ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Microsoft Office proqramları təminatı” təliminə elan qəbul edir.

Müasir iş mühitində rəqəmsal bacarıqların rolu nəzərə alınaraq təşkil olunan bu təlim proqramının əsas məqsədi iştirakçıların Microsoft Office proqramları üzrə bilik və bacarıqlarının artırılmasıdır. Təlim çərçivəsində iştirakçılar Word, Excel və PowerPoint proqramlarının əsas funksiyaları ilə ətraflı şəkildə tanış olacaq, bu proqramlardan effektiv istifadə üzrə praktiki vərdişlər əldə edəcəklər.

Proqram müddətində real iş mühitinə uyğun tapşırıqlar vasitəsilə iştirakçıların biliklərinin tətbiqi təmin ediləcək, sənədlərin hazırlanması, məlumatların işlənməsi və təqdimatların qurulması sahəsində bacarıqları inkişaf etdiriləcəkdir.

Təlimin sonunda iştirakçıların rəqəmsal savadlılıq səviyyəsinin yüksəldilməsi, iş proseslərinin daha səmərəli təşkili və gündəlik fəaliyyətlərdə Office proqramlarından optimal istifadə bacarıqlarının formalaşdırılması hədəflənir.

Təlimçi: ADPU-nun İKT mərkəzinin baş mütəxəssisi Elnarə Allahverdiyeva

Təlim kursunu müvəffəqiyyətlə bitirən iştirakçılara sertifikat təqdim olunur.

Qeydiyyatdan keçmək üçün aşağıdakı linkə daxil olun. https://docs.google.com/forms/d/1nJwWGUXhfKOeKsQY18YCeMKpWcvWQpBn-EcVuQ3T4pw/edit

Əlavə məlumat: tlc@adpu.edu.az

“Moodle LMS” təliminə qeydiyyat başlandı

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Moodle LMS” təliminə elan qəbul edir.

“ Moodle LSM ” adlı təlimin əsas istiqamətləri aşağıdakılardır:

Təlimdə elektron tədris resurslarından istifadə qaydalarının tətbiq olunma mexanizmi, tələbə və müəllimlərin bu resurslardan istifadə etməklə təhsil fəaliyyətini asanlaşdırması haqqında geniş məlumat veriləcək.

Təlimçi: ADPU-nun İKT mərkəzinin baş mütəxəssisi Elnarə Allahverdiyeva

Təlim kursunu müvəffəqiyyətlə bitirən iştirakçılara sertifikat təqdim olunur.

Qeydiyyatdan keçmək üçün aşağıdakı linkə daxil olun: https://docs.google.com/forms/d/1lTovvgIPyqDbEOYehGPmXW3I4IV4t1Jcgqp97sbcMOA/edit

23 Aprel-Ümumdünya Kitab və Müəlliflik Hüququ Günüdür

#adpu #ElmvəTəhsilNazirliyi #eduaz #kitab

📌 Elm və təhsil naziri Emin Əmrullayev Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) keçirildiyi dövrdə Bakı şəhərində fəaliyyət göstərən təhsil müəssisələrinin fəaliyyətinin tənzimlənməsi məqsədilə əmr imzalayıb.

📝 Əmrə əsasən, WUF13-ün keçiriləcəyi 📆 17-22 may tarixlərində Bakı şəhərində fəaliyyət göstərən təhsil müəssisələrində (məktəbəqədər və internat tipli ümumi təhsil müəssisələri istisna olmaqla) tədris və təlim-tərbiyə prosesinin təşkilində bəzi dəyişikliklər ediləcək.


*Əmrə görə, Bakı şəhərində yerləşən peşə, orta ixtisas və ali təhsil müəssisələrində də tədrisin mayın 18-dən 22-dək distant (məsafədən) formada təşkili əmrdə qeyd olunur.*

#ElmVəTəhsilNazirliyi #EduGovAz #EduAz #ADPU

Azərbaycan Dövlət Pedaqoji Universitetinin Strateji İnkişaf Mərkəzi ADPU-da magistratura və doktorantura səviyyəsində təhsil alan və ya almış şəxslər üçün könüllü əsaslarla “Peşəkar Təcrübə Proqramı”nın III çağırışını elan edir.

Peşəkar təcrübə proqramı 3 aylıq (həftə içi günlərdə gündə ən azı 4 saat olmaqla) təşkil olunacaq.

