Kino — mamlakatning “yumshoq kuchi” — Prezident

Shavkat Mirziyoyev “O‘zbekfilm” kinostudiyasida kinoijodkorlar bilan uchrashuvda kino mamlakatning xalqaro nufuzi va ta’sirini oshirishini ta’kidladi.

Davlat rahbari farzandlarimiz ongi va dunyoqarashini himoya qilishda kino san’ati muhim o‘rin tutishini qayd etdi.

“O‘z” g‘oyasining kino san’atidagi ifodasi esa quyidagicha bayon etildi:

“O‘zligimizni anglab, o‘z hikoyamizni o‘z ovozimiz bilan dunyoga aytish”.

Telegram | Live | Youtube | Instagram

Kinematografiya agentligi tugatiladi: kino sohasi Madaniyat vazirligiga o‘tkaziladi

Prezident Shavkat Mirziyoyev kino sohasida boshqaruv, moliyalashtirish va film yaratish vazifalarini ajratish orqali yangi tizimga o‘tilishini ma’lum qildi.

Kinematografiya agentligi tugatilib, kino sohasida davlat siyosatini yuritish vakolati Madaniyat vazirligiga o‘tkaziladi. Vazirlikda rahbari maqomi vazir o‘rinbosariga tenglashtirilgan Kino san’ati departamenti tashkil etiladi.

Mas’ullarga bir oy muddatda yangi departament faoliyatini yo‘lga qo‘yish va agentlik hamda uning tizimidagi tashkilotlarni tugatish topshirildi.

Telegram | Live | Youtube | Instagram

“O‘zbekfilm” hududida kino shaharchasi tashkil etiladi

Prezident Shavkat Mirziyoyev “O‘zbekfilm”ning 10 gektarlik hududida kino xizmatlarini bir joyga jamlaydigan “O‘zbekfilm kino shaharchasi” tashkil etilishini ma’lum qildi.

Shaharchada zamonaviy texnologiyalar bilan jihozlangan dublyaj va ovozlashtirish markazi ham quriladi.

Ikki oy ichida shaharchaning bosh rejasi va loyiha-smeta hujjatlari ishlab chiqiladi. Qurilish ishlari kelasi yil mart oyida boshlanishi rejalashtirilgan. Kino tizimidagi bo‘sh davlat aktivlari ochiq savdoga chiqariladi.

Telegram | Live | Youtube | Instagram

“‘Eslab-eslab’ bir gapiring qani” — Prezident va aktyor Farhod Abdullayev suhbati

Kinematografiya sohasi xodimlari bilan uchrashuvda Farhod Abdullayev prezident Shavkat Mirziyoyevga minnatdorchilik bildirib, farzandlari va nabiralari kelajagidan ko‘ngli to‘qligini aytdi.

“Ochiq aytaman, siz prezident bo‘lganingizdan keyin mening cho‘ntagim pul ko‘rdi”, — dedi aktyor davlat rahbariga yuzlanib.

Telegram | Live | Youtube | Instagram

Eskalator zudlik bilan to‘xtatildi: bunga sabab poyabzal bog‘ichi

26-oktyabr kuni “Paxtakor” va “Alisher Navoiy” metro bekatlarini bog‘lovchi o‘tish yo‘lagidagi eskalator yo‘lovchining poyabzal bog‘ichi tiqilib qolishi sabab vaqtincha to‘xtatilgan.

Qayd etilishicha, hodisa soat 18:32 larda yuz bergan. Xavfsizlikni ta’minlash maqsadida eskalator zudlik bilan to‘xtatilgan.

Zarur choralar ko‘rilgach, eskalator ikki daqiqa ichida qayta ishga tushirilgan.

Telegram | Live | Youtube | Instagram

Bugun havo iliq: harorat 22 darajagacha ko‘tariladi

Bugun kunduzi respublika bo‘ylab yog‘ingarchilik kutilmaydi. Shamol 7–12 m/s tezlikda esadi. Havo harorati 17–22° iliq, shimolda 12–17° iliq bo‘ladi.

Poytaxtda yog‘ingarchilik kutilmaydi. Shamol 3–8 m/s tezlikda esadi. Havo harorati 19–21° iliq bo‘ladi.

Tog‘li hududlarda yog‘ingarchilik kutilmaydi. Shamol 7–12 m/s tezlikda esadi. Havo harorati 12–17° iliq bo‘ladi.

Telegram | Live | Youtube | Instagram

Rafinya Messining natijasini takrorladi

Rafinya mavsumning ilk to‘qqizta o‘yinida 13 ta gol urib, Messi natijasini takrorladi. Ronaldu rekordini yangilash uchun esa yana to‘rtta gol kerak.

Telegram | Live | Youtube | Instagram

Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.

Telegram | Live | Youtube | Instagram

Uchtepadagi yong‘in ortida qotillik: ayol qasddan o‘ldirilgani ma’lum bo‘ldi

Toshkent shahrining Uchtepa tumanida xonadonlardan birida sodir bo‘lgan yong‘inda halok bo‘lgan ayol qasddan o‘ldirilgani ma’lum bo‘ldi.

2026-yil 24-oktyabr kuni soat 02:00 larda Uchtepa tumanidagi xonadonlardan birida yong‘in sodir bo‘lgan. Hodisa joyida ushbu xonadonda yashagan, 2000-yil 30-mayda tug‘ilgan ayolning jasadi aniqlangan. Uning tanasida yelka qismidan son-oyoq sohasigacha termik jarohatlar bo‘lgan.

Tekshiruv davomida oshxona, yotoqxona va mehmonxonada bir-biriga bog‘liq bo‘lmagan uchta yong‘in o‘chog‘i, shuningdek, qasddan o‘t qo‘yish alomatlari aniqlangan.

Telegram | Live | Youtube | Instagram

Universitetga o‘qishga kiritish va’dasi: 18 mln so‘m olayotgan shaxs qo‘lga tushdi

Namangan shahrida fuqaroni nodavlat oliy ta’lim muassasasiga o‘qishga kiritib qo‘yishni va’da qilib, 18 million so‘m talab qilgan shaxs ushlandi.

Ma’lum qilinishicha, gumonlanuvchi fuqaroni Andijon iqtisodiyot va pedagogika universitetining 3-kursiga o‘qishga kiritib qo‘yishini aytib, buning evaziga 18 million so‘m so‘ragan. Gumonlanuvchi kelishilgan pulni olayotgan vaqtida ashyoviy dalillar bilan ushlangan.

Telegram | Live | Youtube | Instagram

O‘zbekistonda tibbiy xizmatlar hajmi uch baravar oshdi

Prezident Shavkat Mirziyoyevning tibbiyot va farmatsevtika sohasi xodimlari bilan uchrashuvi boshlandi. Davlat rahbari ularni kasb bayrami bilan tabriklab, mehnati uchun minnatdorlik bildirdi.

So‘nggi 10 yilda 10 million aholiga xizmat ko‘rsatadigan yangi poliklinika va shifoxonalar ishga tushirildi, 58 mingta shifo o‘rni yaratildi. Tibbiy xizmatlar hajmi esa uch baravar oshdi.

Ilgari chet elda bajarilgan tug‘ma yurak nuqsonlari operatsiyalari, a’zolar transplantatsiyasi, robot jarrohligi va bosh miyadagi murakkab amaliyotlar kabi yuzdan ortiq turdagi tibbiy xizmatlar bugun O‘zbekistonda ham amalga oshirilmoqda.

Prezident bu natijalarda tibbiyot xodimlarining bilim va mahorati muhim o‘rin tutayotganini ta’kidladi.

Telegram | Live | Youtube | Instagram