I tədris ilinin tələbələri və magistrantlarının nəzərinə

15 sentyabr tarixində universitetə gəlmə qrafiki

#ADPU #eduaz #PedaqojiUniversitet #ixtisas

Pedaqoji Universitetdə dərs növbələri

#ADPU #eduaz #PedaqojiUniversitet

Pedaqoji Universitet: Qəbul dövründə 8 milyondan çox baxış, 12.500-dək müraciət

2025/2026-cı tədris ili üçün ali məktəblərin bakalavriat və magistratura pillələrinə tələbə qəbulu və elektron qeydiyyat prosesi müddətində (30 iyun 2025-ci il - 11 sentyabr 2025-ci il tarixləri aralığında) Pedaqoji Universitetin İctimaiyyətlə əlaqələr və marketinq şöbəsi tərəfindən abituriyentlərdən, tələbələrdən, həmçinin ictimaiyyət və media nümayəndələrindən daxil olan müraciətlərə çevik cavab verilməsi istiqamətində planlı iş aparılıb. Xüsusilə abituriyentlər və onların valideynlərinin ixtisas seçimi, mövcud ixtisaslar, universitetin infrastrukturu və naviqasiyası, təqaüd imkanları, yataqxana, onlayn qeydiyyat, təhsil tələbə krediti və digər bu kimi məsələlərlə bağlı müraciətləri operativ şəkildə nəzərdən keçirilib və zəruri dəstək göstərilib.
30 iyun - 11 sentyabr tarixləri aralığında universitetin sosial media hesablarında məlumat xarakterli 60 poster və videoməzmun paylaşılıb ki, bu məzmunlar rəsmi instaqram, feysbuk və linkedin səhifələri, teleqram, votsap və yutub kanalları vasitəsilə ümumilikdə 8 milyon 125 min dəfə izlənilib. Bu, paylaşımlara orta hesabla bir gün ərzində 112 min 847 dəfə baxılması deməkdir. Hesabat dövrü ərzində şöbə tərəfindən vətəndaşlardan müxtəlif əlaqə vasitələri ilə daxil olmuş ümumilikdə 12.453 müraciət operativ qaydada cavablandırılıb ki, bu da orta hesabla bir günə 173 müraciət deməkdir. Müraciətlərin 10.199-u instaqram səhifəsi üzərindən, 1.239-u votsap xəttindən, 356-ı feysbuk, linkedin və teleqram səhifələri və imeyl vasitəsilə, 609-u isə zəng formasında daxil olan müraciətlərdir.
Qeyd edək ki, ötən ilin analoji dövrü ərzində cavablandırılmış müraciətlərin ümumi sayı 5.356 təşkil etmişdir ki, bu da ötən illə müqayisədə 132.5 %-dən çox artım deməkdir.
Onlayn qeydiyyatla bağlı universitetdə yerində müraciət xidmətinin təşkil edilməməsinə baxmayaraq, müraciət etmiş 50-dən çox vətəndaşa yerində xidmət göstərilib.
Şöbə tərəfindən ADPU-ya yeni qəbul olunmuş tələbələrin məlumatlandırılması və tədris prosesinə adpaptasiyasına dəstək göstərilməsi istiqamətində işlər davam etdirilir.