Namizədlərə qoyulan tələblər:

- Azərbaycan dilində səlis ünsiyyət bacarığı;

- Analitik və yaradıcı düşünmək, çevik qərar vermək, problem həll etmək bacarıqları;

- Təşkilatçılıq və komanda ilə işləyə bilmək bacarığı;

- Məsuliyyətlilik;

- Komputer bilikləri (MS Excel və MS PowerPoint proqramları);

- İngilis dilində sərbəst oxuyub-anlama və araşdırma bacarığı;

Təcrübə saatları könüllünün dərs saatları nəzərə alınmaqla müəyyənləşdirilir.

Proqrama müraciət etmək üçün aşağıdakı linkdən istifadə edərək qeydiyyatdan keçməyiniz xahiş olunur: https://shorturl.at/kNVAZ

Son müraciət tarixi: 30.04.2026

Qeyd: Peşəkar təcrübə proqramını uğurla tamamlayan təcrübəçilərə müvafiq ŞƏHADƏTNAMƏ təqdim olunacaq.

Universitetin sosial-ictimai həyatı necə idarə edilir❓

Tələbələrin fərdi inkişafı üçün universitet hansı addımları atır❓

Tələbə niyə aktiv ictimai fəaliyyətlə məşğul olmalıdır❓

📺"Sualım var!" ın növbəti qonağı sosial və humanitar məsələlər üzrə prorektor professor Fikrət Rzayevdir.

https://youtu.be/N-vRSvKAJX4?si=ko8z0twBkLFW9NkV

ADPU-da bu həftə nə ilə yadda qaldı?
Həftə ərzində universitetdə baş verən əhəmiyyətli hadisələrlə qısa icmalda tanış ola bilərsiniz.

https://youtu.be/vdwOYfnEJxA?si=giuTey6M22P0wzBL

Tədqiqatçılar üçün laboratoriya avadanlıqlarının vahid rəqəmsal bazası yaradılıb

Elm və Ali Təhsil üzrə Dövlət Agentliyi tərəfindən “Rəqəmsal Repozitariyaların İnkişafına Dəstək” layihəsi çərçivəsində laboratoriya avadanlıqları üzrə mərkəzi rəqəmsal repozitariya istifadəyə verilib.

Platformanın yaradılmasında əsas məqsəd ölkənin elmi və ali təhsil müəssisələrində mövcud olan laboratoriya avadanlıqları haqqında məlumatları vahid rəqəmsal bazada toplamaq və tədqiqatçılar üçün bu avadanlıqlara çıxışı asanlaşdırmaqdır. Bu platforma ölkənin elmi və ali təhsil müəssisələrində mövcud olan laboratoriya avadanlıqlarını vahid bazada birləşdirən ilk açıq çıxışlı rəqəmsal repozitariyadır.

Hazırda repozitariyada 29 müəssisəyə aid 2000-ə yaxın laboratoriya avadanlığı haqqında məlumat yerləşdirilib. Bazada avadanlığın adı, istehsalçı şirkəti və ölkəsi, istehsal ili, yerləşdiyi laboratoriya, şəkli, eləcə də avadanlığa məsul şəxs barədə məlumatlar təqdim olunur.

Layihə laboratoriya avadanlıqlarından daha səmərəli istifadə olunmasına, eyni avadanlığın müxtəlif qurumlar tərəfindən təkrar alınmasının qarşısının alınmasına və büdcə vəsaitlərinə qənaət edilməsinə töhfə verəcək. Eyni zamanda, platforma alim və tədqiqatçıların elmi fəaliyyətini dəstəkləməklə yanaşı, elmi, sənaye və korporativ müəssisələr arasında əməkdaşlıq imkanlarını genişləndirəcək.

Hazırda sistemdə yerləşdirilən məlumatlar davamlı olaraq yenilənir və genişləndirilir. Yaxın mərhələdə platformada elmi və ali təhsil müəssisələrinin elmi nəşrlərinin və tədqiqatçı profillərinin də yerləşdirilməsi nəzərdə tutulur.

İnventarında olan laboratoriya avadanlıqları haqqında məlumatları elmi ictimaiyyətlə bölüşmək istəyən sənaye və korporativ müəssisələr də layihəyə qoşula bilərlər.

Qeyd edək ki, hazırda rəqəmsal bazada #ADPU və onun filiallarında olan 165 laboratoriya avadanlığı haqqında da məlumatlar əks olunur.

Rəqəmsal repozitariyaya aşağıdakı keçid vasitəsilə daxil olmaq mümkündür:
https://dspace.eatda.edu.az/home

#EATDA #laboratoriya #ADPU #PedaqojiUnjversitet

ADPU-da intellektual liqa yekunlaşıb

Ətraflı:

https://adpu.edu.az/.../x%C9%99b%C9.../2995-intellektualliqa
#adpu #PedaqojiUniversitet #edu #ElmvəTəhsilNazirliyi #eduaz #eatda