Bu gün Azərbaycan Dövlət Pedaqoji Universitetinin rektoru, tarix elmləri doktoru, professor Cəfər Cəfərovun doğum günüdür.

Azərbaycan Dövlət Pedaqoji Universitetinin professor-müəllim heyəti və çoxminlik tələbə kollektivi adından rektorumuzu səmimi-qəlbdən təbrik edir, möhkəm cansağlığı və peşəkar müəllim kadrlarının hazırlanması yolunda apardığı vacib islahatlarda davamlı uğurlar arzu edirik.
Doğum gününüz mübarək, cənab rektor!

“Uyğunlaşma və dəyişikliklərin idarə edilməsi” adlı təlimə qeydiyyat başlanır

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Uyğunlaşma və dəyişikliklərin idarə edilməsi” adlı təlim təşkil edir.

Təlimin məqsədi iştirakçılara dəyişikliklərin effektiv idarə olunması sahəsində zəruri bilik və bacarıqların qazandırılmasıdır. Təlim çərçivəsində dəyişiklik strategiyasının hazırlanması, dəyişiklik üçün dəstəyin formalaşdırılması mərhələlərinin müəyyən edilməsi, dəyişikliklərin idarə olunması və kommunikasiya planlarının hazırlanması mövzuları əhatə olunur.

Bununla yanaşı, iştirakçılar məlumatların toplanması, mövcud narahatlıqların müəyyənləşdirilməsi və aradan qaldırılması, alternativlərin dəyərləndirilməsi və dəyişiklik istiqamətinin uyğunlaşdırılması üçün effektiv strategiyaların tətbiqi üzrə praktiki yanaşmalarla tanış olacaqlar. Təlimdə həmçinin insanların dəyişiklikləri dəstəkləməyə təşviq edilməsi, inandırma metodları və dəyişikliklərin idarə olunmasına dair müasir texnologiyalar təqdim ediləcəkdir.

Təlim I dərəcəli dövlət qulluqçusu dosent Afaq Hüseyn tərəfindən aparılacaq. Təlim canlı formada müəllim və tələbə heyəti üçün nəzərdə tutulmuşdur. Təlimin sonunda iştirak edənlər sertifikatla təmin olunacaq.

Qeydiyyatdan keçmək üçün aşağıdakı linkə daxil olun: https://forms.gle/xLZWbhF1ixy7b6vm7

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Microsoft Office proqramları təminatı” təliminə elan qəbul edir.

Müasir iş mühitində rəqəmsal bacarıqların rolu nəzərə alınaraq təşkil olunan bu təlim proqramının əsas məqsədi iştirakçıların Microsoft Office proqramları üzrə bilik və bacarıqlarının artırılmasıdır. Təlim çərçivəsində iştirakçılar Word, Excel və PowerPoint proqramlarının əsas funksiyaları ilə ətraflı şəkildə tanış olacaq, bu proqramlardan effektiv istifadə üzrə praktiki vərdişlər əldə edəcəklər.

Proqram müddətində real iş mühitinə uyğun tapşırıqlar vasitəsilə iştirakçıların biliklərinin tətbiqi təmin ediləcək, sənədlərin hazırlanması, məlumatların işlənməsi və təqdimatların qurulması sahəsində bacarıqları inkişaf etdiriləcəkdir.

Təlimin sonunda iştirakçıların rəqəmsal savadlılıq səviyyəsinin yüksəldilməsi, iş proseslərinin daha səmərəli təşkili və gündəlik fəaliyyətlərdə Office proqramlarından optimal istifadə bacarıqlarının formalaşdırılması hədəflənir.

Təlimçi: ADPU-nun İKT mərkəzinin baş mütəxəssisi Elnarə Allahverdiyeva

Təlim kursunu müvəffəqiyyətlə bitirən iştirakçılara sertifikat təqdim olunur.

Qeydiyyatdan keçmək üçün aşağıdakı linkə daxil olun. https://docs.google.com/forms/d/1nJwWGUXhfKOeKsQY18YCeMKpWcvWQpBn-EcVuQ3T4pw/edit

Əlavə məlumat: tlc@adpu.edu.az

“Moodle LMS” təliminə qeydiyyat başlandı

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Moodle LMS” təliminə elan qəbul edir.