Münaqişələrin həlli və stressin idarə edilməsi” adlı təlim keçiriləcək

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Münaqişələrin həlli və stressin idarə edilməsi” adlı təlim təşkil edir.
Təlim zamanı iştirakçılara münaqişə, elementləri, növləri və əlamətləri, münaqişənin səbəbləri və dinamikası, münaqişələrin gedişinə təsir edən amillər, münaqişələrin nəticələri və funksiyaları, münaqişələrin həlli stilləri və aradan qaldırılması yolları, danışıqlar, xüsusiyyətləri, növləri və funksiyaları, danışıqların strategiyası, mövqe sövdələşməsinin xüsusiyyətləri stress, daxili, xarici və şəxsi amilləri, stressin nəticələri, stressin idarə olunması strategiyası öyrədiləcək. Təlim iştirakçılarında müxtəlif rol oyunları, keyslər, beyin həmləsi, diskussiya, metod və digər vasitələrdən istifadə etməklə empatiyanın qurulması üzrə bacarıqlar təkmilləşdirilir.
Təlim 1-ci dərəcəli dövlət qulluqçusu dosent Afaq Hüseyn tərəfindən aparılacaq. Təlim canlı formada müəllim və tələbə heyəti üçün nəzərdə tutulmuşdur. Təlimin sonunda iştirak edənlər sertifikatla təmin olunacaq.

Qeydiyyat:

https://docs.google.com/forms/d/1fks-0fNDkIGFr1rV_V-0pwl8G6FizFDVkjzuoUMJelM/edit

Təəssüf hissi ilə bildiririk ki, ADPU-nun Fizika fakültəsinin Ümumi fizika kafedrasının professoru, Əməkdar müəllim, uzun illər elmi-tədqiqat və ali təhsil idarəetməsi sahəsində müxtəlif vəzifələrdə çalışmış Həmzə Səməd oğlu Seyidli vəfat edib.
Pedaqoji Universitetin rəhbərliyi və professor-müəllim heyəti mərhum alimin yaxınlarına dərin hüznlə başsağlığı verir.
Allah rəhmət eləsin!

15 sentyabr - Bilik Günü

Yeni tədris iliniz uğurlu olsun!

Yüksək ballı tələbələr müəllimliyi seçdilər

Ətraflı: http://bit.ly/3K6NwX9

#adpu #edu #ElmvəTəhsilNazirliyi #eduaz

11-ci BAKI BEYNƏLXALQ KİTAB SƏRGİSİ – REGİONUN ƏN BÖYÜK KİTAB BAYRAMINA SİZ DƏ QOŞULUN


Azərbaycan Respublikası Mədəniyyət Nazirliyinin təşkilatçılığı ilə 1-7 oktyabr 2025-ci il tarixində Bakı Ekspo Mərkəzində 11-ci Bakı Beynəlxalq Kitab Sərgisi (Baku International Book Fair 2025) keçiriləcək.

"Texno-insan: dünənin əfsanəsi, bu günün hadisəsi" mövzusuna həsr olunmuş builki sərgidə hazırda iştirak üçün 18 ölkədən 41 xarici təşkilat, 100-dən artıq yerli nəşriyyat-poliqrafiya və kitab sənəti ilə əlaqəli müəssisə qeydiyyatdan keçib.

Sərgidə Azərbaycanın xalq yazıçıları və şairləri, tanınmış gənc yazarlar, dünyaşöhrətli xarici yazıçılar iştirak edəcəklər.

Sərgi çərçivəsində uşaqlar və böyüklər üçün master klaslar, inklüzivlik və digər aktual mövzular üzrə kitab təqdimatları, imza günləri, konfranslar, simpoziumlar, müsabiqələr, qiraət və musiqi saatları və kitab sənayesi sektorunun subyektləri arasında əməkdaşlıq platformaları təşkil ediləcək.

Sərgi müddətində müxtəlif formatda 250-dən çox tədbirin təşkili nəzərdə tutulur.

Türkiyə, Argentina, İngiltərə, Litva, Qətər və digər ölkələrin görkəmli yazarları, elm adamları sərgidə təmsil olunacaq.

Ziyarətçilərin “Elmlər akademiyası”, “28 may” və “Koroğlu” metrostansiyalarından Bakı Ekspo Mərkəzinə xüsusi avtobuslar vasitəsilə gediş-gəlişi təmin ediləcəkdir.

Sərginin iş vaxtı: 10:00-dan 20:00-dəkdir.

Sərgiyə giriş ödənişsizdir.

