансаванне групавых дзянняў, якія груба парушаюць грамадскі парадак) і ч. 2 арт. 243 Крымінальнага кодэкса (ухіленне ад выплаты падаткаў) на 72 гадзіны, гэта:

1. Алесь Бяляцкі, старшыня «Вясны»
2. Валянцін Стэфановіч, сябра Рады, намеснік старшыні «Вясны»
3. Уладзімір Лабковіч, юрыст «Вясны»
4. Сяргей Сыс, праваабаронца «Вясны» і журналіст
5. Алена Лапцёнак, праваабаронца «Вясны»
6. Андрэй Палуда, праваабаронца «Вясны»
7. Яўгенія Бабаева, праваабаронца (грамадзянка РФ)
8. Віктар Сазонаў, праваабаронца «Вясны» (Гродна)

Таксама на 72 гадзіны затрымалі жонку Уладзіміра Лабковіча Ніну. Яна з’яўляецца дырэктаркай аб'яднання інвестараў Angels Band.

Пасля ператрусаў і допытаў вызвалілі праваабаронцу «Вясны» з Барысава Алега Мацкевіча, праваабаронцу са Смаргоні Алеся Дзергачова, былога сябру «Вясны» з Воршы Васіля Леўчанкава, праваабаронцу і рэдактара orsha.eu Ігара Казмерчака.

Лёс былой сябры «Вясны» Марына Статкевіч з Барысава высвятляецца.

Крымінальную справу супраць кіраўніка АГП Мікалая Казлова накіравалі ў суд. Яго абвінавачваюць у "разгалошванні даных дазнання".

Справу распачалі ў сакавіку. Колішні міліцыянт Казлоў неаднаразова адмаўляўся даваць падпіску аб неразгалошванні на допытах у Следчым камітэце. А пасля распавядаў, як праходзілі допыты.

Крыніца: @euroradio

❗️Стала вядома, што ўчора сілавікі прыходзілі з вобшукамі яшчэ па некалькі адрасах.

▪️Як паведамляе Белсат, міліцыянты правялі ператрусы ў кватэры старшыні і намесніка старшыні моладзевай арганізацыі “Новые лица”. У іх забралі статут арганізацыі, яшчэ нейкія дакументы, чэкі за старыя пераводы не звязаныя з арганізацыяй.

▪️Таксама "Вясне" паведамілі, што з ператрусам прыйшлі ў некамерцыйную ўстанову “Офіс дапамогі і падтрымкі занятасці моладзі “ЮларКансалт”.

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Мінюст звярнуўся ў Вярхоўны суд з пазовам аб прыпыненні дзейнасці “Руху “За свабоду”. Кіраўнік грамадскага аб'яднання Юрась Губарэвіч апублікаваў ліст, у якім яго запрашаюць 19 ліпеня на апытанне ў рамках падрыхтоўкі справы да разгляду.

Акурат учора падчас “чыстак” НДА Следчы камітэт правёў ператрус у офісе “Руху”.

Крыніца: @euroradio

Перастаў адчыняцца гомельскі партал «Моцныя навіны» gomel.today

«Друзья, на нашем сайте возникли технические проблемы. Пока мы не понимаем, в чем причина, и прилагаем все усилия, чтобы восстановить работу сайта», – гаворыць рэдакцыя.

9 ліпеня ўдома ў некаторых супрацоўнікаў, а таксама ў офісе рэдакцыі прайшлі ператрусы.

Крыніца: @gometoday

‼️ 15 ліпеня сілавікі ізноў прыйшлі ў памяшканне «Наша Ніва», а герояў матэрыялаў выдання схіляюць заявіць, што журналісты ім плацілі.

Рэдакцыя заяўляе:

«Наша Ніва» — незалежнае СМІ, у сваёй працы мы заўсёды кіраваліся законам і журналісцкімі стандартамі, мы ніколі не плацілі героям публікацый, не схілялі іх да аніякіх дзеянняў, мы аб'ектыўна асвятлялі тое, што адбываецца ў Беларусі і за мяжой.

Нагадаем, 8 ліпеня былі затрыманыя чацвёра нашаўніцаў – Ягор Марціновіч, Андрэй Дынько, Андрэй Скурко і Вольга Раковіч, а ў офісе і кватэрах рэдактароў прайшоў ператрус. Затрыманыя працягваюць знаходзіцца ў ізалятары на Акрэсціна ў статусе падазраваных у арганізацыі дзеянняў, якія парушаюць грамадскі парадак. Праваабаронцы прызналі затрыманых нашаніўцаў палітвязнямі.

Крыніца: @nashaniva

⚡️Палітзняволеная Вольга Залатар зноў у СІЗА-1 на Валадарскага

Тыдзень таму стала вядома, што раніцай 7 ліпеня палітзняволеную Вольгу Залатар перавялі ў «Навінкі» для псіхіятрычнай экспертызы на два тыдні. Учора яе сваякі паведамілі, што 15 ліпеня палітзняволеную зноў пераводзяць у СІЗА-1.

