‏من لا يصلي خاطره دايماً عمس
‏ولا خير في عبدٍ لهى عن صلاته

‏مسكين يا غافل عن فروضه الخمس
‏خسران حي وخاسرٍ في مماته

من لاشرب العز من كف يمناه
يموت لو كفوف ربعه ملايا

اكره زحام الناس لو حول الذهب
ما زاحم الدنيا على شيٍ ابيه

ان ما مشى الغالي طواع لي وهب
عسى قلوب الناس دوني تهتنيه

ابتسم يا ابوي يا مال الغناه
لا ابتسمت الوقت كله يبتسم

الحياه اني اشوفك بالحياه
لا خلا من مبسمك ولا عدم

الله يفتح لي مغاليق بيبان الدروب
لين احسب اني لحالي على الارض اعبده♥️

‏اي والله احب اللي يلمون الشمل
‏اللي على الفطره عزيزه روسها
‏ٰ
‏كسابة المعروف.... شيالة حمل
‏محلا مجالسها ومحلا ..نفوسها

" سنين القسا "ما تنجب إلا طويل شبور
‏"وسنين الرخا "ما تاتي … إلا بـ حيّ الله

الحظيظ اللي مشى قلبه بطوعه

‏ان ضاعت الوقفه بـ سودان الوجيه
‏ترى مواقفنا .. ماهيب مصنّعه

‏انسنّع اللي لازمه .. نقدر عليه
‏حتى اللي مانقدر عليه ، نسنّعه .

‏انا على رغم الظروف المقاليع
‏اللي تشيب بالفتى في شبابه

‏اسابق الطيب على ذبة الريع
‏والحق ثواب اللي ما يلحق ثوابه

‏وان صارت الدعوه صقاره وتلكيّع
‏اكبر لكيّع اخرجه من ثيابه

‏وانت عندي .. يا بعد كل الخلايــق
‏خير وجه وخير قلب وخير مكسب❤️

‏انا خوي اللي تفاخر به القوم
‏اللي على الطالات محدن يرده .

‏من لا حشم روحك وقلبك وذاتك
‏ على مدارى خاطره منت محتد

‏ما يلحق التقصير عزمي وباسي
‏لكن ظروف الوقت عيّت ترفق
‏ٰ
‏ما عاد ابي عقل الذكي والسياسي
‏اليوم ابي حظ الغشيم الموفق .

ماغير امك وطن يابن الاجواد
‏فرصة حياتك ضمها واغتنمها

‏في حضنها رحمه وقصه وميلاد
‏مايكفي الجنه مواطي قدمها

‏لو يزعلون اغلى المواليف وش عاد
‏والله مايسوون ماطى قدمها

‏ياراسي الطيّب يمال السلامه
‏لا تنشغل لو يلحقك بالزمن ميل

‏جميلنا لو ضاع عند الهلامه
‏تبقى ودايعنا بروس الرياجيل

‏خلك على النيه تجيك التوافيق
‏لو أغلب قلوب المخاليق ضلماء

‏الله يبل الريق في حزة الضيق
‏لاشحت كفوف المخاليق باالماء

‏شدوا بدو قلبي عن ديار قلبك
‏والبدو لا شدوا عن ديار يبطون

‏واليا نشدوك الناس وش كان ذنبك
‏قل البدو لاعافوا القاع يمشون

‏أقفت ركابي ماتبي عذب شربك
‏طبع الكرام ان شافوا الضيم يقفون

‏على الهماج آرد ولا آرد لـ عذبك
‏في سلومنا المقفين عيبٍ يردون

‏للشرق دربي ان كان للغرب دربك
‏ماعاد تجمعنا مدينه على الكون

‏راحل و تارك لك غرورك و كذبك
‏يمكن بقربك عن غيآبي يسدون

‏ضيعت اجمل وقت عمري بـ جنبك
‏ضحيت يوم ان الحبايب يضحون

‏بس انت ما تستاهل أبقى بـ قربك
‏اشك ان لك قلب و إحساس و عيون

‏والحين ابرحل وانت ابخص بـ ذنبك
‏والجرح يتشافى مع الوقت ويهون