‏بابٍ طرقته كثير وما انفتح، خلّه
‏تلقى لك أبواب مفتوحة ومبلولة

‏اختار لك غيم ما تشفق على بلّه
‏تنسى الظما من كثر ما مرّك هطوله

‏عن الردى والعيب عدّيت مشراف
‏شيٍ تحت رجلي وشيٍ خلافي

‏حنا على كسب المراجل ربينا
‏لانشكي الحاجه ولا ننزل الهون

‏تفضى مخابينا وتندى يدينا
‏والرزق عندالله ميسر ومضمون .

كلامك الطيب بعد ما ترديت
مثل السلام الي على راس ميت

‏ابوي م قصر على مر الحياه
‏يوم الليالي تزوي العالم زوي

‏ضحى بما يملك لنا والله معاه
‏كافح بقلبٍ صلب وبضلعٍ قوي

‏حمل على عاتقه من عرف ونقاه
‏واجه بحزم وعزم والذيب يعوي

‏مصدر سعادتنا ي جعله للغناه
‏يا طيب راسٍ للمواقيف احموي

‏والله ثم والله م نلحق جزاه
‏اعظم رجل يعطيك دافع معنوي

‏مدّيت يمنايه و مدّيت يسراك
‏كنّي عدوٍ لّك و تبغى انتقامه

‏ما كن به يومٍ تخاويت أنا ويّاك
‏ولا كن به عيشٍ كلينا ودامه

‏ولا كن به صوتٍ مع الليل ناداك
‏يسري لجل شوفك و يترك منامه

‏بالله قلّي من بذا الطبع ربّاك
‏و خلّاك خاين للوفا و الشهامه

‏خلك قوي في الصعايب لا تلين
‏لو يطول الضيق ب العزم ابتره

‏ارض ربك و اطلبه حالك يزين
‏ولا تضايقت احمد الله واشكره

غسلت ايدي من امثالك ست مرات
والسابعه بالتراب حسب الشريعه

‏ماعاد أشوف الأرض لرضاي تختال
‏بروح أتكي فوق متن الغمامه

‏شربت لي من مر الأيام فنجال
‏لين امتلى راسي شموخ وشهامه

‏أواجه ظروف الزمن وأدحم جبال
‏وإن كشرت قابلتها .. بابتسامه

‏نمشي ولا نعلم خفايا المقاديـر
‏يالله عسى في غيب الايام خيره

‏اقبلي يا طب قلبي وارتياعي
‏اقبلي عقب المسافات الطويله

‏واحضنيني ي جميله من ضياعي
‏الضياع الى ماخلا لي وسيله

‏مرحبابك من ذراعي .. لذراعي
‏جابك الله علم و انتي حلم ليله

‏ياثمر قلبي و شوقي و اندفاعي
‏يـ غناتي فالسنين المستحيله

‏مدعين الحب والشوق الصناعي
‏كل ابوهم فدوتن لك يا جميله .

‏جعل الليالي كلها سهود ومهود
‏نسعد ولا نحزن ولا نعرف الضيق .

‏يا رفيقي رفقتك حلوه ومره
‏ليه تخلط مع حلاوتها مراره
‏ان كسبنا رفقتك طيب ومسرّه
‏وإن خسرنا رفقتك أكبر خساره
‏لا تمادى بالخطا مرّه و مرّه
‏غلطة العاقل تنقّص من وقاره
‏ان تشرّهنا لنا حق إنتشرّه
‏وإن سكتنا يفهم الحر الاشاره

مثلك الي ما يعيقه لو بغى
ومثلي الي لو تتعنى له قليل

من بغى الغالي تكلف ما شكى
ما يجي الغالي على الدرب السهيل

نصد عن هرج الخبل وانتعداه
ما هيب صدت عجز صدت سفاهه

الفقر فقر النفس يا بارد الحيل
ماهو بفقر المال يا عابد المال

لا صار مالك فعل بين الرجاجيل
منت بـ رجل لو قالوا الناس رجال

تراني اكذب فالقصيد وكلكم دارين
ولا فكرت في الشاره وفي الناقد

اقول البارحه ما غمضت لي عين
وانا من يوم صليت العشاء راقد

‏تكشفكم الأيام يا اهل التلوّي
‏بكره تبين الطيّبه والرديّه
‏
‏يعجبني الواضح لو انّه عدوّي
‏وأكره صديقي لا تلوّن عليّه

‏والزمن لو ما عطاك .. وما تهيّا
‏صار يلعب لك على وتر الندامه

‏لو يحدّك للوجع .. ويقول هيّا
‏" سايره لا ياصل حدود الكرامه "

‏والله ان بيني وبين أسمي حميّا
‏خايف اني لا انكسر وتطيح هامه

‏حنا تربينا على العلم الجزيل
‏من تجربة روسٍ عريب جدها

‏نفوسنا لو مالقت غير القليل
‏ما بيّحت سود الليالي سدها

‏مهما فعلنا للرفيق المستحيل
‏افعالنا ما نفتخر و نعدها

‏ارواحنا تتعب على رد الجميل
‏لكن جمايلنا ما نبغى ردها