💡Вольгу затрымалі супрацоўнікі ГУБАЗіКа 18 сакавіка, а потым палітзняволенай прад'явілі абвінавачванне па артыкулу 361-1 Крымінальнага кодэкса (стварэнне экстрэмісцкага фарміравання альбо кіраўніцтва такім фарміраваннем або ўваходзячым у яго структурным падраздзяленнем). У красавіку былы адвакат Залатар Андрэй Мачалаў заявіў, што падчас допытаў Вольгу катавалі. За гэтую заяву адваката Мачалава пазбавілі ліцэнзіі.

🕊У шматдзетнай матулі пяць непаўнагадовых дзяцей. Нядаўна Вольга цяжка перахварэла на COVID-19. Прачытаць гісторыю Вольгі Залатар можна па спасылцы.

💌Падтрымаць палітзняволеную лістамі і паштоўкамі можна па адрсе: СІЗА-1. 220030, г. Мінск, вул. Валадарскага, 2
📲Напісаць анлайн 👉 bit.ly/3jwJMLn

Сілавікі ўсё-ткі прыходзілі да Беларускага ПЭНа па юрыдычным адрасе

ГУБАЗік меў пастанову на ператрус, падпісаную генпракурорам РБ. На арганізацыю, старшынёй якой з’яўляецца Святлана Алексіевіч, вешаюць 9 (!) артыкулаў.

«У сувязі з пандэміяй Беларускі ПЭН ужо больш за год працуе ў дыстанцыйным рэжыме, а таму па юрыдычным адрасе фізічна нас не было. У выніку сілавікі зрабілі ператрус у іншай арганізацыі, якая мае той жа юрыдычны адрас, канфіскавалі ўсю тэхніку, а супрацоўнікі той арганізацыі сталі сведкамі», – піша прадстаўніца ПЭНу Таццяна Нядбай.

Крыніца: Facebook Таццяны Нядбай

⚡️Пасля месячнага арышту на волю выйшаў палітвязень Андрэй Леванюк, якога асудзілі за цытату з малітвы на фасадзе дома

🔺7 красавіка ў Маскоўскім судзе Брэста Андрэя Леванюка асудзілі да 1 месяца арышту па крымінальнай справе аб апаганьванні збудаванняў і псаванні маёмасці (артыкул 341 Крымінальнага кодэксу). Андрэя абвінавацілі ў тым, што ён «на фасадзе дома нанёс чырвонай фарбай з балончыка надпіс “Но избавь нас от лукавого”, чым нанес шкоду ЖЭС-6 на суму 51 рубель 99 капеек». Паводле абвінавачвання гэты надпіс пагоршыў “эстэтычнае ўспрыманне” будынка.

❗️14 чэрвеня Андрэй Леванюк пачаў адбываць пакаранне ў брэсцкім СІЗА-7, а ўчора — 14 ліпеня — выйшаў на волю.

Абсерваторыя па абароне праваабаронцаў рашуча асуджае бесперапынныя рэпрэсіі супраць праваабаронцаў і журналістаў і заклікае ўлады Беларусі неадкладна пакласці канец іх пераследам і цкаванню, у тым ліку на судовым узроўні.

👉 bit.ly/36BRz6H

"Ці з'яўляецца стварэнне і вядзенне канала злачынствам?" У Мінску за адміністраванне тг-канала "Белыя халаты" судзяць студэнта.

У Мінскім гарадскім судзе сёння пачаўся суд над 21-гадовым палітзняволеным студэнтам 4-га курса Беларускага дзяржаўнага медыцынскага ўніверсітэта Уладзіславам Марціновічам. Яго абвінавачваюць у адміністраванні telegram-канала "Белыя халаты" і закліках да дзеянняў, накіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса). Па гэтай норме прадугледжана пакаранне ў выглядзе пазбаўлення волі на тэрмін ад двух да сямі гадоў.

❗️Уладзіслаў на судзе віну не прызнае:

"Спачатку гаворыцца аб стварэнні канала, потым аб распаўсюдзе. Хацелася б ведаць, мне ставіцца ўсё гэта ў сукупнасці: і распаўсюджванне, і стварэнне, і публікацыя? Ці з'яўляецца стварэнне і вядзенне канала злачынствам? Ці сапраўды кожны пост змяшчае заклікі і шкоду?"

Падрабязнасці 👉 bitly.su/m6oRRjd

❗️ У Беларусі +11 новых палітвязняў.

Праваабарончая супольнасць Беларусі выступіла з заявай аб прызнанні затрыманых учора сябраў "Вясны" і грамадскіх актывістаў палітвязнямі.

Гэта Уладзімір Лабковіч, Ніна Лабковіч, Валянцін Стэфановіч, Алесь Бяляцкі, Сяргей Сыс, Алена Лапцёнак, Андрэй Палуда, Яўгенія Бабаева, Віктар Сазонаў, Мікола Шарах і Сяргей Мацкевіч.

Тэкст заявы 👉 bit.ly/3yXvETG

Спіс усіх палітвязняў Беларусі 👉 bit.ly/306kkW9