Sərgidə iştirakla bağlı qeydiyyat sənədləri ən son 2025-ci il sentyabrın 25-dək Təşkilat Komitəsinə təqdim edilməlidir.

Qaynar xətt: (+99412) 147

📧 bakubookfair@culture.az
🌐 www.bakubookfair.az
📸 Instagram: @baku_book_fair

#BakuBookFair2025 #BakıKitabSərgisi2025 #11ciBakıKitabSərgisi #BakuInternationalBookFair

Bu gün dahi bəstəkar, Azərbaycan milli operasının banisi Üzeyir Hacıbəylinin anadan olmasının 140 ili tamam olur.
18 Sentyabr ölkəmizdə Milli Musiqi Günü kimi qeyd edilir.
Qeyd edək ki, ADPU-nun İncəsənət və fiziki tərbiyə fakültəsində semestr birincisinə dahi bəstəkarın adını daşıyan təqaüd verilir.

#adpu #eduaz #ElmvəTəhsilNazirliyi #MilliMusiqiGünü #ÜzeyirHacıbəyli140

STEAM təhsil: problemlər və prespektivlər II Respublika elmi konfransı


Konfransın bölmələri:

• I bölmə. STEAM və erkən təhsil: Uşaqlarda marağın formalaşdırılması

• II bölmə. STEAM təhsilində fənlərin rolu və yeni pedoqoji modellər.

• III bölmə. STEAM və icma əməkdaşlığı: Məktəb-Universitet-Sənaye əlaqələri

Davamlı İnkişaf Məqsədləri (SDG).

• IV bölmə. STEAM və Yaradıcılıq: İncəsənətin rolu və estetik yanaşmalar.

• V bölmə. Təbiət elmlərinin tədrisində STEAM yanaşması: fənlərarası inteqrasiya təcrübəsi və prespektivləri.

• VI bölmə. Riyaziyyat və mühəndislik dizaynı: STEAM-də hesablama və modelləşmə.

Tezislərin hazırlanma qaydaları:

Kağız formatı A5, kənar sahələr 2.0 sm

Şrift, şriftin ölçüsü: Times New Roman, 12

İnterval və məsafələr: Sətirarası məsafə 1 interval, abzas 0,75 sm (Tab-sız və boşluqsuz).

Məruzənin adı: baş həriflə, tünd şriftlə, mərkəzə düzəldilmiş.

Müəllif(lər)in Soyadı A.A: tünd şriftlə, mərkəzə düzəldilmiş.

Oxuduğu təhsil müəssisəsinin adı: adi və kursiv şriftlə, mərkəzə düzəldilmiş.

Müəllif(lər)in elektron ünvanı: adi və kursiv şriftlə, mərkəzə düzəldilmiş.

Əsas mətn: adi şriftlə, kənarlara düzəldilmiş.

Şəkil, qrafik və cədvəllər: mətndə istinaddan sonra verilir, birdən artıq olduqda nömrələnir.

Konfrans materiallarının dili: Azərbaycan, rus və ingilis

Tezisin həcmi: şəkillər qrafiklər, cədvəllər və ədəbiyyat sıyahısı da daxil olmaqla tam 2 səhifə.

Şəkil, qrafik və cədvəllər mətnin daxilində verilməlidir. Şrift 12, interval 1, Times New Roman.

Qeyd: Bir müəllif ən çoxu 3 tezis təqdim edə bilər. Yalnız tələblərə uyğun tərtib olunmuş tezislər qəbul edilir. Bir tezisdə müəlliflərin sayı 2-dən çox olmamalıdır.

Məruzənin son göndərilmə tarixi: 20 oktyabr 2025-ci il, həftəiçi saat 10:00-16:00 aralığı

Konfrans 27 oktyabr 2025-ci il ildə keçiriləcək.

Məruzələrin elektron variantının göndəriləcəyi ünvan: natella.namazova.adpu@gmail.com


Azərbaycan Dövlət Pedaqoji Universiteti