Имом Ибн Жавзий раҳимаҳуллоҳ айтадилар: "Ким вафот этганидан кейин ҳам (савобли) амаллари тўхтаб қолмаслигини истаса, илм тарқатсин (таълим берсин)"

🗣Ҳасан Басрий раҳматуллоҳи алайҳ айтадилар:
“Ҳилм – илмнинг вазири. Мулойимлик – илмнинг отаси. Тавозеъ эса илмнинг либосидир”.

⏺Ҳилм – қийинчиликларга сабрли ва матонатли бўлиб, ғазабни ичга ютиш, одамлар билан муомалада юмшоқ бўлишдир. Бунинг акси – ғазаб, жиззакилик ва сержаҳлликдир.

⏺Мулойимлик – юмшоқлик, оғир-босиқлик билан муомала қилиш. Унинг акси – дағаллик, қўполлик, бағритошлик, қўрсликдир. Расулуллоҳ соллаллоҳу алайҳи васаллам: “Албатта, Аллоҳ мулойимдир ва мулойимликни яхши кўрадир”, деганлар.

⏺Тавозеъ – ўзини катта тутмаслик. Бунинг акси – такаббурлик, ўзини катта санаш, ғурурланиш.

Ҳазрати Али каррамаллоҳу важҳаҳу: "Фарзандларингизга ўз замонасининг илмини ўргатинглар, чунки улар ўша замон учун яртилганлар", деганлар.

Hasan Basriy aytadilar:
“Agar ilmning surati bo‘lganida. Quyoshdan, oydan, yulduzu osmondan ham chiroyli bo‘lardi”.

1⃣. Илм орқали Аллоҳ танилади ва Унга ибодат қилинади.
2⃣. Илм эътиқодлар ва ибодатларнинг асосидир.
3⃣. Илм талаб қилиш ибодатдир.
4⃣. Илм жаннатга етиш йўлидир.
5⃣. Илм ўз эгасига Аллоҳдан қўрқишни касб қилдиради.
6⃣. Илм ўз эгасига халойиққа нисбатан тавозеъ бўлишни ўргатади.
7⃣. Илмдан, аввало, эгаси, кейин бошқалар ҳам фойда олади.
8⃣. Илмнинг ажри унинг эгасининг ажалидан кейин ҳам боқий қолади.
9⃣. Илм ўз эгасини Пайғамбарлардан кейинги энг юқори мартабага эриштиради.
1⃣0⃣. Илм пастни баланд, хорни азиз ва синганни бутун қилади.
1⃣1⃣. Илм кишини жаҳолат зулматидан маърифат нурига чиқаради.
1⃣2⃣. Илм туфайли силаи раҳм қилинади ва ҳақ-ҳуқуқлар адо этилади.

📿 Набий соллаллоҳу алайҳи васаллам охиратга риҳлат қилгунларига қадар тўққиз йил Рамазон рўзасини тутганлар. Шулардан аксарида Рамазон ойи йигирма тўққиз кунлик, озроғида ўттиз кунлик бўлган. Бу борада Абдуллоҳ ибн Масъуд розияллоҳу анҳудан ривоят қилинган ҳадисда зикр қилинган: “Расулуллоҳ соллаллоҳу алайҳи васалламнинг даврларида 29 кун тутган рўзамиз 30 кун тутганимиздан кўпроқ эди” (Имом Аҳмад ривояти).

📌

Шунга кўра, ҳеч ким ўзича Рамазон доим ўттиз кун бўлади, деб ҳукм чиқариши асло тўғри эмасдир. Бундай дейиш саҳиҳ ҳадислар ва уламолар ижмоси (иттифоқи)га зиддир.

💬 Саҳл ибн Абдуллоҳ Тустарий раҳимаҳуллоҳ айтадилар: "Илм олиш дунё лаззатларидан биридир. Агар унга амал қилинса, охират лаззатига айланади".

📖 Аллоҳ таоло бундай марҳамат қилади: "Аллоҳга тақво қилинг. Ва Аллоҳ сизга илм берадир" (Бақара сураси, 282-оят).