صلو على من يناجي الله فينا يوم القيامه
‏وعلى من أحب أمته قبل أن يلقاهم
‏اللهم صل وسلم على نبينا محمد .

ياللي خطفت القلب من عند راعيه
‏رده قبل ترفع عليك القضيه

‏رده سليم وخل راعيه يهديه
‏كانك من اللي يقبلون الهديه

لا تقبلين القلّ وانتِ كثيرة ♡

من عطاني قدري أعطيه إحترامي
‏ومن تجاهلني تجاهلته و طفته

‏ومن يدوّر قربي أعطيه إهتمامي
‏ومن يقفّي عني أهملته و عفته

‏والمكان اللي ينزّل من مقامي
‏تنكسر رجلي ليا جيته و حفت

هذاك لو صفوا بجنبه مزايين
‏يصير كنه في دجى الليل بارق

غلطان من يرجي .. سحابٍ تعداااه

لا توصي يبن عمي وانا مثلك حريص
‏اسمك اللي بالبطاقه نشيله كلّنا

الإكتفاء الحقيقي
"قلبي خويّي .. ما لقلبي معازيب"

‏" حنّا ضماد جروحنا .. و علاجها "

"أنا الأتمّ إدراك.. والأغرب أطوار
‏وأنا اللي أعطي كل الأشياء قيمة

‏إذا أنتصرت أصير للنصر.. تذكار
‏وإذا أنهزمت أرفع مقام الهزيمة

‏إمّا أخذ التقدير مثل أخذة الثّار
‏ولا أتوفى ما شكيت .. الظليمة

لا تشتكي وأنت خيرة قوم ومعرب
‏الناس ما هي بحزن الناس مكلوفه

لا تلعب اللعبه اليا صرت تدري
‏انك رغم كل المكاسب خسران

‏ولا تضرب شعور الهوى ثم تجري
‏وتبكي فراقي وتعلن الحظ بألحان

‏ما قلت لك لا تختبر بيوم صبري
‏ماقلت لك تكفى ترفق على شان

‏قلبي اعرفه واعرف ان قَلّ قدري
‏يقفي وكن ماله على الارض خلان

أحدٍ أجيه أضيع الوقت وياه
‏وأحدٍ إليا ضيعني الوقت جيته

"قصّرت في حقّ الكثيرين ولّا أنت؟
‏ في حق قلبك .. بيّض الله وجهي"

الظروف اللي ابد ما تنتواجه
‏كنت اروّضها على عز انزعاجي

‏يوم ليل الوصل يعميني عجاجه
‏ما لقيت الا من العين ابتهاجي

‏اثر في رجلك على دربي عواجه
‏لو تسّهلك وسيعات الفجاجي

‏حط في بالك ترا عنق الزجاجه
‏قد تعديته يابو برجٍ زجاجي

‏من تذّكرني على صفوة مزاجه
‏ينتظرني لين يصفى له مزاجي

الخصوم اللي تصيّد من ورانا مستجنّة
ما لقت شيٍ يقال ولا لقت عيبٍ يذاعي

يقول ابوي:

‏في ضفّ بشتي ياعيالي مخاشير
‏وانا ذراكم من هبوب البرادي

‏وبكره اذا دارت علي المقادير
‏ردو علي الدين وأنتم سنادي

وارد عليه واقول:

‏يا ابوي لا يلحقك شكٍ و لا ريب
‏انفض هجوسك و ارفع الراس عالي

‏ان عاش راسي يا عزيز المجاذيب
‏لاشيل حملك لو يفوق احتمالي

الله الله يالدروب المستقيمه
‏كيف أجادل واحد ماهو بقدي

‏شرهة العاقل على النفس الكريمه
‏وأحتفظ بالرد في مزحي وجدي

‏يفرح الجاهل ويحسبها هزيمه
‏مادرى عيني لمثله ما تلدي

‏صدتي من بعض خلق الله غنيمه
‏مايوالف قلبي القلب المصدي