“ Moodle LSM ” adlı təlimin əsas istiqamətləri aşağıdakılardır:

Təlimdə elektron tədris resurslarından istifadə qaydalarının tətbiq olunma mexanizmi, tələbə və müəllimlərin bu resurslardan istifadə etməklə təhsil fəaliyyətini asanlaşdırması haqqında geniş məlumat veriləcək.

Təlimçi: ADPU-nun İKT mərkəzinin baş mütəxəssisi Elnarə Allahverdiyeva

Təlim kursunu müvəffəqiyyətlə bitirən iştirakçılara sertifikat təqdim olunur.

Qeydiyyatdan keçmək üçün aşağıdakı linkə daxil olun: https://docs.google.com/forms/d/1lTovvgIPyqDbEOYehGPmXW3I4IV4t1Jcgqp97sbcMOA/edit

23 Aprel-Ümumdünya Kitab və Müəlliflik Hüququ Günüdür

#adpu #ElmvəTəhsilNazirliyi #eduaz #kitab

📌 Elm və təhsil naziri Emin Əmrullayev Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) keçirildiyi dövrdə Bakı şəhərində fəaliyyət göstərən təhsil müəssisələrinin fəaliyyətinin tənzimlənməsi məqsədilə əmr imzalayıb.

📝 Əmrə əsasən, WUF13-ün keçiriləcəyi 📆 17-22 may tarixlərində Bakı şəhərində fəaliyyət göstərən təhsil müəssisələrində (məktəbəqədər və internat tipli ümumi təhsil müəssisələri istisna olmaqla) tədris və təlim-tərbiyə prosesinin təşkilində bəzi dəyişikliklər ediləcək.


*Əmrə görə, Bakı şəhərində yerləşən peşə, orta ixtisas və ali təhsil müəssisələrində də tədrisin mayın 18-dən 22-dək distant (məsafədən) formada təşkili əmrdə qeyd olunur.*

#ElmVəTəhsilNazirliyi #EduGovAz #EduAz #ADPU

Azərbaycan Dövlət Pedaqoji Universitetinin Strateji İnkişaf Mərkəzi ADPU-da magistratura və doktorantura səviyyəsində təhsil alan və ya almış şəxslər üçün könüllü əsaslarla “Peşəkar Təcrübə Proqramı”nın III çağırışını elan edir.

Peşəkar təcrübə proqramı 3 aylıq (həftə içi günlərdə gündə ən azı 4 saat olmaqla) təşkil olunacaq.

Namizədlərə qoyulan tələblər:

- Azərbaycan dilində səlis ünsiyyət bacarığı;

- Analitik və yaradıcı düşünmək, çevik qərar vermək, problem həll etmək bacarıqları;

- Təşkilatçılıq və komanda ilə işləyə bilmək bacarığı;

- Məsuliyyətlilik;

- Komputer bilikləri (MS Excel və MS PowerPoint proqramları);

- İngilis dilində sərbəst oxuyub-anlama və araşdırma bacarığı;

Təcrübə saatları könüllünün dərs saatları nəzərə alınmaqla müəyyənləşdirilir.

Proqrama müraciət etmək üçün aşağıdakı linkdən istifadə edərək qeydiyyatdan keçməyiniz xahiş olunur: https://shorturl.at/kNVAZ

Son müraciət tarixi: 30.04.2026

Qeyd: Peşəkar təcrübə proqramını uğurla tamamlayan təcrübəçilərə müvafiq ŞƏHADƏTNAMƏ təqdim olunacaq.

Universitetin sosial-ictimai həyatı necə idarə edilir❓

Tələbələrin fərdi inkişafı üçün universitet hansı addımları atır❓

Tələbə niyə aktiv ictimai fəaliyyətlə məşğul olmalıdır❓

📺"Sualım var!" ın növbəti qonağı sosial və humanitar məsələlər üzrə prorektor professor Fikrət Rzayevdir.

https://youtu.be/N-vRSvKAJX4?si=ko8z0twBkLFW9NkV